Blog

ବିଦ୍ୟାଳୟରେ କାର୍ଯ୍ୟରତ ପାଚକ-ପାଚିକା ମାନଙ୍କ ବିଭିନ୍ନ ସମସ୍ୟାର ସମାଧାନ ଦାବିରେ ବିକ୍ଷୋଭ । ବିଜୁ ଶ୍ରମିକ ସାମୁଖ୍ୟ ଆହ୍ଵାନ କ୍ରମେ ନିଖିଳ ଓଡିଶା ମଧ୍ୟାହ୍ନ ଭୋଜନ ପାଚକପାଚିକା ମହାସଂଘ ଯାଜପୁର ଜିଲାଶାଖା ପକ୍ଷରୁ ଆଜି ଯାଜପୁର ଜିଲ୍ଲାପାଳ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି ।

ଜିଲ୍ଲା ସଭାପତି ଯୋଗେନ୍ଦ୍ର ସ୍ଵାଇଁଙ୍କ ନେତୃତ୍ବରେ ଜିଲାରୁ ବିଭିନ୍ନ ବ୍ଲକରୁ ଆସିଥିବା ଶତାଧିକ ପାଚକପାଚିକା ମାନେ ରାମ ମନ୍ଦିର ନିକଟରୁ ଏକ ବିରାଟ ପ୍ରତିବାଦ ଶୋଭାଯାତ୍ରାରେ ବାହାରି ଯାଜପୁର ଜିଲ୍ଲାପାଳଙ୍କ କାର୍ଯ୍ୟଳୟରେ ପହଞ୍ଚି ସରକାରଙ୍କ ବିରୋଧୀ ନାରାବାଜି କରିଥିଲେ ।

ପାଚକପାଚିକା ମାନଂକ ଦରମା ବୃଦ୍ଧି କରିବା, ସେମାନଙ୍କୁ ସରକାରୀ ମାନ୍ୟତା ପ୍ରଦାନ କରିବା, ଚିକିତ୍ସା ଭତ୍ତା ପ୍ରଦାନ, ୬୦ ବର୍ଷ ପରେ ପେନସନ ଆଦି ୧୦ ଦଫା ଦାବି ନେଇ ମହାସଂଘ ପକ୍ଷରୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ଜିଲପାଳଙ୍କୁ ପ୍ରଦାନ କରାଯାଇଛି । ତୁରନ୍ତ ସମସ୍ତ ଦାବି ପୂରଣ ନହେଲେ ଆନ୍ଦୋଳନକୁ ତୀବ୍ରତର କରାଯିବ ବୋଲି ଚେତାବନୀ ଦିଆଯାଇଛି ।

ଅସ୍ଥାୟୀ ଭାବେ ଛୋଟ ଦୋକାନଟେ କଲେ କିଛି ଅସାମାଜିକ ଯୁବକ ମାଗୁଛନ୍ତି ୮୦ ହାଜର ଟଙ୍କା ଦାଦା ବଟି । ଦାଦାବଟୀ ମାଗୁଥିବା ଅପରାଧୀଙ୍କୁ ଯାଜପୁର ଜିଲ୍ଲାର ଆରକ୍ଷୀ ଅଧିକ୍ଷକ କେବେ ଗିରଫ ହେବେ ତାକୁ ନେଇ ଏବେ ଖୁବ୍ ଚର୍ଚ୍ଚା । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ରସୁଲପୁର ତହସିଲ ଅଧିନସ୍ଥ ମଧୁବନ ହାଟର ପାଞ୍ଚ ଗୋଛିଆ ଗ୍ରାମରେ । ଅଭିଯୋଗକାରୀ ପ୍ରକାଶ ସାହୁ ମଧୁବନ ହାଟ ନିକଟର ଅନାବାଦୀ ଜାଗାରେ ଏକ ଛୋଟ ଦୋକାନ କରି ପ୍ରାୟ ୧୦ ବର୍ଷରୁ ଉର୍ଦ୍ଧ୍ୱ ସମୟ ହେବ ପରିବାର ଚଳାଇ ଆସୁଥିଲେ । ଦୋକାନଟି ବର୍ଷା ହେଲେ ଦବିଯାଉଥିବାରୁ ସାମାନ୍ୟ କଂକ୍ରିଟ କାମ କରୁଥିବା ବେଳେ ଏହାକୁ ବିରୋଧ କରି ବଟି ମାଗୁଥିଲେ କିଛି ଅସାମାଜିକ ବ୍ୟକ୍ତି । ଏଥିସହିତ ଯଦି ସେହି ସ୍ଥାନରେ ପ୍ରକାଶ ଦୋକାନ କରନ୍ତି ତେବେ ସେମାନଙ୍କୁ ୮୦ ହଜାର ଟଙ୍କା ଚାନ୍ଦା ଦେବାକୁ ହେବ, ନହେଲେ ମାଡ ମାରିବେ ବୋଲି ଧମକ ଦେଇଥିଲେ ।

ଅନ୍ୟପଟେ ଦାଦାବଟି ମାଗୁଥିବା ବ୍ୟକ୍ତି ମାନେ ମଧ୍ୟ ସେହି ଅନାବାଦୀ ଜାଗାରେ ଦୀର୍ଘ ୨୫ ବର୍ଷ ପାଖାପାଖି ରହିଆସୁଛନ୍ତି । ଏପରି କି କୋଠା ଘର ନିର୍ମାଣ ମଧ୍ୟ କରଥିବା କୁହନ୍ତି ସେହି ଗ୍ରାମର କିଛି ବୁଦ୍ଧିଜୀବି । ଏପରିକି ସେହି ସ୍ଥାନରେ ଘର ଭଡାରେ ମଧ୍ୟ ଲଗାଇଥିବା ଜଣାପଡିଛି । ଏମାନେ ନିଜେ ଅନାବାଦୀ ଜାଗାରେ ରହିଆସୁଥିଲେ ସୁଦ୍ଧା ଅନାବାଦୀ ସ୍ଥାନରେ ଘର ଭଡ଼ା ଦେଇ ମାଲାମାଲ ହେଉଥିବା ବେଳେ ଏକ ଗରିବ ପିଲା ପ୍ରକାଶ ସାହୁଙ୍କୁ ଧମକ ଦେବାକୁ କିପରି ସାହସ କରୁଛନ୍ତି, ତାକୁ ନେଇ ଉଠିଛି ପ୍ରଶ୍ନ । ସେପଟେ ସ୍ଥାନୀୟ ତହସିଲଦାର କହୁଛନ୍ତି ଯେ, ସେ ଖବର ପାଇଛନ୍ତି ଯେ ସେଠାରେ ଅଳ୍ପ କନଷ୍ଟ୍ରକ୍ସନ କାମ ଆରମ୍ଭ ହୋଇଛି । ତାହାର ତଦନ୍ତ ଖୁବ ଶିଘ୍ର କରିବେ ।

ତେବେ ୮୦ ହଜାର ଟଙ୍କା ଦାଦା ବଟି ମାଗୁଥିବା ଅସାମାଜିକ ବ୍ୟକ୍ତିଙ୍କୁ ନେଇ କେବେ ପ୍ରଶାସନ ଉତ୍ତର ଦେବ ତାହା ସମୟ କହିବ । ହେଲେ କାହା ବଳରେ ଏହି ଅସାମାଜିକ ଯୁବକ ମାନେ ଏପରି ସାହାସ କରୁଛନ୍ତି ତାହା ତଦନ୍ତ ସାପେକ୍ଷ । ଏନେଇ ରସୁଲପୁର ତହସିଲରେ ଅଭିଯୋଗ ହୋଇଥିବା ବେଳେ କେବେ ସେମାନଙ୍କ ଉପରେ କର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ତାହା ସମୟ କହିବ ।

ମଦକୁ ନେଇ ତୁମୁଳକାଣ୍ଡ । ଗଣ୍ଡଗୋଳ ପରେ ତାତିଲେ ମହିଳା । ଘର ଓ ଦୋକାନରୁ ଚୋରା ମଦ ବାହାର କରି ସରସମ୍ମୁଖରେ କଚାଡି ଭାଙ୍ଗିଲେ । ଏମିତି ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ଧୂସୁରି ଥାନା ଅଧିନ ଫତେପୁର ପଞ୍ଚାୟତ ଶ୍ରୀରାମପୁର ଛକ ନିକଟରେ । ସୂଚନା ଅନୁଯାୟୀ, ଶ୍ରୀରାମପୁର ଛକ ନିକଟରେ କେତକ ସାଧାରଣ ଦୋକାନ ଓ ଘରେ ଅନେକ ଦିନ ଧରି ଚୋରାରେ ମଦ ବିକ୍ରି ହୋଇଆସୁଥିଲା । ତେବେ ଗତକାଲି ବିଳମ୍ବିତ ରାତିରେ ମଦ୍ୟପ ମାନେ ନିଜ ନିଜ ଭିତରେ ଗଣ୍ଡଗୋଳ କରିଥିଲେ ।

ଯାହାର ପ୍ରଭାବ ସ୍ଥାନୀୟ ଲୋକଙ୍କ ଉପରେ ପଡିଥିଲା । ଏହି ଘଟଣା ପରେ ଗାଁର କିଛି ମହିଳା ଏକାଠି ହୋଇ ଚୋରାରେ ମଦ ବିକ୍ରି କରାଯାଉଥିବା ଦୋକାନ ଓ ଘର ଉପରେ ମିଳିତ ଭାବେ ଚଢ଼ାଉ କରିଥିଲେ ।

ଉତ୍ୟକ୍ତ ଲୋକମାନେ ଯେଉଁ ମଦ ଗୁଡିକ ଜବତ କରିଥିଲେ ସେଗୁଡିକୁ ସମସ୍ତଙ୍କ ସାମ୍ନାରେ କଚାଡି ଭାଙ୍ଗି ଦେଇଥିଲେ । ପରେ ଖବର ପାଇଁ ଧୁସୁରି ପୋଲିସ ଘଟଣା ସ୍ଥଳରେ ପହଞ୍ଚିଥିବା ବେଳେ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି । ତେବେ ଜଣେ ଚୋରା ମଦ ବେପାରୀକୁ ପୋଲିସ ଅଟକ ରଖି ଅଧିକ ତଦନ୍ତ କରୁଛି ।