ଯାଜପୁର ଜିଲ୍ଲାରେ ଆରମ୍ଭ ହେଲା ରାଜ୍ୟର ପ୍ରଥମ ମିଶନ ଶକ୍ତି ସିନେମା ହଲ

ଯାଜପୁର ଜିଲାରେ ଆରମ୍ଭ ହେଲା ରାଜ୍ୟର ପ୍ରଥମ ମିଶନ ଶକ୍ତି ସିନେମା ହଲ । ଜିଲା ମହିଳା ପେଂଡେରେସନ ଦ୍ୱାରା ପରିଚାଳିତ ହେବାକୁ ଥିବା ଏହି ସିନେମା ହଲରେ ପ୍ରତିଦିନ ଦର୍ଶକ ସିନେମା ଉପଭୋଗ କରିପାରିବେ । ରାଜ୍ୟରେ ସିନେମା ହଲ ସମସ୍ୟାକୁ ଦୃଷ୍ଟିରେ ରଖି ଜିଲା ପ୍ରଶାସନ ଓ ରାଜ୍ୟସରକାର ପ୍ରଥମ ଥର ପାଇଁ ଯାଜପୁର ଓ ବ୍ୟାସନଗରରେ ଥିବା ସଂସ୍କୃତି ଭବନକୁ ସିନେମା ହଲରେ ପରିଣତ କରିଛନ୍ତି । ସଂପୁର୍ଣ୍ଣ ଶୀତତାପ ନିୟନ୍ତ୍ରଣ କକ୍ଷରେ ଡିଜିଟାଲ ସାଉଣ୍ଡ ର ମଜା ନେବେ ଦର୍ଶକ । ଏହି ଉଦଘାଟନ ଉତ୍ସବରେ ରାଜ୍ୟ ସଭା ସାଂସଦ ଶ୍ରୀମତୀ ସୁଲୋତା ଦେଓ ,ଓଲିଉଡ ଅଭିନେତା ଅରିନ୍ଦମ ଅତିଥି ଭାବେ ଯୋଗ ଦେଇ ଏହାକୁ ଉଦଘାଟନ କରିଥିଲେ ।

ଏହି ସିନେମା ହଲର ଟିକେଟ ବୁକ ମାଇଁ ସୋରେ ମଧ୍ୟ ଉପଲବ୍ଧ ହେଉଛି । ଯାଜପୁର ବିଡିଓ ସୌରଭ ଚକ୍ରବର୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉଦଘାଟନି ସମାରୋହରେ ଅନ୍ୟମାନଙ୍କ ମଧ୍ୟରେ ଜିଲାପରିଷଦ ସଭାପତି ନଲିନୀ ପ୍ରଭା ଜେନା, ଜିଲା ମହିଳା ପେଂଡେରେସନର ସଭାନେତ୍ରୀ ସୁଜାତା ସାହୁ,ଜିଲା ଉନ୍ନୟନ ଅଧିକାରୀ ଅଶୋକ ବେହୁରିଆ, ଯାଜପୁର ବ୍ଲକ ଅଧକ୍ଷ୍ୟା ସ୍ଵର୍ଣଲତା ପରିଡା, ଜିଲାପରିଷଦ ସଭ୍ୟା ମାମିନା ମଲ୍ଲିକ ପ୍ରମୁଖ ଉପସ୍ଥିତ ଥିଲେ ।