Tag: suchanatv24x7

ଗେମିଂ ଜୋନରେ ଭୀଷଣ ଅଗ୍ନିକାଣ୍ଡ, ଚାହୁଁ ଚାହୁଁ ଚାଲିଗଲା ୨୭ ଜୀବନ

ଶନିବାର ଅପରାହ୍ନରେ ଗୁଜୁରାଟର ରାଜକୋଟ ସହରର ଏକ ଗେମିଂ ଜୋନରେ ଭିଷଣ ଅଗ୍ନିକାଣ୍ଡ ଘଟିଯାଇଛି । ଯେଉଁଥିରେ ୨୭ ଜଣଙ୍କ ଜୀବନ ଚାଲିଯାଇଛି । ପ୍ରାଣ ହରାଇଥିବା ଲୋକଙ୍କ ମଧ୍ୟରେ ଅନେକ ଶିଶୁ ମଧ୍ୟ ସାମିଲ ଥିଲେ । ବର୍ତ୍ତମାନ ଘଟଣାର ତଦନ୍ତ ଏସଆଇଟିକୁ ହସ୍ତାନ୍ତର କରାଯାଇଛି ।

ଅପରାହ୍ନ 4.30 ସମୟରେ ରାଜକୋଟରେ ଏକ ଲୋକପ୍ରିୟ ଗେମିଂ ଜୋନରେ ଅଗ୍ନିକାଣ୍ଡ ଖବର ଆସିବା ପରେ ସାରା ସହରରେ ବିଷାଦର ଛାୟା ଖେଳିଯାଇଥିଲା । ଘଟଣା ଘଟିବାର ତୁରନ୍ତ ଅଗ୍ନିଶମ କର୍ମଚାରୀ ଏବଂ ପୋଲିସ ଘଟଣା ସ୍ଥଳରେ ପହଞ୍ଚି ଦୀର୍ଘ ସମୟ କସରତ ପରେ ନିଆଁକୁ ଆୟତ୍ତ କରିଥିଲେ । କିନ୍ତୁ, ସେତେବେଳକୁ ୨୭ ଜଣଙ୍କର ମୃତ୍ୟୁ ହୋଇସାରିଥିଲା ।

ତେବେ ସ୍ଥାନୀୟ ପୋଲିସ ଅଧିକାରୀଙ୍କ ସୂଚନା ଅନୁଯାୟୀ, ଶନିବାର ଏବଂ ଗ୍ରୀଷ୍ମ ଛୁଟିଦିନ ହେତୁ ବହୁ ସଂଖ୍ୟାରେ ପିଲା ସେମାନଙ୍କ ପିତାମାତାଙ୍କ ସହିତ ଗେମିଂର ମଜା ଉଠାଇବାକୁ ଆସିଥିଲେ । ହେଲେ ସେମାନେ କେ ଭାବିନଥିଲେ ଯେ ଏହା ସେମାନଙ୍କୁ ଜୀବନର ଶେଷ ଖୁସି ହେବ ବୋଲି । ପ୍ରଥମେ ନିଆଁ ଲାଗିଥିଲା ଏବଂ ପରେ ଜେନେରେଟରରେ ରଖାଯାଇଥିବା ଡିଜେଲ ଓ ଗୋ କାର ପାଇଁ ରଖାଯାଇଥିବା ପେଟ୍ରୋଲ୍ ଡବା କାରଣରୁ ନିଆଁ ଅଧିକ ବ୍ୟାପି ଯାଇଥିଲା । ଆଉ ଶେଷରେ ଟଳିପଡିଲା ୨୭ ଜୀବନ ।
‘କେନ୍ଦ୍ରାପଡାରେ ବିଜେପିର ସତ୍ତା ନାହିଁ ‘

ଦିନେ ଭାରତୀୟ ଜନତା ପାର୍ଟି ପାଇଁ ସଂଗଠନ ସଜାଡୁଥିଲେ, ସାଙ୍ଗଠନିକ କାର୍ଯ୍ୟକ୍ରମ କରି ଲୋକପ୍ରିୟତା ହାସଲ କରିଥିଲେ, କିନ୍ତୁ ଏବେ ବିଜେପିକୁ ଗୁଡ ବାୟ କରି ମିଶିଛନ୍ତି ବିଜେଡିରେ। ଦଳ ଦ୍ବାରା ଉପେକ୍ଷିତ ହେବା ପରେ ନିରାଶ ହୋଇ ଏପରି ପଦକ୍ଷେପ ନେବାକୁ ବାଧ୍ୟ ହୋଇଥିବା କହିଛନ୍ତି ବିଜେଡିରେ ଯୋଗଦେଇଥିବା କେନ୍ଦ୍ରାପଡାର ପୂର୍ବତନ ବରିଷ୍ଠ ନେତା ବିଜୟ ସେଠୀ। ବିଜୟ ଦୀର୍ଘ ବର୍ଷ ଧରି ବିଜେପିକୁ ସାଜାଡି ଆସୁଥିଲେ। ଚଳିତ ନିର୍ବାଚନରେ ସେ କେନ୍ଦ୍ରାପଡା ନିର୍ବାଚନ ମଣ୍ଡଳୀରୁ ଟିକେଟ ଆଶାୟୀ ଥିଲେ । କିନ୍ତୁ ଦଳ ତାଙ୍କୁ ଆଶା ଦେଇ ଗୀତାଞ୍ଜଳିଙ୍କୁ ଟିକେଟ ଦେଲା। ତେଣୁ ଭଗ୍ନ ହୃଦୟ ନେଇ ନିଜ ସମର୍ଥକଙ୍କ ସହ ବିଜେଡିକୁ ଆପଣେଇ ନେଇଛନ୍ତି ବିଜୟ। ଦଳ ଛାଡିବା ପରେ ବର୍ଷିଛନ୍ତି ବିଜେପି ଉପରେ। କେନ୍ଦ୍ରାପଡାର ଲୋକସଭା ଆସନରୁ ଆରମ୍ଭ କରି ସବୁ ବିଧାନସଭା ଆସନ ବିଜେଡି ଜିତିବ କହିବା ସହ ଏଠି ଲଢେଇ ବିଜେଡି ଓ କଂଗ୍ରେସ ମଧ୍ୟରେ ହେଉଛି। ବିଜେପିର ସତ୍ତା ନାହିଁ କହିଛନ୍ତି ବିଜୟ

ବିଜୟଙ୍କ ବିଜେଡିକୁ ଚାଲିଯିବା କାରଣରୁ ଉଭୟ ଲୋକସଭା ଓ ବିଧାନସଭା ନିର୍ବାଚନରେ ବିଜେପିକୁ ବହୁ ମୂଲ୍ୟ ଦେବାକୁ ହେବ। ସେ ବୈଜୟନ୍ତୀଙ୍କ ପରାଜୟ ପଛର କାରଣ ହେବେ ବୋଲି ଲୋକେ କହୁଛନ୍ତି।
ଲୋକସଭା ପ୍ରାର୍ଥୀ ବୈଜୟନ୍ତ ପଣ୍ଡାଙ୍କ ମାରାଥନ ପ୍ରଚାର

କେନ୍ଦ୍ରାପଡାରେ ବିଜେପି ଲୋକସଭା ପ୍ରାର୍ଥୀ ବୈଜୟନ୍ତ ପଣ୍ଡାଙ୍କ ମାରାଥନ ପ୍ରଚାର। ମହାକାଳପାଡ ପରେ ରାଜନଗରରେ ପ୍ରଚାର କରିଛନ୍ତି ବୈଜୟନ୍ତ ଓ ମାହାଙ୍ଗା ବିଧାନସଭା ପ୍ରାର୍ଥୀ ଦୁର୍ଗା ପ୍ରସନ୍ନ ନାୟକ। ପବିତ୍ର ମହା ବିଷୁବ ସଂକ୍ରାନ୍ତି ଏବଂ ଓଡ଼ିଆ ନବ ବର୍ଷ ଅବସରରେ ବୈଜୟନ୍ତ ହେଲିକପ୍ଟର ଯୋଗେ ରାଜନଗରରେ ପହଞ୍ଚିବା ପରେ ସିଧା ଯାଇଥିଲା ରାଜନଗରର ପ୍ରସିଦ୍ଧ ମାଆ ମାଟିଆ ମଙ୍ଗଳାଙ୍କ ପୀଠକୁ। ସେଠାରେ ବିଧାୟକ ପ୍ରାର୍ଥୀଙ୍କ ସହ ସମର୍ଥକଙ୍କ ଗହଣରେ ମାଆଙ୍କ ଦର୍ଶନ କରିବା ସହ କରୁଣା ଭିକ୍ଷା କରିଛନ୍ତି।

ଦର୍ଶନ ପରେ ବୈଜୟନ୍ତ ବାହାରିଥିଲେ ପ୍ରଚାର ମୈଦାନକୁ। ଲୋକଙ୍କୁ ଭେଟି ଭୋଟ ଭିକ୍ଷା କରିଥିଲେ ଉଭୟ ନେତା। ଓଡ଼ିଆ ନବ ବର୍ଷରେ ସମସ୍ତଙ୍କୁ ଶୁଭେଚ୍ଛା ଜଣାଇବା ସହିତ ପ୍ରଧାନମନ୍ତ୍ରୀଙ୍କର ଭିଜନର ବାର୍ତ୍ତା ଦେବା ସହିତ ଏଥର କେନ୍ଦ୍ରରେ ମୋଦି ସରକାର ଏବଂ ରାଜ୍ୟରେ ଡବଲ ଇଞ୍ଜିନ୍ ସରକାର ହେବ ବୋଲି ଦୃଢୋକ୍ତି ପ୍ରକାଶ କରିଥିଲେ ବୈଜୟନ୍ତ

ବୈଜୟନ୍ତଙ୍କ ରାଜନଗର ପ୍ରଚାର ପାଇଁ ବିଜେପି ସମର୍ଥକଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଥିଲା। ହଜାର ହଜାର ସଂଖ୍ୟାରେ ସମର୍ଥକ ବୈଜୟନ୍ତଙ୍କୁ ସ୍ବାଗତ ସମ୍ବର୍ଦ୍ଧନା ଜଣାଇବା ସହ ବୈଜୟନ୍ତଙ୍କ ସପକ୍ଷରେ ନାରାବାଜି କରିଥିଲେ।
ଟିକେଟ ପାଇବା ପରେ ବିଜୟକୁ ନେଇ ଆଶାବାଦୀ ରତିକାନ୍ତ

ପାଟକୁରା ନିର୍ବାଚନ ମଣ୍ଡଳୀ ରେ କଂଗ୍ରେସ ଦଳର ବିଧାୟକ ପାର୍ଥି ଭାବେ ରତିକାନ୍ତ କାନୁନଗୋ ଙ୍କୁ ଦଳ ଟିକେଟ ଦେଇଛି। ରତିକାନ୍ତ ଚାରି ବର୍ଷ ହେବ କଂଗ୍ରେସ ଦଳ ରେ ଯୋଗ ଦେବା ପରେ ପାଟକୁରା ରେ ଶୋଇରହିଥିବା କଂଗ୍ରେସ ସକ୍ରିୟ ହେବାରେ ଲାଗିଛି ।୨୦୧୯ ନିର୍ବାଚନ ରେ କଂଗ୍ରେସ ପାଟକୁରା ରୁ ଜୟନ୍ତ କୁମାର ମହାନ୍ତି ଙ୍କୁ ନିର୍ବାଚନ ରେ ମୈଦାନ ଓଲ୍ହାଇଥିବା ବେଳେ ବି ୨,୧୦୬ ଖଣ୍ଡ ଭୋଟ ପାଇଥିଲେ. କଂଗ୍ରେସ ଏକ ରକମ ନିଜ ଅସ୍ତିତ୍ୱ ହରାଇ ଥିବା ବେଳେ ରତିକାନ୍ତ ଦଳରେ ଯୋଗ ଦଇ ଚାରି ବର୍ଷ ହେବ ପାଟକୁରା ର ୩ ବ୍ଲକ ଗରଦପୁର, ଡେରାବିଶ, ଓ ମାର୍ଶାଘାଇ ବ୍ଲକ ସାତ ପଞ୍ଚାୟତ ରେ ନିଜ ସଂଗଠନ ସୁଦୃଢ କରିବା ସହ କଂଗ୍ରେସ ଦଳର ସ୍ଥିତି ସୁଦୃଢ କରିବାରେ ଲାଗିଛନ୍ତି. ରାତିକାନ୍ତ ମଧ୍ୟ ୨୦୧୯ ନିର୍ବାଚନ ରେ ସ୍ୱାଧୀନ ପାର୍ଥି ଭାବେ ନିର୍ବାଚନ ଲଢ଼ିଥିଲେ.

ତେବେ ୨୦୨୪ ମସିହା ରେ କଂଗ୍ରେସ ଦଳ ତାଙ୍କୁ ପୁରସ୍କାର ସ୍ୱରୂପ ପାଟକୁରା ଟିକେଟ ଦେଇଥିବାରୁ ରତିକାନ୍ତ ଦଳ ସଭାପତି ଙ୍କୁ କୃତଜ୍ଞତା ଜ୍ଞାପନ କରିଛନ୍ତି ଓ ବିଜୟ ନେଇ ଆଶା ବାଦି ବି ଅଛନ୍ତି ।
ହନୁମାନ ଜୟନ୍ତୀ ରାଲିରେ ଶକ୍ତି ପ୍ରଦର୍ଶନ କଲେ ଟୁକୁନି ସାହୁ ଓ ନବୀନ ଜୈନ

ଭବାନୀପାଟଣା ନିର୍ବାଚନ ମଣ୍ଡଳୀର ବିଜେପି ବିଧାୟକ ପ୍ରାର୍ଥୀ ପ୍ରଦୀପ୍ତ ନାଏକ ଓ ଲୋକସଭା ପ୍ରାର୍ଥୀ ମାଳବିକା ସିଂ ଦେଓଙ୍କ ପ୍ରଚାରର ଶ୍ରୀଗଣେଶ। ପ୍ରଚାର ପାଇଁ ଅମାଠ ଓ କେସିଙ୍ଗାରେ ମିଳିତ ପ୍ରଚାର କରିବାକୁ ପହଞ୍ଚିବା ପରେ ଉଭୟଙ୍କୁ ସ୍ଥାନୀୟ ବିଜେପି କର୍ମୀ ଙ୍କ ଦ୍ଵାରା ଭବ୍ୟ ସ୍ୱାଗତ କରାଯାଇଛି। ସ୍ୱାସ୍ଥ୍ୟ ଗତ ସମସ୍ୟା ଯୋଗୁଁ ବିଧାୟକ ପ୍ରଦୀପ୍ତ ନାଏକ ଗତ ଚାରି ବର୍ଷ ହେଲା ଅସୁସ୍ଥତା ଯୋଗୁଁ କୌଣସି ଅଞ୍ଚଳ ଯାଇନଥିବା ବେଳେ ଚଳିତ ନିର୍ବାଚନ ପାଇଁ ଆଜି ପ୍ରଥମ ରାଜନୈତିକ ଶୋଭାଯାତ୍ରା ରେ ସାମିଲ ହୋଇଛନ୍ତି l ତେବେ ଏହି ପ୍ରଚାର ପୂର୍ବରୁ ଉଭୟ ବିଜେପି କର୍ମୀଙ୍କ ସହ ମା ଅମ୍ବାଜୀ ମନ୍ଦିରରେ ଦର୍ଶନ କରିଥିଲେ l

କେସିଙ୍ଗା ନୁଆଁ ବସଟାଣ୍ଟ ରୁ 35 କିଲୋମିଟର ଭବାନୀ ପାଟଣା ପର୍ଯ୍ୟନ୍ତ ମଟର ସାଇକେଲ ଶୋଭାଯାତ୍ରାରେ ରାଣୀ ମାଳବିକା ଓ ପ୍ରଦୀପ୍ତ ନାଏକ ସାମିଲ ହୋଇ ନିର୍ବାଚନୀ ପ୍ରଚାର କରିଛନ୍ତି। ଏହି ଶୋଭାଯାତ୍ରା ରେ ପୂର୍ବତନ ସାଂସଦ ଅର୍କ କେଶରୀ ଦେଓ, ଅନାମ ନାଏକ, କେସିଙ୍ଗା ନଗର ବିଜେପି ସଭାପତି ମଗନ ସିନ୍ଦୁର ପ୍ରମୁଖ ସାମିଲ ହୋଇଥିଲେ। ବିରାଟ ରାଲି ସହ ବିଭିନ୍ନ ସ୍ଥାନରେ ପଦଯାତ୍ରା କରି ରାଣୀ ମାଳବିକା ମୋଦିଙ୍କ ଡବଲ ଇଞ୍ଜିନ ସରକାର ଗଠନରେ ସହାୟତା କରି ରାଜ୍ୟ ତଥା ଦେଶ ବିକାଶରେ ସହଭାଗୀ ହେବାକୁ ଆହ୍ବାନ ଦେଇଛନ୍ତି ସାଂସଦ ପ୍ରାର୍ଥୀ ତଥା ସ୍ଥାନୀୟ ବିଜେପି କର୍ମକର୍ତ୍ତା

ଏହି ବିଜେପି ରାଲିରେ ବହୁ ସଂଖ୍ଯାରେ ବିଜେପି କର୍ମୀ ଯୋଗଦେଇଥିଲେ। ସମସ୍ତଙ୍କ ମଧ୍ୟରେ ଥିଲା ପୁଣି ପ୍ରଦୀପଙ୍କୁ ଜିତାଇବାର ଝୁଙ୍କ ଓ ମାଳବିକାଙ୍କୁ ସାଂସଦ କରିବାର ପ୍ରତିଶ୍ରୁତି ବଦ୍ଧତା। ହନୁମାନ ଜୟନ୍ତୀ ରାଲିରେ ଶକ୍ତି ପ୍ରଦର୍ଶନ କଲେ ଟୁକୁନି ସାହୁ ଓ ନବୀନ ଜୈନ

ଗତକାଲି ଥିଲା ଓଡିଶାର ନବବର୍ଷ ଓ ପଣା ସଂକ୍ରତି । ଏହି ଅବସର ରେ ବିଭିନ୍ନ ଅନୁଷ୍ଠାନ ପକ୍ଷରୁ ହନୁମାନ ଜୟନ୍ତୀ ପାଳିତ ହୋଇଯାଇଛି । ସଇଁତଲା ସହରରେ ଚଳିତ ବର୍ଷ ଦୁଇ ସ୍ଥାନରେ ହନୁମାନ ଜୟନ୍ତୀ ପାଳିତ ହୋଇ ଥିବା ବେଳେ ଦୁଇଟି ସ୍ଥାନ ରେ ଦୁଇ ବିଧାୟକ ପ୍ରାଥୀଙ୍କୁ ଦେଖିବାକୁ ମିଳି ଥିଲା । ସ୍ଥାନୀୟ ଶଙ୍କର ଛକରେ ବିଜେପି ବିଧାୟକ ପ୍ରାଥୀ ନବୀନ ଜୈନ ରାଲିରେ ସାମିଲ ହୋଇ ନିଜର ଶକ୍ତି ପ୍ରଦର୍ଶନ କରି ଥିବା ବେଳେ ସ୍ଥାନୀୟ ଗୋପବନ୍ଧୁ ପଡା ରାଲି ରେ ବିଜେଡି ବିଧାୟକା ପ୍ରାଥୀ ଟୁକୁନି ସାହୁ ସାମିଲ ହେଇ ଥିଲେ ।

ହଜାର ହାଜର ଲୋକ ଙ୍କ ସମାଗମ ରେ ଦୁଇ ବିଧାୟକ ପ୍ରାଥୀ ନିଜ ନିଜ ଶକ୍ତି ପ୍ରଦର୍ଶନ କରି ଥିବା ଦେଖିବାକୁ ମିଳିଛି ! ସଇଁତଲା ସହର ରେ ହନୁମାନ ଜୟନ୍ତୀ ରେ ଦୁଇ ବିରୋଧୀ ବିଧାୟକ ପ୍ରାଥୀ ମଧ୍ୟ ମୁହାଁମୁହିଁ ହେଇଛନ୍ତି ! ସାଧାରଣ ନିର୍ବାଚନ ଯେତିକି ପାଖେଇ ଆସୁଛି ରାଜନୈତୀକଦଳ ଗୁଡିକ ଲୋକ ମାନଙ୍କୁ ନିଜ ସପକ୍ଷ କରିବା ପାଇଁ ଲାଗି ପଡିଛନ୍ତି ! ନିର୍ବାଚନ ରେ ଭୋଟ ଶ୍ରୟ ନେବା ପାଇଁ ଦୁଇ ବିଧାୟକ ପ୍ରାଥୀ ରାଲି ରେ ସାମିଲ ହେଇଛନ୍ତି ବୋଲି ବୃଦ୍ଧିଜିବି ମହଲ ରେ ଚର୍ଚ୍ଚା ହେଉଛି “!

ତେବେ ସେଯାହା ହେଉନା କାହିଁକି ଲୋକ କାହା ସପକ୍ଷରେ ଯାଆଉଛନ୍ତି ତାହା ସମୟ କହିବ ।
ଭାଜପାର ଶକ୍ତି ପ୍ରଦର୍ଶନ ମଇଦାନ କୁ ଓଲ୍ଲାଇଲେ ବିଜେପି ସାଂସଦ ଓ ବିଧାୟକ

ଭବାନୀପାଟଣା ନିର୍ବାଚନ ମଣ୍ଡଳୀର ବିଜେପି ବିଧାୟକ ପ୍ରାର୍ଥୀ ପ୍ରଦୀପ୍ତ ନାଏକ ଓ ଲୋକସଭା ପ୍ରାର୍ଥୀ ମାଳବିକା ସିଂ ଦେଓଙ୍କ ପ୍ରଚାରର ଶ୍ରୀଗଣେଶ। ପ୍ରଚାର ପାଇଁ ଅମାଠ ଓ କେସିଙ୍ଗାରେ ମିଳିତ ପ୍ରଚାର କରିବାକୁ ପହଞ୍ଚିବା ପରେ ଉଭୟଙ୍କୁ ସ୍ଥାନୀୟ ବିଜେପି କର୍ମୀ ଙ୍କ ଦ୍ଵାରା ଭବ୍ୟ ସ୍ୱାଗତ କରାଯାଇଛି। ସ୍ୱାସ୍ଥ୍ୟ ଗତ ସମସ୍ୟା ଯୋଗୁଁ ବିଧାୟକ ପ୍ରଦୀପ୍ତ ନାଏକ ଗତ ଚାରି ବର୍ଷ ହେଲା ଅସୁସ୍ଥତା ଯୋଗୁଁ କୌଣସି ଅଞ୍ଚଳ ଯାଇନଥିବା ବେଳେ ଚଳିତ ନିର୍ବାଚନ ପାଇଁ ଆଜି ପ୍ରଥମ ରାଜନୈତିକ ଶୋଭାଯାତ୍ରା ରେ ସାମିଲ ହୋଇଛନ୍ତି l ତେବେ ଏହି ପ୍ରଚାର ପୂର୍ବରୁ ଉଭୟ ବିଜେପି କର୍ମୀଙ୍କ ସହ ମା ଅମ୍ବାଜୀ ମନ୍ଦିରରେ ଦର୍ଶନ କରିଥିଲେ l

କେସିଙ୍ଗା ନୁଆଁ ବସଟାଣ୍ଟ ରୁ 35 କିଲୋମିଟର ଭବାନୀ ପାଟଣା ପର୍ଯ୍ୟନ୍ତ ମଟର ସାଇକେଲ ଶୋଭାଯାତ୍ରାରେ ରାଣୀ ମାଳବିକା ଓ ପ୍ରଦୀପ୍ତ ନାଏକ ସାମିଲ ହୋଇ ନିର୍ବାଚନୀ ପ୍ରଚାର କରିଛନ୍ତି। ଏହି ଶୋଭାଯାତ୍ରା ରେ ପୂର୍ବତନ ସାଂସଦ ଅର୍କ କେଶରୀ ଦେଓ, ଅନାମ ନାଏକ, କେସିଙ୍ଗା ନଗର ବିଜେପି ସଭାପତି ମଗନ ସିନ୍ଦୁର ପ୍ରମୁଖ ସାମିଲ ହୋଇଥିଲେ। ବିରାଟ ରାଲି ସହ ବିଭିନ୍ନ ସ୍ଥାନରେ ପଦଯାତ୍ରା କରି ରାଣୀ ମାଳବିକା ମୋଦିଙ୍କ ଡବଲ ଇଞ୍ଜିନ ସରକାର ଗଠନରେ ସହାୟତା କରି ରାଜ୍ୟ ତଥା ଦେଶ ବିକାଶରେ ସହଭାଗୀ ହେବାକୁ ଆହ୍ବାନ ଦେଇଛନ୍ତି ସାଂସଦ ପ୍ରାର୍ଥୀ ତଥା ସ୍ଥାନୀୟ ବିଜେପି କର୍ମକର୍ତ୍ତା

ଏହି ବିଜେପି ରାଲିରେ ବହୁ ସଂଖ୍ଯାରେ ବିଜେପି କର୍ମୀ ଯୋଗଦେଇଥିଲେ। ସମସ୍ତଙ୍କ ମଧ୍ୟରେ ଥିଲା ପୁଣି ପ୍ରଦୀପଙ୍କୁ ଜିତାଇବାର ଝୁଙ୍କ ଓ ମାଳବିକାଙ୍କୁ ସାଂସଦ କରିବାର ପ୍ରତିଶ୍ରୁତି ବଦ୍ଧତା।
ଗୋଟିଏ ସେଣ୍ଟରରେ ଦୁଇଟି ଅଙ୍ଗନୱାଡିକୁ ନେଇ ଅସନ୍ତୋଷ

ଶିଶୁ ବିକାଶ ଯୋଜନାରେ ସରକାରଙ୍କ ଅଦ୍ଭୂତ ଯୁଗାଡ। ଗୋଟିଏ ସେଣ୍ଟରରେ ଚାଲିଛି ଦୁଇଟି ଅଙ୍ଗନୱାଡି କେନ୍ଦ୍ର। କେନ୍ଦୁଝର ଜିଲ୍ଲା ଚମ୍ପୁଆ ବ୍ଲକ ଅନ୍ତର୍ଗତ ମହେଶ୍ୱର ପୁର ଏକ ବଡ ଗାଁ। ଜନସଂଖ୍ୟା ଦୃଷ୍ଟିରୁ ଗ୍ରାମରେ ଦୁଇଟି ଅଙ୍ଗନୱାଡି କେନ୍ଦ୍ର କାଗଜ କଲମରେ ରହିଛି। କିନ୍ତୁ ଗୃହ ନିର୍ମାଣ କରିବାକୁ ସତେ ଯେମିତି ଭୁଲି ଯାଇଛି ପ୍ରଶାସନ । ତେଣୁ ଅଙ୍ଗନୱାଡି କେନ୍ଦ୍ର (କ) ଓ (ଖ) ଗୋଟିଏ ଜାଗାରେ ଚାଲିଛି।

ଏହି କେନ୍ଦ୍ର ପାଇଁ ରହିଛି ଗୋଟିଏ ଶ୍ରେଣୀ ଗୃହ ସହ ଗୋଟିଏ ରୋଷେଇ ଘର। ହେଲେ ଉଭୟ ଗୃହ ଆବଶ୍ୟକତାଠୁ ଆକାରରେ ବହୁ ଛୋଟ। ତେଣୁ ଶ୍ରେଣୀ ଗୃହରେ ଖୁନ୍ଦା ଖୁନ୍ଦି ହୋଇ ଦୁଇଟି କେନ୍ଦ୍ରର ୬୧ ଜଣ ପିଲା ବସି ପାଠ ପଢୁଥିବା ବେଳେ ଷ୍ଟୋର ରୁମ୍ ଅଭାବରୁ ତାକୁ ଷ୍ଟୋର ରୁମ ଭାବେ ବ୍ୟବହାର କରାଯାଉଛି। ଏଥିରୁ ଶ୍ରେଣୀଗୃହର ଅବସ୍ଥା ସହଜରେ ଅନୁମାନ କରାଯାଇପାରିବ। ସ୍ଥାନାଭାବରୁ ଅନେକ ଅଭିଭାବକ ସେମାନଙ୍କ ପିଲାଙ୍କୁ ଅଙ୍ଗନୱାଡିକୁ ପଠାଉ ନାହାନ୍ତି ମଧ୍ୟ। ସେହିପରି ୫ ବାଇ ୫ ର ଏକ ଛୋଟିଆ ବଖରାରେ ଦୁଇଟି କେନ୍ଦ୍ରର ପିଲାଙ୍କ ପାଇଁ ରୋଷେଇ ହେଉଛି।

କୋଠରୀଟି ଏତେ ଛୋଟ କି, ପାଚିକା ରୋଷେଇ ଘରେ ଥିଲେ ସହାୟିକା ଦୁଆର ବନ୍ଧରେ ବସି ପରିବାପତ୍ର କଟା ବଟା କରନ୍ତି। ତା ସାଙ୍ଗକୁ କୋଠରୀରେ ନାହିଁ ଝରକା କି ସ୍କାଇ ଲାଇଟ। ପିଲା ବସି ଖାଇବାକୁ ସ୍ଥାନ ନାହିଁ। ସରକାର ସ୍ବଚ୍ଛତାର ଡିଣ୍ଡିମ ପିଟୁଥିବା ବେଳେ ନାହିଁ ପାଇଖାନାଟିଏ। ନିକଟରେ ଏକ ପୋଖରୀ ରହିଛି। ଯେଉଁଥିପାଇଁ ଛୋଟ ଛୋଟ ପିଲା ଶୌଚ ଆଦି ଯିବା କେନ୍ଦ୍ରର ଦିଦି ଓ ସହାୟିକାଙ୍କ ପାଇଁ ବଡ ଚିନ୍ତା। ତା ଉପରେ ପୁଣି କେନ୍ଦ୍ରଟି ପାଚେରୀ ବିହୀନ ହୋଇଥିବାରୁ ସବୁ ସମୟରେ ପିଲାଙ୍କ ଗତିବିଧି ଉପରେ ନଜର ରଖିବାକୁ ହେଉଛି ଦିଦିଙ୍କୁ

କେନ୍ଦ୍ରର ବିଭିନ୍ନ ସମସ୍ୟାକୁ ନେଇ ସରପଞ୍ଚ ସନ୍ତୋଷ ନାୟକ କୁହନ୍ତି, ସେ କେନ୍ଦ୍ରର ସମସ୍ୟାକୁ ସ୍ବିକାର କରିଥିବା ବେଳେ ଏହି ଅବ୍ୟବସ୍ଥା ଦୂର କରିବାକୁ ପଦକ୍ଷେପ ନେବାକୁ କହିଛନ୍ତି।

ମହେଶ୍ବରପୁର ଅଙ୍ଗନୱାଡି କେନ୍ଦ୍ରର ବିଭିନ୍ନ ଅବ୍ୟବସ୍ଥାକୁ ଦେଖି ଲାଗୁଛି, ସରକାର କେବଳ ବାହାବା ନେବାକୁ ବ୍ୟବସ୍ଥା କରିଦେଇଥିଲେ ମଧ୍ୟ ଏହାର ତଦାରଖ ପ୍ରତି ଦୃଷ୍ଟି ଦେଉନାହାନ୍ତି। ଫଳରେ ପ୍ରଶାସନିକ ଅଧିକାରୀ ନିଜର ଦରମା ନେଇ ନିଦାବିଷ୍ଣୁ ସାଜିଛନ୍ତି।
ଶ୍ରମିକ ମୃତ୍ୟୁରେ ଉତ୍ତେଜନା, କ୍ଷତି ପୂରଣ ଦାବିରେ ପ୍ଲାଣ୍ଟ ରାସ୍ତା ଅବରୋଧ

ନାଲ୍‌କୋ ସ୍ମେଲଟର୍ ପ୍ଲାଣ୍ଟରେ ଦୀର୍ଘ ୧୫ ବର୍ଷ ଧରି ଠିକା ଶ୍ରମିକ ରୂପେ କାର୍ଯ୍ୟ କରୁଥିବା ନାଲକୋ ନିକଟସ୍ଥ ବାଦିବାହାଳ ଗ୍ରାମର ସୁଧୀର କୁମାର ସାହୁଙ୍କର ଆକସ୍ମିକ ମୃତ୍ୟୁ ପରେ ପ୍ଲାଣ୍ଟ ସମ୍ମୁଖରେ ଦେଖାଦେଇଥିଲା ଉତ୍ତେଜନା। ମୃତକଙ୍କ ପରିବାରକୁ କ୍ଷତିପୂରଣ ଦେବା ଦାବିରେ ରାସ୍ତା ଅବରୋଧ କରିଥିଲେ ସ୍ଥାନୀୟ ଲୋକ। କାନ୍ଦବୋବାଳିରେ ଫାଟିପଡିଥିଲା ସାରା ଅଞ୍ଚଳ। ସୂଚନା ମୁତାବକ, ଶୁକ୍ରବାର ଦିନ ସୁଧୀରଙ୍କର ଫାଷ୍ଟ ସିଫ୍ଟ୍ ଡ୍ୟୁଟି ଥିବାରୁ ଘରୁ ୫.୩୦ ମିନିଟ ସମୟରେ ବାହାରି ଆସିଥିଲେ , ଓ ୬ଟା ପୂର୍ବରୁ କାର୍ଯ୍ୟରେ ଯୋଗଦେଇଥିଲେ। କିନ୍ତୁ ସକାଳ ୭ .୩୦ ମିନିଟ ସମୟରେ ସେ ଅସୁସ୍ଥ ଅନୁଭବ କରିଥିଲେ।

ତେଣୁ ସହକର୍ମଚାରୀ ମାନେ ତାଙ୍କୁ ପ୍ରଥମେ ନାଲକୋ ଚିକିତ୍ସାଳୟକୁ ନେଇ ଥିଲେ। ସେଠାରୁ ଡାକ୍ତର ତାଙ୍କୁ ESCI ହସ୍ପିଟାଲକୁ ସ୍ଥାନାନ୍ତରିତ କରିଥିଲେ। ହେଲେ ସେଠାରେ ଡାକ୍ତର ସୁଧୀରଙ୍କୁ ମୃତ ଘୋଷଣା କରିଥିଲେ । ହୃଦ୍‌ଘାତ ଯୋଗୁଁ ତାଙ୍କର ମୃତ୍ୟୁ ଘଟିଥାଇପାରେ ବୋଲି ଅନୁମାନ କରାଯାଉଛି। ସୁଧୀରଙ୍କ ଏପରି ମୃତ୍ୟୁ ପରେ ପରିବାର ସଦସ୍ୟ ଓ ଗ୍ରାମବାସୀ କମ୍ପାନୀରୁ କ୍ଷତିପୂରଣ ଦାବିକରି ପ୍ଲାଣ୍ଟ ସମ୍ମୁଖ ରାସ୍ତା ଅବରୋଧ କରିବସିଥିଲେ। ପରିବାର ବର୍ଗଙ୍କ କାନ୍ଦ କଟାରେ ସମଗ୍ର ଅଞ୍ଚଳ ଶୋକରେ ଛାୟୀ ଯାଇଥିଲା। ମାଆ ରାସ୍ତାରେ ବିକଳ ହୋଇ ବସି କାନ୍ଦୁଥିବା ବେଳେ ପତ୍ନୀ ପିଲାମାନଙ୍କ ଭବିଷ୍ୟତକୁ ନେଇ ବାଡେଇ ଛାଟି ହେଉଥିବା ଦେଖିବାକୁ ମିଳିଥିଲା।

ସେପଟେ ମୃତକଙ୍କ ପରିବାରର ଜଣଙ୍କୁ ଠିକା ଶ୍ରମିକ ଭାବେ ନିଯୁକ୍ତି ଦେବା ଏବଂ ୩୦ ଲକ୍ଷ ଟଙ୍କା ଅନୁକମ୍ପା ରାଶି ପ୍ରଦାନ ପାଇଁ ଦାବି କରିଥିଲେ ଆନ୍ଦୋଳନକାରୀ ଲୋକେ| ତେବେ ନାଲକୋ ଠିକା ଶ୍ରମିକ ମାନଙ୍କ ଅଭିଯୋଗ କି ପୂର୍ବରୁ ଯେଉଁ ଠିକା ଶ୍ରମିକ ମାନେ ମୃତ୍ୟୁ ବରଣ କରିଛନ୍ତି ଓ ନାଲକୋ ତରଫରୁ କ୍ଷତି ପୂରଣ ବାବଦକୁ ଯେଉଁ ଟଙ୍କା ପ୍ରଦାନ ପାଇଁ ପ୍ରତିଶୃତି ମିଳୁଛି ତାହା ପୁରଣ ହୋଇପାରୁନାହିଁ । ତେଣୁ ନାଲକୋ କ୍ଷତି ପୂରଣ ରାଶି ତୁରନ୍ତ ଚେକ୍ ଆକାରରେ ପ୍ରଦାନ କରୁ
ଶେଷ ପର୍ଯ୍ୟାୟରେ ଗଞ୍ଜାମ ଦଣ୍ଡଯାତ୍ରା

ଗଞ୍ଜାମର ଐତିହାସିକ ଦଣ୍ଡନାଚ ଶେଷ ପର୍ଯ୍ୟାୟରେ । ଆଉ ଗୋଟିଏ ଦିନ ପରେ ମେରୁ ଯାତ୍ରା । ମା ଦଣ୍ଡକାଳୀ ଓ ଦେବ ଦେବ ମହାଦେବଙ୍କୁ ନେଇ ମନସ୍କାମନା ଧାରି ୧୩,୧୮,୨୧ ଦିନ ଯାଏଁ ଖାଲି ପାଦରେ ଗାଆଁକୁ ଗାଆଁ ବୁଲୁଛନ୍ତି । ଧୂଳି ଦଣ୍ଡ, ପାଣି ଦଣ୍ଡ, ଅଗ୍ନି ଦଣ୍ଡ ଆଦି ପରିବେଷଣ କରୁଛନ୍ତି । ଏଥି ସହିତ ଶରୀରରେ ହଳଦିଆ ଧୋତି ଧାରଣ କରି ଦିନକୁ ଗୋଟିଏ ଓଳି ଖାଇ ରହୁଛନ୍ତି । ତେବେ ମେରୁ ଯାତ୍ରା ବା ପଣା ସଂକ୍ରାନ୍ତିରେ ଶେଷ ହେବ ଦଣ୍ଡନାଚ । ଏହି ପରିପ୍ରେକ୍ଷୀରେ ଗଞ୍ଜାମ ଜିଲ୍ଲା ଜଗନ୍ନାଥ ବ୍ଲକ୍ କଳିଙ୍ଗପଦର ଗ୍ରାମରେ ଅଷ୍ଟଦଣ୍ଡଙ୍କ ମହାମିଳନ ଦେଖିବାକୁ ମିଳିଛି । ଶହ ଶହ ସଂଖ୍ୟାରେ ଲୋକଙ୍କ ଭିଡ଼ ଦେଖିବାକୁ ମିଳିଛି ଏହି ଦଣ୍ଡଯାତ୍ରାରେ । ଅନ୍ୟପଟେ ଗାଆଁ ଯୁବକ ମାନେ ଆନନ୍ଦ ପ୍ରସାଦର ମଧ୍ୟ ବ୍ୟବସ୍ଥା କରିଛନ୍ତି । ମେରୁ ଯାତ୍ରାରେ ଭକ୍ତଙ୍କ ଭିଡକୁ ଦୃଷ୍ଟିରେ ରଖି ଶାନ୍ତି ଶୃଙ୍ଖଳା ବଜାୟ ରଖିବାକୁ ତାରାସିଙ୍ଗି ପୋଲିସ୍ ବାଟାଲିୟନ ସହ କାର୍ଯ୍ୟକ୍ରମ ଉପରେ ରଖିଛି କଡ଼ା ନଜର । ଏହି ଅଷ୍ଟସମ୍ଭୁ ମିଳନରେ ଗେରେଡ଼ା, ମଶାବାଡ଼ି, ତାରାସିଙ୍ଗି, ଗୁଣ୍ଡୁରିବାଡି, କଳିଙ୍ଗପଦର, ବନ୍ତା, ତୋଲଡି ଏବଂ ପଟାଙ୍ଗି ଦଣ୍ଡ ଅଂଶ ଗ୍ରହଣ କରିଛନ୍ତି ଚଳିତ ଦଣ୍ଡଯାତ୍ରାରେ ।
”ମୋ ଉପକାରୀ ବଗିଚା”ର ତଦନ୍ତ କଲେ ଲୋକଯୟୁକ୍ତ

ଆର୍ଥିକ ଅନିୟମିତତାକୁ ନେଇ ଲୋକାୟୁକ୍ତଙ୍କ ତଦନ୍ତ । ସୂଚନା ମୁତାବକ, ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ୍ ଅନ୍ତର୍ଗତ ବାଂଶଡା ଥାନା ଅଧିନ ବାଲିପଦା ଗ୍ରାମରେ ହୋଇଥିବା ”ମୋ ଉପକାରୀ ବଗିଚା”ରେ ଆର୍ଥିକ ଅନିୟମିତତା ହୋଇଥିବା ନେଇ ଲୋକାୟୁକ୍ତଙ୍କ ପାଖରେ ସେହି ପଞ୍ଚାୟତର ଶରତ ସେନାପତି ଲିଖିତ ଅଭିଯୋଗ କରିଥିଲେ । ସମସ୍ତ ତଥ୍ୟକୁ ଆଧାର କରି ଲୋକାୟୁକ୍ତଙ୍କ ପକ୍ଷରୁ ଡେପୁଟି ଡାଇରେକ୍ଟର ସସ୍ମିତା ଲେଙ୍କା ପହଞ୍ଚି ଏହି ଯୋଜନାରେ ହୋଇଥିବା ସମସ୍ତ ଅନିୟମିତତା ଉପରେ ତଦନ୍ତ କରିଥିଲେ ।

ଏହି ତଦନ୍ତ ସମୟରେ ଚାନ୍ଦବାଲି ବ୍ଲକର ପୂର୍ବତନ ବିଡିଓ ଜ୍ୟୋତିବିକାଶ ଦାସ ଅନୁପସ୍ଥିତ ଥିବା ବେଳେ କନିଷ୍ଠ ଯନ୍ତ୍ରୀ ପ୍ରଭାତ କୁମାର ବେହେରା, ଚାନ୍ଦବାଲି ବ୍ଲକ ମନରେଗା ସହକାରୀ ସନ୍ତୋଷ କୁମାର ନାୟକ, ସହକାରୀ ଯନ୍ତ୍ରୀ ସ୍ମୃତିରଞ୍ଜନ ତରାଇ, ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଧିରେନ୍ଦ୍ର ନାୟକ, ବିପିଏମ୍ ଷ୍ଟାଲିନ ନାୟକ, ଜିଆରଏସ ରୀତାରାଣୀ ମୁଦୁଲି, ପୂର୍ବତନ ଜିଆର୍‌ଏସ ପୁରୁଷୋତ୍ତମ ବାରିକ ଏବଂ ଗୋପିନାଥପୁର ପଞ୍ଚାୟତର ସରପଞ୍ଚ ବାପୁନ ବାରିକ ପ୍ରମୁଖ ସଂପୃକ୍ତ ସ୍ଥାନରେ ଉପସ୍ଥିତ ରହି ଲୋକାଯୁକ୍ତଙ୍କୁ ସହଯୋଗ କରିଥିଲେ ।