ମୁଖ୍ୟମନ୍ତ୍ରୀଙ୍କ ପୁସ୍ତକ ପ୍ରେମକୁ ନେଇ ରାଜନୈତିକ ଅଙ୍କକଷା ଆରମ୍ଭ କରିଦେଇଛନ୍ତି ବିରୋଧୀ । ବୁକ୍ ଷ୍ଟୋରକୁ ଗଲେ ନିଜେ ମୁଖ୍ଯମନ୍ତ୍ରୀ। ସେଠାରୁ ଦୁଇଟି ବହି କିଣିବା ସହ ବିଲ ନିଜେ ପଇଠ କଲେ। ଗତ ରାତିରେ ମୁଖ୍ଯମନ୍ତ୍ରୀ ଓ ଭି କେ ପାଣ୍ଡିଆନ ମାଷ୍ଟର କ୍ଯାଣ୍ଟିନ ଛକକୁ ଯାଇ ସେଠାରେ ଥିବା ମଡର୍ଣ୍ଣ ବୁକ୍ ଡିପୋ ଭିତରେ ପ୍ରବେଶ କରିଥିଲେ। ମୁଖ୍ୟମନ୍ତ୍ରୀଙ୍କୁ ଦେଖି ଦୋକାନୀ ଓ ଦୋକାନର ସବୁ କର୍ମଚାରୀ ଆଶ୍ଚର୍ଯ୍ୟ ଚକିତ ହୋଇଯାଇଥିବା ବେଳେ ମୁଖ୍ଯମନ୍ତ୍ରୀ ସିଧା ବୁକ୍ ସେଲଫ୍ ଆଡକୁ ଆଗେଇ ଯାଇଥିଲେ। ଦୁଇଟି ବହି ଉଠାଇଥିଲେ ଓ ତାର ବିଲ ନିଜେ ୫୦୦ ଟଙ୍କିଆ ନୋଟରେ ଦେଇଥିଲେ। ମୁଖ୍ଯମନ୍ତ୍ରୀଙ୍କ ଏହି ବହି କିଣିବା ସମୟରେ ରାଜ୍ୟର ବହୁ ଟିଭି ଚ୍ୟାନେଲ ମଧ୍ୟ ସେଠାରେ ଉପସ୍ଥିତ ରହି ଖବର ସଂଗ୍ରହ କରିଥିଲେ। ମୁଖ୍ଯମନ୍ତ୍ରୀ କିଣିଥିବା ଗୋଟିଏ ବହି ‘ସିକ୍ରେଟ୍ସ ଅଫ ସିମିଳିପାଳ’ ଏକ ଭଲ ବହି ବୋଲି କହିଛନ୍ତି ନବୀନ। ଏଥିସହ ନିର୍ବାଚନ ପ୍ରଚାର ପରେ ସାମାନ୍ୟ ବିରାମ ପାଇଁ ବହି କିଣିଥିବା କହିଛନ୍ତି ନବୀନ।

ସେପଟେ ମୁଖ୍ଯମନ୍ତ୍ରୀ ନିଜେ ଆସି ଦୋକାନରୁ ବହି କିଣିଥିବାକୁ ନେଇ ବେଶ ଖୁସି ଥିବା ସହ ଗର୍ବ ଅନୁଭବ କରିଛନ୍ତି ଦୋକାନର ମାଲିକ।

ମୁଖ୍ଯମନ୍ତ୍ରୀ କିଣିଥିବା ‘ସିକ୍ରେଟ୍ସ ଅଫ ସିମିଳିପାଳ’ କୁ ନେଇ ଏବେ ଚର୍ଚ୍ଚା। ଏହି ବହିଟି ୨୦୨୧ରେ ବହିର ରଚୟିତା ଦେବବ୍ରତ ସ୍ବାଇଁ ନିଜେ ନବୀନଙ୍କୁ ଭେଟି ଦେଇଥିଲେ। ଏହା ପରେ ପୁଣି ମୁଖ୍ଯମନ୍ତ୍ରୀ ସେହି ବହି କିଣିବା ଓ ଆଇ ଲାଇକ୍ ଦିସ ‘ସିକ୍ରେଟ୍ସ ଅଫ ସିମିଳିପାଳ’ କହିବା ଅନେକଙ୍କୁ ଆଶ୍ଚର୍ଯ୍ୟ କରିଛି। ତେବେ ଏମିତି ନିଜେ ଦୋକାନକୁ ଯିବା ଓ ବହି କିଣିବା ପଛରେ ପ୍ରଧାନମନ୍ତ୍ରୀ ତଥା ବିରୋଧୀ ନେତାଙ୍କ ଦ୍ବାରା ବାରମ୍ବାର ତାଙ୍କ ସ୍ବାସ୍ଥ୍ୟକୁ ନେଇ ପ୍ରଶ୍ନ ଉଠାଯିବାକୁ ପ୍ରତିହତ କରିବାକୁ ଏପରି କରିଥିବା ସାଧାରଣରେ ଚର୍ଚ୍ଚା ହେଉଛି। ସେହିପରି, ନବୀନଙ୍କର ଆଉ ଏକ ଛୋଟ ଭିଡିଓ ମଧ୍ୟ ବିଜେଡି ପକ୍ଷରୁ ଛଡା ଯାଇଛି। ଯେଉଁଥିରେ ସେ ଲୁଙ୍ଗି ଓ ଧଳା ଗଞ୍ଜି ପିନ୍ଧି ଏକ ଓଡିଆ ଚ୍ୟାନେଲ୍ ରେ ତାଙ୍କ ବହି କିଣିବାର ଖବର ଦେଖୁଛନ୍ତି । ଏହି ଭିଡିଓକୁ ନେଇ କୁହାଯାଉଛି କି ଦୁଇ ଦିନ ତଳେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ANI କୁ ସାକ୍ଷାତକାର ଦେଇ ନବୀନଙ୍କ ଟିଭିରେ ଓଡିଆ ଚ୍ୟାନେଲ ନ ଥିବା କଥା କହିଥିଲେ। ତେବେ, କିଛି ଦିନ ହେବ ମୁଖ୍ଯମନ୍ତ୍ରୀ ପ୍ରେସ ବିଜ୍ଞପ୍ତି ଜାରି କରି ନିଜ ସ୍ବାସ୍ଥ୍ୟ ବିଷୟରେ ସ୍ପଷ୍ଟିକରଣ ଦେବା, ହସ୍ପିଟାଲ ଯିବା ଏବଂ ବହି କିଣିବା ପରି ଦୃଶ୍ୟକୁ ଦେଖି ବିଶେଷଜ୍ଞ କହୁଛନ୍ତି, ଯାହା ୨୪ ବର୍ଷରେ କେବେ ଦେଖିବାକୁ ମିଳି ନ ଥିଲା, ୨୦୨୪ ନିର୍ବାଚନ ଯୋଗୁ ତାହା ସମ୍ଭବ ହୋଇଛି । ତେବେ, ସେ ଯାହା ହେଉନା କାହିଁକି, ମୁଖ୍ଯମନ୍ତ୍ରୀଙ୍କ ବହି କିଣାକୁ ନେଇ ବିଭିନ୍ନ ବର୍ଗ ପକ୍ଷରୁ ଭିନ୍ନ ମତ ପ୍ରକାଶ ପାଉଛି।

ତାଳଚେର ରେଳ ଷ୍ଟେସନ ଠାରେ ପୂର୍ବତଟ ରେଳବାଇ ଖୋର୍ଦ୍ଧା ଡିଭିଜନର ରେଳ ଲୋକ ପାଇଲଟ କର୍ମଚାରୀ ମାନେ ବିଭିନ୍ନ ଦାବି ନେଇ ଧର୍ମଘଟ କରିଛନ୍ତି, ଗତ ୨୩ ତାରିଖ ଠାରୁ ଏ ଧର୍ମ ଘଟ ଜାରି ରହିଥିବା ବେଳେ ସେମାନଙ୍କ ଲୋକୋ ପାଇଲଟ ମାନଙ୍କ ଦାବି ହେଉଛି ତାଙ୍କୁ କିଲୋମିଟର ପିଛା ପାରିଶ୍ରମିକ ମିଳୁନି, ରେଷ୍ଟ ରୁମର ବ୍ୟବସ୍ଥା ନାହିଁ ଏଥି ସହିତ ସେମାନଙ୍କୁ ତାଙ୍କର ଦୈନିକ ଡ୍ୟୁଟି ସମୟର ସମୟକୁ କାଟି ଦିଆ ଯାଉଛି, ସାଧାରଣତଃ ଟ୍ରେନ୍ ଇଞ୍ଜିନ ଗୁଡିକରେ ଏ.ସି. ରହୁ ନଥିବା କାରଣରୁ ଗରମ୍ ସମୟରେ ଟ୍ରେନ୍ ଚଳେଇବା ଏକ ପ୍ରକାର ମୁଣ୍ଡ ବ୍ୟଥାର କାରଣ ପାଲଟିଛି, ତେଣୁ ଏହିସବୁ ସମସ୍ୟାକୁ ରେଳର୍କୃପକ୍ଷଙ୍କୁ ବାରମ୍ବାର ଅବଗତ କରାଇ ଆସୁଥିଲେ ମଧ୍ଯ ଏହି ସବୁ ଦାବି ଗୁଡ଼ିକୁ ସମାଧାନ କରିବାରେ ରେଲଭିଭାଗ ଦୃଷ୍ଟି ଦେଉ ନଥିବା ରେଳ କର୍ମଚାରୀ ମାନେ ଅଭଯୋଗ ଆଣିଛନ୍ତି।

ତେବେ ଯେପର୍ଯ୍ୟନ୍ତ ତାଙ୍କର ଏସବୁ ସମସ୍ୟାର ସମାଧାନ ନହୋଇଛି ସେପର୍ଯ୍ୟନ୍ତ ଧର୍ମଘଟ ଜାରୀରହିବ ବୋଲି ରେଳ ଲୋକ ପାଇଲଟ କର୍ମଚାରୀ ଚେତାବନୀ ଦେଇଛନ୍ତି

ଆଜି ହେଉଛି ଶେଷ ପର୍ଯ୍ୟାୟ ମତ ଦାନ ଦିବସ, କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ନିର୍ବାଚନ ମଣ୍ଡଳୀର ବିଜେପି ପ୍ରାଥୀ ଦୁର୍ଗା ପ୍ରସନ ନାୟକ ବୁଥ ନମ୍ବର ୨୨୭ ବୁଧେ ସ୍ୱରୀ ନୋଡାଲ ଉପ୍ରା ବିଦ୍ୟାଳୟ ଶ୍ରୀ ଚନ୍ଦନ ପୁରରେ ପହଁଚି ଲାଇନରେ ଠିଆ ହୋଇ ମତଦାନ କରିଛନ୍ତି, ନିର୍ବାଚନର ଏହି ପବିତ୍ର ପର୍ବ ରେ ସମସ୍ତେ ସାମିଲି ହୋଇ ମହାକାଳପଡ଼ା ର ବିକାଶ ଓ ରାଷ୍ଟର ବିକାଶ ପାଇଁ ମତଦାନ କରିବା ପାଇଁ ନିବେଦନ କରିଛନ୍ତି,

ସେହିଭଳି କେନ୍ଦ୍ରାପଡା ଜିଲ୍ଲା ମହାକାଳପଡ଼ା ନିର୍ବାଚନ ମଣ୍ଡଳୀ ର ବିଜେଡି ପ୍ରାର୍ଥୀ ମନ୍ତ୍ରୀ ଅତନୁ ସବ୍ଯସାଚ୍ଚୀ ନାୟକ ଆଜି ସକାଳୁ ସକାଳୁ ନିଜ ଗାଁରେ ଭୋଟ ଦେଇଛନ୍ତି । ପାଟକୁରା ନିର୍ବାଚନ ମଣ୍ଡଳୀ ଗରଦପୁର ବ୍ଲକ ସାନ ଅଢଙ୍ଗା ଗାଁର ୨୩୦ ନମ୍ବର ବୁଥ୍ ରେ ସେ ମତଦାନ କରିଛନ୍ତି । ଭୋଟ ଦାନ କେନ୍ଦ୍ର ରେ ଶ୍ରୀ ନାୟକ ଧାଡିରେ ଯାଇ ଭୋଟ ହୋଇଛନ୍ତି । ସମସ୍ତଙ୍କର ମତଦାନ ଅଧିକାର ରହିଛି । ସଚେତନ ନାଗରିକ ଭାବେ ଶାନ୍ତି ଶୃଙ୍ଖଳା ରକ୍ଷା କରି ସମସ୍ତେ ଆସି ନିଜ ନିଜର ମତ ଦେବାକୁ ସେ ଆହ୍ବାନ କରିଛନ୍ତି ।

ତେବେ ଚତୁର୍ଥ ପର୍ଯ୍ଯୟ ସହ ଆଜି ସରୁଛି ଭୋଟ ଅପେକ୍ଷା ଜୁନ୍ ୪ କୁ କିଏ ମାରିବ ବାଜି କିଏ ପିନ୍ଧିବ ବିଜୟ ମୁକୁଟ

ବିଶିଷ୍ଟ କଣ୍ଢେଇ ନୃତ୍ୟ ଗୁରୁ ତଥା ପଦ୍ମଶ୍ରୀ ମାଗୁଣି ଚରଣ କୁଅଁରଙ୍କ ଦେହାନ୍ତ । ଆଜି ଭୋର ସମୟରେ ତାଙ୍କ ପୈତୃକ ଘରେ ୮୮ ବର୍ଷ ବୟସରେ ମୃତ୍ୟୁବରଣ କରିଛନ୍ତି ପଦ୍ମଶ୍ରୀ କୁଅଁର। କିଛି ଦିନ ହେବ ବାର୍ଦ୍ଧକ୍ୟ ଜନିତ ଅସୁସ୍ଥତା ଯୋଗୁଁ ତାଙ୍କର ସ୍ବାସ୍ଥ୍ୟାବସ୍ଥା ଗୁରୁତର ହୋଇପଡିଥିଲା।ତାଙ୍କୁ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ପରିବାର ବର୍ଗ। କିନ୍ତୁ କିଛି ଦିନ ପରେ ସ୍ବାସ୍ଥ୍ୟାବସ୍ଥାରେ ପରିବର୍ତ୍ତନ ନ ଆସିବାରୁ ଡାକ୍ତର ତାଙ୍କୁ ଘରକୁ ଫେରାଇ ଦେଇଥିଲେ। ତାଙ୍କ ମୃତ୍ୟୁରେ ସାରା ରାଜ୍ୟରେ ଶୋକର ଛାୟା ଖେଳିଯାଇଛି। ମୃତ୍ୟୁ ଖବର ପାଇ ବହୁ ବିଶିଷ୍ଟ ବ୍ୟକ୍ତି ତାଙ୍କ ଘରେ ପହଞ୍ଚି ଶେଷ ଦର୍ଶନ କରିବା ସହ ଶ୍ରଦ୍ଧା ସୁମନ ଅର୍ପଣ କରିଛନ୍ତି। ବନ୍ଧୁବାନ୍ଧବ, ଜ୍ଞାତି କୁଟୁମ୍ବ ମରଶରୀରରୁ ବେଢି ବସି ଶେଷ ବିଦାୟ ଦେଇଛନ୍ତି। କାନ୍ଦ ବୋବୋଳିରେ ଘର ଫାଟି ପଡିଛି। ପଦ୍ମଶ୍ରୀ କୁଅଁରଙ୍କ ବିୟୋଗରେ ରାଷ୍ଟ୍ରପତି ଟ୍ବିଟ୍ ଯୋଗେ ଦୁଃଖ ପ୍ରକାଶ କରିଛନ୍ତି।

ପଦ୍ମଶ୍ରୀ କୁଅଁର ତାଙ୍କ ଅକ୍ଳାନ୍ତ ପରିଶ୍ରମ ଦ୍ବାରା କଣ୍ଢେଇ ନୃତ୍ୟକୁ ବିଶ୍ଵ ଦରବାରରେ ପରିଚୟ ପ୍ରଦାନ କରିଛନ୍ତି। ୨୦୨୩ ମସିହାରେ ଭାରତ ସରକାରଙ୍କ ପକ୍ଷରୁ ତାଙ୍କ ଜୀବନବ୍ୟାପୀ ସାଧନା ପାଇଁ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯାଇଥିଲା। ମାଟିର ଝିଅ ରାଷ୍ଟ୍ରପତି ଦ୍ରୌପଦୀ ମୁର୍ମୁ ତାଙ୍କୁ ସମ୍ମାନିତ କରିଥିଲେ। ଏଠାରେ କହି ରଖୁଛୁ କି, ଗତ କିଛିଦିନ ତଳେ ସ୍ବର୍ଗତ କୁଅଁର ନିଜର ବଡ ପୁଅକୁ ହରାଇଥିବା ବେଳେ କିଛି ବର୍ଷ ପୂର୍ବେ ତାଙ୍କ ସାନ ପୁଅକୁ ହରାଇ ଥିଲେ।

ଏକ ତାରିଖରେ ଯାଜପୁରରେ ନିର୍ବାଚନ ହେବାକୁ ଯାଉଥିବା ବେଳେ ଧର୍ମଶାଳାରେ ଦେଖିବାକୁ ମିଳୁଛି ନିର୍ବାଚନୀ ହିଂସା। ଯାହାକୁ ନେଇ ଅଶାନ୍ତ ହୋଇଉଠିଛି ଧର୍ମଶାଳା ମାହୋଲ। ଗତକାଲି ଅପରାହ୍ନରେ ବିଜେଡିର ବର୍ତ୍ତମାନର ବିଧାୟକ ତଥା ପ୍ରାର୍ଥୀ ପ୍ରଣବ ବଳବନ୍ତ ରାୟ ପ୍ରଚାରରେ ବାହାରିଥିଲେ। ମାଣ୍ଡିଆ ଛକରେ ପୂର୍ବତନ ସରପଞ୍ଚ ଦିଲ୍ଲୀପ ବେହେରା ନିଜ ସ୍କର୍ପିଓ ରାଲି ଉପରେ ଚଢାଇ ଦେଇଥିଲେ। ଏଥିରେ ବହୁ ବାଇକ ଭାଙ୍ଗି ଯାଇଥିବା ବେଳେ ବାଇକ ଚାଳକ ଖଣ୍ଡିଆ ଖାବରା ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି। ଘଟଣାକୁ ନେଇ ଉତ୍ତେଜନା ପ୍ରକାଶ ପାଇଛି। ସେପଟେ ଦୁର୍ଘଟଣା ଘଟାଇଥିବା ଦିଲ୍ଲୀପ ସେଠାରୁ ଖସି ପଳାଇବାରେ ସଫଳ ହୋଇଥିବା ବେଳେ ପ୍ରଣବଙ୍କ ସମର୍ଥକମାନେ ସ୍କର୍ପିଓକୁ ବାଡେଇ ଭାଙ୍ଗି ଦେବା ସହ ତାଙ୍କ ଅଫିସରେ ପଶି ଭଙ୍ଗାରୁଜା କରିଛନ୍ତି। ଦିଲୀପଙ୍କ କାର୍ଯ୍ୟାଳୟରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଛି। ଘଟଣାରେ ପୋଲିସ ତଦନ୍ତ ଆରମ୍ଭ କରିଛି।

ସେହିପରି ଗତ ରାତିରେ ମଧ୍ୟ ଏହି ନିର୍ବାଚନ ମଣ୍ଡଳୀରେ ଆଉ ଏକ ଘଟଣା ଘଟି ଯାଇଛି। ସମ୍ପାରୁ ପଞ୍ଚାୟତ କାଦୁଅମାଗୁରା ଗାଁକୁ ରାତି ପ୍ରାୟ ୧୨ଟାରେ ବିଜେଡି ଜିଲ୍ଲା ପରିଷଦ ସଭ୍ଯାଙ୍କ ସ୍ବାମୀ ପ୍ରହଲ୍ଲାଦ ଲେଙ୍କା ନିଜ ସହଯୋଗୀଙ୍କ ସହ ଯାଇଥିଲେ। ଗ୍ରାମବାସୀ ଗାଡି ଅଟକାଇ ରାତି ଅଧରେ କାହିଁ ଗାଁକୁ ଆସିଛନ୍ତି ବୋଲି ପଚାରିଥିଲେ। ଟଙ୍କା ବାଣ୍ଟିବାକୁ ପ୍ରହଲ୍ଲାଦଙ୍କ ଅନ୍ଧାରୀ ବିଜେ ବୋଲି ଅଭିଯୋଗ କରି ଦୀର୍ଘ ସମୟ ଧରି ରାସ୍ତା ଉପରେ ଗାଡିକୁ ଘେରିଥିଲେ। ଖବର ପାଇ ପୋଲିସ ପହଞ୍ଚିଥିଲା। ହେଲେ ପୋଲିସ ଲୋକଙ୍କ ଅଭିଯୋଗରେ ପ୍ରହଲ୍ଲାଦଙ୍କ ଗାଡି ଯାଞ୍ଚ କରିବା ବଦଳରେ ସେଠାରୁ ତାଙ୍କୁ ଖସି ଯିବାରେ ସାହାଯ୍ୟ କରିଥିଲା। ଯାହାକୁ ନେଇ ଉତ୍କ୍ଷିପ୍ତ ଲୋକେ ପୋଲିସ ଗାଡି ଭାଙ୍ଗି ଦେଇଥିଲେ। ଏଥିରେ ପୋଲିସ ୪ ଜଣଙ୍କୁ ଉଠାଇନେଇଥିଲା। ଘଟଣାକୁ ନେଇ ଗାଁରେ ଉତ୍ତେଜନା ପ୍ରକାଶ ପାଇଛି।

ପ୍ରଶାନ୍ତ ଜଗଦେଵଙ୍କୁ ଡରିଗଲେ କି ? ତାଙ୍କ କର୍ମତତ୍ପରତା, ଲୋକପ୍ରିୟତା ରହିଛି। ଯାହାକୁ ଡରିଯାଇଛି ବିଜେଡି। ତାଙ୍କୁ ଫସାଇବାକୁ ଏପରି ଏପରି କରାଯାଇଛି। ଯାହାର ୩ଟି ପ୍ରମାଣ ଅଛି ଆମ ପାଖରେ। ସିସିଟିଭି ଫୁଟେଜରେ ଜଗଦେଵ ଯେ ଇଭିଏମ ଭାଙ୍ଗି ନାହାନ୍ତି ତାହା ସ୍ପଷ୍ଟ ହୋଇଛି ବୋଲି କହିଛନ୍ତି ସାଂସଦ ଅପରାଜିତା ଷଡ଼ଙ୍ଗୀ ।

ପ୍ରଶାନ୍ତ ଜଗଦେବଙ୍କୁ ନେଇ ଖୋର୍ଦ୍ଧା ରାଜନୀତି ଉଠୁଛି ପଡୁଛି। ମୁହାଁମୁହିଁ ହୋଇଛନ୍ତି ବିଜେଡି ବିଜେପି ।ଆଇନ ଶୃଙ୍ଖଳା ପରିସ୍ଥିତି ଉପରେ ବିଜେପି ଉଠାଇଛି ପ୍ରଶ୍ନ। ଛେଣ୍ଡିପଦା ବିଧାୟକ ସ୍ପଷ୍ଟ ଦିବାଲୋକରେ ବିଶୃଙ୍ଖଳା ଘଟାଇଲେ। ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେଲାନି, କିନ୍ତୁ ବିନା ଯାଞ୍ଚରେ, ବିନା ଅନୁମତିରେ ଜଣେ ସାଂସଦଙ୍କ ଗାଡି ଅଟକାଇ ପ୍ରଶାନ୍ତ ଜଗଦ୍ଦେବଙ୍କୁ ନିଆଗଲା। ୩ ଦିନ ହେଲା ସେ ଜେଲରେ। ଏସବୁ ପାଇଁ ମୁଖ୍ୟମନ୍ତ୍ରୀ କୋଟେରୀ, ତୃତୀୟ ମହଲା ଏବଂ ତାମିଲ ବାବୁ ଦାୟୀ। ଜଗଦ୍ଦେବଙ୍କୁ ଫସେଇବାକୁ ଷଡଯନ୍ତ୍ର କରାଯାଇଛି ବୋଲି ଅଭିଯୋଗ କରିଛନ୍ତି ସାଂସଦ ଅପରାଜିତା ଷଡଙ୍ଗୀ।

ସେପଟେ ବିଜେପିକୁ କଡା ଜବାବ ଦେଇଛି ବିଜେଡି । ଆଉ କହିଛି ଗୁଣ୍ଡାର ପ୍ରଶଂସା କରୁଛି ବିଜେପି ଦଳ। ଦଳ ଗୁଣ୍ଡାର ଗୁଣଗାନ କରୁଛି। ଏହା ହେଉଛି ବିଜେପିର ଚରିତ୍ର । ଏଥିସହ ସିଧା ସଳଖ ଅପରାଜିତା ଙ୍କୁ କଡା ସମାଲୋଚନା କରିଛନ୍ତି ବିଜେଡି ଜାତୀୟ ମୁଖପାତ୍ର ସସ୍ମିତ ପାତ୍ର। ଅପରାଜିତାଙ୍କ ପୁରୁଣା ବୟାନକୁ ମନେପକାଇଛନ୍ତି ସସ୍ମିତ ।

ତେବେ ପ୍ରଶାନ୍ତ ଜଗଦ୍ଦେବ ଖୋର୍ଦ୍ଧା ବୋଲଗଡ ବ୍ଲକ କାଉଁରିପାଟଣା ବୁଥରେ ପସି ହଙ୍ଗାମା କରିବା ସହ ଇଭିଏମ ଭାଙ୍ଗିଥିଲେ ବୋଲି ୨୫ ତାରିଖରେ ଅଭିଯୋଗ ହୋଇଥିଲା। ପ୍ରିଜାଇଡିଂ ଅଧିକାରୀଙ୍କ ଅଭିଯୋଗ ଆଧାରରେ ପୋଲିସ ତାଙ୍କୁ ଗିରଫ କରିଥିଲା। ତାଙ୍କ ବିରୋଧରେ ୧୬ ଟି ଦଫା ଲଗାଯାଇ ଜେଲକୁ ପଠାଇ ଦିଆଯାଇଛି। ଯାହାକୁ ବିରୋଧ କରୁଛି ବିଜେପି। ଆଜି ଅପରାଜିତା ଷଡଙ୍ଗୀ ଏକ ସିସିଟିଭି ଫୁଟେଜ ସାର୍ବଜନୀନ କରିବା ପରେ ଜଗଦ୍ଦେବଙ୍କ ବିରୋଧରେ ଥିବା ଅଭିଯୋଗ ସମ୍ପୂର୍ଣ୍ଣ ମିଥ୍ୟା ବୋଲି ଜଣାପଡିଛି। ହେଲେ କିଏ ବିଧାନସଭା ପୋଲିଂ କ୍ୟାବିନେଟ ଭାଙ୍ଗିଲା ତାହା ଜଣାପଡିନାହିଁ।

କେନ୍ଦ୍ରାପଡା ଲୋକସଭା କ୍ଷେତ୍ରର ପାଟକୁରାରେ ଆସାମ ମୁଖ୍ଯମନ୍ତ୍ରୀଙ୍କୁ ଜନତାଙ୍କ ପ୍ରତ୍ଯାକ୍ଷାନ। ହିମନ୍ତ ବିଶ୍ବଶର୍ମାଙ୍କ ଭାଷଣ ମଝିରୁ ଉଠି ଚାଲିଗଲେ ଲୋକେ। ଖାଲି ହୋଇଗଲା ଚୌକି। ଯାହାକୁ ନେଇ କେନ୍ଦ୍ରାପଡା ବିଜେପି ଏବେ ଚିନ୍ତାରେ। ଆସନ୍ତା ଜୁନ ୧ ତାରିଖରେ କେନ୍ଦ୍ରାପଡାରେ ପଡିବ ଭୋଟ। କେନ୍ଦ୍ରାପଡା ହାତେଇବାକୁ ବିଜେପି କେନ୍ଦ୍ରୀୟ ନେତୃତ୍ବ ଘନଘନ ଏଠାକୁ ଗସ୍ତ କରୁଛନ୍ତି। ବହୁ କେନ୍ଦ୍ରୀୟ ନେତୃତ୍ବ ଆସି ରାଜ୍ୟ ସରକାରଙ୍କ ଉପରେ ବର୍ଷିବା ସହ ଲୋକସଭା ପ୍ରାର୍ଥୀ ବୈଜୟନ୍ତ ପଣ୍ଡା ଓ ୭ ବିଧାୟକ ପ୍ରାର୍ଥୀଙ୍କ ପାଇଁ ପ୍ରଚାର କରିଛନ୍ତି। ଗତକାଲି ଆସାମ ମୁଖ୍ଯମନ୍ତ୍ରୀ ହିମନ୍ତ ବିଶ୍ବଶର୍ମାଙ୍କ କେନ୍ଦ୍ରାପଡାରେ ପ୍ରଚାର ଥିଲା। ହିମନ୍ତଙ୍କ ଭାଷଣ ଶୁଣିବାକୁ ବିଜେପି ଦ୍ବାରା ଆୟୋଜିତ ସଭାରେ ଲୋକଙ୍କ ପ୍ରବଳ ଭିଡ ଦେଖିବାକୁ ମିଳିଥିଲା। ବୈଜୟନ୍ତଙ୍କ ଭାଷଣ ପରେ ହିମନ୍ତ ବିଶ୍ବଶର୍ମାଙ୍କ ଅଭିଭାଷଣ ଆରମ୍ଭ ହୋଇଥିଲା। ୨୫ ବର୍ଷର ସରକାରରେ ରାଜ୍ୟର ଦୁରାବସ୍ଥା, ପାଣ୍ଡିଆନଙ୍କ ଆଧିପତ୍ୟ ଆଦି ବିଷୟରେ ଖୁବ ବର୍ଷିଥିଲେ ହିମନ୍ତ। (ଭିଜୁଆଲ୍) ଯାହାକୁ ପ୍ରାରମ୍ଭିକ ଅବସ୍ଥାରେ ଲୋକେ ଉପଭୋଗ କରିଥିଲେ। କିନ୍ତୁ ଯେତେବେଳେ ବିଶ୍ବଶର୍ମାଙ୍କ ଅଭିଭାଷଣ ପାଣ୍ଡିଆନ ଓ ତାଙ୍କ ପତ୍ନୀ କୈନ୍ଦ୍ରିକ ହେଲା ସେତେବେଳେ ଲୋକେ ଚେୟାର ଛାଡି ପଳାଇଲେ। ମାତ୍ର କିଛି ସମୟ ମଧ୍ୟରେ ସଭାସ୍ଥଳିରେ ଖାଲି ଚେୟାର ଦେଖିବାକୁ ମିଳିଥିଲା। (ଭିଜୁଆଲ୍) କେନ୍ଦ୍ରାପଡା ସମ୍ପୂର୍ଣ୍ଣ ରୂପେ ବିଜେଡି ଗଡ। ଏହା ବ୍ୟତୀତ ପାଣ୍ଡିଆନଙ୍କ ପତ୍ନୀ ସୁଜାତା ପାଣ୍ଡିଆନ ହେଉଛନ୍ତି କେନ୍ଦ୍ରାପଡାର ଝିଅ। ତେଣୁ ପାଣ୍ଡିଆନ ଦମ୍ପତିଙ୍କ ପ୍ରତି ହିମନ୍ତଙ୍କ ଭାଷଣ ଲୋକଙ୍କ ଦ୍ବାରା ଅଗ୍ରାହ୍ୟ ହୋଇଥିଲା। ଅନ୍ୟପଟେ ଲୋକଙ୍କ ଦ୍ବାରା ବିଜେପିର ଷ୍ଟାର ପ୍ରଚାରକ ଗ୍ରହଣ ନ ହେବା କେନ୍ଦ୍ରାପଡା ବିଜେପିକୁ ଚିନ୍ତାରେ ପକାଇ ଦେଇଛି। କେନ୍ଦ୍ରାପଡା ଗଡ ହାତେଇବା ବିଜେପି ପାଇଁ ସ୍ବପ୍ନ ହୋଇ ରହିଯିବା ପରି ମନେ ହେଉଛି।