ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅଂଚଳର ଗୋପବନ୍ଧୁ ନଗର ସନ୍ତୋଷ ପାତ୍ରଙ୍କ ଯୁକ୍ତ ଦୁଇ ପଢୁଆ ଝିଅ ସୋନାଲି ପାତ୍ର (୧୭ )ଙ୍କ ମୃତଦେହ ଗତ ମଙ୍ଗଳ ବାର ସଂଧ୍ୟାରେ ନିଜ ଘର ଭିତରେ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା l
ସୋନାଲିଙ୍କ ମୃତ୍ୟୁ ବେଳେ ପରିବାର ଲୋକେ ବାହାରେ ଥିବା ବେଳେ ପଡୋଶୀ ଙ୍କ ଠାରୁ ଖବର ପାଇ ପରିବାର ଲୋକେ ଏଵଂ ବାଲୁଗାଁ ପୋଲିସ ଉପସ୍ଥିତି ରେ ସୋନାଲି ଙ୍କ ମୃତ ଦେହ ଉଦ୍ଧାର କରା ଯାଇଥିଲା।ସୋନାଲି ଙ୍କ ମୃତ୍ୟୁ ପ୍ରଥମେ ଆତ୍ମ ହତ୍ୟା ବୋଲି ସନ୍ଦେହ କରାଯାଉଥିବା ବେଳେ ପରବର୍ତ୍ତୀ ସମୟରେ ସୋନାଲି ଙ୍କ ମୋବାଇଲ ଉଦ୍ଧାର ହେବା ପରେ ସେଥିରୁ ସୋନାଲି ଙ୍କ ସାଙ୍ଗ ମାନଙ୍କ ସହ ଚାଟିଂ ଏବଂ ଧମକ ପୂର୍ଣ୍ଣ ଭଏସ ରେକର୍ଡ ଥିବା ମୋବାଇଲ ଟି ପୋଲିସ ର ହସ୍ତଗତ ହୋଇଛି l
ଯାହା ଫଳରେ ତଦନ୍ତ ର ଦିଗ ଟି ଅନ୍ୟ ମୋଡ ନେଇ ଘଟଣା ର ପ୍ରକୃତ ସତ୍ୟାସତ୍ୟ ଜାଣିବା ପାଇଁ ବାଲୁଗାଁ ପୋଲିସ ଚେଷ୍ଟା ଜାରି ରଖିଛି ।ଗତକାଲି ତିନି ଜଣିଆ ସାଇଣ୍ଟିଫିକ ଟିମ ଘଟଣା ସ୍ଥଳରେ ପହଁଚି ଛାନଭିନ୍ କରିଥିଲେ । ଅନ୍ୟ ପଟେ ପାଠ ପଢ଼ୁଆ ଝିଅ କୁ ହରେଇ ସୋନିଲି ଙ୍କ ପରିବାର ଲୋକେ ଏବେ ଦୁଃଖ ରେ ଭାଙ୍ଗି ପଡ଼ିବା ସହ ନ୍ୟାୟ ଅପେକ୍ଷା ରେ ଆଖିରୁ ଲୁହ ଗଡ଼ାଉଛନ୍ତି। ଯାହାକି ଛାନଭିନ୍ ସମୟରେ ସୋନାଲି ଙ୍କ ମୋବାଇଲ ରୁ ତଥ୍ୟ ପାଇବା ପରେ ପୋଲିସ ଘଟଣା ରେ ସଂପୃକ୍ତ ଥିବା ବ୍ୟକ୍ତି ଙ୍କ ବିରୁଦ୍ଧରେ କି ପ୍ରକାର ପଦକ୍ଷେପ ନେଉଛି ତାହା ଦେଖିବକୁ ବାକି ରହିଲା l