Category: ମୁଖ୍ୟ ଖବର

ପାକିସ୍ତାନ ସାଇବର୍‌ ଆକ୍ରମଣର ଉଚିତ ଜବାବ ଦେଇଛି ଭାରତ । ଏହି ସାଇବର ଆକ୍ରମଣ ହଇଚଇ ସୃଷ୍ଟି କରିଥିବା ବେଳେ ଏହି ଯୁଦ୍ଧ ପୂରା ଡିଜିଟାଲ୍‌ ଦୁନିଆକୁ ଦୋହଲାଇ ଦେଇଥିଲା । ଯାହାର ଭାରତ ପାକ୍‌କୁ ଉଚିତ ଶିକ୍ଷା ଦେଇଛି । ସୂଚନା ମୁତାବକ, ପାକିସ୍ତାନୀ ସାଇବର୍‌ ଆକ୍ରମଣକାରୀଙ୍କୁ ଜବାବ ଦେବାକୁ ଯାଇ ଭାରତର ‘କେରଳ ସାଇବର୍‌ ଏକ୍ସଟ୍ରାକ୍ଟର’ ୧୦ଟି ପାକିସ୍ତାନ ଦୂତବାସ ୱେବ୍‌ସାଇଟ୍‌ବୁ ବନ୍ଦ କରିଦେଇଛି । ତେବେ ରାତି ଅଧରେ‌ ହୋଇଥିବା ଏହି ସାଇବର୍‌ ଯୁଦ୍ଧର ପ୍ରଭାବ ଭାରତ ସମେତ ଫ୍ରାନ୍ସ, ଜର୍ମାନୀ ଏବଂ କାଜିକ୍‌ସ୍ତାନ ଆଦି ଦେଶ ଉପରେ ପଡ଼ିଛି । ଯାହାକି ଡିଜିଟାଲ୍‌ ଜଗତରେ ଏକ ବଡ ଛାପ ଛାଡ଼ିଛି ।

ଡିଷ୍ଟ୍ରିବୁଟେଡ୍‌ ଡାନିଏଲ୍‌ ଅଫ୍‌ ସର୍ଭିସ୍‌ (ଡିଡିଓଏସ୍‌) ଆକ୍ରମଣର ଅର୍ଥ ହେଉଛି ଇଣ୍ଟର୍‌ନେଟ୍‌ର ଟ୍ରାଫିକ୍‌ ଜାମ୍‌ କରି ନେଟ୍‌ୱାର୍କ, ସର୍ଭିସ ଏବଂ ୱେବ୍‌ସାଇଟ୍‌ର କାର୍ଯ୍ୟ ଉପରେ ବାଧା ସୃଷ୍ଟି କରିବ‌ା । ତେବେ ଭାରତ ତରଫରୁ କରାଯାଇଥିବା ପ୍ରତିଆକ୍ରମଣ କେବଳ ଏକ ଅନ୍‌ଲାଇନ୍‌ ଆକ୍ରମଣ ନୁହେଁ, ବରଂ ଏହା ଥଇଲା କାଉଣ୍ଟର୍‌ ଆକ୍ରମଣ । ପାକିସ୍ତାନ ହୀନ ଚକ୍ରାନ୍ତ ପୂର୍ବକ ୨୩ଟି ଭାରତୀୟ ପୁଲିସ୍‌ ଷ୍ଟେସନ୍‌କୁ ଟାର୍ଗେଟ କରିଥିବା । ପାକିସ୍ତାନୀ ହାକ୍‌ଭିଷ୍ଟ୍‌ ଗ୍ରୁପ୍‌ ‘ଟିମ୍‌ ଇନ୍‌ସାନେ ପିକେ’ ଦ୍ବାରା ହୋଇଥିବା ଏହି ଆକ୍ରମଣର ଜବାବ ଦେଇଛି ଭାରତର ‘କେରଳ ସାଇବର୍‌ ଏକ୍ସଟ୍ରାକ୍ଟର’।

ଗତ କିଛି ମାସ ଧରି ଭାରତୀୟ ସାଇବର ସ୍ପେସ୍ ଉପରେ ବାରମ୍ବାର ଆକ୍ରଣ ହେଉଛି । ଏହା କମିବା ପରିବର୍ତ୍ତେ ବଢିଚାଲିଛି । ଦୁନିଆର ବିଭିନ୍ନ ଦେଶ ଯେମିତିକି ଇଣ୍ଡୋନେସିଆ, ବାଂଲାଦେଶ ଏବଂ ସୁଦାନ ଭଳି ବିଭିନ୍ନ ଇସଲାମ ଦେଶରେ ଥିବା ହ୍ୟାକ୍ଟିଭିଷ୍ଟ ଗୋଷ୍ଠୀ ପକ୍ଷରୁ ଏହି ଆକ୍ରମଣ ହେଉଛି । ଆଉ ଏବେ ଏହି ଆକ୍ରମଣ ଗୃପରେ ଯୋଡି ହୋଇଛି ପାକିସ୍ତା ।

ପାକିସ୍ତାନରେ ଇମ୍ରାନ ଖାନ ଏବଂ ସରକାରଙ୍କ ମଧ୍ୟରେ ତିକ୍ତତା ବଢିବାରେ ଲାଗିଛି । ଇମ୍ରାନଙ୍କୁ ଅଲ କାଦର ଟ୍ରଷ୍ଟ ମାମଲାରେ ମେ ୯ ତାରିଖରେ ଗିରଫ କରାଯାଇଥିଲା, ଯଦିଓ ୨ ଦିନ ପରେ ଜାମିନ ପାଇଥିଲେ । ଇମ୍ରାନ ଖାନଙ୍କ ଗିରଫ ପରେ ବିକ୍ଷୋଭକାରୀ ମାନେ ପାକିସ୍ତାନୀ ସେନାକୁ ଟାର୍ଗେଟ କରିଥିଲେ, ଯେଉଁଥିପାଇଁ ସେନା କ୍ରୋଧିତ ହୋଇଥିଲେ । ସେନା ଅଧିନିୟମ ଅନୁଯାୟୀ ପ୍ରଦର୍ଶନକାରୀଙ୍କ ବିରୋଧରେ ମାମଲା ରୁଜୁ କରିବାକୁ ଘୋଷଣା କରାଯାଇଛି । ସୂଚନା ଅନୁସାରେ, ପାକିସ୍ତାନୀ ସେନା ଇମ୍ରାନ ଖାନଙ୍କୁ ଏକ ଅଫର ଦେଇଛି ।

ପାକିସ୍ତାନୀ ସେନା ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ପାକିସ୍ତାନ ଛାଡିବାକୁ ପ୍ରସ୍ତାବ ଦେଇଛି ଏବଂ ନହେଲେ ସେନା ଆଇନକୁ ସାମ୍ନା କରିବାକୁ ପ୍ରସ୍ତୁତ ହେବା ଉଚିତ ବୋଲି କହିଛନ୍ତି । ଇମ୍ରାନ ଖାନଙ୍କୁ ସେନା ଦ୍ୱାରା ଦୁବାଇ ଏବଂ ଲଣ୍ଡନ ଯିବାକୁ ପ୍ରସ୍ତାବ ଦିଆଯାଇଛି । ଦେଶର ସେନା କହିଛି ଯେ, ଯଦି ଇମ୍ରାନ ପାକିସ୍ତାନ ଛାଡନ୍ତି ତେବେ ସେନା ତାଙ୍କ ବିରୋଧରେ କୌଣସି ମାମଲା ରୁଜୁ କରିବ ନାହିଁ ।

ପୂର୍ବତନ ପ୍ରଧାନମନ୍ତ୍ରୀ ତଥା ପିଟିଆଇ ମୁଖ୍ୟ ଇମରାନ ଖାନ ପାକିସ୍ତାନ ସେନା ଦେଇଥିବା ଅଫରକୁ ଗ୍ରହଣ କରିବାକୁ ମନା କରି ଦେଇଛନ୍ତି । ପାକିସ୍ତାନ ସେନାକୁ କଡ଼ା ଜବାବ ଦେଇ ସେ କହିଛନ୍ତି ଯେ, ଯାହା ଘଟୁ ପଛେ ସେ ପାକିସ୍ତାନ ଛାଡିବେ ନାହିଁ ।

ଏହାପୂର୍ବରୁ ପାକିସ୍ତାନୀ ସେନା ମୁଖ୍ୟ ଜେନେରାଲ ଅସୀମ ମୁନିର୍ ଖୋଲାଖୋଲି ଭାବେ ଇମ୍ରାନ ଖାନଙ୍କ ସମର୍ଥକଙ୍କୁ ଧମକ ଦେଇଥିଲେ ଯେ, ଯଦି ପୁନର୍ବାର ୯ ତାରିଖ ଭଳି ଘଟଣା ଘଟେ ତେବେ ଆମେ ବରଦାସ୍ତ କରିବୁ ନାହିଁ । ସେ ସିୟାଲକୋଟ ଗେରିସନ ଗସ୍ତ ସମୟରେ ଏହି ସୂଚନା ଦେଇଛନ୍ତି, ଯେଉଁଠାକୁ ସେ ଶହୀଦଙ୍କ ସ୍ମାରକୀରେ ପୁଷ୍ପମାଲ୍ୟ ଅର୍ପଣ କରିବାକୁ ଯାଇଥିଲେ ।

ଦୁଇ ଦିନ ପୂର୍ବେ ସେନା ଅଧିନିୟମ ଅନୁଯାୟୀ, ଗିରଫ ହୋଇଥିବା ବିକ୍ଷୋଭକାରୀଙ୍କ ବିରୁଦ୍ଧରେ କେସ ଚଳାଇବାକୁ ପାକିସ୍ତାନରେ ଅନୁମତି ଦିଆଯାଇଛି । ଦେଶର ଯେକୌଣସି ଆଭ୍ୟନ୍ତରୀଣ ପ୍ରସଙ୍ଗରେ ସେନାର ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଛି । ପାକିସ୍ତାନୀ ସେନା ସରକାରଙ୍କୁ ଆର୍ମି ଆକ୍ଟ ଲାଗୁ କରିବାକୁ କହିଥିଲେ । ଆର୍ମି ଆକ୍ଟ, ଅଫିସିଆଲ୍ ସିକ୍ରେଟ୍ ଆକ୍ଟ ଭାବରେ ମଧ୍ୟ ଜଣାଶୁଣା । ଏହା ସାହାଯ୍ୟରେ ସେନା ତାଙ୍କ ତରଫରୁ ଗିରଫ ହୋଇଥିବା ଅପରାଧୀଙ୍କୁ ଗୁରୁତର ଦଣ୍ଡ ଦେଇପାରେ । ଏହି ଆଇନ ଅନୁଯାୟୀ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଏବଂ ତାଙ୍କ କର୍ମଚାରୀଙ୍କ ବିରୋଧରେ ଗୁରୁତର ଅଭିଯୋଗ ଆଣି ଆଜୀବନ କାରାଦଣ୍ଡ ମଧ୍ୟ ଦିଆଯାଇପାରେ ।

ତାମିଲନାଡୁର ଜଲ୍ଲିକଟ୍ଟୁ ଖେଳକୁ ନେଇ ଅନେକ ବିବାଦ ଦେଖାଯାଇଥାଏ । ଅନେକ ସମସୟରେ ବହୁତ ଲୋକ ମୃତ୍ୟୁମୁଖରେ ପଡୁଥିବା ଦେଖିବାକୁ ମିଳିଥାଏ । ସେଥିପାଇଁ ଏହି ଖେଳକୁ ବ୍ୟାନ କରିବା ପାଇଁ ସୁପ୍ରିମକୋର୍ଟର ହସ୍ତକ୍ଷେପ ଲୋଡାଯାଇଥିଲା । ଏହି ପ୍ରସଙ୍ଗକୁ ନେଇ ସୁପ୍ରିମକୋର୍ଟ ସଂସ୍କୃତି ଆଉ ପରମ୍ପାକୁ ଦୃଷ୍ଟିରେ ରଖି ରାୟ ଶୁଣାଇଛନ୍ତି । ତାମିଲନାଡୁରେ ପ୍ରତିବର୍ଷ ଆୟୋଜିତ ହେଉଥିବା କ୍ରୀଡା ଜଲ୍ଲିକଟ୍ଟୁକୁ ସୁପ୍ରିମକୋର୍ଟ ସମର୍ଥନ କରିଛନ୍ତି । ଏଥିସହିତ ଏହାକୁ ବନ୍ଦ କରିବାକୁ ମଧ୍ୟ ମନା କରି ଦେଇଛନ୍ତି । ତାମିଲନାଡୁରେ ଜଲ୍ଲିକଟ୍ଟୁକୁ ଅନୁମତି ଦେଇଥିବା ରାଜ୍ୟ ସରକାରଙ୍କ ନଷ୍ପତ୍ତିକୁ ସୁପ୍ରିମକୋର୍ଟ ସମର୍ଥନ କରିଛନ୍ତି । ଏହି ଖେଳରେ ଅଂଶଗ୍ରହଣ କରୁଥିବା ଷଣ୍ଢ ମାନଙ୍କ ପ୍ରିତି ହେଉଥିବା ବର୍ବୋରତାକୁ ଦର୍ଶାଇ ଏହି ଆଇନକୁ ରଦ୍ଦ କରିବାକୁ ଦାବି କରାଯାଇଥିଲା ।

ତାମିଲନାଡୁରେ ଜଲ୍ଲିକଟ୍ଟୁକୁ ଅନୁମତି ନିୟମ, ସଂସଦରେ ପାରିତ ହୋଇଥିବା ପଶୁ କ୍ରୁରତା ନିରୋଧ ଆଇନର ଉଲ୍ଲଂଘନ କରୁଥିବା ଦର୍ଶାଯାଇଥିଲା । ସୁପ୍ରିମକୋର୍ଟ କହିଛନ୍ତି, ନୂତନ ନିୟମରେ କ୍ରୁରତାର ଦିଗ ପ୍ରତି ଧ୍ୟାନ ଦିଆଯାଇଛି । ଏହି ଖେଳ ଶତାବ୍ଦୀ ଶତାବ୍ଦୀ ଧରି ତାମିଲନାଡୁର ସଂସ୍କୃତିର ଏକ ଅଂଶ ହୋଇ ରହିଆସିଛି । ଏଥିରେ ବାଧା ସୃଷ୍ଟି କରାଯାଇପାରିବ ନାହିଁ । ଯଦି କେହି ପଶୁମାନଙ୍କ ପ୍ରତି ଅତ୍ୟାଚାର କରନ୍ତି ତେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ୍ ୋଲି ସୁପ୍ରିମକୋର୍ଟ କହିଥିଲେ ।

ଆଜିକାଲିର ଯୁବ ପିଢି ପ୍ରେମର ଭରପୁର ମଜା ନେଉଛନ୍ତି । ସତେ ଯେମିତି ସେମାନେ ସବୁକିଛି ହାସଲ କରିଦେଲେ । ହେଲେ ସେ ମଜା ଦିନେ ଆପଣଙ୍କ ପାଇଁ ବଡ ବିପଦ ଆଣିପାରେ । ଅଧିକାଂଶ ପ୍ରେମ ସିନ୍ଦୁର ପର୍ଯ୍ୟନ୍ତ ପହଞ୍ଚି ପାରେ ନାହିଁ । କୌଣସି କାରଣ ବସତଃ ତାହା ଅଧା ରାସ୍ତାରେ ପ୍ରାଣ ହରାଏ । ହେଲେ ଏମତି ଅନେକ ପ୍ରେମ ରହିଛି, ଯାହା ବିବାହ ବେଦୀ ପର୍ଯ୍ୟନ୍ତ ପହଞ୍ଚେ । ହାତଗଣ୍ଠି, ବେଦପାଠର ମନ୍ତ୍ର ଧ୍ବନୀରେ ପୂର୍ଣ୍ଣ ରୂପ ପାଇଥାଏ । କିନ୍ତୁ ଆପଣ ଜାଣିଛନ୍ତି କି ଆଜିକାଲି ପ୍ରେମ ବିବାହରେ ଅଧିକାଂଶ ଛାଡପତ୍ର ହେଉଛି । ଏକଥା ଆମେ ନୁହଁ ଖୋଦ ସୁପ୍ରିମକେର୍ଟ କହିଛନ୍ତି ।

ବୁଧବାର ଦିନ ଏକ ମାମଲାର ଶୁଣାଣୀ କରି ସର୍ବୋଚ୍ଚ ନ୍ୟାୟଳୟ କହିଛନ୍ତି, ପ୍ରେମ ବିବାହରେ ସବୁଠୁ ଅଧିକ ହେଉଛି ଛାଡପତ୍ର । ସୁପ୍ରିମକୋର୍ଟ ଜଷ୍ଟିସ ବିଆର ଗଭାଇ ଓ ସଂଜୟ କରୋଲଙ୍କ ଦ୍ୱାରା ଗଠିତ ଖଣ୍ଡପୀଠ ଏହି ଟିପ୍ପଣୀ ଦେଇଛନ୍ତି । ଏକ ଛାଡପତ୍ର ମାମଲାରେ କୋର୍ଟ ଦମ୍ପତିଙ୍କୁ ମଧ୍ୟସ୍ଥତା କରିବା ପାଇଁ ପରାମର୍ଶ ଦେଇଥିଲେ। ହେଲେ ସ୍ୱାମୀ ଏହାକୁ ବିରୋଧ କରିଥିଲେ । ଏହାପରେ କୋର୍ଟ ଦମ୍ପତିଙ୍କୁ ଯୋଗ ଓ ଧ୍ୟାନ କରିବାକୁ ପରାର୍ମଶ ମଧ୍ୟ ଦେଇଛନ୍ତି ।

କେବଳ ଏତିକି ନୁହେଁ, ଏହି ପରିପ୍ରେକ୍ଷୀରେ କୋର୍ଟ ଏକ ଗୁରୁତ୍ବପୂର୍ଣ୍ଣ କଥା କହିଥିଲେ । ଆଜିକାଲି କାଲି ଛତୁ ଫୁଟିଲା ପରି ପ୍ରେମ ବିବାହ ହେଉଥିବା ବେଳେ ଅଧିକାଂଶ ଛାଡପତ୍ର ହୋଇଯାଉଛି । ଯାହା ଅତ୍ୟନ୍ତ ଚିନ୍ତାଜନକ । ସୁପ୍ରିମକୋର୍ଟ ଏହି ଉକ୍ତି ଦର୍ଶାଉଛି ଯେ, ପ୍ରେମ ପାଇଁ ଲୋକେ କେତେ କଣ କରିପକାଉଥିବା ବେଳେ ବିବାହ ପରେ ପ୍ରେମକୁ ସେମାନେ କେତେ ଗୁରୁତ୍ବ ଦେଉଛନ୍ତି । ପ୍ରେମକୁ ପାଇବା ପାଇଁ ହତ୍ୟା, ମୃତ୍ୟୁ ଭଳି ବଡ ବଡ କାଣ୍ଡ ଘଟିଯାଉଥିବା ବେଳେ ଏଥିରେ ଛାଡପତ୍ର କାହିଁକି ଅଧିକ ହେଉଛି ତାହା ସବୁଠୁ ବଡ ପ୍ରଶ୍ନ, ଯାହା ସୁପ୍ରିମକୋର୍ଟର ଉକ୍ତିରୁ ହିଁ ଜଣାଡୁଛି ।