Tag: #suchana news

ବାବା ତାରକ ଚନ୍ଦ୍ର ପୀଠରେ ମହିମା ଅଲେଖ ମେଳା

ଡେରାବିଶ ବ୍ଲକ ଖାନ ନଗର ସ୍ଥିତ ବାବା ତାରକ ଚନ୍ଦ୍ର ପୀଠ ରେ ସିଧ ମନୋହର ବାବା ଙ୍କ ଜୟନ୍ତି ଅବସରରେ ମହିମା ଅଲେଖ ନାମ ସଂକୀର୍ତନ ଆରମ୍ଭ ହୋଇଛି. ଫଗୁଣ ମାସ ଦୋଳ ଦଶମୀ ଠାରୁ ପୀଠ ରେ ମହିମା ଧର୍ମଅବଲମ୍ବୀ ମାନେ ଏକତ୍ରିତ ହୋଇ ଅଖଣ୍ଡ ଧୂନି ଜଳାଇ ମହିମା ଧର୍ମ ର ଧର୍ମ ଗୁରୁ ମାନଙ୍କୁ ସ୍ମରଣ କରି ନାମ ସଂକୀର୍ତନ ମେଳା ଆୟୋଜନ କରିଥିଲେ. କିମ୍ବଦନ୍ତୀ ଅନୁଯାୟୀ ସିଧ ମନୋହର ବାବା ଲୁଣା କରାଣ୍ଡିଆ ଦ୍ବିପାଞ୍ଚଳ ସଲାର ଗ୍ରାମ ର କରଣ ସାହି ରୁ ଗୋପୀନାଥ ଓ ଲକ୍ଷ୍ମୀ ଦେବି ଙ୍କ ତୃତୀraୟ ସନ୍ତାନ ତାରକଚନ୍ଦ୍ରଙ୍କୁ ବାଲ୍ୟ ଅବସ୍ଥା ରୁ ନିଜ ଶିଷ୍ୟ କରି ଆଣିଥିଲେ. ପାପାନ୍ଧ ସମାଜ ରେ ଧର୍ମ ପ୍ରଚାରକ ରୂପେ ଗୁରୁ ମନୋହର ଓ ଶିଷ୍ୟ ତାରକଚନ୍ଦ୍ର ଅଲେଖ ମହିମା ପ୍ରଚାର କରି ସତପଥ ଅନୁଗାମୀ ହେବାକୁ ବାର୍ତା ଦେଉଥିଲେ. କାଳ କ୍ରମେ ୧୯୧୪ ମସିହା ଠାରୁ ସିଧ ମନୋହର ବାବା ଓ ଶିଷ୍ୟ ତାରକଚନ୍ଦ୍ର ଲୁଣା ନଦୀ ତଟ ର ଜଅଂରା ବାରିମୂଳ ର ଖାନ ନଗର ଗ୍ରାମ ରେ ଆଶ୍ରମ ପ୍ରତିଷ୍ଠା କରି ଫଗୁ ଦଶମୀ ରେ ମହିମା ଧର୍ମ ଓ ଧାର୍ମିକ ପୀଠ ସ୍ଥାପନ କରି ସଂସାର ର ମଙ୍ଗଳ ପାଇଁ ନାମ ସଂକୀର୍ତନ ଓ ଧର୍ମ ପ୍ରଚାର କରି ଆସୁଥିଲେ. ଗୁରୁ ଓ ଶିଷ୍ୟ ଙ୍କ ଇହ ଲୀଳା ପରିତ୍ୟାଗ ପରେ ଅଲେଖ ଧର୍ମଅବଲମ୍ବି ମାନେ ଫଗୁ ଦଶମୀ ସମୟରେ ଏହି ଆଶ୍ରମ ରେ ଅଖଣ୍ଡ ଧୂନି ପ୍ରଜ୍ବଳନ କରି ଅଲେଖ ମହିମା ନାମ ସଂକୀର୍ତନ ଆୟୋଜନ କରି ଆସୁଛନ୍ତି. ଦୀର୍ଘ ବର୍ଷ ହେବ ଏହି ପରମ୍ପରା ଜାରି ରହିଛି.ବିଶ୍ୱ ବାସି ଙ୍କ ମଙ୍ଗଳ ପାଇଁ ଅଖଣ୍ଡ ଧ୍ୱନି ପ୍ରଜ୍ବଳନ କରିଥାନ୍ତି. ହଜାର ହଜାର ଶ୍ରଧାଳୁ ଙ୍କ ଭିଡ଼ ମଧ୍ୟ ଆଶ୍ରମ ରେ ହୋଇଥାଏ. ସମସ୍ତେ ପ୍ରସାଦ ସେବନ କରିଥାନ୍ତି
ବାଇକ ଦୁର୍ଘଟଣାରେ ଜଣଙ୍କର ମୃତ୍ୟୁ

ଯାଜପୁର ଥାନା ଅନ୍ତର୍ଗତ ଗୋଖନା ଛକ ନିକଟରେ ବାଇକ ଦୁର୍ଘଟଣା ଘଟି ଜଣଙ୍କର ମୃତ୍ୟୁ ଘଟିଛି। ମୃତକ ହେଲେ ନରସିଂହପୁର ପଂଚାୟତ ହରିପୁର ଅଂଚଳର ମାନସ ବେହେରା । ସୂଚନା ମୁତାବକ ମାନସ ଯାଜପୁର ରୁ ଘରକୁ ଫେରୁଥିବା ସମୟରେ ଗୋଖନା ଛକ ନିକଟରେ ଏକ ଆଇଚର ଗାଡି ତାଙ୍କୁ ଧକ୍କା ଦେଇଥିଲା । ଫଳରେ ବାଇକ ଆରୋହୀ ଙ୍କ ଘଟଣା ସ୍ଥଳରେ ମୃତ୍ୟୁ ଘଟିଥିଲା। ଏଠାରେ ହୋଇଥିବା ହମ୍ପ୍ସ ଯୋଗୁ ଦୁର୍ଘଟଣା ଘଟିଥିବା ଅଭିଯୋଗ ହୋଇଛି। ଦୁର୍ଘଟଣାକୁ ନେଇ ସ୍ଥାନୀୟ ଅଂଚଳରେ ଉତେଜନା ଦେଖାଦେଇଥିଲା । ଘଟଣା ସ୍ଥଳରେ ଯାଜପୁର ପୋଲିସ ପହଂଚି ତଦନ୍ତ ଆରମ୍ଭ କରିବା ସହିତ ଶବ ବ୍ୟବଚ୍ଛେଦ ପାଇଁ ଜିଲା ମୁଖ୍ୟ ଡାକ୍ତର ଖାନା କୁ ପଠାଇଛି।
ବଲାଙ୍ଗୀର ଜିଲ୍ଲା ପେଷାଦାର ସାମ୍ବାଦିକ ସଂଘର ନୂତନ କର୍ମକର୍ତ୍ତା ମନୋନୀତ

ବଲାଙ୍ଗୀର ଜିଲ୍ଲା ଚୁଡାପାଲି ଠାରେ ଆଜି ବଲାଙ୍ଗୀର ଜିଲ୍ଲା ପେଷାଦାର ସାମ୍ବାଦିକ ସଂଘ ର ସାଧାରଣ ପରିଷଦ ବୈଠକ ସଂଘର ନବନିର୍ବାଚିତ ସଭାପତି ଅଶ୍ବିନୀ କୁମାର ନାଏକଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିଲା । ପ୍ରଥମେ ବାଗଦେବୀ ସରସ୍ୱତୀ ଙ୍କ ଫଟୋଚିତ୍ର ରେ ପୂଜାର୍ଚ୍ଚନା କରାଯିବା ପରେ ସଭାକାର୍ଯ୍ୟ ଆରମ୍ଭରେ ସଭାପତି ଆସନ୍ତା ତିନି ବର୍ଷ ପାଇଁ ନୂତନ କର୍ମକର୍ତ୍ତା ଙ୍କ ନାମ ଘୋଷଣା କରିଥିଲେ କାର୍ଯ୍ୟକାରୀ ସଭାପତି ଭାବେ ସନ୍ଦୀପ କୁମାର କୁଅଁର, ଉପ ସଭାପତି ଭାବେ ଅଶୋକ ନାରାୟଣ ଭୋଇ, ସୁଧାକର ଦାସ, ସୁଶାନ୍ତ ବାରିକ, ସାଧାରଣ ସମ୍ପାଦକ ଭାବେ ଶ୍ୟାମ ସୁନ୍ଦର ମେହେର, ସଂଗଠନ ସମ୍ପାଦକ ଭାବେ ହୁଲେଶ୍ୱର ହଂସ,ସହ ସମ୍ପାଦକ ଭାବେ ବିରଞ୍ଚି ନାଏକ, ଦେବରାଜ ନାହାକ, ଗୁରୁଦୟାଲ ହଂସ, ସୁଦାମ ଚରଣ ବଘାର,କୋଷାଧ୍ୟକ୍ଷ ଭାବେ ବିମଳେନ୍ଦୁ ସାହୁ,ଉପଦେଷ୍ଟା କମିଟି ରେ ଆନନ୍ଦ ଚନ୍ଦ୍ର ସାହୁ, ବାଳକୃଷ୍ଣ ମିଶ୍ର, ସୁଶୀଲ କୁମାର ମିଶ୍ର,କାର୍ଯ୍ୟକାରୀ କମିଟି ସଦସ୍ଯ ଭାବେ ଅନ୍ତିମ ପାଣିଗ୍ରାହୀ, ଅଜିତ କୁମାର ପୁରୋହିତ, ଅନ୍ତର୍ଯ୍ୟାମୀ ସାହୁ, ଅଶୋକ କୁମାର ସାହୁ,, ବିରାଜନନ୍ଦ ପାଢ଼ୀ,ବ୍ୟାସଦେବ ଥନାପତି,ଦୀପକ ଖମାରୀ, ଜୀବନାନନ୍ଦ ମହାନ୍ତି, ଶାନ୍ତିଶୃଙ୍ଖଳା କମିଟି ରେ ଚିନ୍ତାମଣି ରାଉତ, ଶ୍ୟାମପ୍ରସାଦ ଗୁରୁ, ସୁବାଷ ଚନ୍ଦ୍ର ମିଶ୍ର ଙ୍କ ନାମ ଘୋଷଣା କରାଯାଇଥିଲା ।

ଅନ୍ୟ ମାନଙ୍କ ମଧ୍ଯରେ ସାମ୍ବାଦିକ ବିଜୟାନନ୍ଦ ଦାସ, ବିମଲ ଦାସ, କୈଳାସ ସଗରିଆ,ଲଳିତ ମଲ୍ଲିକ,ତ୍ରିନାଥ ସାହୁ, ରାଧେଶ୍ୟାମ ମେହେର,ଅଜିତ ମିଶ୍ର, ମହେଶ କର ପ୍ରମୁଖ ଏହି ସାଧାରଣ ପରିଷଦ ବୈଠକରେ ଆଲୋଚନାରେ ଅଂଶଗ୍ରହଣ କରିଥିଲେ। ସଂଘ ତରଫରୁ ସାଂଗଠନିକ ବୈଠକ ଜିଲ୍ଲାର ବିଭିନ୍ନ ଅଂଚଳରେ ଆୟୋଜନ କରାଯିବାକୁ ତଥା ସଂଘର ସଦସ୍ଯ ମାନଙ୍କ ସାମୁହିକ ସ୍ବାର୍ଥକୁ ନେଇ ପ୍ରଶାସନ ସ୍ତରରେ ଚାପ ସୃଷ୍ଟି ପାଇଁ ପଦକ୍ଷେପ ନେବାକୁ ଆଲୋଚନାରେ ମତପ୍ରକାଶ ପାଇଥିଲା ।
ଇଡି ‘ଆପ’ର ଆଉ ଜଣେ ବିଧାୟକଙ୍କ ଘରେ କରିଛି ଚଢ଼ାଉ, କହିଲେ- ଅରବିନ୍ଦ କେଜ୍ରିୱାଲ ହେଉଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କାଳ

ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବିରୋଧରେ ନିଆଯାଇଥିବା କାର୍ଯ୍ୟାନୁଷ୍ଠାନକୁ ନେଇ ରାଜନୈତିକ ଧାଡି ମଧ୍ୟରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ଅନ୍ୟ ଏକ ଆମ୍ ଆଦମୀ ପାର୍ଟି (ଆପ) ର ବିଧାୟକଙ୍କ ଘରେ ଚଢ଼ାଉ କରିଛି। ଶନିବାର ସକାଳେ, ଇଡି ଦଳ ଜାତୀୟ ରାଜଧାନୀ ଅଞ୍ଚଳର ମାଟିଆଲା ଅଞ୍ଚଳର ବିଧାୟକ ଗୁଲାବ ସିଂ ଯାଦବଙ୍କ ଘରେ ହଠାତ ଚଢ଼ାଉ କରିଛି। ନ୍ୟୁଜ୍ ଏଜେନ୍ସି ANI ସୂତ୍ରରୁ ପ୍ରକାଶ, ଯେ ଏହି ସମୟ ମଧ୍ୟରେ ଇଡି ଅଧିକାରୀମାନେ ଗୁଲାବ ସିଂ ଯାଦବଙ୍କ ସମସ୍ତ ଠିକଣା ଜାଗାରେ ମଧ୍ୟ ଚଢ଼ାଉ ଜାରି ରଖିଥିଲା ।

ଗୁଲାବ ସିଂ ଯାଦବଙ୍କ ବିରୋଧରେ ଏହି କାର୍ଯ୍ୟ ସେହି ସମୟରେ ଘଟିଛି ଯେତେବେଳେ ସେ ଅରବିନ୍ଦ କେଜ୍ରିୱାଲଙ୍କ ସମର୍ଥନରେ ସୋସିଆଲ ମିଡିଆ ପୋଷ୍ଟ ମାଧ୍ୟମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟାର୍ଗେଟ କରିଥିଲେ। ସୋସିଆଲ ମିଡ଼ିଆ X ରେ ଦିଲ୍ଲୀ ମୁଖ୍ୟମନ୍ତ୍ରୀଙ୍କ ଫଟୋ ସେୟାର କରିବାବେଳେ ସେ ଲେଖିଥିଲେ – ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର ଗୋଟିଏ କାଳ ଅଛି ଏବଂ ସେ ହେଉଛନ୍ତି ଅରବିନ୍ଦ କେଜ୍ରିୱାଲ।
ଭୁଟାନର ସର୍ବୋଚ୍ଚ ନାଗରିକ ପୁରସ୍କାରରେ ସମ୍ମାନିତ ହେଲେ ପ୍ରଧାନମନ୍ତ୍ରୀ ମୋଦୀ, କହିଲେ ଏହି କଥା

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭୁଟାନର ସର୍ବୋଚ୍ଚ ନାଗରିକ ପୁରସ୍କାରରେ ସମ୍ମାନିତ କରାଯାଇଛି। ଭୁଟାନର ରାଜା ପ୍ରଧାନମନ୍ତ୍ରୀ ମୋଦୀଙ୍କୁ ଅର୍ଡର ଅଫ୍ ଡ୍ରୁକ୍ ଗୟାଲପୋ ସମ୍ମାନରେ ସମ୍ମାନିତ କରିଛନ୍ତି। ଏହା ସହ ପ୍ରଧାନମନ୍ତ୍ରୀ ମୋଦୀ ହେଉଛନ୍ତି ପ୍ରଥମ ଅଣ ଭୁଟାନର ବ୍ୟକ୍ତି ଯିଏକି ଭୁଟାନର ସର୍ବୋଚ୍ଚ ନାଗରିକ ପୁରସ୍କାର ପାଇଛନ୍ତି। ଆରମ୍ଭରୁ ଏହି ପୁରସ୍କାର କେବଳ ଚାରିଜଣ ବିଶିଷ୍ଟ ବ୍ୟକ୍ତିତ୍ୱଙ୍କୁ ପ୍ରଦାନ କରାଯାଇଛି | ଭୁଟାନର ସର୍ବୋଚ୍ଚ ନାଗରିକ ସମ୍ମାନ ପାଇଥିବା ପ୍ରଧାନମନ୍ତ୍ରୀ ମୋଦୀ ହେଉଛନ୍ତି ପ୍ରଥମ ବିଦେଶୀ ସରକାର।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଡ୍ରୁକ୍ ଗୟାଲପୋ ଅର୍ଡର ସହିତ ସମ୍ମାନିତ ହେବା ନେଇ ନିଜର ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, “ଆଜି ମୋ ଜୀବନର ଏକ ବଡ ଦିନ, ମୋତେ ଭୁଟାନର ସର୍ବୋଚ୍ଚ ନାଗରିକ ସମ୍ମାନରେ ସମ୍ମାନିତ କରାଯାଇଛି। ପ୍ରତ୍ୟେକ ପୁରସ୍କାର ସ୍ୱତନ୍ତ୍ର , କିନ୍ତୁ ଯେତେବେଳେ ଆପଣ ଅନ୍ୟ ଦେଶରୁ ପୁରସ୍କାର ପାଇବେ, ଏହା ଦର୍ଶାଏ ଯେ ଉଭୟ ଦେଶ ସଠିକ୍ ମାର୍ଗରେ ଚାଲିଛି । ମୁଁ ପ୍ରତ୍ୟେକ ଭାରତୀୟଙ୍କ ଆଧାରରେ ଏହି ସମ୍ମାନ ଗ୍ରହଣ କରୁଛି ଏବଂ ଏଥିପାଇଁ ଆପଣଙ୍କୁ ଧନ୍ୟବାଦ ଦେଉଛି।

Honoured to be conferred with 'Order of the Druk Gyalpo' Award by Bhutan. I dedicate it to 140 crore Indians. https://t.co/gNa7YlcFfG
— Narendra Modi (@narendramodi) March 22, 2024

ମୁଁ ପ୍ରତ୍ୟେକ ଭାରତୀୟଙ୍କ ଆଧାରରେ ଏହି ସମ୍ମାନ ଗ୍ରହଣ କରୁଛି ଏବଂ ଏଥିପାଇଁ ଆପଣଙ୍କୁ ଧନ୍ୟବାଦ ଦେଉଛି। ପ୍ରଧାନମନ୍ତ୍ରୀ ମୋଦୀ ଆହୁରି ମଧ୍ୟ କହିଛନ୍ତି, “ଭାରତ ଏବଂ ଭୁଟାନ ମଧ୍ୟରେ ଥିବା ସମ୍ପର୍କ ଯେତିକି ପ୍ରାଚୀନ ଏବଂ ସେତିକି ମଧ୍ୟ ନୂତନ ସମକାଳୀନ । ମୁଁ ଯେତେବେଳେ ୨୦୧୪ ରେ ଭାରତର ପ୍ରଧାନମନ୍ତ୍ରୀ ହେଲି, ସେତେବେଳେ ମୋର ପ୍ରଥମ ବୈଦେଶିକ ଗସ୍ତ ଭାବରେ ଭୁଟାନ ଗସ୍ତ କରିବା ସ୍ୱାଭାବିକ ଥିଲା। ପ୍ରଧାନମନ୍ତ୍ରୀ ମୋଦୀ ଉତ୍ସର୍ଗ କରିଛନ୍ତି ୧୪୦ କୋଟି ଦେଶବାସୀଙ୍କୁ ଏହି ସମ୍ମାନ |
‘ଭୟଭୀତ ଏକଛତ୍ରବାଦୀ ଶାସକ ଏକ ମୃତ ଗଣତନ୍ତ୍ର ସୃଷ୍ଟି କରିବାକୁ ଚାହୁଁଛି’: ରାହୁଲ ଗାନ୍ଧୀ

ଅରବିନ୍ଦ କେଜ୍ରିୱାଲଙ୍କ ଗିରଫ ପରେ କଂଗ୍ରେସ ସାଂସଦ ରାହୁଲ ଗାନ୍ଧୀ ଗର୍ଜିଛନ୍ତି । ତାଙ୍କ ସୋସିଆଲ ମିଡିଆ ଆକାଉଣ୍ଟ X ରେ ଲେଖି ସେ କହିଛନ୍ତି, “ଭୟଭୀତ ଏକଛତ୍ରବାଦୀ ଶାସକ ଏକ ମୃତ ଗଣତନ୍ତ୍ର ସୃଷ୍ଟି କରିବାକୁ ଚାହୁଁଛି। ଗଣମାଧ୍ୟମ ସମେତ ସମସ୍ତ ଅନୁଷ୍ଠାନକୁ କାବୁ କରିବା, ଦଳ ଭାଙ୍ଗିବା, କମ୍ପାନୀରୁ ଟଙ୍କା ଲୁଟିବା, ମୁଖ୍ୟ ବିରୋଧୀ ଦଳର ଆକାଉଣ୍ଟକୁ ଫ୍ରିଜ୍ କରିବା ‘ଶୟତାନ ଶକ୍ତି’ ପାଇଁ ପର୍ଯ୍ୟାପ୍ତ ନୁହେଁ, ବର୍ତ୍ତମାନ ନିର୍ବାଚିତ ମୁଖ୍ୟମନ୍ତ୍ରୀଙ୍କ ଗିରଫ ମଧ୍ୟ ଏକ ସାଧାରଣ କଥା ହୋଇଛି। ନିଶ୍ଚିତ ଇଣ୍ଡିଆ ଏହାକୁ ଏକ ଉପଯୁକ୍ତ ଉତ୍ତର ଦେବ। “

डरा हुआ तानाशाह, एक मरा हुआ लोकतंत्र बनाना चाहता है।

मीडिया समेत सभी संस्थाओं पर कब्ज़ा, पार्टियों को तोड़ना, कंपनियों से हफ्ता वसूली, मुख्य विपक्षी दल का अकाउंट फ्रीज़ करना भी ‘असुरी शक्ति’ के लिए कम था, तो अब चुने हुए मुख्यमंत्रियों की गिरफ्तारी भी आम बात हो गई है।

INDIA इसका…
— Rahul Gandhi (@RahulGandhi) March 21, 2024
ଦିଲ୍ଲୀ ମୁଖ୍ୟମନ୍ତ୍ରୀଙ୍କ ଗିରଫଦାରୀକୁ ବିଭିନ୍ନ ମହଲରୁ ନିନ୍ଦା

ଦିଲ୍ଲୀ ମୁଖ୍ଯମନ୍ତ୍ରୀଙ୍କ ଗିରଫଦାରୀକୁ ନେଇ ଦିଲ୍ଲୀରେ ହଙ୍ଗାମା। ଗିରଫଦାରୀକୁ ବିରୋଧକରି ଆମ ଆଦମୀ ପାର୍ଟି ପକ୍ଷରୁ ଦେଶବ୍ୟାପୀ ବିରୋଧ। ବିଭିନ୍ନ ସ୍ଥାନରେ ଜାରି ରହିଛି ଆପ ନେତାଙ୍କ ବିରୋଧ ପ୍ରଦର୍ଶନ। ଗର୍ଜୁଛନ୍ତି କେଜରିୱାଲଙ୍କ ସମର୍ଥକ। ସେପଟେ ସୁପ୍ରିମ କୋର୍ଟରେ ଇଡି ଗିରଫଦାରୀ ବିରୋଧରେ କେଜରିୱାଲ କରିଥିବା ଆବେଦନକୁ ଫେରାଇ ନେଇଛନ୍ତି। ଏହାକୁ ସେ ନିମ୍ନ ଅଦାଲତରେ ଆବେଦନ କରିବେ ବୋଲି କହିଛନ୍ତି ତାଙ୍କ ଓକିଲ ଅଭିଷେକ ମନୁ ସିଂଘଭି। ଗତକାଲି ଦିଲ୍ଲୀ ହାଇକୋର୍ଟ କେଜରିୱାଲଙ୍କ ଦ୍ବାରା ପ୍ରବର୍ତ୍ତନ ନିର୍ଦ୍ଦେଶାଳୟର ଗିରଫଦାରୀରୁ ବର୍ତ୍ତିବାକୁ ହୋଇଥିବା ଆବେଦନକୁ ଖାରଜ କରିଦେଇ ତଦନ୍ତରେ ସାମିଲ ହେବାକୁ ତାଗିଦ କରିଥିଲେ। ଏହାପରେ ଇଡି ତାଙ୍କ ଦିଲ୍ଲୀସ୍ଥିତ ବାସଭବନରେ ପହଞ୍ଚି ତାଙ୍କୁ ପ୍ରାୟ ଦୁଇ ଘଣ୍ଟା ଜେରା କରିବା ପରେ ଗିରଫ କରିନେଇଥିଲା। କେଜରିୱାଲଙ୍କ ଗିରଫଦାରୀ ଖବର ପ୍ରଚାର ହେବା ପରେ ଆପ ପକ୍ଷରୁ ଏହାକୁ ଅବୈଧ, ଅନୈତିକ ବୋଲି କୁହାଯାଇଛି। କିଛି ସ୍ଥାନରେ ରାଜରାସ୍ତାକୁ ଓହ୍ଲାଇଥିଲେ ଦଳର ନେତା। ଦିଲ୍ଲୀ ଅର୍ଥମନ୍ତ୍ରୀ ଅତିସି ଗିରଫଦାରୀକୁ ନିନ୍ଦା କରିବା ସହ ମୋଦି କେବଳ କେଜରିୱାଲଙ୍କୁ ଭୟ କରୁଥିବାରୁ ଏପରି କରିଥିବା ଅଭିଯୋଗ ଆଣିଛନ୍ତି। ଏଥିସହ କେଜରିୱାଲ ଯେଉଁଠି ରହିଲେ ବି ସେ ଦିଲ୍ଲୀ ମୁଖ୍ୟମନ୍ତ୍ରୀ ରହିବେ ଓ ଜେଲରୁ ସରକାର ଚଳାଇବେ ବୋଲି କହିଛନ୍ତି ଅତିସି। ଆଜି ସୂର୍ଯ୍ୟୋଦୟ ହେଉ ହେଉ ଆପ ପକ୍ଷରୁ ଦେଶବ୍ୟାପୀ ବିଭିନ୍ନ ସ୍ଥାନରେ ପ୍ରଦର୍ଶନ କରାଯାଇଛି। କେଜରିୱାଲ ଜିନ୍ଦାବାଦ, ମୁଁ ବି କେଜରିୱାଲର ପ୍ଲା କାର୍ଡ ଧରି ନାନା ନାରାବାଜି ଦିଆଯାଇଛି। ସ୍ଥିତି ଏମିତି ହୋଇଛି କି ଚଣ୍ଡିଗଡ ସମେତ କିଛି ସ୍ଥାନରେ ପୋଲିସକୁ ଆନ୍ଦୋଳନକାରୀଙ୍କୁ ଘଉଡାଇବାକୁ ପାଣି ମାଡ କରିବାକୁ ପଡିଛି। ଦିଲ୍ଲୀ ମନ୍ତ୍ରୀ ଅତିସି ଓ ସୌରଭ ଭରଦ୍ବାଜଙ୍କ ନେତୃତ୍ବରେ ଦିଲ୍ଲୀରେ ହୋଇଥିବା ମେଗା ବିରୋଧକୁ ନେଇ ପୋଲିସ ଉଭୟ ନେତାଙ୍କ ସହ ବହୁ ଆପ ନେତାଙ୍କୁ ଅଟକ ରଖିଛି। ଚଣ୍ଡିଗଡ, ଲକ୍ଷ୍ନୌ, ପରି ବହୁ ରାଜ୍ୟର ରାଜଧାନୀରେ ଆପ ପକ୍ଷରୁ ବିରୋଧ କରାଯାଇଛି। ଅନ୍ୟପଟେ ଏହି ଗିରଫଦାରୀକୁ ବିଭିନ୍ନ ଦଳ ପକ୍ଷରୁ ନିନ୍ଦା କରାଯାଇଛି। ବିଭିନ୍ନ ମହଲରୁ ଏହାକୁ ବିରୋଧ କରାଯାଇଛି। କିନ୍ତୁ ଏକଦା କେଜରିୱାଲଙ୍କ ଗୁରୁ ବୋଲାଉଥିବା ସମାଜସେବୀ ଆନ୍ନ ହଜାରେ କହିଛନ୍ତି, ଏହା ହେବାର ଥିଲା। ଦିନେ ମୋ ସହ ମଦ ବିରୋଧରେ ଆନ୍ଦୋଳନ କରିଥିବା କେଜରିୱାଲ ଆଜି ଅର୍ଥ ପାଇଁ ମଦ ନୀତିକୁ କାର୍ଯ୍ୟକ୍ଷମ କରିଲେ। ତେବେ ଯାହା କିଛି ହେବ, ନିୟମ ଅନୁଯାୟୀ ହେବ। ଅନ୍ୟପଟେ ଇଡି କେଜରିୱାଲଙ୍କୁ ରିମାଣ୍ଡରେ ନେବାକୁ ପିଏମଏଲଏ କୋର୍ଟରେ ଦସ୍ତାବିଜ ସହ ଦାବି ରଖିଛି। ତେବେ କୌଣସି ଦୁର୍ନୀତି ମାମଲାରେ ଏହା ଦେଶର ପ୍ରଥମ ଘଟଣା, ଯେଉଁଥିରେ ଜଣେ ମୁଖ୍ୟମନ୍ତ୍ରୀଙ୍କୁ ଗିରଫ କରାଯାଇଛି। ଏବେ ଦେଖିବାକୁ ରହିଲା ଏହି ଘଟଣା କେଉଁ ମୋଡ ନେଉଛି।
ମୁଖ୍ୟମନ୍ତ୍ରୀ କେଜ୍ରିୱାଲ ଗିରଫ

ଆମ୍ ଆଦମୀ ପାର୍ଟି ସମର୍ଥକମାନେ ରାଉସ୍ ଆଭେନ୍ୟୁ କୋର୍ଟ ବାହାରେ ବିରୋଧ ଆରମ୍ଭ କରିଛନ୍ତି। ଅପରାହ୍ନ ୨ ଟାରେ ଅରବିନ୍ଦ କେଜ୍ରିୱାଲଙ୍କୁ ଏହି କୋର୍ଟରେ ହାଜର କରାଯିବ। PMLA କୋର୍ଟ ପରିସରରେ ଏହି ମାମଲାର ଶୁଣାଣି କରିବେ ।

ଇଡି ଗିରଫ ବିରୋଧରେ ସୁପ୍ରିମକୋର୍ଟରେ ଦାଖଲ ହୋଇଥିବା ଆବେଦନକୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ପ୍ରତ୍ୟାହାର କରି ନେଇଛନ୍ତି। କେଜ୍ରିୱାଲଙ୍କ ଓକିଲ ଅଭିଷେକ ମନୁ ସିଂଭି ଜଷ୍ଟିସ ସଞ୍ଜୀବ ଖାନ୍ନାଙ୍କ ବେଞ୍ଚକୁ ଏହା ଜଣାଇଛନ୍ତି। କେଜ୍ରିୱାଲଙ୍କ ରିମାଣ୍ଡରେ ନେଇ ଶୁଣାଣି ନିମ୍ନ ଅଦାଲତରେ ହେବ ବୋଲି ସେ କହିଛନ୍ତି। ଏଭଳି ପରିସ୍ଥିତିରେ ଆମେ ଆବେଦନକୁ ଏଠାରୁ ପ୍ରତ୍ୟାହାର କରୁଛୁ, ଅର୍ଥାତ୍ ଅରବିନ୍ଦ କେଜ୍ରିୱାଲଙ୍କ ଆବେଦନ ଆଜି ସୁପ୍ରିମକୋର୍ଟରେ ଶୁଣାଣି ହେବ ନାହିଁ। ଏହା ଅଭିଷେକ ମନୁ ସିଂଭି ନିଜେ ନିଶ୍ଚିତ କରିଛନ୍ତି।

ଅରବିନ୍ଦ କେଜ୍ରିୱାଲଙ୍କ ଗିରଫଦାରୀ ସମ୍ପର୍କରେ କେନ୍ଦ୍ର ମନ୍ତ୍ରୀ ଗିରିରାଜ ସିଂ କହିଛନ୍ତି, “ଦେଶ ଆଇନ ଅନୁଯାୟୀ କାର୍ଯ୍ୟ କରିଥଏ । ଅରବିନ୍ଦ କେଜ୍ରିୱାଲଙ୍କୁ ଅନେକ ଥର ସମନ ପଠାଯାଇଥିଲା। ଏହା ପରେ ମଧ୍ୟ ସେ ହାଇକୋର୍ଟରେ ପହଞ୍ଚିଛନ୍ତି, କିନ୍ତୁ କୋର୍ଟ ତାଙ୍କୁ ଆଶ୍ବସ୍ତି ଦେଇନାହିଁ । ଆଜି ତାଙ୍କ ମୁଖା ସମ୍ପୂର୍ଣ୍ଣ ଭାବେ ହଟି ଯାଇଛି | ଲୋକମାନେ ତାଙ୍କୁ ସମର୍ଥନ କରିଥିଲେ, କିନ୍ତୁ ପ୍ରତିବଦଳରେ କେଜ୍ରିୱାଲ ସେମାନଙ୍କ ପ୍ରତି ବିଶ୍ୱାସଘାତକତା କରିଥିଲେ। “

ସୂତ୍ରରୁ ପ୍ରକାଶ ଯେ ଅରବିନ୍ଦ କେଜ୍ରିୱାଲଙ୍କୁ ଅପରାହ୍ନ ୨ ଟା ପରେ କୋର୍ଟରେ ହାଜର କରାଯିବ। ସମ୍ପ୍ରତି ଇଡି ଦଳ କେଜ୍ରିୱାଲଙ୍କୁ ପଚରାଉଚରା କରୁଛନ୍ତି। ଇଡି ଦଳ ଦ୍ୱାରା ଏକ ରିମାଣ୍ଡ ନୋଟ୍ ପ୍ରସ୍ତୁତ କରାଯାଉଛି।
ବନବିଭାଗ ଓ ପୋଲିସର ମିଳିତ କୁମ୍ବିଂ ଅପରେସନରେ ବନ୍ଧୁକ କାରଖାନା ଠାବ

ବାଲେଶ୍ଵର ଜିଲ୍ଲା କୁଲଡିହା ଅଭୟାରଣ୍ୟ ରେ ଶିକାରୀ ଗୁଳି ରେ ଦୁଇ ସବୁଜ ବାହିନୀ କର୍ମଚାରୀ ଶୀକାର ହୋଇ କଟକ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ବନ କର୍ମଚାରୀ ଆହତ ହେବାପରେ ବନବିଭାଗ ଓ ପୋଲିସ ର ମିଳିତ କୁମ୍ବିଂ ଅପରେସନରେ ବନ୍ଧୁକ କାରଖାନା ଠାବ କରିବାସହ ଚାରି ବନ୍ଧୁକ ଜବତ କରାଯାଇଛି । ଘଟଣାରେ ଜଣଙ୍କୁ ଗିରଫ କରି କୋର୍ଟଚାଲାଣ କରାଯାଇଥିବା ସୂଚନା ମିଳିଛି ।ମାତ୍ର ପୁଣି ନୀଳଗିରି ଥାନା ଅନ୍ତର୍ଗତ ଶିଆଡ଼ିମାଳ ପଞ୍ଚାୟତର ଡେମୁଚଖାଲ ଗ୍ରାମରେ ଚଢ଼ାଉ କରି ଚାରି ଜଣଙ୍କ ଘରୁ ଦେଶୀ ବନ୍ଧୁକ ଜବତ କରାଯାଇଛି । ସେମାନଙ୍କୁ ଡାକ୍ତର ମାଇନା ପରେ କୋଟ୍ ଚାଲାଣ କରିଛି ନୀଳଗିରି ପୋଲିସ । ବେଆଇନ୍ ଭାବେ ଘରେ ବନ୍ଧୁକ ରଖିଥିବାରୁ ପୋଲିସ ମୋକଦ୍ଦମା ରୁଜୁ କରି କୋର୍ଟଚାଲାଣ କରିଛି । ଏହା ମଧ୍ଯରେ ଦଶ ଗୋଟି ବନ୍ଧୁକ ଜବତ କରାଯାଇ ଥିବାବେଳେ ଛ ଶିକାରୀ ସମେତ ବନ୍ଧୁକ ତିଆରି କାରିଗରକୁ ମଧ୍ଯ ଗିରଫ କରି କୋର୍ଟଚାଲାଣ କରାଯାଇଥିବା କୁଲଡିହା ରେଞ୍ଜର ପ୍ରବୀର କୁମାର ମୁର୍ମୁ ପ୍ରକାଶ କରିଛନ୍ତି ।
ଦୁଇ ଭାଇ ଗଣ୍ଡଗୋଳରେ ବଳି ପଡ଼ିଲା ଖୁଡୀ

ବାଲେଶ୍ଵର ଜିଲା ନୀଳଗିରି ଥାନା ଅନ୍ତର୍ଗତ କୁଲାହାପାଳ ଗ୍ରାମରେ ଗତକାଲି ଦ୍ଵିପ୍ରହରରେ ଦୁଇ ଭାଇ କୌଣସି କାରଣରୁ ମାରପିଟ୍ ହୋଇଥିଲେ । ଘଟଣା ପରିବାର କାନକୁ ଆସିଥିଲା । ସନ୍ଧ୍ୟାବେଳେ ସମାଧାନ କରିବା ପାଇଁ ସଂଯୁଲତା ପଣ୍ଡା ଦେଢଶୂର ସନ୍ତୋଷ ପଣ୍ଡା ଘରକୁ ଯାଇଥିଲେ । ସଞ୍ଜୁଲତା କଥାବାର୍ତ୍ତା କରି ଫେରିବା ବାଟରେ ସନ୍ତୋଷ ପଣ୍ଡାଙ୍କ ପୁଅ ଅମିତ ପଣ୍ଡା ସଂଯୁଲତା ପଣ୍ଡାଙ୍କୁ ଏକ ପଥରରେ ମୁଣ୍ଡକୁ ବାଡ଼େଇ ଦେବାରୁ ପ୍ରଚୁର ରକ୍ତସ୍ରାବ ହୋଇଥିଲା ।

ମହିଳା ଜଣଙ୍କ ସଙ୍ଗେ ସଙ୍ଗେ ଚେତା ଶୂନ୍ୟ ହୋଇ ତଳେ ପଡ଼ିଯାଇଥିଲେ ତୁରନ୍ତ ତାଙ୍କୁ ନୀଳଗିରି ଡାକ୍ତରଖାନାରେ ଭର୍ତି କରାଯାଇଥିଲା । ଡାକ୍ତର ତାଙ୍କୁ ସେଠାରେ ମୃତ ବୋଲି ଘୋଷଣା କରିଛନ୍ତି । ଅପରପକ୍ଷେ ସନ୍ତୋଷ ପଣ୍ଡା ଓ ତାର ପୁଅ ଅମିତ୍ ପଣ୍ଡା ଆହତ ହୋଇ ନୀଳଗିରି ଡାକ୍ତର ଖାନାରେ ଚିକିତ୍ସିତ ହେଉଛନ୍ତି ।