Blog

ମଣିଷ-ବନ୍ୟପ୍ରାଣୀ ସଂଘର୍ଷରେ ମୃତାହତ ପରିବାର ପାଇଁ ଅନୁକମ୍ପା ସହାୟତା ରାଶିରେ ବୃଦ୍ଧି

ମନୁଷ୍ୟ ଓ ବନ୍ୟପ୍ରାଣୀ ମଧ୍ୟରେ ସଂଘର୍ଷରେ ରାଜ୍ୟରେ ବହୁ ଲୋକ ମୃତାହତ ହେଉଛନ୍ତି । ଘରଦ୍ବାରା ଭାଙ୍ଗିବା ଓ ଫସଲ ନଷ୍ଟ ହେବା ସହିତ ଗୃହପାଳିତ ପଶୁ ମଧ୍ୟ ପ୍ରାଣ ହରାଉଛନ୍ତି । ଏହା ମୃତକଙ୍କ ପରିବାର ପାଇଁ ବ୍ୟାପକ ତଥା ଅପୂରଣୀୟ କ୍ଷତି । ପ୍ରିୟଜନମାନଙ୍କୁ ହରାଇ ଗଭୀର ମାନସିକ ଚାପରେ ରହିଥାନ୍ତି କ୍ଷତିଗ୍ରସ୍ତ ପରିବାର । ତେଣୁ ବନ୍ୟପ୍ରାଣୀ ଆକ୍ରମଣରେ ମୃତାହତ ବ୍ୟକ୍ତିଙ୍କ ନିକଟତମ ଆତ୍ମୀୟଙ୍କ ପାଇଁ ଅନୁକମ୍ପା ରାଶି ତଥା ସମ୍ପତ୍ତି କ୍ଷୟକ୍ଷତି ପାଇଁ ସହାୟତା ରାଶିରେ ବୃଦ୍ଧି ପ୍ରସ୍ତାବକୁ ମୁଖ୍ୟମନ୍ତ୍ରୀ ଅନୁମୋଦନ କରିଛନ୍ତି ।

ନୂଆ ନିଷ୍ପତ୍ତି ଅନୁଯାୟୀ ବନ୍ୟାପ୍ରାଣୀ ଆକ୍ରମଣରେ ମଣିଷଙ୍କ ଜୀବନ ଗଲେ ଅନୁକମ୍ପାମୂଳକ ରାଶିର ପରିମାଣ ୪ ଲକ୍ଷରୁ ୬ ଲକ୍ଷ ଟଙ୍କାକୁ ବୃଦ୍ଧି କରାଯାଇଛି । ସେହିପରି ଗୁରୁତର ଆହତଙ୍କ (Permanent Injury) ପାଇଁ ସହାୟତା ରାଶିରେ ମଧ୍ୟ ବୃଦ୍ଧି ପାଇଛି । ୬୦ ପ୍ରତିଶତରୁ କମ୍‌ ଅକ୍ଷମତା କ୍ଷେତ୍ରରେ ୧ ଲକ୍ଷ ଟଙ୍କାରୁ ୧.୫୦ ଲକ୍ଷ ଏବଂ ୬୦ ପ୍ରତିଶତରୁ ଅଧିକ ଅକ୍ଷମତା କ୍ଷେତ୍ରରେ ସହାୟତା ପରିମାଣ ୨.୫୦ ଲକ୍ଷ ଟଙ୍କାକୁ ବଢ଼ାଇଛନ୍ତି ରାଜ୍ୟ ସରକାର ।

ସାମାନ୍ୟ ଆହତ (Temporary Injury)ଙ୍କ ପାଇଁ ସହାୟତା ପରିମାଣ ୫ ହଜାର ଟଙ୍କା ଥିଲା । ଏବେ ଏକ ସପ୍ତାହରୁ ଅଧିକ ସମୟ ଚିକିତ୍ସାର ଆବଶ୍ୟକତା ଥିଲେ,ସେ କ୍ଷେତ୍ରରେ ସରକାରୀ ହସ୍‌ପିଟାଲରେ ସମ୍ପୂର୍ଣ୍ଣ ମାଗଣା ଚିକିତ୍ସା ସହିତ ୧୦ ହଜାର ଟଙ୍କା ଦିଆଯିବ। ଚିକିତ୍ସାର ସମୟ ଏକ ସପ୍ତାହରୁ କମ୍‌ ହେଲେ, ସରକାରୀ ହସ୍‌ପିଟାଲରେ ସଂପୂର୍ଣ୍ଣ ମାଗଣା ଚିକିତ୍ସା ସହିତ ୫ ହଜାର ଟଙ୍କା ପ୍ରଦାନ କରାଯିବ ।

ଗୋରୁ,ମଇଁଷି ଭଳି ପ୍ରାଣୀଙ୍କ ମୃତ୍ୟୁ କ୍ଷେତ୍ରରେ ମଧ୍ୟ ସହାୟତା ରାଶି ବୃଦ୍ଧି କରିଛନ୍ତି ରାଜ୍ୟ ସରକାର । ଗାଈ ବା ମଇଁଷିଙ୍କ ମୃତ୍ୟୁ ହେଲେ ୩୭୫୦୦ ଟଙ୍କା,ବଳଦ ପାଇଁ ସହାୟତା ୩୨୦୦୦ ଟଙ୍କା, ବାଛୁରୀ ମୃତ୍ୟୁ ପାଇଁ ୨୫୦୦ ଟଙ୍କାରୁ ୫୦୦୦ ଟଙ୍କା, ଛେଳିମେଣ୍ଢାଙ୍କ ମୃତ୍ୟୁ ୨୦୦୦ରୁ ୪୦୦୦ ଟଙ୍କା, ମେଣ୍ଢା ଛୁଆ ମୃତ୍ୟୁ ପାଇଁ ୭୫୦ ଟଙ୍କାରୁ ୧୫୦୦ ଟଙ୍କାକୁ ବୃଦ୍ଧି କରିଛନ୍ତି ନବୀନ ।

ସେହିପରି ଫସଲ କ୍ଷୟକ୍ଷତି ହେଲେ ମଧ୍ୟ ସହାୟତା ପରିମାଣ ବଢ଼ିଛି । ଧାନ ଓ ଅନ୍ୟାନ୍ୟ ଖାଦ୍ୟଶସ୍ୟ (Cereal)କ୍ଷତିରେ ସହାୟତା ପରିମାଣ ଏକର ପିଚ୍ଛା ୧୦ ହଜାର ଟଙ୍କାରୁ ୨୦ ହଜାର ଟଙ୍କାକୁ ବୃଦ୍ଧି ପାଇଛି । ଅର୍ଥକାରୀ ଫସଲ କ୍ଷତିରେ ସହାୟତା ପରିମାଣ ୧୨ ହଜାରରୁ ୨୫ ହଜାର ଟଙ୍କାକୁ ବଢ଼ିଛି । ଘରଗୁଡ଼ିକର ଆଂଶିକ କ୍ଷତି କ୍ଷେତ୍ରରେ ସହାୟତା ପରିମାଣ ୨୦୦୦ ଟଙ୍କାରୁ ୧୦,୦୦୦ ଟଙ୍କାକୁ ବୃଦ୍ଧି ପାଇଛି । ଘର ସମ୍ପୂର୍ଣ୍ଣ ଭାଙ୍ଗିଥିଲେ,ବିଜୁ ପକ୍‌କା ଘର କିମ୍ବା ସେହି ମୂଲ୍ୟର ଅର୍ଥ ସହିତ ଆହୁରି ୨୦ ହଜାର ଟଙ୍କା ସହାୟତା ଆକାରରେ ପ୍ରଦାନ କରାଯିବ ।
କ୍ରିଡାମନ୍ତ୍ରୀ ଅନୁରାଗ ଠାକୁର ଘଟଣାକୁ ଚାପିଦେବାକୁ ପ୍ରୟାସ କରୁଛନ୍ତି କହିଲେ ରେସଲର ଭିନେଶ ଫୋଗାଟ

ନ୍ୟାୟ ପାଇଁ ଦିଲ୍ଲୀର ଜନ୍ତରମନ୍ତର ଠାରେ ଧାରଣାରେ ବସିଥିବା କୁସ୍ତିଯୋଦ୍ଧାଙ୍କ ଉପରେ କରାଯାଉଛି ଅତ୍ୟାଚାର । ସୋମାନଙ୍କ ଅଭିଯୋଗକୁ ଗୁରୁତର ସହିତ ନେବା ପରିବର୍ତ୍ତେ ତାଙ୍କ ବିରୋଧରେ ଅନେକ ବୟାନବାଜି କରାଯାଉଛି । ଡବ୍ଲୁଏଫ୍ଆଇ ଅଧ୍ୟକ୍ଷ ତଥା ବିଜେପି ସାଂସଦ ବ୍ରିଜ ଭୂଷଣ ଶରଣ ସିଂ ନିଜ ପଦରୁ ଇସ୍ତଫା ଦେବାକୁ ଘୋଷଣା କରିଥିବା ସତ୍ତ୍ୱେ ଆନ୍ଦୋଳନରୁ ଓହରି ନାହାନ୍ତି ରେସଲରମାନେ । ବ୍ରିଜ ଭୂଷଣଙ୍କ ଗିରଫ ଦାବିରେ ରେସଲର ମାନେ ଅଡି ବସିଥିବା ବେଳେ ରେସଲର ଭିନେଶ ଫୋଗାଟ ଦେଇଛନ୍ତି ଏକ ଆଶ୍ଚର୍ଯ୍ୟ କଳାଭଳି ବୟାନ । ସେ ସିଧାସଳଖ କ୍ରିଡା ମନ୍ତ୍ରୀ ଅନୁରାଗ ଠାକୁରଙ୍କୁ ନେଇ ଦେଇଛନ୍ତି ଏକ ବଡ ମନ୍ତବ୍ୟ ।

ଭିନେଶ କହିଛନ୍ତି, ବ୍ରିଜ ଭୂଷଣ ଭଳି ଜଣେ କ୍ଷମତାଶାଳୀ ବ୍ୟକ୍ତିଙ୍କ ବିରୋଧରେ ଛିଡ଼ା ହେବା ଏତେ ସହଜ ନହେଁ । ଆମେ ନ୍ୟାୟ ପାଇଁ ଲଢୁଥିବା ବେଳେ ବିଭିନ୍ନ ମହଲରୁ ଚାପର ଶିକାର ହେଉଛୁ । କ୍ରୀଡ଼ା ମନ୍ତ୍ରୀ ଅନୁରାଗ ଠାକୁରଙ୍କ ଉପରେ ସାଙ୍ଘାତିକ ଅଭିଯୋଗ ଆଣି ଫୋଗାଟ କହିଛନ୍ତି, ଖୋଦ୍‌ କ୍ରୀଡ଼ା ମନ୍ତ୍ରୀ ଏହି ମାମଲାର ସମାଧାନ ପାଇଁ ଏକ କମିଟି ଗଠନ କରି ଏହି ମାମଲାକୁ ଚାପି ଦେବାକୁ ଯଥାସମ୍ଭବ ପ୍ରୟାସ କରିଥିଲେ ।

ଗତ ଜାନୁଆରୀ ମାସରେ ନ୍ୟାୟ ପାଇଁ ଜନ୍ତର ମନ୍ତର ଠାରେ ଆନ୍ଦୋଳନରେ ବସିଥିବା ବେଳେ ସରକାରଙ୍କ ଦୃଷ୍ଟି ଆକର୍ଷଣ କରୁଥିଲୁ । ଆମକୁ ଯୌନ ଉତ୍ପୀଡ଼ନ ଓ ମାନସିକ ନିର୍ଯାତନା ଦିଆଯାଉଥିବା ଭଳି ସଂଗୀନ ଅଭିଯୋଗ ବିଜେପି ସାଂସଦଙ୍କ ନାଁରେ ଆଣିଥିଲେ ବି କାର୍ଯ୍ୟାନୁଷ୍ଠାନ ନିଆଗଲାନି। ତେଣୁ ବାଧ୍ୟ ହୋଇ ଦୀର୍ଘ ୪ ମାସ ପରେ ପୁଣି ଧାରଣାରେ ବସିବାକୁ ସ୍ଥିର କଲୁ ।

ସେ କହିଛନ୍ତି, କେନ୍ଦ୍ରୀୟ କ୍ରୀଡ଼ା ମନ୍ତ୍ରୀ ଅନୁରାଗ ଠାକୁରଙ୍କୁ ସାକ୍ଷାତ କରି ଆମେ ସମସ୍ତ ସମସ୍ୟା ଜଣାଇଥିଲୁ ଆଉ ସେ ପ୍ରତିଶ୍ରୁତି ଦେବା ପରେ ଆମେ ଆନ୍ଦୋଳନରୁ ଓହରିଥିଲୁ
। ଏହାପରେ ଘଟଣାର ଯାଞ୍ଚ ପାଇଁ ଏକ କମିଟି ଗଠନ କରିଥଲେ କ୍ରିଡାମନ୍ତ୍ରୀ ଅନୁରାଗ ଠାକୁର । ହେଲେ ସେହି କମିଟି ମାମଲାକୁ ଚାପିଦେବାକୁ ନିଜର ସମସ୍ତ ବଳ ପ୍ରୟୋଗ କରିଥିଲା ।
ଜୀବନକୁ ବାଜି ଲଗାଇ ଖବର ସଂଗ୍ରହ ସହ ପରିବେଷଣ କରିଥାନ୍ତି ‘ସାମ୍ବାଦିକ’

ନିଜ ଜୀବନକୁ ବାଜି ଲଗେଇ ଅହରହ ୨୪ ଘଣ୍ଟା କାମ କରିଥାନ୍ତି ସାମ୍ବାଦିକ । ସେମାନଙ୍କ ଜୀବନ ପ୍ରତି ବିପଦ ଥାଏ ତଥାପି ସେମାନେ ପଛଘୁଞ୍ଚା ଦେଇନଥାନ୍ତି । ଖରା,ବର୍ଷା, ଶୀତକୁ ଖାତିର ନକରି ଖବର ପରିବେଷଣ କରିଥାନ୍ତି । ଲୋକଙ୍କ ସମସ୍ୟା ପ୍ରଶାସନ ନିକଟରେ ଉପସ୍ଥାପନ କରିଥାନ୍ତି । ଅଧିକାଂଶ ସମୟରେ ସମସ୍ୟାର ସମାଧାନ ଦିଗରେ ସେମାନଙ୍କ ଗୁରୁତ୍ୱପୂର୍ଣ୍ଣ ଭୂମିକା ଥାଏ । ଲୋକଙ୍କ ସ୍ନେହ, ଶ୍ରଦ୍ଧା, ଭଲ ପାଇବା ପାଇଥାନ୍ତି । ଏହା ସେମାନଙ୍କ ପାଇଁ ସବୁଠୁ ବଡ଼ ପୁରସ୍କାର । ସେଥିପାଇଁ ସାମ୍ବାଦିକମାନଙ୍କୁ ସବୁବେଳେ ପୂର୍ଣ୍ଣ ସ୍ୱାଧୀନତା ଦେବା ଜରୁରୀ । ଏଭଳି ଲକ୍ଷ୍ୟ ନେଇ ପ୍ରତିବର୍ଷ ୩ ମେ’ରେ ପାଳିତ ହେଉଛି ‘ବିଶ୍ୱ ପ୍ରେସ୍‌ ସ୍ୱାଧୀନତା ଦିବସ’ ।

ସାମ୍ବାଦିକତାକୁ ଗଣତନ୍ତ୍ରର ଚତୁର୍ଥ ସ୍ତମ୍ଭ କୁହାଯାଉଥିବା ବେଳେ ଏହା ଏକ ବିପଦପୂର୍ଣ୍ଣ କାମ । ଅନେକ ସମୟରେ ସାମ୍ବାଦିକମାନେ ଆକ୍ରମଣର ଶିକାର ହୁଅନ୍ତି । ସାମ୍ବାଦିକମାନେ ସତ୍ୟକୁ ସାମ୍ନା କରନ୍ତି, ଦାୟିତ୍ୱକୁ ଠିକ୍ ଭାବେ ପୂରଣ କରିବାକୁ ନିଜ ଜୀବନକୁ ବିପଦରେ ପକାଇବାକୁ କେବେ ବି ପଛଘୁଞ୍ଚା ଦିଅନ୍ତି ନାହିଁ । ଏଭଳି ସ୍ଥିତିରେ ନିଜ ଜୀବନକୁ ବାଜି ଲଗାଇ କାମ କରିଥାନ୍ତି ସାମ୍ବାଦିକ । ତେବେ ସେମାନଙ୍କ ସ୍ୱରକୁ ଯେପରି କୌଣସି ପ୍ରଭାବ ନପଡ଼େ ସେଥିପ୍ରତି ସରକାର ଧ୍ୟାନ ଦେବା ଉଚିତ । ପୂର୍ଣ୍ଣ ସ୍ୱାଧୀନତା ମିଳିଲେ ହିଁ ସେମାନେ ନିଜ ନିଜ କାମକୁ ସୂଚାରୁ ରୂପେ ସମ୍ପାଦାନ କରିପାରିବେ ।

ୟୁନେସ୍କୋ ସାଧାରଣ ସମ୍ମିଳନୀର ସୁପାରିସ ପରେ 1993ରେ ବିଶ୍ୱ ପ୍ରେସ ସ୍ୱାଧୀନତା ଦିବସ ପ୍ରଥମ ଥର ପାଇଁ ପାଳନ କରାଯାଇଥିଲା । ୱିଣ୍ଡହୋକ୍ ଘୋଷଣାନାମାକୁ ସ୍ମରଣ କରିବା ପାଇଁ ମେ’ ୩ ତାରିଖକୁ ବିଶ୍ୱ ପ୍ରେସ୍ ସ୍ୱାଧୀନତା ଦିବସ ପାଳନ କରିବା ପାଇଁ ନିଷ୍ପତ୍ତି ହୋଇଥିଲା । ବିଶ୍ୱ ପ୍ରେସ୍ ସ୍ୱାଧୀନତା ଦିବସ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହା ଗଣମାଧ୍ୟମର ଗୁରୁତ୍ୱପୂର୍ଣ୍ଣ ଭୂମିକା ବିଷୟରେ ଲୋକଙ୍କୁ ମନେ ପକାଏ ।

ପ୍ରତିବର୍ଷ ପରି ଚଳିତବର୍ଷ ମଧ୍ୟ ବିଶ୍ୱ ପ୍ରେସ୍‌ ସ୍ୱାଧୀନତା ଦିବସର ଥିମ୍ ରହିଛି । ଚଳିତଥର ‘ବିଶ୍ୱ ପ୍ରେସ୍‌ ସ୍ୱାଧୀନତା ଦିବସ’ର ୩୦ତମ ବାର୍ଷିକୀ ଉତ୍ସବ ପାଳିତ ହୋଇଯାଇଛି । ୟୁନେସ୍କୋ ଦ୍ୱାରା ନିର୍ମିତ ବିଶ୍ୱ ପ୍ରେସ ସ୍ୱାଧୀନତା ଦିବସ 2023ର ବିଷୟବସ୍ତୁ ‘ଅଧିକାରର ଭବିଷ୍ୟତ ଗଠନ:ଅଭିବ୍ୟକ୍ତିର ସ୍ୱାଧୀନତା ଅନ୍ୟ ସମସ୍ତ ମାନବିକ ଅଧିକାରର ତାଳକ ଭଳି’। ଗଣମାଧ୍ୟମର ସ୍ୱାଧୀନତା,ନିରପେକ୍ଷତା ଏବଂ ଅଭିବ୍ୟକ୍ତି ଉପରେ ଗୁରୁତ୍ୱ ଦେଇଥାଏ ।

ସେପଟେ, World press freedom day ଅବସରରେ ବିଧାୟକ ସୁରେଶ ରାଉତରାୟ କେକ୍ କାଟିଛନ୍ତି । ସାମ୍ବାଦିକମାନଙ୍କୁ କେକ୍ ଖୁଆଇଛନ୍ତି ଏହି ଲୋକପ୍ରିୟ କଂଗ୍ରେସ ବିଧାୟକ । ସାମ୍ବାଦିକମାନଙ୍କ ପାଇଁ ପୁଣି ଥରେ ଓଡ଼ିଶା ଲୋକସେବା ଭବନ ଖୋଲି ସେମାନଙ୍କୁ ପୂର୍ଣ୍ଣ ସ୍ଵାଧୀନତା ଦେବାକୁ କହିଛନ୍ତି ସୁର ରାଉତରାୟ ।
ଲକ୍ଷେ ୩୦ ହଜାର ଟଙ୍କାରେ ସନ୍ତୁଷ୍ଟ ନୁହନ୍ତି ଶାମୀଙ୍କ ସ୍ତ୍ରୀ, ୧୦ ଲକ୍ଷ ପାଇଁ ସୁପ୍ରିମକୋର୍ଟରେ ପହଞ୍ଚିଲେ ହାସିନା ଜହାଁ

ଭାରତୀୟ କ୍ରିକେଟ ଦଳର ଫାଷ୍ଟ ବୋଲର ମହମ୍ମଦ ଶାମୀଙ୍କ ବଢିଲା ଅଡୁଆ । ସେ ବର୍ତ୍ତମାନ ଆଇପିଏଲରେ ବ୍ୟସ୍ତି ଥିବା ବେଳେ ସେପଟେ ତାଙ୍କ ପତ୍ନୀ ହସିନା ଜହାଁ ଏବେ ସୁପ୍ରିମକୋର୍ଟରେ ପହଞ୍ଚିଯାଇଛନ୍ତି । ହସିନା ଜହାଁ ୨୦୧୮ ମସିହାରେ ସ୍ୱାମୀ ମହମ୍ମଦ ଶାମୀଙ୍କ ବିରୁଦ୍ଧରେ ଅନେକ ଅଭିଯୋଗ ଆଣିଥିଲେ । ସେତେବେଳେ ଏବି ଖବର ମଧ୍ୟ ସୋସିଆଲ ମିଡିଆରେ ଚହଳ ସୃଷ୍ଟି କରିଥିଲା । ହେଲେ ଜହାଁ ଆଣିଥିବା ସମସ୍ତ ଅଭିଯୋଗକୁ ଶାମୀ ଖଣ୍ଡନ କରିଥିଲେ । ଏହାପରେ ହାଇକୋର୍ଟ ସେହି ପ୍ରସଙ୍ଗ ଉପରେ ରାୟ ଶୁଣାଇଥିଲେ । ଏବେ ହସିନା ଜହାଁ ତାଙ୍କ ସ୍ବାମୀଙ୍କୁ ଗିରଫ କରାଯାଉ ବୋଲି ଦାବି କରିବା ସହିତ ହାଇକୋର୍ଟ ରାୟରେ ଅସନ୍ତୁଷ୍ଟ ହୋଇ ସୁପ୍ରିମକୋର୍ଟରେ ପହଞ୍ଚି ଯାଇଛନ୍ତି ।

ହାସିନା ଜହାଁ, କ୍ରିକେଟର ସାମିଙ୍କ ବିରୋଧରେ ପରକୀୟା ପ୍ରିତି ଭଳି ସାଙ୍ଘାତିକ ଅଭିଯୋଗ ଆଣିଛନ୍ତି । ସେ କହିଛନ୍ତି, କୌଣସି ସେଲିବ୍ରିଟିଙ୍କ ପ୍ରତି ଆଇନରେ କୋହଳ ନମିଳୁ । ଶାମୀ ତାଙ୍କୁ ବାରମ୍ବାର ଯୌତୁକ ନିର୍ଯାତନା ଦେଇଆସୁଥିବାର ସେ ଅଭିଯୋଗ କରିଛନ୍ତି ।

ଏଠାରେ ଜଣାଇ ଦେଉଛୁ, ହାସିନା ଜହାଁ କେଶ ଆଧାରରେ ୨୦୨୩ ମସିହାରେ କୋଲକତା ହାଇକୋର୍ଟ ଶାମୀଙ୍କ ବିପକ୍ଷରେ ରାୟ ଶୁଣାଇଥିଲେ । କୋର୍ଟ ଆଦେଶ ଦେଇଥିଲେ ଯେ, ଶାମୀ ତାଙ୍କ ସ୍ତ୍ରୀଙ୍କୁ ପ୍ରତିମାସ ଭରଣ ପୋଷଣ ବାବଦରେ ୧ ଲକ୍ଷ ୩୦ ହଜାର ଟଙ୍କା ଦେବେ । ଏହି ଟଙ୍କା ଶାମୀଙ୍କ ଝିଅ ପାଇଁ ମାସିକ ୮୦ ହଜାର ଟଙ୍କା ଥିବା ବେଳେ ସ୍ତ୍ରୀଙ୍କ ପାଇଁ ରହିଥିଲା ୫୦ ହଜାର ଟଙ୍କା । ହେଲେ ସେତିକି ଟଙ୍କାରେ ଖୁସି ନୁହନ୍ତି ଶାମୀଙ୍କ ସ୍ତ୍ରୀ ହସିନା ଜହାଁ । ଏବେ ସେ ମାସକୁ ୧୦ ଲକ୍ଷ ଟଙ୍କା ଦାବି କରୁଥିବା ବେଳେ ସୁପ୍ରିମକୋର୍ଟର ଦ୍ବାରସ୍ଥ ହୋଇଛନ୍ତି ।
ଆସୁଛି ବାତ୍ୟା ମୁକାବିଲା ପାଇଁ ପ୍ରସ୍ତୁତ ଓଡ୍ରାଫ ଓ ଏନଡିଆରଏଫ୍ ଟିମ୍

ପୁଣି ଏକ ବାତ୍ୟା ସୃଷ୍ଟି ହୋଇଥିବା ନେଇ ପୂର୍ବାନୁମାନ କରଯାଇଛି । ଆସନ୍ତା ୬ ତାରିଖରେ ଘୂର୍ଣ୍ଣିବଳୟ ସୃଷ୍ଟି ହେବାର ୪୮ ଘଣ୍ଟା ପରେ ଲଘୁଚାପର ରୂପ ନେବ ବୋଲି ପାଣିପାଗ ବିଭାଗ ଆକଳନ କରିଛି । ହେଲେ ଏହି ଲଘୁଚାପ ବାତ୍ୟାର ରୂପ ନେବ କି ନାହିଁ ତାହା ସ୍ପଷ୍ଟ ହୋଇନାହିଁ । ଆଇଏମଡିର ସୂଚନା ମୁତାବକ, ଲଘୁଚାପ ଅବପାତର ରୂପ ନେବା ପରେ, ଚିତ୍ର ସ୍ପଷ୍ଟ ହେବ । ହେଲେ ଇତିହାସ ସାକ୍ଷୀ ଅଛି ଯେ, ଅନେକ ବାତ୍ୟା ବଙ୍ଗୋପସାଗରରେ ସୃଷ୍ଟି ହେବା ପରେ ତାହା ଓଡିଶା ଅଭିମୁଖେ ଗତି କରିଛି ।

ତେବେ ବିଭନ୍ନ ସଂସ୍ଥା ସମ୍ଭାବ୍ୟ ବାତ୍ୟାକୁ ନେଇ ଭିନ୍ନ ଭିନ୍ନ କଳନ କରୁଥିବା ବେଳେ ଓଡିଶା ସରକାର ସଜାଗ ହୋଇଛି । କାରଣ ଓଡିଶା ଏପରି ଏକ ରାଜ୍ୟ ଯାହାପାଇଁ ବାତ୍ୟା ଏକ ସାଘାରଣ କଥା । ପ୍ରତିବର୍ଷ କିଛି ନା କିଛି ବାତ୍ଯା ଓଡିଶାର ଉପକୂଳକୁ ହିଟ୍ କରିଥାଏ । ଯେଉଁଥିରେ ରାଜ୍ୟର ବହୁତ ଧନଜୀନବ ନଷ୍ଟ ହୋଇଥାଏ । ଆଉ ଓଡିଶା ସରକାର ମଧ୍ୟ ବାତ୍ୟା ସହିତ ଲଢିବାରେ ସିଦ୍ଧହସ୍ତ । ଅତୀତର ଅନେକ ବାତ୍ୟା ସହିତ ଲଢି ରାଜ୍ୟ ସରକାର ଆନ୍ତର୍ଜାତିକ ସ୍ତରରେ ପ୍ରଶଂସିତ ହୋଇଛି ।

ଗ୍ରୀଷ୍ମକାଳରେ ବାତ୍ୟା ଆକସ୍ମିକ ହୋଇଥାଏ । ତେଣୁ, ସମ୍ଭାବ୍ୟ ବାତ୍ୟାକୁ ନଜରରେ ରଖି ଆଗୁଆ ପ୍ରସ୍ତୁତି ଆରମ୍ଭ କରି ଦେଇଛନ୍ତି ରାଜ୍ୟ ସରକାର । ସମସ୍ତ ବିଭାଗର ସଚିବ ମାନଙ୍କ ସହ ନିଜେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୈଠକ କରି ଆଗକୁ ସମ୍ଭାବ୍ୟ ବାତ୍ୟାର ସ୍ଥିତି ସମ୍ପର୍କରେ ଆଲୋଚନା କରିଥିଲେ । ତେଣୁ ପ୍ରଶାସନିକ ଅଧିକାରୀଙ୍କୁ ସମ୍ଭାବ୍ୟ ବାତ୍ୟାର ମୁକାବିଲା ପାଇଁ ଆଗୁଆ ପ୍ରସ୍ତୁତ ରହିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ଓଡିଆରଏଫ୍, ଏନଡିଆରଏଫ୍ ସହ ଜରୁରୀକାଳୀନ ବିଭାଗକୁ ସମସ୍ତ ପରିସ୍ଥିତି ସହ ମୁକାବିଲା କରିବା ପାଇଁ ସତର୍କ ରହିବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ଯମନ୍ତ୍ରୀ ନବୀନ ପଟ୍ଟନାୟକ ।
ମେ’ରେ ଅଧିକାଂଶ ପ୍ରାକୃତିକ ବିପର୍ଯ୍ୟୟ, ଧ୍ୱଂସଲୀଳା ରଚିଥାଏ ସାମୁଦ୍ରିକ ଝଡ଼

ପ୍ରାକୃତିକ ବିପର୍ଯ୍ୟୟକୁ କିଏ ରୋକିବ? । କେତେବେଳେ, କେଉଁ ମୁହୂର୍ତ୍ତରେ ଆସି ତାଣ୍ଡବ ରଚିପାରେ । ଭୂମିକମ୍ପ, ବନ୍ୟା ଅବା ସାମୁଦ୍ରିକ ଝଡ଼ । ଆଗ୍ନେୟ ଉଦଗୀରଣ ନାଁ ଶୁଣିଲେ ତ ସମସ୍ତଙ୍କ ମନରେ ଛାନିଆ ପଶେ । ଦେଶର ବିଭିନ୍ନ ରାଜ୍ୟ ପ୍ରତିବର୍ଷ ଏହାର ସାମ୍ନା କରିଥାନ୍ତି । ହେଲେ ଓଡ଼ିଶା, ପଶ୍ଚିମବଙ୍ଗ, ଆନ୍ଧ୍ରପ୍ରଦେଶ ଭଳି ଉପକୂଳବର୍ତ୍ତୀ ରାଜ୍ୟ ଅଧିକାଂଶ ସମୟରେ ପ୍ରାକୃତିକ ବିପର୍ଯ୍ୟୟର ସାମ୍ନା କରିଥାନ୍ତି । ହେଲେ,ମନରେ ପ୍ରଶ୍ନ ଉଠେ ଅଧିକାଂଶ ସମୟରେ ମେ’ମାସର ପ୍ରବଳ ଗ୍ରୀଷ୍ମରେ କାହିଁକି ଏଭଳି ପ୍ରାକୃତିକ ବିପର୍ଯ୍ୟୟର ସାମ୍ନା କରିବାକୁ ହୁଏ । ବିଶେଷକରି ବାତ୍ୟା ଉପକୂଳିଆ ଅଞ୍ଚଳରେ ବ୍ୟାପକ କ୍ଷତି କରିଥାଏ । ଏବେ କିଛି ବାତ୍ୟା ସମ୍ପର୍କରେ ନଜର ପକାଇବା ।

ଆସାନି: ୭ ମେ’୨୦୨୨, ବଙ୍ଗୋପସାଗରରେ ସୃଷ୍ଟି ହୋଇଥିଲା ସିଭିୟର ସାଇକ୍ଲୋନ ଆସାନି । ଆନ୍ଧ୍ର,ଓଡ଼ିଶା,ଆଣ୍ଡାମାନ ଓ ନିକୋବର ଦୀପପୁଞ୍ଚ ଏବଂ ତାମିଲନାଡୁରେ ଏହା ବ୍ୟାପକ କ୍ଷତି କରିଥିଲା । ପବନର ଘଣ୍ଟାପ୍ରତି ସର୍ବାଧିକ ବେଗ ଥିଲା ୧୨୦ କିଲୋମିଟର । ଆକଳନ ଅନୁସାରେ ଏଥିରେ ପ୍ରାୟ ୧୨କୋଟି ୧୨ ଲକ୍ଷ ଟଙ୍କାର ଧନଜୀବନ ନଷ୍ଟ ହୋଇଥିଲା ।

ଜୱାଦ : ୩ ଡିସେମ୍ବର ୨୦୨୧ ବଙ୍ଗୋପସାଗରରେ ସୃଷ୍ଟି ହୋଇଥିଲା ଆଉ ଏକ ବାତ୍ୟା ଯାହାର ନାଁ ଥିଲା ଜୱାଦ । ବାଂଲାଦେଶ ସମେତ ଭାରତର ଆନ୍ଧ୍ରପଦେଶ, ଓଡ଼ିଶା ଏବଂ ପଶ୍ଚିମବଙ୍ଗରେ ଅନେକ କ୍ଷତି କରିଥିଲା । ସର୍ବାଧିକ ୧୩୦ କିଲୋମିଟର ବେଗରେ ପବନ ବହିବାର ରେକର୍ଡ କରାଯାଇଥିଲା ।

ଗୁଲାବ: ଆରବ ସାଗରରେ ସୃଷ୍ଟ ବାତ୍ୟା ‘ଗୁଲାବ’ ପ୍ରଭାବରେ ଯେଉଁ ଘୂର୍ଣ୍ଣିଝଡ଼ ହୋଇଥିଲା ସେଥିରେ ପବନର ଘଣ୍ଟାପ୍ରତି ସର୍ବାଧିକ ବେଗ ଥିଲା ୧୩୦ କିଲୋମିଟର । ପ୍ରବଳ ବର୍ଷା ସହ ବ୍ୟାପକ ଧନଜୀବନ କ୍ଷୟକ୍ଷତି ହୋଇଥିଲା । ୨୦୨୧ ସେପ୍ଟେମ୍ବର ୨୪ରେ ଆସିଥିଲା ବାତ୍ୟା ଗୁଲାବ । ମିଆଁମାର,ବାଂଲାଦେଶ, ଭାରତ,ପାକିସ୍ତାନ,ବେଲୁଚିସ୍ତାନ,ଓମାନ, ୟୁଏଇ ଏବଂ ୟେମେନରେ ପ୍ରଳୟ ସୃଷ୍ଟି କରିଥିଲା ଗୁଲାବ ।

ୟସ୍: ୨୪ ମେ’ ୨୦୨୧ । ବଙ୍ଗୋପସାଗରରେ ସୃଷ୍ଟି ହୋଇଥିବା ବାତ୍ୟା ୟସ୍ ବାଂଲାଦେଶ,ନେପାଳ ସମେତ ଭାରତର ଉତ୍ତରପ୍ରଦେଶ,ମଧ୍ୟପ୍ରଦେଶ ଓ ଓଡ଼ିଶା ଆଦି ସ୍ଥାନରେ ଅନେକ କ୍ଷୟକ୍ଷତି କରିଥିଲା । ଏହାର ଘଣ୍ଟାପ୍ରତି ବେଗ ଥିଲା ୧୧୯ କିଲୋମିଟର । ସେହିପରି ୨୦୨୦ ମେ ୩୧ରେ ଆଉ ଏକ ବାତ୍ୟା ଦେଖିବାକୁ ମିଳିଥିଲା ନିସର୍ଗ ରୂପରେ । ମହାରାଷ୍ଟ୍ର ଏବଂ ଗୁଜରାଟ ଭଳି ରାଜ୍ୟରେ ଏହା ବ୍ୟାପକ କ୍ଷତି କରିଥିଲା । ଆରବ ସାଗରରେ ସୃଷ୍ଟି ହୋଇଥିବା ନିସର୍ଗରେ ପବନର ଘଣ୍ଟାପ୍ରତି ବେଗ ଥିଲା ୧୧୧ କିଲୋମିଟର ।
ପ୍ରକାଶ ପାଇଲା NMMS ରେଜଲ୍ଟ, କେତେ ଜଣ ମନୋନୀତ ?

ଷ୍ଟେଟ୍ କାଉନସିଲ୍ ଅଫ୍ ଏଜୁକେସନାଲ୍ ରିସର୍ଚ୍ଚ ଆଣ୍ଡ ଟ୍ରେନିଂ (SCERT) ପକ୍ଷରୁ ଅସ୍ଥାୟୀ ନ୍ୟାସନାଲ୍ ମେନ୍ସ କମ୍ ମେରିଟ୍ ସ୍କଲାରସିପ୍ (NMMS) ଓଡ଼ିଶା ରେଜଲ୍ଟ ପ୍ରକାଶ ପାଇଛି । ପ୍ରାର୍ଥୀମାନେ ସରକାରୀ ୱେବସାଇଟରେ NMMS 2023ର ରେଜଲ୍ଟ ଜାଣିପାରିବେ । scertodisha.nic.inକୁ ଯାଇ ପରୀକ୍ଷାଫଳ ଦେଖପାରିବେ ଆଶାୟୀ ପ୍ରାର୍ଥୀ ।

ଗତ ଫେବ୍ରୁଆରୀ ୨ ତାରିଖରେ ଓଡ଼ିଶା NMMS ପରୀକ୍ଷା ହୋଇଥିଲା । ଏବେ SCERT ଓଡ଼ିଶା NMMS ଫଳାଫଳ ସହ ପରିଷଦ ପକ୍ଷରୁ ଅସ୍ଥାୟୀ ଭାବେ ମନୋନୀତ ପ୍ରାର୍ଥୀଙ୍କ ତାଲିକା ମଧ୍ୟ ପ୍ରକାଶ କରାଯାଇଛି । ମେରିଟ୍ ତାଲିକା ଅନୁଯାୟୀ,NMMS ଓଡ଼ିଶା 2023 ପାଇଁ ମୋଟ 3 ହଜାର 310 ପ୍ରାର୍ଥୀ ସାମୟିକ ଭାବେ ଚୟନ ହୋଇଛନ୍ତି ।

୩୦ ଜିଲ୍ଲାରେ ମୋଟ ୩୩୧୪ ଛାତ୍ରବୃତ୍ତି ବଣ୍ଟାଯିବାକୁ ଲକ୍ଷ୍ୟ ରଖାଯାଇଛି । ଜିଲ୍ଲା ଅନୁଯାୟୀ ଏହାର ସଂରକ୍ଷଣ ବ୍ୟବସ୍ଥା ମଧ୍ୟ ହୋଇଛି । ଅନୁସୂଚିତ ଜାତି(SC),ଅନୁସୂଚିତ ଜନଜାତି(ST), SEBC ଏବଂ ଶାରୀରିକ ଅକ୍ଷମ ବର୍ଗ ପ୍ରାର୍ଥୀଙ୍କୁ ଏହାର ଫାଇଦା ମିଳିପାରିବ । ଯେଉଁମାନେ ମନୋନୀତ ହୋଇଛନ୍ତି ସେମାନଙ୍କୁ ମାସିକ ୧୦୦୦ ଟଙ୍କା ଲେଖାଏଁ ପ୍ରଦାନ କରାଯିବ । ନବମ ଶ୍ରେଣୀରୁ ଦ୍ୱାଦଶ ଶ୍ରେଣୀ ପ୍ରାୟ ୪ ବର୍ଷ ଏହାର ଫାଇଦା ନେଇପାରିବେ ।

ଛାତ୍ରବୃତ୍ତିର ନବୀକରଣ ପାଇଁ ମନୋନୀତ ଛାତ୍ରମାନଙ୍କୁ ଜାତୀୟ ସ୍କଲାରସିପ୍ ପୋର୍ଟାଲ NSP ଖୋଲିବାକୁ ପଡ଼ିବ । ପ୍ରତିବର୍ଷ ସଂପୃକ୍ତ ସ୍କୁଲରେ ସେମାନଙ୍କ ବାର୍ଷିକ ପ୍ରମାଣପତ୍ର ଦେବାକୁ ପଡ଼ିବ । ମାର୍କସିଟ୍ ମଧ୍ୟ ଦାଖଲ କରିବାକୁ ପଡ଼ିବ । ଏଥିରେ ଅବହେଳା କଲେ ସେମାନେ ଛାତ୍ରବୃତ୍ତି ପାଇବାରୁ ବଞ୍ଚିତ ହେବେ ।
IPL: ଆଜି ଡବଲ ମୁକାବିଲା, କିଏ ଜିତିବ ମ୍ୟାଚ୍ ?

ଫଟାଫଟ୍ କ୍ରିକେଟ୍ IPLରେ ଆଜି ଦୁଇଟି ମ୍ୟାଚ୍ ଖେଳାଯିବ । ଅପରାହ୍ଣ ସାଢ଼େ ୩ଟାରେ ଲକ୍ଷ୍ନୌ ଓ ଚେନ୍ନାଇ ମଧ୍ୟରେ ମୁକାବିଲା ହେବ । ସେହିପରି ସନ୍ଧ୍ୟା ସାଢ଼େ ୭ଟାରେ ମୁହାଁମୁହିଁ ହେବେ ପଞ୍ଜାବ ଓ ମୁମ୍ବାଇ ।

ଲକ୍ଷ୍ନୌ ସୁପର ଜିଆଣ୍ଚସ ୫ଟି ମ୍ୟାଚରେ ବିଜୟୀ ହୋଇଥିବା ବେଳେ ୪ଟିରେ ପରାସ୍ତ ହୋଇଛି । ଦଳର ବ୍ୟାଟିଂ ଲାଇନ୍ ଅପ୍ ଶକ୍ତିଶାଳୀ ରହିଛି । ମାତ୍ର ଅଧିକାଂଶ ମ୍ୟାଚରେ ମ୍ୟାଚ୍ ହାତଛଡ଼ା କରୁଛି ଟିମ୍ । ଗତ ମ୍ୟାଚରେ ବାଙ୍ଗାଲୋର ବିପକ୍ଷରେ ୧୨୭ ରନ୍ ଚେଜ୍ କରିବାରେ ଫେଲ୍ ମାରିଲା ଦଳ । କଥା ଏତିକିରେ ସରିନଥିଲା । ମ୍ୟାଚ୍ ପରେ ବାଙ୍ଗାଲୋର ଖେଳାଳି କୋହଲି ଏବଂ ଲକ୍ଷ୍ନୌ ମେଣ୍ଟର ଗମ୍ଭୀର ମୁହାଁମୁହିଁ ହୋଇଥିଲେ । ପରିସ୍ଥିତି ଟିକେ ବିଗିଡ଼ିବାରୁ ସେମାନଙ୍କୁ ଫାଇନ୍ ଦେବାକୁ ପଡ଼ିଥିଲା । ତେଣୁ ଦଳ ନିଜର ତ୍ରୁଟି ସୁଧାରି ଜିତିବାକୁ ପ୍ରୟାସ କରିବ ।

ସେପଟେ, ଚେନ୍ନାଇ ମଧ୍ୟ ୫ଟିରେ ବିଜୟୀ ହୋଇଥିବା ବେଳେ ୪ଟି ମ୍ୟାଚରେ ହାରିଛି । ଧୋନିଙ୍କ ନେତୃତ୍ୱରେ ଏଥର ଭଲ ପ୍ରଦର୍ଶନ କରୁଛି ଚେନ୍ନାଇ । ବ୍ୟାଟିଂ ଓ ବୋଲିଂ ସବୁ ଡିପାର୍ଟମେଣ୍ଟରେ ଖେଳାଳିମାନେ ନିଜ ନିଜ ପରଫରମାନ୍ସ ଦେଉଛନ୍ତି । ଆଜି ଲକ୍ଷ୍ନୌ ବିପକ୍ଷରେ ମ୍ୟାଚ୍ ଜିତିବାକୁ ଜୋରଦାର ଉଦ୍ୟମ କରିବ ଧୋନି ବାହିନୀ ।

ଦ୍ୱିତୀୟ ମ୍ୟାଚରେ ମୁହାଁମୁହିଁ ହେବେ ମୁମ୍ବାଇ ଓ ପଞ୍ଜାବ । ମୁମ୍ବାଇ ୪ଟି ମ୍ୟାଚରେ ଜିତିଥିବା ବେଳେ ୪ଟିରେ ପରାସ୍ତ ହୋଇଛି । ଦଳ ଧୀରେ ଧୀରେ ଟ୍ରାକକୁ ଫେରୁଛି । ଅଧିନାୟକ ରୋହିତ ଶର୍ମା ଆଉଟ୍ ଅଫ୍ ଫର୍ମରେ ଥିବାବେଳେ ସୂର୍ଯ୍ୟକୁମାର, କ୍ୟାମରେନ୍ ଗ୍ରୀନ ଫୁଲ ଫର୍ମରେ ଅଛନ୍ତି । ବେଷ୍ଟ ଫିନିସର ଭାବେ ଟିମ୍ ଡେଭିଡ୍ ବିସ୍ଫୋରକ ବ୍ୟାଟିଂ ଜାରି ରଖିଛନ୍ତି । ତେବେ ବୋଲିଂକୁ ନେଇ ସାମାନ୍ୟ ଟେନସନରେ ଅଛି ଦଳ । ଏଥିରେ ସୁଧାର ଆଣିବାକୁ ପ୍ରୟାସ କରିବେ ବୋଲର । ଅନ୍ୟପଟେ, ଚଳିତଥର ପଞ୍ଜାବ ମଧ୍ୟ ଭଲ ପ୍ରଦର୍ଶନ କରୁଛି । ୫ଟି ମ୍ୟାଚରେ ବିଜୟ ହାସଲ କରିଥିବା ବେଳେ ୪ଟିରେ ପରାସ୍ତ ହୋଇଛି ପଞ୍ଜାବ । ୟଙ୍ଗଷ୍ଟରମାନଙ୍କୁ ନେଇ ମୈଦାନକୁ ଓହ୍ଲାଇବେ ଅଧିନାୟକ ଧୱନ । ଦମଦାର ପ୍ରଦର୍ଶନ ସହ ମୁମ୍ବାଇକୁ ଚକମା ଦେବା ପାଇଁ ସ୍ୱତନ୍ତ୍ର ରଣନୀତି କରିଛି ଟିମ୍ ।
ଭୁବନେଶ୍ୱର: ବାଉନ୍ସର ଗ୍ୟାଙ୍ଗର ମାଷ୍ଟରମାଇଣ୍ଡ ରାଘବ ଜେନାକୁ ଜଟଣୀରୁ ଗିରଫ କଲା ସ୍ପେଶାଲ ସ୍କ୍ୱାଡ୍
ବୈପାରୀଗୁଡ଼ା: ପଥର ଖାଦାନରେ ମାଓ ପୋଷ୍ଟର, ୧୨ ଲକ୍ଷ ଟଙ୍କା ନଦେଲେ ମେସିନ ଓ ଗାଡ଼ି ପୋଡ଼ିଦେବାକୁ ଚେତାବନୀ