Author: suchanatv24x7

ରକ୍ତ ପରିବହନ କରିବ ଡ୍ରୋନ୍

ରକ୍ତ ଅଭାବ ତଥା ସମୟରେ ରକ୍ତ ନ ପହଞ୍ଚିବାରୁ ଅନେକ ସମୟରେ ବହୁ ଜୀବନ ଚାଲିଯାଉଛି। ଏହି ସମସ୍ୟାକୁ ଏଣିକି ଦୂର କରିବ ଡ୍ରୋନ। ଦୂରଦୂରାନ୍ତରେ ଆବଶ୍ୟକ ହେଉଥିବା ରକ୍ତ ଡ୍ରୋନ୍ ମାଧ୍ୟମରେ ଅଳ୍ପ ସମୟରେ ଡେଲିଭରି ହୋଇପାରିବ । ଚିକିତ୍ସା କ୍ଷେତ୍ରରେ ରକ୍ତର ଆବଶ୍ୟକତା ପୂରଣ କରିବାକୁ ଡ୍ରୋନ ଟେକନୋଲଜିର ସଫଳ ପ୍ରୟୋଗ ହୋଇଛି। ତେବେ ବର୍ତ୍ତମାନ ପାଇଁ ଏହି ପ୍ରଣାଳୀର ପ୍ରୟୋଗ ଜାତୀୟ ରାଜଧାନୀ ଦିଲ୍ଲୀରେ ଆରମ୍ଭ ହୋଇଛି। ପରବର୍ତ୍ତୀ ସମୟରେ ଏହାକୁ ଦେଶର ଅନ୍ୟ ଅଞ୍ଚଳରେ ବି କରାଯିବ ।

ରାଜଧାନୀ ଦିଲ୍ଲୀରେ ଡ୍ରୋନ୍ ସାହାଯ୍ୟରେ ରକ୍ତ ଥଳୀ ପରିବହନ ପରୀକ୍ଷା ସଫଳ ହୋଇଛି। ICMR ପକ୍ଷରୁ ଏହି ପରୀକ୍ଷଣ ହୋଇଥିବା ବେଳେ ଏଥିରେ ସଫଳତା ମିଳିଛି। କିଛି ପର୍ଯ୍ୟାୟର ପରୀକ୍ଷଣ ପରେ ସାରା ଦେଶରେ ରକ୍ତ ପରିବହନ ପାଇଁ ଏହି ପଦ୍ଧତିକୁ ସ୍ୱୀକୃତି ଦିଆଯିବ ବୋଲି ଆଇସିଏମଆରର ମହାନିର୍ଦ୍ଦେଶକ ଡ. ରାଜୀବ ବେହଲ ସୂଚନା ଦେଇଛନ୍ତି ।

ବର୍ତ୍ତମାନର ଡ୍ରୋନ ଦ୍ୱାରା ରକ୍ତ ପରିବହନ ପରୀକ୍ଷଣରେ କେତେକ ନିର୍ଦ୍ଦିଷ୍ଟ ମାନଦଣ୍ଡ ରହିଛି। ମୁଖ୍ୟତଃ ତାପମାତ୍ରା ରକ୍ତକୁ ବ୍ୟବହାର ଉପଯୋଗୀ ରଖିଥାଏ। ଏଥିରେ ବ୍ୟତିକ୍ରମ ହେଲେ ରକ୍ତ ନଷ୍ଟ ହୋଇଯାଏ। ତେଣୁ ଡ୍ରୋନ ମାଧ୍ୟମରେ ରକ୍ତ ପରିବହନ କାଳରେ ନିର୍ଦ୍ଦିଷ୍ଟ ତାପମାତ୍ରାକୁ ଗୁରୁତ୍ୱ ଦିଆଯାଇଛି। ବାକ୍ସରେ ରକ୍ତ ଥଳିକୁ ରଖି ପରିବହନ କରାଯାଇଥିଲା ବେଳେ ବାକ୍ସକୁ ସେହି ତାପମାତ୍ରାରେ ରଖିବାର ବ୍ୟବସ୍ଥା କରାଯାଇଛି ।

ପରୀକ୍ଷାମୁଳକ ରକ୍ତ ପରିବହନରେ ରକ୍ତ ନିର୍ଦ୍ଦିଷ୍ଟ ସ୍ଥାନରେ ପହଞ୍ଚିବା ପରେ ତାର ମାନ ପରୀକ୍ଷା କରାଯାଇଥିଲା । ରକ୍ତର ଗୁଣବତ୍ତାରେ କୌଣସି ପରିବର୍ତ୍ତନ ହୋଇନଥିବା ପରୀକ୍ଷାରୁ ଜଣାପଡ଼ିଲା। ଏହି ସଫଳତା ପରେ ଆଇସିଏମ୍‌ଆର ଡିଜି କହିଛନ୍ତି କି, ଅଧିକ ଉଚ୍ଚତାରେ ଯିବା ବେଳେ ଯେପରି ରକ୍ତର ଗୁଣବତ୍ତାରେ କୌଣସି ପରିବର୍ତ୍ତନ ନ ହେବ ତାହା ଉପରେ ନଜର ରଖାଯାଇଥିଲା। ଏହି ପରୀକ୍ଷଣରେ ଆମେ ଉତ୍ତୀର୍ଣ୍ଣ ହୋଇଛୁ। ତେଣୁ ଆଗାମୀ ଦିନରେ ଦେଶର ବିଭିନ୍ନ ଅଞ୍ଚଳରେ ଡ୍ରୋନ ସାହାଯ୍ୟରେ ରକ୍ତ ଯୋଗାଣକୁ କାର୍ଯ୍ୟକାରୀ କରାଯିବାକୁ ପ୍ରାଥମିକତା ଦିଆଯିବ ।

ଏଠାରେ କହି ରଖୁଛୁ କଅନେକ ସମୟରେ ରକ୍ତ ଅଭାବରୁ ଅନେକ ରୋଗୀଙ୍କର ଅକାଳ ମୃତ୍ୟୁ ହୋଇଥାଏ। ଯଦି ଡ୍ରୋନ ମାଧ୍ୟମରେ ରକ୍ତ ପରିବହନ ହେବ ତେବେ ଦୂରଦୂରାନ୍ତ ଅଞ୍ଚଳକୁ ସ୍ୱଳ୍ପ ସମୟରେ ରକ୍ତ ପହଞ୍ଚା ଯାଇପାରିବ ଓ ରକ୍ତ ଅଭାବଜନିତ ମୃତ୍ୟୁ ସଂଖ୍ୟା ହ୍ରାସ ସମ୍ଭବ ହେବ।
ବଡ଼ବିଲ ଗୁଳିକାଣ୍ଡ ଘଟଣା, ତଦନ୍ତ ଦିଗ ବଦଳାଉଛି ପୋଲିସ: ବିଜେପି

କେନ୍ଦୁଝର ବଡ଼ବିଲ ଗୁଳିକାଣ୍ଡ ଘଟଣାରେ ମ୍ୟୁନିସିପାଲିଟି ଅଧ୍ୟକ୍ଷ ଲକ୍ଷ୍ମଣ ମହାନ୍ତଙ୍କ ସଂପୃକ୍ତି ରହିଛି । ଚାପରେ ଆସି ତଦନ୍ତର ଦିଗ ବଦଳାଉଛି ପୋଲିସ । ଏଭଳି ଅଭିଯୋଗ କରିଛି ରାଜ୍ୟ ବିଜେପି ।

ମେ’ ୧ ତାରିଖ ଗୁଳିକାଣ୍ଡ ଘଟଣାରେ ମୁଖ୍ୟ ଅଭିଯୁକ୍ତ ବିଜେଡି ନେତା ତଥା ବଡ଼ବିଲ ଲକ୍ଷ୍ମଣ ମହାନ୍ତଙ୍କ ସଂପୃକ୍ତି ରହିଛି । ବଡ଼ବିଲ ଥାନାଧିକାରୀ ଏଭଳି କହିବା ପରେ ବଡ଼ବିଲ ପୋଲିସକୁ ଘେରିଛି ବିଜେପି । ଏସପିଙ୍କୁ ଭେଟି ବିଜେପି ନେତା ମୁରଲି ମନୋହର ଶର୍ମା ଏକ ଦାବିପତ୍ର ପ୍ରଦାନ କରିଛନ୍ତି । ରାଜନୈତିକ ଚାପରେ ତଦନ୍ତ ବାଟବଣା ନ ହେବାକୁ ସେ ଅନୁରୋଧ କରିଛନ୍ତି । ଭୋଲା ସିହ୍ନା ହତ୍ୟାକାଣ୍ଡର ତଦନ୍ତ ଠିକ୍ ରାସ୍ତାରେ ଯାଉନଥିବା କହିଛି ବିଜେପି । ଅନ୍ୟପଟେ, ସୁପାରୀ କିଲରକୁ ଦେବା ପାଇଁ ୫ ଲକ୍ଷ ଟଙ୍କା ଆସିଲା କେଉଁଠୁ ସେ ନେଇ ପ୍ରଶ୍ନ କରିଛି ବିଜେପି ।

ବଡ଼ବିଲ ମ୍ୟୁନିସିପାଲିଟି ଅଧ୍ୟକ୍ଷଙ୍କ ଠାରୁ ପାଉଥିବା ନିୟମିତ ଆର୍ଥିକ ସହାୟତା ବନ୍ଦ ହୋଇଯିବାରୁ ହତ୍ୟାକାଣ୍ଡ ଘଟିଥିବା ବିଶ୍ବାସ ହେଉ ନାହିଁ । ଏଭଳି ସ୍ଥିତିରେ ଅଭିଯୁକ୍ତ ସୁଖବିନ୍ଦର କୌର, ମୃତ ଭୋଲା ସିହ୍ନା ଓ ମ୍ୟୁନିସିପାଲିଟି ଚେୟାରମ୍ୟାନଙ୍କ ମଧ୍ୟରେ ଥିବା ସଂପର୍କର ଅଧିକ ଅନୁସନ୍ଧାନ ଆବଶ୍ୟକ । ସେଥିପାଇଁ ଏ ତିନି ଜଣଙ୍କ ମୋବାଇଲ ତୁରନ୍ତ ଜବତ କରି କଲ୍ ରେକର୍ଡ ଓ ସେଥିରେ ଥିବା ସନ୍ଦେହଜନକ ଭିଡିଓ, ଅଡିଓକୁ ଅନୁସନ୍ଧାନ ପରିସରଭୁକ୍ତ କରାଯିବା ଜରୁରୀ । ସେପଟେ,ତଦନ୍ତ ଜାରି ଥିବା ଏସପି କହିଛନ୍ତି । ବିଜେପି ଯେଉଁ ନେତାମାନଙ୍କ ନାମ ଦେଇଛନ୍ତି ତା ଉପରେ ମଧ୍ୟ ତଦନ୍ତ ଚାଲିଛି ।
ଫରିଦାପୁର: ଫ୍ୟାକ୍ଟ୍ରୀରେ ଭୟଙ୍କର ଅଗ୍ନିକାଣ୍ଡ, ୪ ମୃତ

ଉତ୍ତରପ୍ରଦେଶର ବରେଲିର ଫରିଦାପୁରସ୍ଥିତ ଏକ ଫ୍ୟାକ୍ଟ୍ରରେ ଗତ ରାତିରେ ଭୟଙ୍କର ଅଗ୍ନିକାଣ୍ଡ। ଅଗ୍ନିକାଣ୍ଡରେ ୪ ଶ୍ରମିକ ଜୀବନ୍ତ ଦଗ୍ଧ ହୋଇଥିବା ବେଳେ ୩ ଜଣ ଗୁରୁତର ଆହତ ହୋଇଥିବା ସୂଚନା। ଜଣେ ଶ୍ରମିକ ନିଖୋଜ । ଫ୍ୟାକ୍ଟ୍ରୀରେନିଆଁ ଲାଗିବା ପରେ କିଲୋମିଟର କିଲୋମିଟର ବ୍ୟାପୀ କଳା ଧୂଆଁ ଆକାଶକୁ ଆଚ୍ଛାଦିତ କରିଦେଇଥିଲା।

ସୂଚନା ମୁତାବକ, ଫରିଦାପୁରସ୍ଥିତ ଏକ ଫ୍ୟାକ୍ଟ୍ରିର ପରିସରରେ ଏକ ଭୟଙ୍କର ଶବ୍ଦ ହୋଇଥିଲା ଓ କେହି କିଛି ବୁଝିବା ପୂର୍ବରୁ ନିଆଁ ଲାଗିଯାଇଥିଲା। କେହି କିଛି ବୁଝିବା ଆଗରୁ ନିଆଁ ପୂରା କମ୍ପାନୀ ପରିସରକୁ ବ୍ୟପୀଯାଇଥିଲା। ନିଆଁ ଏତେ ପ୍ରଖର ଥିଲା କି କମ୍ପାନୀରୁ ବାହାରିବା ସେଠାରେ କାର୍ଯ୍ୟରତ ଶ୍ରମିକଙ୍କ ପାଇଁ ଅସମ୍ଭବ ହୋଇ ଯାଇଥିଲା। ସେହି ସମୟରେ ସେଠାରେ ପ୍ରାୟ ୧୫୦ ଶ୍ରମିକ କାମ କରୁଥିଲେ । ନିଆଁର ତୀବ୍ରତା ଏତେ ଅଧିକ ଥିଲା ଯେ, କମ୍ପାନୀରେ ଲାଗିଥିବା ଲୁହା ବିମ୍‌ଗୁଡ଼ିକ ଖଣ୍ଡ ଖଣ୍ଡ ହୋଇ ଖସିପଡିଥିଲା ଓ ସେହି ଲୁହା ରଡ ତଳେ ଚାପି ହୋଇ ୪ ଶ୍ରମିକଙ୍କ ମୃତ୍ୟୁ ହୋଇଥିଲା। ମାତ୍ର ଅଳ୍ପ ସମୟ ଭିତରେ କମ୍ପାନୀ ପରିସରର ସବୁ କିଛି ପୋଡି ଜଳି ପାଉଁଶ ହୋଇଯାଇଥିଲା।

ସୂଚନା ପାଇ ବରେଲିରୁ ୧୨ଟି ଦମକଳ ଗାଡ଼ି ଘଟଣାସ୍ଥଳରେ ପହଞ୍ଚିଥିଲା ଓ ବହୁ ସମୟର ଅକ୍ଳାନ୍ତ ଚେଷ୍ଟା ପରେ ନିଆଁ ଉପରେ କାବୁ ମିଳିଥିଲା। ନିଆଁ ଲିଭିବା ପରେ ଭିତରୁ ଶ୍ରମିକଙ୍କୁ ଖୋଜି ବାହାର କରିବା ଏକ ଚ୍ୟାଲେଞ୍ଜ ହୋଇଥିଲା ଅଗ୍ନିଶମ ବାହିନୀ ପାଇଁ। ଗ୍ୟାସ୍‌ କଟରରେ ତତଲା ଲୁହା ବିମ୍‌କୁ କାଟି ତା’ ଭିତରୁ ମୃତଦେହଗୁଡ଼ିକୁ ଉଦ୍ଧାର କରାଯାଇଥିଲା। ଏଥିସହ ୩ ଗୁରୁତରଙ୍କୁ ତୁରନ୍ତ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା। ମୁଖ୍ୟତଃ ଲୁହା ଖଣ୍ଡ ସବୁ ତଳେ ଖସୁ ପଡିଥିବାରୁ ତା ତଳେ ବହୁ ଶ୍ରମିକ ଚାପି ହୋଇ ରହିଥିବା ଅନୁମାନ କରାଯାଉଛି। ସେମାନଙ୍କ ଉଦ୍ଧାର କାର୍ଯ୍ୟ ଜାରି ରହିଛି। ଜଣେ ଅଗ୍ନିଶମ କର୍ମଚାରୀ ମଧ୍ୟ ନିଖୋଜ ଥିବା ସୂଚନା ରହିଛି।

ତେବେ କମ୍ପାନୀରେ ବାହାର ରାଜ୍ୟର ଅଧିକାଂଶ ଲୋକ କାମ କରୁଥିଲେ। ତେଣୁ ସେମାନଙ୍କ ସମ୍ପର୍କରେ ସୂଚନା ମିଳି ପାରିନି। ଏଥିସହ ଅର୍ଦ୍ଧ ତରଳା ଲୁହା ତଳେ ଲୋକ ଥିବାରୁ ମୃତ୍ୟୁ ସଂଖ୍ୟା ଆହୁରି ବଢ଼ିବା ଆଶଙ୍କା କରାଯାଉଛି। କମ୍ପାନୀରେ କିପରି ନିଆଁ ଲାଗିଲା ତାର ସ୍ପଷ୍ଟ ହୋଇନଥିବା ବେଳେ କରଣ ଖୋଜା ଚାଲିଛି। କ୍ଷୟକ୍ଷତିର ବି ଆକଳନ ହୋଇ ନାହିଁ। ଧ୍ୱଂସାବଶେଷ ତଳୁ ଶ୍ରମିକଙ୍କ ସହ ନିଖୋଜ ଅଗ୍ନିଶମ କର୍ମଚାରୀଙ୍କୁ ଖୋଜା ଯାଉଥିବା ଉତ୍ତରପ୍ରଦେଶର ଅଗ୍ନିଶମ ବିଭାଗର ମୁଖ୍ୟ ଅଧିକାରୀ ସୂଚନା ଦେଇଛନ୍ତି।
ଆୟକର ଠକୁଥିଲେ କି ସନାତନ ? ଘରେ ପଶିଲା ଟିମ୍

ଅଡୁଆରେ ଚମ୍ପୁଆର ପୂର୍ବତନ ବିଧାୟକ ସନାତନ ମହାକୁଡ଼ । ତାଙ୍କ ଘରେ ଚଢ଼ାଉ କରିଛି ଆୟକର ବିଭାଗ । ସନାତନଙ୍କ ଭୁବନେଶ୍ୱର ଓ କେନ୍ଦୁଝର ଜିଲ୍ଲାରେ ଥିବା ଘର ସମେତ ଏକକାଳୀନ ୧୦ଟି ସ୍ଥାନରେ ରେଡ୍ କରିଛି ଆୟକର ଟିମ୍ । ସନାତନଙ୍କ କେନ୍ଦୁଝରରସ୍ଥିତ ବଡ଼ବିଲରେ ଥିବା ଭଡ଼ା ଘର,ନନ୍ଦିରାରେ ଥିବା ପୈତୃକ ଘର ଏବଂ ଉଚ୍ଚବାଲିରେ ଥିବା କ୍ୟାମ୍ପ ଅଫିସରେ ଆୟକର ଟିମ୍‌ ଚଢ଼ାଉ ରେଡ୍ କରିଛି । ଆୟକର ବିଭାଗର ୩ଟି ଟିମ୍ ଏଥିରେ ସାମିଲ ହୋଇଛନ୍ତି ।

ପ୍ରଭାବଶାଳୀ ବିଧାୟକଙ୍କ ମଧ୍ୟରୁ ସନାତନ ମହାକୁଡ଼ ଅନ୍ୟତମ । ସେ କୋଟିକୋଟି ଟଙ୍କା ଆୟକର ଫାଙ୍କିଥିବା ଅଭିଯୋଗ ହୋଇଥିଲା । ଏହି ଅଭିଯୋଗ ଆଧାରରେ ପୂର୍ବରୁ ତାଙ୍କ ଘରେ ଚଢ଼ାଉ କରିଥିଲା ଆୟକର ବିଭାଗ । ଆଜି ଭୋରରୁ ଭୁବନେଶ୍ୱର ଓ କେନ୍ଦୁଝରରେ ଥିବା ଘର ସମେତ ବିଭିନ୍ନ ସ୍ଥାନରେ ଚଢ଼ାଉ କରିଥିବା ଜଣାପଡ଼ିଛି । ସନାତନ ସମାଜସେବା କ୍ଷେତ୍ରରେ ଅନେକ ଟଙ୍କା ଖର୍ଚ୍ଚ କରୁଥିବା ଜଣାପଡ଼ିଥିଲା । ହେଲେ ଏତେ ଟଙ୍କା କେଉଁଠୁ ଆଣୁଥିଲେ, ସେ ଆୟକର ଦେଉଥିଲେ ନା ନାହିଁ ସେ ନେଇ ଯାଞ୍ଚ କରାଯାଉଛି । ଏହି ଚଢ଼ାଉ ବେଳେ ସନାତନଙ୍କ ଘରୁ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ କରିଛି ଟିମ୍ ।

ପୂର୍ବରୁ ଅନେକ ଥର ବିଭିନ୍ନ ବିବାଦରେ ଛନ୍ଦି ହୋଇଥିଲେ ସନାତନ । ତାଙ୍କ ନାଁରେ ଥାନାରେ ଅନେକ ମାମଲା ମଧ୍ୟ ରହିଛି । କିଛି ମାମଲାର ସମାଧାନ ହୋଇଥିବା ବେଳେ ଆଉ କେତେକ ମାମଲା ଏବେ ବି ଚାଲିଛି । ସେହିପରି ସନାତନଙ୍କ ଭୁବନେଶ୍ୱର ଥିବା ଆଲିସାନ ଘର, ଅଫିସ ସମେତ ୩ଟି ସ୍ଥାନରେ ଚଢ଼ାଉ କରାଯାଇଛି । ଭୁବନେଶ୍ୱରରେ ଚାଲିଥିବା ଚଢ଼ାଉରେ ଆୟକର ବିଭାଗର ୩ଟି ଟିମ୍ ସାମିଲ ଥିବାବେଳେ ପ୍ରତି ଟିମ୍‌ରେ ୧୦ ଜଣ ଆୟକର ବିଭାଗ ସଦସ୍ୟ ଅଛନ୍ତି । ଆଗକୁ ଆହୁରି କିଛି ତଥ୍ୟ ମିଳିବାର ସମ୍ଭାବନା ରହିଛି । ଆଉ କିଛି ସମ୍ପତ୍ତି ମଧ୍ୟ ଠାବ କରାଯିବ ବୋଲି ଅନୁମାନ କରିଛି ଟିମ୍ । କୁହାଯାଉଛି ବାରମ୍ବାର ଆୟକର ଫାଙ୍କୁଥିବାରୁ ତାଙ୍କ ଉପରେ ନଜର ରଖିଥିଲା ଆୟକର ବିଭାଗ । ଏବେ ସୁବିଧାସୁଯୋଗ ଦେଖି ଘରେ ରେଡ୍ କରାଯାଇଛି ।
ସାମୁଦ୍ରିକ ବାତ୍ୟା ‘ମୋକା’ର ଘଣ୍ଟାପ୍ରତି ବେଗ ୮ କି.ମି., କାଲି ଅତି ଭୀଷଣ ବାତ୍ୟାରେ ହେବ ପରିଣତ

ଦକ୍ଷିଣପୂର୍ବ ବଙ୍ଗୋପସାଗର ଉପରେ ସୃଷ୍ଟ ଗଭୀର ଅବପାତ, ସାମୁଦ୍ରିକ ବାତ୍ୟା ‘ମୋକା’ରେ । ଗତ ୬ ଘଣ୍ଟା ଧରି ଘଣ୍ଟାପ୍ରତି ୮ କିଲୋମିଟର ବେଗରେ ଉତ୍ତର-ଉତ୍ତରପଶ୍ଚିମ ଦିଗକୁ ଗତିଶୀଳ ହୋଇଥିଲା । ଆଜି ଭୋର୍‌ ୫.୩୦ରେ ସେହି ଅଞ୍ଚଳରେ କେନ୍ଦ୍ରୀଭୂତ ହୋଇଥିବା କଥା କହିଛି ଭାରତୀୟ ପାଣିପାଗ ବିଭାଗ ।

ପୋର୍ଟ ବ୍ଲେୟାର୍‌ର ପଶ୍ଚିମ-ଦକ୍ଷିଣପଶ୍ଚିମରୁ ପ୍ରାୟ ୫୧୦ କିଲୋମିଟର୍, ବାଂଲାଦେଶର କକ୍ସ୍‌ ବଜାରର ଦକ୍ଷିଣ-ଦକ୍ଷିଣପଶ୍ଚିମରୁ ୧୨୧୦ କିଲୋମିଟର୍‌ ଏବଂ ମିଆଁମାର ସିତ୍ତ୍ବେରର ଦକ୍ଷିଣ-ଦକ୍ଷିଣପଶ୍ଚିମରୁ ୧୧୨୦ କିଲୋମିଟର୍‌ ଦୂର ବଙ୍ଗୋପସାଗର ଜଳରାଶି ଉପରେ କେନ୍ଦ୍ରୀଭୂତ ସାମୁଦ୍ରିକ ବାତ୍ୟା ମୋକାର ସଠିକ ଅବସ୍ଥିତି ରହିଛି । ଧୀରେ ଧୀରେ ଏହା ଉତ୍ତର-ଉତ୍ତରପଶ୍ଚିମ ଦିଗକୁ ଗତି କରିବ ।

ଆହୁରି ତୀବ୍ରତର ହୋଇ ଆଜି ମଧ୍ୟରାତ୍ର ସୁଦ୍ଧା ଭୀଷଣ ସାମୁଦ୍ରିକ ବାତ୍ୟା ପାଲଟିବାର ସମ୍ଭାବନା ରହିଛି । ତାପରେ ସାମୁଦ୍ରିକ ବାତ୍ୟା ମୋଡ଼ ପରିବର୍ତ୍ତନ କରି ଆସନ୍ତାକାଲି ଅର୍ଥାତ୍ ୧୨ ତାରିଖ ସକାଳୁ ଉତ୍ତର-ଉତ୍ତରପଶ୍ଚିମ ଦିଗ ଆଡ଼କୁ ଗତିଶୀଳ ହୋଇ ସନ୍ଧ୍ୟା ବେଳକୁ କେନ୍ଦ୍ରୀୟ ବଙ୍ଗୋପସାଗର ଉପରେ ଅତି ଭୀଷଣ ସାମୁଦ୍ରିକ ବାତ୍ୟାରେ ପରିଣତ ହେବ । ୧୩ ତାରିଖ ସନ୍ଧ୍ୟା ବ‌େଳକୁ ବାତ୍ୟା ତୀବ୍ରତର ଚରମ ସୀମାରେ ପହଞ୍ଚିବ ବୋଲି ଭାରତୀୟ ପାଣିପାଗ ବିଭାଗ କହିଛି । ୧୪ ତାରିଖ ସକାଳ ବେଳକୁ ସାମୁଦ୍ରିକ ବାତ୍ୟା ସାମାନ୍ୟ ଦୁର୍ବଳ ହେବ । ପୂର୍ବାହ୍ନ ବେଳକୁ ଘଣ୍ଟାପ୍ରତି ୧୪୫ କିଲୋମିଟର୍‌ ପବନ ବହିବା ସହ ଦକ୍ଷିଣପୂର୍ବ ବାଂଲାଦେଶ ଏବଂ ଉତ୍ତର ମିଆଁମାର୍‌ ଉପକୂଳ ଅତିକ୍ରମ କରିବା ନେଇ ସୂଚନା ମିଳିଛି ।
ପାକିସ୍ତାନର ସ୍ଥିତି ଅସମ୍ଭାଳ, ଇମ୍ରାନ ସମର୍ଥକଙ୍କୁ ଚେତାବନୀ ଦେଲେ ପିଏମ୍ ସରିଫ

ପାକିସ୍ତାନରେ ସ୍ଥିତି ଅସମ୍ଭାଳ । ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଗିରଫ ପରେ ଦେଶର ସବୁଠି ହିଂସା ଲାଗି ରହିଛି । ଏହାକୁ ନିୟନ୍ତ୍ରଣ କରିବା ପାଇଁ ସେନା ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି । ତେବେ ଇମ୍ରାନ ସମର୍ଥକଙ୍କ ଆନ୍ଦୋଳନ ଏବେ ଏକପ୍ରକାର ଚରମ ସୀମାରେ ପହଞ୍ଚିଛି ।

Unprecedented !!!
Pakistan will never be the same from now on, because this time people realise & understand the culture of Pakistani Army.#ImranKhan #Karachi #Lahore pic.twitter.com/MWZ6WBGoJh
— Singh 🇮🇳 (@itts_utkarsh) May 9, 2023

ସେପଟେ, ଦେଶରେ ହିଂସା ଲାଗି ରହିଥିବା ବେଳେ ସର୍ବସାଧାରଣ ସମ୍ପତ୍ତି ଉପରେ ଆକ୍ରମଣ ଘଟଣାକୁ ଆତଙ୍କବାଦ କାର୍ଯ୍ୟକଳାପ କହିଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫ୍‌ । ବିକ୍ଷୋଭକାରୀଙ୍କୁ ସେ ସାବଧାନ କରାଇ ଦେଶବ୍ୟାପୀ ଚାଲିଥିବା ଭୟାବହ ପ୍ରତିବାଦକୁ ଘୋର ନିନ୍ଦା କରିଛନ୍ତି । ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନଙ୍କ ଗିରଫ ପରେ ଦେଶବ୍ୟାପୀ ପ୍ରତିବାଦ ଆରମ୍ଭ ହୋଇଥିଲା ।

https://twitter.com/i/status/1656160863601197056

ଏହା ଆତଙ୍କବାଦ କାର୍ଯ୍ୟ ଏବଂ ଦେଶପ୍ରତି ଶତ୍ରୁତା ବୋଲି ପ୍ରଧାନମନ୍ତ୍ରୀ କହିଛନ୍ତି । ଅନ୍ୟକୁ ଦଣ୍ଡ ଦେବା ପାଇଁ ଆଇନ୍ ଅମାନ୍ୟ କରୁଥିବା ବ୍ୟକ୍ତିମାନଙ୍କୁ କଠୋର ଶାସ୍ତି ଦିଆଯିବ । ଇମ୍ରାନ୍‌ ଖାନ୍ ଏବଂ ତାଙ୍କ ଦଳ ପାକିସ୍ତାନ ତେହ‌ରିକ୍‌-ଏ-ଇନ୍‌ସାଫ୍‌ ଦେଶର ଗୁରୁତ୍ବପୂର୍ଣ୍ଣ ପ୍ରତିଷ୍ଠାନଗୁଡ଼ିକ ନଷ୍ଟ କରୁଥିବା ସରିଫ୍‌ କହିଛନ୍ତି ।

Come on Peshawar and come on #Pakistan.

This is current situation of #Lahore #PakistanCivilWar #PakistanUnderSiege #ImranKhanArrested #ImranKhanArrest #ImranKhan pic.twitter.com/9XisUJ7GHq
— Seema Chauhan (@Seema__1990) May 10, 2023

ବିଗତ ୭୫ ବର୍ଷ ମଧ୍ୟରେ ପାକିସ୍ତାନରେ ଏଭଳି ଦୃଶ୍ୟ ପ୍ରଥମ ଥର ଦେଖିବାକୁ ମିଳୁଛି । ଆମ୍ବୁଲାନ୍‌ସ୍‌ଗୁଡ଼ିକୁ ପୋଡ଼ି ଦିଆଯାଇଥିବା ବେଳେ ସ୍ୱାତ୍ ମୋଟର୍‌ୱେଜ୍‌ରେ ନିଆଁ ଲଗାଯାଇଛି । ସଶସ୍ତ୍ରବାହିନୀ ଛାଉଣି ଉପରେ ଆକ୍ରମଣ କରାଯାଇଛି । ଆମ ଜୀବନ ଅପେକ୍ଷା ରାଷ୍ଟ୍ର ଓ ପାକିସ୍ତାନ ଆଦର୍ଶର ସୁରକ୍ଷା ଅଧିକ ଗୁରୁତ୍ୱପୂର୍ଣ୍ଣ ବୋଲି ପାକ୍ ପିଏମ୍ କହିଛନ୍ତି ।

https://twitter.com/i/status/1656148262645297152

ବୁଧବାର ରାତିରେ ଇମ୍ରାନ୍‌ ଖାନଙ୍କ ସମର୍ଥକମାନେ ପ୍ରଧାନମନ୍ତ୍ରୀ ଶେହ୍‌ବାଜ୍‌ ସରିଫ୍‌ଙ୍କ ଲାହୋର୍‌ସ୍ଥିତ ବାସଭବନ ଉପରକୁ ପେଟ୍ରୋଲ୍‌ ବୋମା ଫିଙ୍ଗିଥିଲେ । ଏ ନେଇ ଜଣେ ବରିଷ୍ଠ ପୋଲିସ ଅଧିକାରୀ ସୂଚନା ଦେଇଛନ୍ତି । ପାକିସ୍ତାନ ତେହ‌ରିକ୍‌-ଏ-ଇନ୍‌ସାଫ୍‌ର ୫୦୦ ସମର୍ଥକ ପ୍ରଧାନମନ୍ତ୍ରୀଙ୍କ ମଡେଲ୍‌ ଟାଉନ୍‌ ଲାହୋର ବାସଭବନ ପରିସରରେ ଥିବା ଯାନବାହନରେ ନିଆଁ ଲଗାଇ ଦେଇଥିଲେ । ପୋଲିସ ଫୋର୍ସ ପହଞ୍ଚିବା ପରେ ସମସ୍ତେ ଘଟଣାସ୍ଥଳରୁ ଚମ୍ପଟ ମାରିଥିଲେ ।

https://twitter.com/i/status/1656346747982184448
ଅମୃତସର ସ୍ୱର୍ଣ୍ଣମନ୍ଦିର ନିକଟରେ ବିସ୍ଫୋରଣ, କାରଣ ଖୋଜୁଛି ପୋଲିସ

ପଞ୍ଜାବ ଅମୃତସରସ୍ଥିତ ସ୍ୱର୍ଣ୍ଣମନ୍ଦିର ନିକଟରେ ବୋମା ବିସ୍ଫୋରଣ ହୋଇଛି । ମଧ୍ୟରାତି ପ୍ରାୟ ଗୋଟାଏ ବେଳେ ପ୍ରଚଣ୍ଡ ଶବ୍ଦ ଶୁଭିଥିବା ପଞ୍ଜାବ ପୋଲିସ କହିଛି ।

ସୂଚନା ଅନୁସାରେ ଗତକାଲି ରାତି ପ୍ରାୟ ୧ଟା ବେଳେ ତୃତୀୟ ବିସ୍ଫୋରଣ ଘଟିଥିଲା । ଏହି ଦେଶୀ ବୋମା ବିସ୍ଫୋରଣ ଘଟଣାରେ ଜଣେ ସନ୍ଦିଗ୍ଧଙ୍କୁ ଅଟକ ରଖିଛି ପୋଲିସ । ଘଟଣାସ୍ଥଳ ନିକଟରେ ଥିବା ଗୋଟାଏ କୋଠରୀରେ ୨ ଜଣ ପୁରୁଷ ଓ ଜଣେ ମହିଳା ଥିବାବେଳେ ୩ ଜଣଙ୍କୁ ପଚରାଉଚୁରା କରୁଛି ପୋଲିସ । ଘଟଣାସ୍ଥଳ ଯାଇ ଫୋରେନ୍‌ସିକ୍‌ ଟିମ୍‌ ଓ ପଞ୍ଜାବ ପୋଲିସ ତଦନ୍ତ ଜାରି ରଖିଛନ୍ତି । ଆଜି ଗଣମାଧ୍ୟମ ଆଗରେ ଘଟଣା ସଂକ୍ରାନ୍ତରେ ବିବୃତି ରଖିବ ପୋଲିସ । ତେବେ ବିସ୍ଫୋରଣ ପାଇଁ କେହି ବି ଦାବି ଉଠାଇ ନାହାଁନ୍ତି ।

Amritsar Blast update
IED was used in both the blasts – DGP#amritsarblast #amritsar #GoldenTemple #Punjab #iedblast pic.twitter.com/Q8Lyefvt4z
— Parkash Fulara प्रकाश फुलारा (@Fulara_Parkash) May 8, 2023

ଗୋଟିଏ ସପ୍ତାହ ମଧ୍ୟରେ ସ୍ବର୍ଣ୍ଣମନ୍ଦିର ନିକଟବର୍ତ୍ତୀ ଅଞ୍ଚଳରେ ଏହା ତୃତୀୟ ବିସ୍ଫୋରଣ । ପୂର୍ବରୁ ମେ ୬ ଓ ୮ ତାରିଖରେ ସ୍ୱର୍ଣ୍ଣମନ୍ଦିର ନିକଟ ହେରିଟେଜ୍‌ ଷ୍ଟ୍ରିଟ୍‌ରେ ବିସ୍ଫୋରଣ ଘଟିଥିଲା । ପ୍ରଥମ ବିସ୍ଫୋରଣରେ ଜଣେ ଏବଂ ଦ୍ବିତୀୟ ବିସ୍ଫୋରଣରେ ଆଉ ଜଣେ ବ୍ୟକ୍ତି ଆହତ ହୋଇଥିଲେ । ଏବେ ତୃତୀୟ ବିସ୍ଫୋରଣରେ କେହି ଆହତ ହୋଇଥିବା ଖବର ମିଳିନାହିଁ । ପୂର୍ବରୁ ନ୍ୟାସ୍‌ନାଲ୍‌ ଇନ୍‌ଭେଷ୍ଟିଗେସନ୍‌ ଏଜେନ୍‌ସି ବା NIA ଘଟଣାସ୍ଥଳ ପରିଦର୍ଶନ କରିବା ସହ ତଦନ୍ତ ଜାରି ରଖିଛି ।

#WATCH | Punjab: A loud sound was heard near the Golden Temple in Amritsar. Police personnel and forensic team members are at the spot. Probe underway.

A person was injured in a blast on May 8 at Heritage Street near Golden Temple, the very site where an explosion took place on… pic.twitter.com/xkX725gn98
— ANI (@ANI) May 10, 2023
ଭୁବନେଶ୍ୱର ୟୁନିଟ-୨ ସରକାରୀ କ୍ୱାର୍ଟର୍ସରେ ନିଆଁ, ବାଣ ବିସ୍ଫୋରଣ ଯୋଗୁଁ ଅଗ୍ନିକାଣ୍ଡ

ଭୁବନେଶ୍ୱର ୟୁନିଟ୍ ୨ରେ ଅଗ୍ନିକାଣ୍ଡ । ବାଣ ବିସ୍ଫୋରଣ ଘଟି ସରକାରୀ କ୍ୱାର୍ଟର୍ସରେ ନିଆଁ ଲାଗିଯାଇଥିଲା । ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ଭୁବନେଶ୍ୱର ୟୁନିଟ୍ ୨ରେ ଥିବା ଏକ ସରକାରୀ କ୍ୱାର୍ଟର୍ସରେ ବେଆଇନ୍ ଭାବେ ବାଣ ତିଆରି କରାଯାଉଥିବା ବେଳେ ଏହି ବିସ୍ଫୋରଣ ଘଟିଛି । ତିଆରି କରି ବାଣ ଗୁଡ଼ିକ ବଜାରରେ ବିକ୍ରି କରାଯାଉଥିଲା ।

ଆଜି ସକାଳେ ବାଣ ତିଆରି ଘରେ ନିଆଁ ଲାଗିଯାଇଥିଲା । ବାଣଗୁଡ଼ିକ ବିସ୍ଫୋରଣ ଘଟିବାରୁ ନିଆଁ କ୍ୱାର୍ଟର୍ସକୁ ବ୍ୟାପି ଯାଇଥିଲା । ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ । ବାଣ ବିସ୍ଫୋରଣ ଘଟଣାରେ କେହି ମୃତାହତ ହୋଇନାହାଁନ୍ତି । ନିକଟରେ ଥିବା ସରକାରୀ କ୍ୱାର୍ଟର୍ସରେ କିଛି କ୍ଷୟକ୍ଷତି ହୋଇନାହିଁ । ତେବେ ଏହି ସରକାରୀ କ୍ୱାର୍ଟର୍ସଟି କାହା ନାଁରେ ଅଛି ତାହା ଏ ଯାଏ ଜଣାପଡ଼ିନାହିଁ । ସ୍ଥାନୀୟ ଲୋକଙ୍କୁ ପଚରାଉଚୁରା କରିବା ସହ ଘଟଣାର ତଦନ୍ତ ଜାରି ରଖିଛି ପୋଲିସ ।
ଫୁଲବାଣୀ: ଫିରିଙ୍ଗିଆ ଥାନା ସୁମେରବନ୍ଦରେ ହତ୍ୟାକାଣ୍ଡ, ପୂର୍ବତନ ସରପଞ୍ଚ ସୁବଳ କହଁରଙ୍କୁ ହତ୍ୟା
ନୂଆଦିଲ୍ଲୀ: ପ୍ରଧାନମନ୍ତ୍ରୀ ମୋଦିଙ୍କୁ ଭେଟିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ବିଭିନ୍ନ ପ୍ରସଙ୍ଗରେ ଆଲୋଚନା