ସୂଚନା ପାଇ ଜିଲ୍ଲା ଖଜୁରିଆପଡ଼ାରେ ରେଡ୍ କରିଥିଲା STF ଟିମ୍ । ସେଠାରୁ ଚିତା ବାଘ ଚମଡ଼ା ସହ ଅନ୍ୟାନ୍ୟ ଶିକାର ସାମଗ୍ରୀ ଜବତ କରିଥିଲା ଏହି ଟିମ୍ । ଘଟଣାରେ ସଂପୃକ୍ତ ୨ ଅଭଯୁକ୍ତଙ୍କୁ ଗିରଫ କରାଯାଇଛି । ସେମାନେ ହେଲେ ଅରାପାଜୁ ଗାଁର ସୁଜିତ ରାଜସ୍ୱଦୀପ ଏବଂ ସେହି ଗାଁର ଧନଞ୍ଜୟ ବେହେରା ।
ବାଘ ଚମଡ଼ା ରଖିବା ନେଇ ସେମାନଙ୍କ ପାଖେ କୌଣସି ଆଇନଗତ ଅଧିକାର ନାହିଁ । ତେଣୁ ସେମାନଙ୍କୁ ଗିରଫ କରାଯାଇଛି । ଏବେ ସେମାନଙ୍କୁ SDJM କୋର୍ଟ ପଠାଯିବ । ଅନ୍ୟପଟେ, ବାୟୋଲୋଜିକାଲ ଟେଷ୍ଟ ପାଇଁ ଚମଡ଼ାଟିକୁ ଡେରାଡୁନ ପଠାଇଛି । ଘଟଣାର ତଦନ୍ତ ଜାରି ରହିଛି ।
ଅନୁଗୁଳ ବ୍ଳକ୍ ବନ୍ତଳା ଅଞ୍ଚଳରେ ହାତୀଙ୍କ ଉପଦ୍ରବ ବଢ଼ିବାରେ ଲାଗିଛି । କେତେବେଳେ ଫସଲହାନୀ ତ ଆଉ କେତେବେଳେ ଲୋକଙ୍କ ଜୀବନ ନେଉଛନ୍ତି । ଆଜି ବଡ଼କନ୍ତକୁଳ ଗାଁର ଜଣଙ୍କୁ ଦଳିଦେଇଛି ହାତୀ ।
ସୂଚନା ଅନୁସାରେ ବନ୍ତଳା ବନାଞ୍ଚଳ ବଡ଼କନ୍ତକୁଳ ଗାଁର ମୁଳି ପ୍ରଧାନ ଓ ଗୌରୀ ରାଉଳ ଆଜି ସକାଳୁ ଆମ୍ବ ଗୋଟାଇବା ପାଇଁଗୌ ଗାଁ ନିକଟ ଆମ୍ବ ବଗିଚାକୁ ଯାଇଥିଲେ । ଆମ୍ବ ଗୋଟାଉଥିବା ବେଳେ ଏକ ଦନ୍ତା ଆସି ମୁଳି ପ୍ରଧାନଙ୍କୁ ଶୁଣ୍ଢରେ ଆକ୍ରମଣ କରିବା ସହ ଦଳି ଦେଇଥିଲା । ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ସେହିପରି ଗୌରୀ ମଧ୍ୟ ହାତୀ ଆକ୍ରମଣରେ ଗୁରୁତର ଆହତ ହୋଇଥିଲେ । ଚିକିତ୍ସା ପାଇଁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଗତ ୪ ମାସରେ ଅନୁଗୁଳ ବ୍ଳକ୍ ଅଞ୍ଚଳରେ ହାତୀ ଆକ୍ରମଣରେ ୧୦ ଜଣଙ୍କ ଜୀବନ ଗଲାଣି ।
କେନ୍ଦ୍ର ସରକାର ବାରମ୍ବାର NCERT ପୁସ୍ତକରୁ ଗୋଟିଏ ପରେ ଗୋଟିଏ ବିଷୟକୁ ଗାଏବ କରିବା ଆରମ୍ଭ କରିଛନ୍ତି । ପ୍ରଥମେ ମୋଗଲଙ୍କ ଇତିହାସ, ବହିରୁ ହଟାଇ ସରାକର ବିବାଦରେ ଘେରି ହୋଇଯାଇଥିବା ବେଳେ ଏହାର ମାତ୍ର କିଛ ଦିନ ପରେ ଜାତିର ପିତ ମହାତ୍ମା ଗାନ୍ଧୀଙ୍କ ହତ୍ୟାକାରୀ ନାଥୁରାମ ଗୋଡସେଙ୍କ ବିଷୟରେ ଅନେକ ତଥ୍ୟକୁ ହଟାଇ ଦିଆଯାଇଥିଲା । ଏଥିସହିତ ମହାତ୍ମା ଗାନ୍ଧୀଙ୍କ ହତ୍ୟା ପରେ ଆରଏସଏସ ଉପରେ ଆକ୍ସନ ନେଇ ସର୍ଦ୍ଦାର ବଲ୍ଲବଭାଇ ପଟେଲ ଆରଏସଏସକୁ ବ୍ୟାନ କରିଥିବା ତଥ୍ୟକୁ ମଧ୍ୟ ପୁସ୍ତକରୁ ହଟାଇ ଦିଆଯାଇଛି । ଯାହାକୁ ନେଇ ପ୍ରମୁଖ ବିରୋଧି ଦଳ କଂଗ୍ରେସ ସରକାରଙ୍କୁ କଡା ସମାଲୋଚନା କରିଥିଲା । ସେତେବେଳେ ପିଲାଙ୍କୁ ବହିର ବୋଝରୁ ମୁକ୍ତି ଦେବା ପାଇ ଏମିତି ନିଷ୍ପତ୍ତି ନିଆଯାଇଥିବା NCERT ପକ୍ଷରୁ କୁହାଯାଇଥିଲା ।
ଏବେ ଆଉ ଏକ ବିଷୟକୁ ବହିରୁ ହଟାଯାଇଛି, ଯାହାକୁ ନେଇ ପୁଣି ବିବାଦ ଘନେଇବାରେ ଲାଗଛି । ନବମ ଓ ଦଶମ ଶ୍ରେଣୀ ବିଜ୍ଞାନ ପାଠ୍ୟକ୍ରମରୁ ପ୍ରଖ୍ୟାତ ବୈଜ୍ଞାନିକ ଚାର୍ଲସ୍ ଡାରୱିନଙ୍କ ଥିଓରୀ ଅଫ୍ ଏଭୋଲ୍ୟୁସନ୍ ବା କ୍ରମ ବିବର୍ତ୍ତନ ଥିଓରୀକୁ ହାଟାଇ ଦିଆଯାଇଛି । ଆଉ ଏହାକୁ ଏବେ କୌଣସି ରାଜନୈତିକ ଦଳ ନୁହେଁ ବରଂ ଭାରତର ବିଶିଷ୍ଟ ବିଜ୍ଞାନ ଅନୁଷ୍ଠାନ କଡା ବିରୋଧ କରିଛନ୍ତି । ଏହାକୁ ନେଇ ଏନସିଇଆରଟି ବିରୋଧରେ ଏକ ମିଳିତ ହସ୍ତାକ୍ଷର ଦାଖଲ କରିଛନ୍ତି ଭାରତର ବିଶିଷ୍ଠ ବିଜ୍ଞାନ ଅନୁଷ୍ଠାନ । ଭାରତୀୟ ବିଜ୍ଞାନ ଅନୁଷ୍ଠାନ, ଟାଟା ଇନଷ୍ଟିଚ୍ୟୁଟ୍ ଅଫ୍ ଫଣ୍ଡାମେଣ୍ଟାଲ ରିସର୍ଚ୍ଚ ଓ ଭାରତୀୟ ପ୍ରଦ୍ୟୋଗ ସଂସ୍ଥାନ ପରି ପ୍ରମୁଖ ଅନୁଷ୍ଠାନର ପ୍ରତିନିଧିଙ୍କ ଦ୍ୱାରା ହସ୍ତାକ୍ଷର କରାଯାଇ ଏନସିଇଆରଟି ବିରୋଧରେ ଏହି ଅପିଲ କରାଯାଇଛି ।
ବିବାଦ ଘେରକୁ ଆସିଛନ୍ତି ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ । ରାଜ୍ୟରେ ଚାଲିଥିବା ସାମୁହିକ କନ୍ୟା ବିବାହ/ନିକାହ ଯୋଜନାରେ ସେ ବିବାଦୀୟ ହୋଇଛନ୍ତି । ଘଟଣାକୁ ରାଜନୀତିର ରୂପ ଦେଇଛନ୍ତି ବିରୋଧୀ । ସୂଚନା ଅନୁସାରେ ମଧ୍ୟପ୍ରଦେଶରେ ଆର୍ଥିକ ଦୃଷ୍ଟିରୁ ଦୁର୍ବଳ ଥିବା ମହିଳାଙ୍କ ବିବାହ ପାଇଁ ସରକାର ସାମୁହିକ କନ୍ୟା ବିବାହ ଯୋଜନା ଜାରି ରଖିଛନ୍ତି । ଏବେ କିନ୍ତୁ ଡିନ୍ଦୋରୀର ଗଡ଼ସରାଇ ଅଞ୍ଚଳରେ ଏହି କାର୍ଯ୍ୟକ୍ରମ ବେଳେ ମୁଖ୍ୟମନ୍ତ୍ରୀଙ୍କୁ ଟାର୍ଗେଟ୍ କରାଯାଇଛି ।
ଗର୍ଭଧାରଣ ପରୀକ୍ଷା ପରେ ବିବାହ କରିଥାନ୍ତେ ୨୧୯ ଝିଅ । କିନ୍ତୁ ଟେଷ୍ଟିଂ ପରେ ୫ ଝିଅଙ୍କ ରିପୋର୍ଟ ସକାରାତ୍ମକ ଥିବାରୁ ସେମାନେ ବିବାହରୁ ବଞ୍ଚିତ ହୋଇଛନ୍ତି । ବିବାହ ପୂର୍ବରୁ କନ୍ୟାଙ୍କ ଗର୍ଭଧାରଣ ପରୀକ୍ଷା ଅନୁଚିତ, କିଏ ଏଭଳି ନିର୍ଦ୍ଦେଶ ଦେଲା ବୋଲି ପ୍ରଶ୍ନ କରିଛି କଂଗ୍ରେସ । ରାଜ୍ୟ ସରକାରଙ୍କୁ କଡ଼ା ସମାଲୋଚନା କରିଛି ଦଳ । ଏଭଳି ସ୍ଥିତିରେ ବିବାହରୁ ବଞ୍ଚିତ ଜଣେ ମହିଳା କହିଛନ୍ତି ସେ ତାଙ୍କ ପ୍ରେମିକ ସହ ରହୁଥିଲେ । ଗର୍ଭଧାରଣ ସକାରାତ୍ମକ ଥିବାରୁ ଫାଇନାଲ୍ ଲିଷ୍ଟରେ ତାଙ୍କ ନାଁ ନାହିଁ । ପୂର୍ବରୁ ଏଭଳି ପରୀକ୍ଷା ହୋଇନଥିଲା ବୋଲି କହିଛନ୍ତି ବାଚଚାରଗାଁ ସରପଞ୍ଚ ମେଦାନୀ ମାରୱା । ଏହା ଝିଅଙ୍କ ପ୍ରତି ଘୋର ଅପମାନ । ପରିବାର ଆଗରେ ସେମାନ ଅପମାନିତ ହୋଇଥିବା କହିଛନ୍ତି ମାରୱା ।
ସେପଟେ, ଡିନ୍ଦୋରୀ ଡାକ୍ତର କହିଛନ୍ତି ଯେ ବିବାହ ପୂର୍ବରୁ ଝିଅଙ୍କ ବୟସ ଯାଞ୍ଚ, ରକ୍ତହୀନତା ଏବଂ ଶାରୀରିକ ସୁସ୍ଥତା ଜାଣିବା ପାଇଁ ଏଭଳି ଟେଷ୍ଟିଂ କରାଯାଇଥିଲା । ସେ ଆହୁରି କହିଛନ୍ତି ଉଚ୍ଚ କର୍ତ୍ତୃପକ୍ଷଙ୍କ ନିର୍ଦ୍ଦେଶରେ କେତେକ ଝିଅଙ୍କ ଗର୍ଭବତୀ ପରୀକ୍ଷା କରାଯାଇଥିଲା ଯାହା ସନ୍ଦେହରେ ରହିଛି । ଆମେ କେବଳ ପରୀକ୍ଷା କରି ଅନୁସନ୍ଧାନ ରିପୋର୍ଟ ଦେଇଥାଉ ବୋଲି ଡାକ୍ତର କହିଛନ୍ତି ।
କଂଗ୍ରେସ କିନ୍ତୁ ଏହି ମୌକାର ଫାଇଦା ନେବାକୁ ଆଟାକିଂ ଆରମ୍ଭ କରିଛି । ଝିଅଙ୍କ ଗର୍ଭବତୀ ପରୀକ୍ଷା ନିହାତି ନିନ୍ଦନୀୟ । ଏହା ଝିଅ,ମହିଳାଙ୍କୁ ବେଶ୍ ଅପମାନିତ କରିଛି । ଏଥିପାଇଁ ସ୍ଥାନୀୟ ପ୍ରଶାସନ ଓ ରାଜ୍ୟ ସରକାର ଦାୟୀ ବୋଲି କଂଗ୍ରେସ କହିଛି । ପୂର୍ବତନ ମୁଖ୍ୟମନ୍ତ୍ରୀ କମଲ ନାଥ ମଧ୍ୟ କାହା ନିର୍ଦ୍ଦେଶରେ ଏଭଳି ଅପମାନଜନକ କାର୍ଯ୍ୟ କରାଗଲା ବୋଲି ପ୍ରଶ୍ନ କରିଛନ୍ତି । ଏଥିପାଇଁ କିଏ ଦାୟୀ । ମହିଳାଙ୍କ ସମ୍ମାନହାନୀ ହେଉଛି ନା ନାହିଁ । ତୁରନ୍ତ ଘଟଣାର ନିରପେକ୍ଷ ଏବଂ ଉଚ୍ଚସ୍ତରୀୟ ତଦନ୍ତ ଦାବି କରିଛନ୍ତି କମଲ ନାଥ ।
୨୦୦୬ରେ ମଧ୍ୟପ୍ରଦେଶରେ କନ୍ୟା ବିବାହ ଯୋଜନା ଆରମ୍ଭ ହୋଇଥିଲା । ଏହି ଯୋଜନାରେ ସାମିଲ ମହିଳାଙ୍କ ବିବାହ ପାଇଁ ସରକାର ୫୬ ହଜାର ଟଙ୍କା ଆର୍ଥିକ ସହାୟତା ପ୍ରଦାନ କରିଥାନ୍ତି ।
ମଦ ପିଉଥିବା ଲୋକଙ୍କ ପାଇଁ ଖୁସି ଖବର, ଏଣିକି ମଦରେ ଆସୁଛି ବଢିଆ ସ୍କିମ । ତାମିଲନାଡୁ ସରକାର ଆଣିଛନ୍ତି ଏକ ପ୍ରମୁଖ ଲାଇସେନ୍ସ , ଯେଉଁଥିରେ ଏଣିକି ଖାସ ସ୍ଥାନ ଗୁଡିକରେ ମଦ ବିତରଣ କରାଯିବ । ଆପଣ ଏତିକି ଶୁଣିଲା ପରେ ପାଟିରୁ ଲାଳ ଗଡୁଥିବ ନିଶ୍ଚୟ । ତେବେ କନଫରେନ୍ସ ହଲ୍, ବିବାହ ମଣ୍ଡପ, ଭୋଜିଭାତ ହେଉଥିବା ହଲ୍, କ୍ରୀଡା ଷ୍ଟାଡିୟମ ଏବଂ ଘରୋଇ କାର୍ଯ୍ୟରେ ମଦ ପିଇବାକୁ ଅନୁମତି ଦେବା ପାଇଁ ତାମିଲନାଡୁ ସରକାର ଏହି ସ୍ୱତନ୍ତ୍ର ଲାଇସେନ୍ସ ଆଣିଛନ୍ତି ।
ଏଣିକି ଏହି ଯୋଜନାରେ ଦ୍ବାରା ଦର୍ଶାଯାଇଥିବା ସ୍ଥାନ ଗୁଡ଼ିକରେ ମଦ ଉପଲବ୍ଧ ହେବ। ଏହାପୂର୍ବରୁ ତାମିଲନାଡୁ ସରକାର ମଦ ଦରରେ ପରିବର୍ତ୍ତନ କରି ଏହାର ଦାମ୍ ବୃଦ୍ଧି କରିଥିଲେ । ମାର୍ଚ୍ଚ ମାସ 5 ତାରିଖରେ ରାଜ୍ୟ କ୍ୟାବିନେଟର ଏହାକୁ ନେଇ ଏକ ବୈଠକରେ କରାଯାଇଥିଲା ଯେଉଁଥିରେ ଏହି ନୂଆ ନିଷ୍ପତ୍ତି ନିଆଯାଇଛି । କ୍ୟାବିନେଟ ନିଷ୍ପତ୍ତି ଅନୁଯାୟୀ, ୧୮୦ ମିଲି ମଦ କିଣୁଥିବା ଲୋକଙ୍କୁ ୧୦ ଟଙ୍କା, ୩୭୫ ମିଲି ବୋତଲ ପାଇଁ ୨୦ ଟଙ୍କା ଏବଂ ୭୫୦ ମିଲି ବୋତଲ କିଣୁଥିଲେ ଅଧିକ ୪୦ ଟଙ୍କା ଦେବାକୁ ପଡିବ ଗ୍ରାହକଙ୍କୁ । କେବଳ ସେତିକି ନୁହେଁ ଏଣିକି ବିୟର କଲିଣିଲେ ଗ୍ରାହକଙ୍କୁ 10 ଟଙ୍କା ଅଧିକ ଦେବାକୁ ପଡିବ ।
ସଚିନ ତେନ୍ଦୁଲକର । ଗଡ୍ ଅଫ୍ କ୍ରିକେଟ୍ ସଚିନ ତେନ୍ଦୁଲକରଙ୍କ ଆଜି ୫୦ତମ ବାର୍ଥଡେ । ୫୧ ବର୍ଷ ବୟସରେ ପାଦ ରଖିଛନ୍ତି ମହାନ୍ କ୍ରିକେଟର ସଚିନ । ଚାରିଆଡୁ ତାଙ୍କ ପାଇଁ ଆସିଛି ଶୁଭେଚ୍ଛାର ସୁଅ ।
କ୍ରିକେଟ୍ ଜଗତର ବାଦଶାହ । ସର୍ବକାଳୀନ ସର୍ବଶ୍ରେଷ୍ଠ ବ୍ୟାଟସମ୍ୟାନ ସଚିନ ତେନ୍ଦୁଲକର । ନାଁ ହିଁ ଯଥେଷ୍ଟ କାରଣ କ୍ରିକେଟ ପଡ଼ିଆରେ ସେ ଏମିତି କିଛି ସ୍ମୃତି ଛାଡ଼ି ଯାଇଛନ୍ତି ଯାହା ଅଭୁଲା । କେବଳ ଭାରତ ନୁହେଁ ସାରା ବିଶ୍ୱ ତାଙ୍କୁ ମନେ ରଖିବ । ଆଜି ସେହି ମହାନ ବଲେବାଜ୍ ସଚିନ ତେନ୍ଦୁଲକରଙ୍କ ଜନ୍ମଦିନ ।
୧୯୮୯ରୁ ଅନ୍ତର୍ଜାତୀୟ କ୍ରିକେଟ ସଫର । ଦୀର୍ଘ ୨୪ ବର୍ଷ ଅର୍ଥାତ୍ ୨୦୧୩ରେ ଅନ୍ତର୍ଜାତୀୟ କ୍ରିକେଟକୁ ଅଲବିଦା କରିଥିଲେ ସଚିନ । ଜଣେ ବିସ୍ଫୋରକ ତଥା ମହାନ୍ ବ୍ୟାଟସମ୍ୟାନ୍ ଭାବେ ସେ ନିଜର ପରିଚୟ ସୃଷ୍ଟି କରିଥିଲେ । ମାତ୍ର ୧୬ ବର୍ଷ ବୟସରୁ ଇଣ୍ଟରନ୍ୟାସନାଲ୍ ମ୍ୟାଚରେ ଡେବ୍ୟୁ କରିଥିଲେ । ୧୯୮୯ରେ ପାକିସ୍ତାନ ବିପକ୍ଷରେ ଦିନିକିଆ ଆରମ୍ଭ ଏବଂ ୨୦୧୨ରେ ପାକ୍ ଟିମ୍ ବିପକ୍ଷରେ ହିଁ ଖେଳିଥିଲେ ଅନ୍ତିମ ଓଡିଆଇ । ପାକିସ୍ତାନ ବିପକ୍ଷରେ ଟେଷ୍ଟ କ୍ୟାରିୟର ଆରମ୍ଭ କରି ୨୦୧୩ରେ ୱେଷ୍ଟଇଣ୍ଡିଜ୍ ବିରୋଧରେ ଖେଳିଥିଲେ ଅନ୍ତିମ ଟେଷ୍ଟ । ଅନ୍ତର୍ଜାତୀୟ କ୍ରିକେଟକୁ ଅଲବିଦା କରିଥିଲେ ଏହି ମହାନ୍ ଖିଲାଡି । ୨୦୦୬ରେ ଦକ୍ଷିଣ ଆଫ୍ରିକା ବିପକ୍ଷରେ ସେ ଏକମାତ୍ର ଟି-ଟ୍ୱେଣ୍ଟି ମ୍ୟାଚ୍ ଖେଳିଛନ୍ତି । ଦିନିକିଆରେ ସଚିନ ୪୬୩ ମ୍ୟାଚରୁ ୪୯ ଶତକ ସହ ୧୮୪୨୬ ରନ୍ କରିଛନ୍ତି ଯାହା ଆଜି ପର୍ଯ୍ୟନ୍ତ ସର୍ବାଧିକ ସ୍କୋର ରହିଛି । ସେହିପରି ୨୦୦ ଟେଷ୍ଟ ଖେଳି ସଚିନ କରିଛନ୍ତି ୧୫୯୨୧ ରନ୍ ଯେଉଥିରେ ୫୧ ଶତକ ସାମିଲ ଅଛି । IPLରେ ମୁମ୍ବାଇ ଇଣ୍ଡିଆନ୍ସ ପାଇଁ ଖେଳିଥିଲେ ସଚିନ । ୨୦୦୮ରୁ ୨୦୧୩ ଯାଏ ଏହି ଫ୍ରାଞ୍ଚାଇଜ୍ ଲିଗରେ ମଧ୍ୟ କମାଲ କରିଥିଲେ ।
୨୦୧୧ ବିଶ୍ୱକପ୍ ବିଜୟୀ ଟିମ୍ ସଦସ୍ୟ ଥିଲେ ସଚିନ । ୧୯୯୮ରେ ବିଶ୍ୱର ସର୍ବଶ୍ରେଷ୍ଠ ସ୍ପିନର ସେନ୍ ୱାର୍ଣ୍ଣେଙ୍କ ନିଦ ହଜାଇ ଦେଇଥିଲେ । ମୈଦାନରେ ଏମିତି କୌଣସି ବୋଲର ନାହିଁ ଯେ ସଚିନଙ୍କ ପ୍ରହାରରୁ ନିଜକୁ ରୋକିଛି । ସ୍ପିଡଷ୍ଟର ହୁଅନ୍ତି ଅବା ସ୍ପିନର ସମସ୍ତଙ୍କ ନିଦ ହଜିଛି । ବ୍ରେଟ୍ ଲି, ମ୍ୟାକଗ୍ରାଥ,
ସୋଏବ ଅଖତାର, ସେନବଣ୍ଡ, ମୁରଲୀଥରନ୍, ୱାର୍ଣ୍ଣେ, ୱାସିମ ଆକ୍ରମ, ୱାକର ୟୁନୁସ ସମସ୍ତଙ୍କ ପାଇଁ ସେ ଥିଲେ ଟେନସନ୍ । ନିଜ ଟେକନିକ୍, ନିଜ ଅନ୍ଦାଜରେ ସେ ବିସ୍ଫୋରକ ବ୍ୟାଟିଂ କରି ଇତିହାସ ରଚିଛନ୍ତି । ଅନେକ ରେକର୍ଡ ରହିଛି ଯାହା ଅନ୍ୟମାନଙ୍କ ପାଇଁ ଅସମ୍ଭବ ।
ସଫଳତା ଏବଂ ବିଫଳତା ନେଇ ମୈଦାନରେ ଏକକୀ ଲଢୁଥିଲେ ସଚିନ । ଟିମ୍ ଇଣ୍ଡିଆକୁ ସେ ଦିନର ଶକ୍ତିଶାଳୀ ଟିମ୍ ୱେଷ୍ଟଇଣ୍ଡିଜ, ଅଷ୍ଟ୍ରେଲିଆ, ପାକିସ୍ତାନ ହରାଇଛି ହେଲେ ସଚିନକୁ କେହି ପରାସ୍ତ କରିନାହାଁନ୍ତି । ସମସ୍ତେ ଏହି ମହାନ୍ ଖେଳାଳିଙ୍କ ନିକଟରେ ହାର୍ ମାନିଛନ୍ତି ।
ସଚିନ ନିଜ କ୍ୟାରିୟରରେ ଅନେକ ସମ୍ମାନରେ ସମ୍ମାନିତ ହୋଇଛନ୍ତି । ପଦ୍ମଶ୍ରୀ, ପଦ୍ମ ବିଭୁଷଣ ଭଳି ଆୱାର୍ଡ ପ୍ରଦାନ କରାଯାଇଛି । ୨୦୧୪ରେ ତାଙ୍କୁ ଭାରତ ରତ୍ନ ପ୍ରଦାନ କରାଯାଇଥିଲା । କ୍ରୀଡ଼ା କ୍ଷେତ୍ରରେ ସଚିନ ୨୦ରୁ ଅଧିକ ପୁରସ୍କାର ମଧ୍ୟ ପାଇଛନ୍ତି ।
ଧର୍ମପତ୍ନୀ ଅଞ୍ଜଳି, ପୁଅ ଅର୍ଜୁନ ଏବଂ ଝିଅ ସାରାଙ୍କୁ ନେଇ ସଚିନଙ୍କ ଖୁସିର ପରିବାର । କ୍ରୀଡ଼ା କ୍ଷେତ୍ରରେ ଯେମିତି ଭଦ୍ର, ବାହାରେ ମଧ୍ୟ ସମସ୍ତଙ୍କ ସହ ନିଜର ବନ୍ଧୁତା ରକ୍ଷା କରିଛନ୍ତି ମହାନ୍ କ୍ରିକେଟ ଜଗତର ଗଡ୍ । ଆଜି ତାଙ୍କ ଜନ୍ମଦିନରେ Suchanatv24x7 ପରିବାର ପକ୍ଷରୁ ଅନେକ ଅନେକ ଶୁଭେଚ୍ଛା ।
ସୁଦାନରେ ଦିନକୁ ଦିନ ସ୍ଥିତି ସାଙ୍ଘାତିକ ହେବାରେ ଲାଗିଛି । ଗୃହଯୁଦ୍ଧ ଫଳରେ ମୃତ୍ୟୁର ସଂହାରଲୀଳା ଦେଖିବାକୁ ମଳୁଛି । ଦିନ ଗଡି ଚାଲିଛି ଆଉ ମୃତକଙ୍କ ସଂଖ୍ୟା ମଧ୍ୟ ବଢି ବଢି ଚାଲିଛି । ଆହତ ମାନଙ୍କୁ ଚିକିତ୍ସା ପାଇଁ ଡାକ୍ତରଖାନା ନିଆଯାଉଥିବା ବେଳେ ମେଡିକାଲ ଉପରେ ମଧ୍ୟ ବାରମ୍ବାର ଆକ୍ରମଣ କରାଯାଉଛି । ଯାହାଫଳରେ ସ୍ୱାସ୍ଥ୍ୟ ସେବା ବାଧାପ୍ରାପ୍ତ ହେଉଛି ।
ଅନ୍ୟପଟେ ସୁଦାନରେ ଫସି ରହିଥିବା ଭାରତୀୟଙ୍କୁ ଉଦ୍ଧାର କରିବାକୁ ନିରନ୍ତର ଉଦ୍ୟମ ଚାଲିଛି । ଏଥିପାଇଁ ଭାରତ ସରକାରଙ୍କ ପକ୍ଷରୁ ମଧ୍ୟ ସମସ୍ତ ପ୍ରକାର ପ୍ରୟାସ କରାଯାଉଛି । ସୁଦାନରେ ପ୍ରାୟ ୩ ହଜାରରୁ ଅଧିକ ଭରତୀୟ ଫସି ରହିଥିବା ଜଣାପଡିଛି । ଭାରତ ସରକାର ବାୟୁସେନାର ୨ଟି ବିମାନ ସୁଦାନ ପଠାଯାଇଥିବା ବେଳେ ଭାରତୀୟ ନୌସେନା ସକ୍ରିୟ ରହିଛି । ସୁଦାନରେ ଫସିଥିବା ଭାରତୀୟଙ୍କୁ ଉଦ୍ଧାର ପାଇଁ ବିଦେଶ ମନ୍ତ୍ରଣାଳୟ ପକ୍ଷରୁ ସୁଦାନର ଅଧିକାରୀଙ୍କ ଠାରୁ ଆରମ୍ଭ କରି ସାଉଦି ଆରବ, ମିଶର ଓ ଆମେରିକା ସହିତ ଲାଗାତର ଯୋଗାଯୋଗ କରାଯାଉଛି ।
ସୁଦାନରେ ଥିବା ଭାରତୀୟ ଦୂତାବାସ ପକ୍ଷରୁ ଫସି ରହିଥିବା ଲୋକଙ୍କ ସହ ନିୟମିତ ଯୋଗାଯୋଗ କରାଯିବା ସହ ସଜାଗ ରହିବାକୁ ପରାମର୍ଶ ଦିଆଯାଉଛି । ଭାରତୀୟ ନାଗରିକଙ୍କୁ ସେଠାରୁ ସୁରୁଖୁରୁରେ ଉଦ୍ଧାର ପଇଁ ଆରମ୍ଭ ହୋଇଥିବା ମିଶନ କିଭଳି ସଫଳ ହେବ ସେଥିପ୍ରତି ଅଧିକ ଗୁରୁତ୍ବ ଦିଆଯାଉଛି ।