ଅନୁଗୋଳ ଜିଲ୍ଲା ଆଠମଲ୍ଲିକ ବ୍ଲକ ଅନ୍ତର୍ଗତ ମଇମୁରା ପଞ୍ଚାୟତର କୁତୁଲୁଶୀଙ୍ଗା ମାତା ମଠ ରେ ରତ୍ନ ମୁଦ ଉତ୍ସବ ପାଳିତ ହୋଇ ଯାଇଛି। ଏହି ଉତ୍ସବ ଅବସରରେ ପ୍ରଥମେ କଳସ ଶୋଭାଯାତ୍ରା ବାହାରି ଥିଲା। କଳସ ଶୋଭାଯାତ୍ରାରେ ବହୁ ସଂଖ୍ୟାରେ ମହିଳା ଓ ପୁରୁଷ ସଙ୍କୀର୍ତ୍ତନରେ ବାହାରିଥିଲା । ଏହା ପରେ ଧାନ, ମୁଗ ବିରି ଆଦି ଶସ୍ୟ ଏବଂ ଅଷ୍ଟ ଧାତୁ ଦେଇ ମନ୍ଦିରର ମୁଣ୍ଡି ମରା ଯାଇଥିଲା । ଏହା ପରେ ଅନୁଷ୍ଠିତ ହୋଇଥିବା ହୋମ ଯଜ୍ଞ। ବ୍ରାହ୍ମଣଙ୍କ ମନ୍ତ୍ରପାଠରେ ସାରା ଅଞ୍ଚଳ ପବିତ୍ରତାରେ ଭରିଯାଇଥିଲା। ମଠକୁ ମଇମାରୁ ପଞ୍ଚାୟତ ସମେତ ଆଖପାଖ ଅଞ୍ଚଳରୁ ହଜାର ହଜାର ସଂଖ୍ଯାରେ ଭକ୍ତଙ୍କ ସମାଗମ ହୋଇଥିଲା। ଏହି କାର୍ଯ୍ୟକ୍ରମର ମୁଖ୍ୟ ପୋରୁଧା ସାଜିଥିଲେ ମଳୟ କୁମାର ପ୍ରଧାନ ।ପ୍ରଫୁଲ୍ଲ କୁମାର ପ୍ରଧାନ, ଭୁବନ ପ୍ରଧାନ, ସତ୍ୟାନନ୍ଦ ରାଉତ, ଗୋପାଳ ରାଉତ ପ୍ରମୁଖ ଏହି କାର୍ଯ୍ୟରେ ସହଯୋଗ କରିଥିଲେ। ଆଠମଲ୍ଲିକ ବିଧାୟକ ରମେଶ ଚନ୍ଦ୍ର ସାଏ, ଭାଜପା ନେତା ସଞ୍ଜୀବ ସାହୁ, ବିଜେଡ଼ି ବରିଷ୍ଠ ନେତା ନଳିନୀ କାନ୍ତ ପ୍ରଧାନ ଏହି ମୁଦ ଉତ୍ସବରେ ଯୋଗଦେଇ ପ୍ରଭୁ କୃପା ଲାଭ କରିଥିଲେ।
Your point of view caught my eye and was very interesting. Thanks. I have a question for you.