Blog

ଭାଇଚାରାର ପର୍ବ ଇଦ ପାଳିଲେ ବିଧାୟକ ବଦ୍ରୀ ନାରାୟଣ ପାତ୍ର

କେନ୍ଦୁଝର ଜିଲ୍ଲା ଘଷିପୁରା ବ୍ଲକ ଅନ୍ତର୍ଗତ ପାଣ୍ଡୁଆ ଓ ପଞ୍ଚହରା ଗ୍ରାମରେ ଥିବା ମସଜିଦରେ ଇଦ ପର୍ଵ ପାଳନ ହୋଇଯାଇଛି । ଏଥିରେ ଘସିପୁରା ବିଧାୟକ ବଦ୍ରୀନାରାୟଣ ପାତ୍ର ସାମିଲ ହୋଇ ସମସ୍ତଙ୍କୁ ଇଦର ଶୁଭେଚ୍ଛା ଜଣାଇଛନ୍ତି । ଭାଇଚାରାର ପ୍ରିତୀକ ଇଦ ପର୍ବକୁ ମୁସଲମାନ ଭାଇ ମାନେ ଏକ ମାସ ଧରି ନିଷ୍ଠାର ସହ ଉପବାସ କରି ରମଜାନ ଭାବେ ପାଳନ କରିଥାନି । ଏହି ଅବଧି ଭିତରେ ସେମାନେ ନମାଜ ପଢିବା ସହ ପରସ୍ପରଙ୍କୁ ଆଲିଙ୍ଗନ କରି ସୌହାର୍ଦ୍ଦ୍ୟ ବାଣ୍ଟନ୍ତି । ମୁସଲମାନ ଭାଇ ମାନେ ପରସ୍ପକୁ ମିଠା ଖୁଆଇ ବେଶ ଉତ୍ସାହର ସହ ଏହି ପର୍ବକୁ ପାଳନ କରିଥାନ୍ତି ।

ଏହି ଅବସରରେ ଘଷିପୁରା ବିଧାୟକ ବଦ୍ରୀ ନାରାୟଣ ପାତ୍ର ସାମିଲ ହୋଇଥିବା ବେଳେ ତାଙ୍କୁ ମୁସଲମାନ ସମ୍ପ୍ରଦାୟ ତରଫରୁ ସ୍ବାଗତ କରାଯାଇଥିଲା । ସମସ୍ତଙ୍କୁ ଇଦ ମୁବାରକ କହି ଜାତିଆଣ ଭେଦଭାବ ଏବଂ ଭାଷାଗତ ପ୍ରଭେଦକୁ ଭୁଲି ସମସ୍ତେ ଏକତା ସୂତ୍ରରେ ବାନ୍ଧି ହୋଇ ଆଗକୁ ବଢିବା ଉଚିତ ବୋଲି କହିଥିଲେ ବିଧାୟକ ବଦ୍ରୀ ନାରାୟଣ ପାତ୍ର ।

ଆଜିର ଦିନଟି ମୁସଲମାନ ସମ୍ପ୍ରଦାୟ ପାଇଁ ଖାସ ଦିନ । କାରଣ ଆଜିଠାରୁ ଏକ ମାସ ପର୍ଯ୍ୟନ୍ତ ସେମାନେ ରମଜାନ ମାସ ଭାବେ ପାଳିଥାନ୍ତି । ଉପବାସ ଠାରୁ ଆର କରି ପ୍ରତ୍ୟକ ଦିନ ନମାଜ ପଢନ୍ତି । ଏହାକୁ ସେମାନେ ବିଶେଷ କରି ଧର୍ମ ମାସ ଭାବେ ବେଶ ଉଲ୍ଲାସରେ ପାଳନ କରିଥାନ୍ତି ।
”ମୋ ଉପକାରୀ ବଗିଚା”ର ତଦନ୍ତ କଲେ ଲୋକଯୟୁକ୍ତ

ଆର୍ଥିକ ଅନିୟମିତତାକୁ ନେଇ ଲୋକାୟୁକ୍ତଙ୍କ ତଦନ୍ତ । ସୂଚନା ମୁତାବକ, ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ୍ ଅନ୍ତର୍ଗତ ବାଂଶଡା ଥାନା ଅଧିନ ବାଲିପଦା ଗ୍ରାମରେ ହୋଇଥିବା ”ମୋ ଉପକାରୀ ବଗିଚା”ରେ ଆର୍ଥିକ ଅନିୟମିତତା ହୋଇଥିବା ନେଇ ଲୋକାୟୁକ୍ତଙ୍କ ପାଖରେ ସେହି ପଞ୍ଚାୟତର ଶରତ ସେନାପତି ଲିଖିତ ଅଭିଯୋଗ କରିଥିଲେ । ସମସ୍ତ ତଥ୍ୟକୁ ଆଧାର କରି ଲୋକାୟୁକ୍ତଙ୍କ ପକ୍ଷରୁ ଡେପୁଟି ଡାଇରେକ୍ଟର ସସ୍ମିତା ଲେଙ୍କା ପହଞ୍ଚି ଏହି ଯୋଜନାରେ ହୋଇଥିବା ସମସ୍ତ ଅନିୟମିତତା ଉପରେ ତଦନ୍ତ କରିଥିଲେ ।

ଏହି ତଦନ୍ତ ସମୟରେ ଚାନ୍ଦବାଲି ବ୍ଲକର ପୂର୍ବତନ ବିଡିଓ ଜ୍ୟୋତିବିକାଶ ଦାସ ଅନୁପସ୍ଥିତ ଥିବା ବେଳେ କନିଷ୍ଠ ଯନ୍ତ୍ରୀ ପ୍ରଭାତ କୁମାର ବେହେରା, ଚାନ୍ଦବାଲି ବ୍ଲକ ମନରେଗା ସହକାରୀ ସନ୍ତୋଷ କୁମାର ନାୟକ, ସହକାରୀ ଯନ୍ତ୍ରୀ ସ୍ମୃତିରଞ୍ଜନ ତରାଇ, ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଧିରେନ୍ଦ୍ର ନାୟକ, ବିପିଏମ୍ ଷ୍ଟାଲିନ ନାୟକ, ଜିଆରଏସ ରୀତାରାଣୀ ମୁଦୁଲି, ପୂର୍ବତନ ଜିଆର୍‌ଏସ ପୁରୁଷୋତ୍ତମ ବାରିକ ଏବଂ ଗୋପିନାଥପୁର ପଞ୍ଚାୟତର ସରପଞ୍ଚ ବାପୁନ ବାରିକ ପ୍ରମୁଖ ସଂପୃକ୍ତ ସ୍ଥାନରେ ଉପସ୍ଥିତ ରହି ଲୋକାଯୁକ୍ତଙ୍କୁ ସହଯୋଗ କରିଥିଲେ ।
ପଦ୍ମକେଶରପୁର ଗାଁରେ ବୋମାମାଡ଼, ଦୁଇ ଗୁରୁତର

ପୁଣି ପଦ୍ମକେଶରପୁର ହୋଇଉଠିଛି ଅଶାନ୍ତ। ଗୋଷ୍ଠି ସଂଘର୍ଷରୁ ଗୋଟିଏ ପରିବାରର ଦୁଇ ଜଣ ଗୁରୁତର ହୋଇ କଟକ ମେଡିକାଲରେ ଭର୍ତ୍ତି। ଏହାକୁ ନେଇ ଗାଁରେ ଉତ୍ତେଜନା। ପୋଲିସ ଚଳାଇଛି ତଦନ୍ତ। ସୁଧ ଟଙ୍କା ଆଦାୟକୁ ନେଇ ଗଣ୍ଡଗୋଳର ସୂତ୍ରପାତ ହୋଇଥିବା କୁହାଯାଉଛି।

ସୂଚନା ମୁତାବକ, ଗତରାତି ପ୍ରାୟ ୧୦ଟାରେ ଗ୍ରାମର ସନାତନ ନାମକ ବୃଦ୍ଧଙ୍କ ଘରେ ମହାଜନ ବାବୁଲା ଦାସ ନିଜର କିଛି ସମର୍ଥକଙ୍କୁ ନେଇ ପହଞ୍ଚିଥିଲେ। ବାବୁଲା ସନାତନଙ୍କୁ ସୁଧ ଟଙ୍କା ମାଗିଥିଲେ ଓ ଏହାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା।ବଚସା ଉଗ୍ରରୂପ ନେବାରୁ ବାବୁଲା ଓ ତାଙ୍କର ସହଯୋଗୀ ସନାତନଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ।

ଏହି ସମୟରେ ସନାତନଙ୍କ ବୋହୂ ପହଞ୍ଚି ବିରୋଧ କରିବାରୁ ତାଙ୍କୁ ମଧ୍ୟ ଆକ୍ରମଣ କରି ଘରୁ ବାହାରି ଯିବା ସହ ଘର ଉପରେ ବୋମାମାଡ କରିଥିଲେ ବୋଲି ଅଭିଯୋଗ ହୋଇଛି। ଶ୍ୱଶୁର,ବୋହୂଙ୍କୁ ଗ୍ରାମବାସୀ ଗୁରୁତର ଅବସ୍ଥାରେ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ।

ଏହାସହ ପୁଲିସକୁ ଘଟଣା ସଂପର୍କରେ ଜଣାଇଥିଲେ। ପୁଲିସ ପହଞ୍ଚି ଘଟଣାର ତଦନ୍ତ କରୁଛି। ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ଆଶଙ୍କାରେ ଗାଁରେ ୨ ପ୍ଲାଟୁନ ଫୋର୍ସ ମୁତୟନ କରାଯାଇଛି।
ଖୋର୍ଦ୍ଧା ବିଧାନସଭା ବିଜେପି ଟିକେଟ୍ ହାତେଇବ କିଏ?

ଖୋର୍ଦ୍ଧା ବିଧାନସଭା କ୍ଷେତ୍ରରେ ଟିକେଟ କାହାକୁ ମିଳିବ ଚାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ,ଚେବେ ବିଜେପି କାର୍ଯ୍ୟକାରିଣୀର ସଦସ୍ୟ ଚଥା ଆଶାୟୀ ପ୍ରାର୍ଥୀ କାଳୁ ଚରଣ ଖଣ୍ଡାୟତ ରାୟ ଙ୍କୁ ଦଳ ଏଥର ଭରସା କରିବ ନା ବିଜେଡି ରୁ ସଦ୍ୟ ଆମଦାନୀ ନେତା ଚିଲିକା ବିଧାୟକ ପ୍ରଶାନ୍ତ ଜଗଦେବ ଟିକେଟ ପାଇବେ ତାକୁ ନେଇ ଦଳରେ କନ୍ଦଳଳ ଓ ଦ୍ଵଦ ଯାରି ରହିଛି।ମାତ୍ର ସେପଟେ ବିଜେପି ନେତା ଶ୍ରୀ ଖଣ୍ଡାୟତ ରାୟ ଟିକେଟ ଘୋଷଣା ପୂର୍ବରୁ ନିଜର ଜୟ ଜୟେ କାର ସହିତ ବିଜେପି ଜିନ୍ଦାବାଦ ଆରମ୍ଭ କରିଛନ୍ତି।ହଜାର ହଜାର ସଂଖ୍ୟାରେ ବିଜେପି କର୍ମୀଙ୍କୁ ନେଇ ଖୋର୍ଦ୍ଧା ସହରରେ ନିଜର ଉପସ୍ଥିତି ଜାହିର କରିବା ସହିତ ନିଜର ବୃହତ୍ ଶକ୍ତି ପ୍ରଦର୍ଶନ କରିଛନ୍ତି। ଏନେଇ ଆଶାୟୀ ପ୍ରାର୍ଥୀ ଶ୍ରୀ ଖଣ୍ଡାୟତ ରାୟଙ୍କ ନେତୃତ୍ବରେ ସ୍ଥାନୀୟ ମୁକୁଦପ୍ରସାଦ ଠାରୁ ଏକ ବିଶାଳ ଜନସମ୍ପର୍କ ପଦଯାତ୍ରାରେ ହଜାର ହଜାର କର୍ମୀ ସାମିଲି ହୋଇ ନୂଆ ବସଷ୍ଟାଣ୍ଡ ପର୍ଯ୍ୟନ୍ତ ଯାଇଥିଲେ।

ଚେବେ ଷ୍ଟେଟ୍ ବ୍ୟାଙ୍କ ଛକରେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ପଦଯାତ୍ରା କୁ ଅଣଦେଖା କରି ଗାଡି ବୁଲାଇ ଚାଲି ଯାଇଥିବାକଥା କୁହାଯାଉଛି।ଏଠାରେ କହିରଖୁଛୁ କି ନିକଟରେ ବିଜେପିରେ ଯୋଗ ଦେଇଥିବା ଚିଲିକା ବିଧାୟକ ପ୍ରଶାନ୍ତ ଜଗଦେବ ଙ୍କୁ ଖୋର୍ଦ୍ଧା ଦାୟିତ୍ଵ ଦେବା ନେଇ ଏକ କାର୍ଯ୍ୟକ୍ରମ ରେ ସାଂସଦ ଅପରାଜିତା ଘୋଷଣା କରିଥିଲେ।ଯାହାକୁ ନେଇ ବିଜେପି ସମର୍ଥକ ମାନେ ଅପରାଜିତାକୁ ସମାଲୋଚନା କରିଥିଲେ। ଏବଂ ରାଜ୍ୟ ବିଜେପି କାର୍ଯ୍ୟାଳୟରେ ପହଞ୍ଚି ଏହାକୁ ବିରୋଧ ପ୍ରଦର୍ଶନ କରିବା ସହିତ କାଳୁ ଖଣ୍ଡାୟତ ରାୟ ଙ୍କୁ ଟିକେଟ ଦେବା ପାଇଁ ଦାବି କରିଥିଲେ। ମାତ୍ର ଗତ ଦୁଇଦିନ ପୂର୍ବେ ଟାଙ୍ଗି ବ୍ଳକ ବିଜେପି କାର୍ଯ୍ୟାଳୟର ଉଦଘାଟନ କାର୍ଯ୍ୟକ୍ରମ ରେ ଅପରାଜିତା ଯୋଗଦେଇ ଖୋର୍ଦ୍ଧା ନିର୍ବାଚନ ମଣ୍ଡଳୀ ର ବିଧାୟକ ପ୍ରାର୍ଥୀ ଭାବେ ଜଗଦେବ ଙ୍କ ନାମ ଖୁବ ଶିଘ୍ର ଘୋଷଣା ହୋଇଯିବ ବୋଲି କହିଥିଲେ।ଯାହାକୁ ନେଇ ପୁଣି କର୍ମି ଙ୍କ ମହଲରେ ଅସନ୍ତୋଷ ପ୍ରକାଶ ପାଇଛି। କୌଣସି ଆମଦାନୀ ନେତା ଙ୍କୁ ପ୍ରାର୍ଥୀ କରାଗଲେ ଚହାକୁ ବିରୋଧ କରାଯିବ ବୋଲି ମତ ପୋଷଣ ପାଇଥିଲା।
ବଢିଲା ବିଜେଡିର ଶକ୍ତି, ବିରୋଧୀ ଦଳରୁ ଆସି ମିଶିଲେ କିଛି ତୁଙ୍ଗ ନେତା

ବିରୋଧୀ ବିଜେପି ଏବଂ କଂଗ୍ରେସ ନେତଙ୍କ ଭରଷାରେ ବିଜେଡି । ପୁଣି ବିଜେଡିରେ ମିଶିଲେ ବିଜେପି ଓ କଂଗ୍ରେସ ନେତା । ବିଜେଡିରେ ମିଶିଲେ ବିଜେପି ନେତା ପ୍ରଭାସ ପାଣିଗ୍ରାହୀ । ଗତକାଲି ବଲାଙ୍ଗୀର ଜିଲ୍ଲା ବିଜେପି ସଭାପତି ପଦରୁ ଇସ୍ତଫା ଦେଇଥିଲେ ପ୍ରଭାସ । ପେଶାରେ ଜଣେ ଶିକ୍ଷାବିତ ଭାବେ ପରିଚିତ ପ୍ରଭାସ ବଲାଙ୍ଗୀରରେ ବିଜେପିକୁ ସୁଦୃଢ କରିବାରେ ମୁଖ୍ୟ ଭୂମିକା ଗ୍ରହଣ କରିଥିଲେ । ତେଣୁ, ତାଙ୍କ ଭଳି ଜଣେ ଦକ୍ଷ ରାଜନେତା ବିଜେପି ଛାଡି ବିଜେଡିରେ ମିଶିବା ପରେ ଦଳର ଶକ୍ତି ବୃଦ୍ଧି ହୋଇଥିବା ସାଂସଦ ସସ୍ମିତ ପାତ୍ର କହିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ପକ୍ଷରୁ ସମସ୍ତଙ୍କୁ ଦଳକୁ ସ୍ୱାଗତ କରିଛନ୍ତି ସାଂସଦ ସସ୍ମିତ ପାତ୍ର ଓ ବଲାଙ୍ଗୀର ବିଜେଡି ବିଧାୟକ ପ୍ରାର୍ଥୀ କଳିକେଶ ନାରାୟଣ ସିଂଦେଓ ।

କଳିକେଶ କହିଛନ୍ତି ମୁଖ୍ଯମନ୍ତ୍ରୀଙ୍କ କାମରୁ ପ୍ରେରଣା ପାଇ ସେ ବିଜେଡିରେ ମିଶିଛନ୍ତି । ମିଶିକି ବଲାଙ୍ଗୀରର ବିକାଶ କରିବୁ ସେପଟେ ଦଳରେ ଭାଇ ପରି କାମ କରିବେ ବୋଲି କହିଛନ୍ତି ପ୍ରଭାସ ପାଣିଗ୍ରାହୀ । କେନ୍ଦ୍ର ବିଜେପି କଂଗ୍ରେସ ମୁକ୍ତ ଭାରତ ନାରା ଦେଉଥିବା ବେଳେ ବଲାଙ୍ଗୀରରେ କଂଗ୍ରେସ ଯୁକ୍ତ ବିଜେପି ଚାଲିଛି । ଯେଉଁଥିପାଇଁ ସେ ବିଜେପି ଛାଡିଲେ । ବିଜେଡିରେ ରହି ସ୍ବାଭିମାନର ସହ ସହଭାଗିତା ନେଇ କାମ କରିବେ ବୋଲି କହିଛନ୍ତି ପ୍ରଭାସ ।

ସେପଟେ ସୁନ୍ଦରଗଡ଼ରେ ଦିନକୁ ଦିନ ବିଜେଡି ସଂଗଠନ ଆହୁରି ସୁଦୃଢ ହେଉଛି । କଂଗ୍ରେସ ଛାଡି ବିଜେଡିରେ ମିଶିଲେ ସୁନ୍ଦରଗଡ଼ ଜିଲ୍ଲା ରଘୁନାଥପାଲୀର ପ୍ରଫୁଲ୍ଲ ସୁନିଆନି । 2009ରେ ସେ କଂଗ୍ରେସ ଟିକେଟରୁ ରଘୁନାଥପାଲୀ ବିଧାନସଭା ନିର୍ବାଚନ ଲଢ଼ି ପରାସ୍ତ ହୋଇଥିଲେ । ଏହି ମିଶ୍ରଣ ଅବସରରେ ସୁନ୍ଦରଗଡ଼ ଜିଲ୍ଲା ବିଜେଡି ପର୍ଯ୍ୟବେକ୍ଷକ ପ୍ରୀତି ରଞ୍ଜନ ଘଡ଼ାଇ କହିଲେ, ଏସବୁ ଐତିହାସିକ ମୁହୂର୍ତ୍ତ । ମୁଖ୍ୟମନ୍ତ୍ରୀଙ୍କ ସମୃଦ୍ଧ, ସଶକ୍ତ ନବୀନ ଓଡିଶା କାର୍ଯ୍ୟକ୍ରମରେ ଅନୁପ୍ରାଣିତ ହୋଇ ନେତାମାନେ କଂଗ୍ରେସ ଓ ବିଜେପି ଛାଡି ବିଜେଡିରେ ମିଶୁଛନ୍ତି । ବିଜେଡିରେ ମିଶିବା ପରେ ପ୍ରଫୁଲ୍ଲ ସୁନିଆନି କହିଛନ୍ତି, କଲେଜରେ ପଢ଼ିବା ସମୟରେ ଜନସେବା ପାଇଁ ଇଛା ଥିଲା । ହେଲେ ସୁଯୋଗ ମିଳୁନଥିଲା… ଏବେ ମିଳିଲା । ମୁଖ୍ୟମନ୍ତ୍ରୀଙ୍କ ବିକାଶ ଧାରାରେ ଅନୁପ୍ରାଣିତ ହୋଇ ବିଜେଡିରେ ମିଶିଲି । ଯାହା ଦାୟିତ୍ୱ ମିଳିବ, ସୁଚାରୁ ରୂପେ ତୁଲାଇବି ।

ନିର୍ବାଚନ ଯେତିକି ନିକଟତର ହେଉଛି ରାଜ୍ୟରେ ନେତାଙ୍କ ଦଳ ଢିଆଁ ସେତିକି ବଢ଼ୁଛି । ଫଳରେ କେଉଁ ସଂଗଠନ ସାମାନ୍ୟ ମଜବୁତ ହେଉଛି ତ ଆଉ କିଏ ଟିକିଏ ଦୁର୍ବଳ ହେଉଛି । ହେଲେ ସବୁଠୁ ବଡ଼ କଥା ହେଲା ଦଳ ଡେଉଁଥିବା ନେତାଙ୍କୁ ଜନତା କେତେ ଭରସା କରୁଛନ୍ତି ତାହା ନିର୍ବାଚନ ଫଳାଫଳ ପରେ ହିଁ ଜଣାପଡ଼ିବ ।
ପ୍ରଦୀପ ପାଣିଗ୍ରାହୀଙ୍କ ବିରୋଧରେ CEOଙ୍କ ନିକଟରେ ଫେରାଦ

ପ୍ରଦୀପ ପାଣିଗ୍ରାହୀଙ୍କ ବିରୋଧରେ CEOଙ୍କ ନିକଟରେ ଫେରାଦ ହେଲେ ବିଜେଡି ନେତା ।ନିର୍ବାଚନରେ ନିୟୋଜିତ ସରକାରୀ ଅଧିକାରୀ ଓ କର୍ମଚାରୀଙ୍କୁ ନାଲି ଆଖି ଦେଖାଉଥିବା ନେଇ ବିଜେଡିର ଏକ ଟିମ ସିଇଓଙ୍କୁ ଭେଟି ଫେରାଦ ହୋଇଛି ।

ବ୍ରହ୍ମପୁର ବିଜେପି ଲୋକସଭା ପ୍ରାର୍ଥୀପ୍ରଦୀପଙ୍କ ବିରୁଦ୍ଧରେ ସିଇଓଙ୍କୁ କାର୍ଯ୍ୟାନୁଷ୍ଠନ ପାଇଁ ଦାବି କରିଛି ବିଜେଡି।ପ୍ରଦୀପଙ୍କ କଥା ନ ମାନିଲେ ତାଙ୍କୁ ବଦଳି କରିଦେବା ପାଇଁ ବ୍ରହ୍ମପୁରର ସରକାରୀ କର୍ମଚାରୀ ଓ ଅଧିକାରୀଙ୍କୁ ଧମକ ଦେଉଛନ୍ତି। ସେଥିପାଇଁ ପ୍ରଦୀପଙ୍କ ବିରୁଦ୍ଧରେ ସିଇଓଙ୍କୁ କାର୍ଯ୍ୟାନୁଷ୍ଠନ ପାଇଁ ଦାବି କରିଛି ବିଜେଡି। ବିଜେଡି ସବୁବେଳେ ଗଣତନ୍ତ୍ରରେ ବିଶ୍ବାସ କରିଆସିଛି । ତେଣୁ ଜନବିରୋଧୀ ନେତାଙ୍କ ନାଲି ଆଖି ବିରୋଧରେ ସିଇଓ କାର୍ଯ୍ଯାନୁଷ୍ଠାନ ଗ୍ରହଣ କରିବେ ବୋଲି ବିଜେଡି ପ୍ରକାଶ କରିଛି।
ନବୀନ ନିବାସକୁ କୁଶ ଆପଟଙ୍କୁ ଡାକରା ନେଇ ବଢିଲା ଚର୍ଚ୍ଚା

ଚମ୍ପୁଆର ହେବିୱେଟ ବିଜେଡି ନେତା କୁଶ ଆପଟଙ୍କୁ ନବୀନ ନିବାସକୁ ଡାକରା ପରେ ,ନବୀନ ଓ ୫ଟି ସଚିବ ଭିକେ ପାଣ୍ଡିଆନଙ୍କ ସହିତ ତାଙ୍କ ଫୋଟ ସୋସିଆଲ ମିଡିଆରେ ଭାଇରାଲ ହୋଇଥିଲା ଯାହାକୁ ନେଇ ଚମ୍ପୁଆ ରାଜନୀତିରେ ହଇଚଇ ଆରମ୍ଭ ହୋଇ ଯାଇଛି। ସୂଚନାଯୋଗ୍ୟ କି, ବିଜେଡି ତାର ଚମ୍ପୁଆ ଆସନ ପାଇଁ ଏ ଯାଏଁ ପ୍ରାର୍ଥୀ ଘୋଷଣା କରି ନ ଥିବା ବେଳେ ଆଶା ଆଶଙ୍କାରେ ଭୋଟର ଓ ନେତା। ଚମ୍ପୁଆ ବିଜେଡି ଟିକଟ ପାଇଁ ତିନି ପ୍ରମୁଖ ପ୍ରତିଦ୍ବନ୍ଦୀ ସନାତନ ମହାକୁଡ଼, ବିଧାୟିକା ମିନାକ୍ଷୀ ମହାନ୍ତ ଓ ବିଜେଡି ନେତା କୁଶ ଆପଟ ପ୍ରମୁଖ ଦାବିଦାର କୁହା ଯାଉଥିବା ବେଳେ ଗତ କାଲି ହଠାତ କୁଶ ଆପଟଙ୍କ ନବୀନ ନିବାସ ଡାକରା ଓ ତାଙ୍କର ନବୀନଙ୍କ ସହିତ ଫୋଟ ଭାଇରାଲ ହେବା ଏହା ଚମ୍ପୁଆରେ ଟିକଟ ଆକଳନକୁ ନେଇ ଚର୍ଚ୍ଚା ଯୋର ଧରିଛି।

ସୂଚନାଯୋଗ୍ୟ କି ମଙ୍ଗଳବାର କୁଶଙ୍କୁ ନବୀନ ନିବାସ କୁ ଡାକରା ଆସିଥିବା ବେଳେ କୁଶ ଆପଟ ଭୁବନେଶ୍ୱର ଯାଇ ପ୍ରଥମେ ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କୁ ଦେଖା କରି ଆଲୋଚନା କରିବା ପରେ ୫ଟି ସଚିବ ଭି. କେ ପାଣ୍ଡିଆନ ଓ ପରେ ନବୀନ ପଟ୍ଟନାୟକଙ୍କୁ ଦେଖା କରିଥିଲେ। ତାଙ୍କ ର ସାକ୍ଷାତ ସମୟର କିଛି ଫୋଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା।ଏହା ଚମ୍ପୁଆ ରାଜନୀତି ରେ ହଇଚଇ ସୃଷ୍ଟି କରିସାରିଛି।ଏବେ ଏହାକୁ ନେଇ ଚାରିଆଡ଼େ ଚର୍ଚ୍ଚା ଚମ୍ପୁଆ ରାଜନୀତି କୁ ସରଗରମ କରିସାରିଛି।
ମହାକାଳପଡ଼ାର ବିକାଶ ପାଇଁ ଏକାଠି ସାଂସଦ ବିଧାୟକ

କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ନିର୍ବାଚନ ମଣ୍ଡଳୀ ଓ କେନ୍ଦ୍ରାପଡା ସାଂସଦୀୟ କ୍ଷେତ୍ରରେ ବିଜେଡି ଦଳୀୟ ପାର୍ଥି ଘୋଷଣା ପରେ ବିଜେଡିର ଦଳୀୟ ବିଧାୟକ ପାର୍ଥି ଅତନୁ ସବ୍ୟସାଚି ନାୟକ ଓ ସାଂସଦ ପାର୍ଥି ଅଂଶୁମାନ ମହାନ୍ତି ନିଜର ଶୁଭେଛୁ ଓ ଦଳୀୟ କର୍ମୀ ମାନଙ୍କୁ ଧରି ଏକ ବିରାଟ ରାଲି ରେ ଜମ୍ବୁ -ମାର୍ଶାଘାଇ କେନାଲ ରାସ୍ତାର ବାଲି ଗୋଡ଼ା ଠାରୁ ବାହାରି ଦରିଆପାରି ମା ରାମଚଣ୍ଡୀ ମନ୍ଦିର ପାଖରେ ପହଁଚି ମା ଙ୍କୁ ପୂଜାଚର୍ଣ୍ଣା କରିଥିଲେ, ମନ୍ଦିର ପରିସରରେ ଆୟୋଜିତ ଏକ ସଭା ରେ ଯୋଗ ଦେଇ ମୁଖ୍ୟ ମନ୍ତ୍ରୀ ଆମ ଦୁଇ ଭାଇଙ୍କୁ ମହାକାଳପଡ଼ା ର ସେବା ପାଇଁ ସୁଯୋଗ ଦେଇଥିବାରୁ ମୁଖ୍ୟ ମନ୍ତ୍ରୀ ଙ୍କୁ ଧନ୍ୟବାଦ ଦେବା ସହ ମହାକାଳପଡ଼ା ର ବିକାଶ ପାଇଁ ଆମେ ଅଞ୍ଚଳ ବାସୀ ଙ୍କ ଆଶ୍ରୀବାଦ ଲୋଡୁଛୁ ବୋଲି ସାଂସଦ ପାର୍ଥି ଅଂଶୁମାନ ମହାନ୍ତି ଓ ବିଧାୟକ ପାର୍ଥି ଅତନୁ ସବ୍ୟ ସାଚି ନାୟକ କହିଛନ୍ତି, ତେବେ ଆଗାମୀ ଦିନ କହିବ ଜନତାଙ୍କର ଏମାନେ କେତେ ବିଶ୍ବାସ ଭାଜନ ହୋଇପାରୁଛନ୍ତି।…
ଅନ୍ତସତ୍ତ୍ୱାଙ୍କୁ ନ୍ୟାୟ ଦେବାରେ ନେମାଳ ପୋଲିସ ବିଫଳ, ଧାରଣାରେ ପୀଡିତାଙ୍କ ପରିବାର

ଗଣେଶ ପୂଜା ଦିନ ହୋଇଥିଲେ ଦୁଷ୍କର୍ମର ଶିକାର। ଘଟଣାକୁ ଏଥିମଧ୍ୟରେ ବିତିଗଲାଣି ସାତ ମାସ। ପୀଡିତା ଦୁଷ୍କର୍ମକାରୀର ସନ୍ତାନକୁ ଧାରଣ କରିଛି ଗର୍ଭରେ। ସାତ ମାସର ଗର୍ଭବତୀ ଦୁଷ୍କର୍ମ ପୀଡିତାକୁ କିନ୍ତୁ ମିଳୁନି ନ୍ୟାୟ। ସେପଟେ ଅଭିଯୁକ୍ତ ବୁଲୁଛି ଖୋଲାରେ।

ଯାହାକୁ ବିରୋଧ କରି ଶେଷରେ ଥାନାକୁ ଧାଇଁ ଧାଇଁ ନୟାନ୍ତ ପୀଡିତାଙ୍କ ପରିବାର ଥାନା ଆଗରେ ବସିଛନ୍ତି ଧାରଣାରେ। ଅଭିଯୁକ୍ତକୁ ଗିରଫ କରା ନ ଗଲେ ଏମିତି ବସିବାକୁ ଦେଇଛନ୍ତି ଧମକ। ଏଭଳି ଅଭାବନୀୟ ଘଟଣା କୌଣସି ଉପାନ୍ତ ଇଲାକାର ନୁହେଁ। ପୁରୁଣା ରାଜଧାନୀ କଟକ ଜିଲ୍ଲାର। କଟକ ନିଶ୍ଚିନ୍ତକୋଇଲି ବ୍ଲକର। ଗତ ସେପ୍ଟେମ୍ବର 19 ତାରିଖରେ ଗଣେଶ ପୂଜା ଥିବାରୁ ପୀଡିତା ସନ୍ଧ୍ୟାରେ ଘର ପାଖରେ ହେଉଥିବା ଗଣେଶ ପୂଜା ଦେଖିବା ପାଇଁ ଯାଇଥିଲେ। ଅଭିଯୁକ୍ତ ଯୁବତୀଙ୍କୁ ଏକୁଟିଆ ଦେଖି ତାକୁ ଟଣି ଓଟରି ଏକ ନିଛାଟିଆ ଯାଗାକୁ ନେଇଯାଇ ସେଠାରେ ଦୁଷ୍କର୍ମ କରିଥିଲା। ଯୁବତୀ କାଳେ ଥାନାରେ ଅଭିଯୋଗ କରିବ, ସେଥିପାଇଁ କାହାକୁ କହିଲେ ଜୀବନରୁ ମାରିଦେବାକୁ ଧମକ ମଧ୍ୟ ଦେବା ସହ ବିବାହର ପ୍ରତିଶ୍ରୁତି ଦେଇଥିଲା। ହେଲେ ଆଉ ଧରାଛୁଆଁ ଦେଇନଥିଲା ଯୁବତୀଙ୍କୁ। ଯୁବତୀ ସରୋଜର ସନ୍ତାନକୁ ଗର୍ଭରେ ଧାରଣ କରିବା ପରେ ପୀଡିତାଙ୍କ ପରିବାର ଓ ସାହି ପଡିଶା ଏହି ଘଟଣାର ଆପୋସ ବୁଝାମଣା କରିବା ନିମନ୍ତେ ଉଦ୍ୟମ କରିଥିଲେ। ହେଲେ କିଛି ସମ୍ଭବ ହେଲା ନାହିଁ। ଶେଷରେ ଗତ ଫେବ୍ରୁଆରି 19 ତାରିଖ ରେ ଯୁବତୀ ଓ ତାଙ୍କ ବାପା ନେମାଳ ଥାନାରେ ଲିଖିତ ଅଭିଯୋଗ କରିଥିଲେ। ପୋଲିସ ଏକ ମାମଲା ରୁଜୁ କରି ହାତ ବାନ୍ଧି ଚୁପ ହୋଇ ବସିଛି। ପୋଲିସ ରାଜନୈତିକ ଚାପ ଓ ଲାଞ୍ଚ ନେଇ ଚୁପ ବସିଥିବା ଅଭିଯୋଗ କରି ଶେଷରେ ଯୁବତୀଙ୍କ ପରିବାର ପକ୍ଷରୁ ନେମାଳ ଥାନା ଆଗରେ ଧାରଣାରେ ବସିଛନ୍ତି।

ଅନ୍ୟପଟେ ଯୁବତୀ ସାତ ମାସର ଗର୍ଭବତୀ। ସାହି ଭାଇଙ୍କ କେତେ ଟାହି ଟାପରା ଶୁଣିବାକୁ ମିଳୁଛି। ଯାହା ଏହି ଗରିବ ପରିବାରର ଦୁର୍ଦ୍ଦାଶାକୁ ଆହୁରି ବଢାଇ ଦେଇଛି। ତେଣୁ ଅଭିଯୋଗକୁ ଗିରଫ କରାନଯିବା ପର୍ଯ୍ୟନ୍ତ ଏମିତି ଧାରଣାରେ ବସିରହିବାକୁ ନିଷ୍ପତ୍ତି ନେଇଛନ୍ତି ପରିବାରବର୍ଗ।
ମା’ ତାରିଣୀଙ୍କ ଚଇତି ଯାତ ଆରମ୍ଭ

କେନ୍ଦୁଝର ଜିଲ୍ଲାର ଅଧିଷ୍ଠାତ୍ରୀ ଦେବୀ ମା ତାରିଣୀ ଠାକୁରାଣୀଙ୍କ ଚଇତି ପର୍ବ ପାଳିତ ହୋଇ ଯାଇଛି। ମା ତାରିଣୀଙ୍କ ପୂଜକ ଭୋର ୪ଟା ସମୟରୁ ମାଙ୍କୁ ସୁନା ବେଶରେ ସଜାଇ ମଙ୍ଗଳ ଆଳତି ଶେଷ କରିଥିଲେ। ପରେ ପରେ ମାଙ୍କ ପୀଠରେ ଚଣ୍ଡୀପାଠ ଭାଗବତ ପଠନ ଆରମ୍ଭ ହୋଇଥିଲା। ଲକ୍ଷ ଲକ୍ଷ ସଂଖ୍ୟାରେ ଭକ୍ତ ଧାଡିରେ ଆସି ମାଆଙ୍କ ଦର୍ଶନ ପୂର୍ବକ ପୂଜାର୍ଚ୍ଚନା କରିଥିଲେ। ସାଧାରଣ ଦିନ ଠାରୁ ମାଆଙ୍କ ଚଇତି ପର୍ବ ଅବସରରେ ପ୍ରବଳ ଭିଡ ପରିଲକ୍ଷିତ ହୋଇଥିଲା। ଭିଡ ନିୟନ୍ତ୍ରଣ କରିବାକୁ ପୋଲିସ ପ୍ରଶାସନ ପକ୍ଷରୁ ନିଆଯାଇଛି ସ୍ବତନ୍ତ୍ର ପଦକ୍ଷେପ। ଭକ୍ତଙ୍କ ଭିଡକୁ ଦୃଷ୍ଟିରେ ରଖି ମନ୍ଦିର ପ୍ରଶାସନ ପକ୍ଷରୁ ସୁରକ୍ଷିତ ଦର୍ଶନ ବ୍ୟବସ୍ଥା କରାଯିବା ସହ ଜଳ ଯୋଗାଣ, ବିଶ୍ରାମ ପାଇଁ ବ୍ୟବସ୍ଥା କରାଯାଇଛି। ଭକ୍ତଟିଏ ଶାନ୍ତି ଶୃଙ୍ଖଳାରେ ମାଙ୍କ ସୁନା ବେଶ ଯେମିତି ଦର୍ଶନ କରିପାରିବେ ସେହି କାର୍ଯ୍ୟରେ ବିଭିନ୍ନ ସ୍ବେଚ୍ଛାସେବୀ ସଂଗଠନ କର୍ମକର୍ତ୍ତା ନିୟୋଜିତ ଥିବା ଦେଖିବାକୁ ମିଳିଛି। ମନ୍ଦିର ପ୍ରଶାସନ ତରଫରୁ ମାଗଣାରେ ହଜାର ହଜାର ଭକ୍ତଙ୍କ ପାଇଁ ଅର୍ଣ୍ଣ ପ୍ରସାଦ ବଣ୍ଟର ବ୍ୟବସ୍ଥା କରାଯାଇଛି। ମାଆଙ୍କ ଚଇତି ପର୍ବର ଉଦ୍ଘାଟନୀ ଉତ୍ସବରେ ତାରିଣୀ ପ୍ରଶାସନର ଦେବୋତ୍ତର କମିଶନର ଲଲାଟନ୍ଦୁ ଜେନାଙ୍କ ସମେତ ଅତିରିକ୍ତ ସହକାରୀ କମିଶନର ପ୍ରମୁଖ ଉପସ୍ଥିତ ରହିଥିବା ଦେଖିବାକୁ ମିଳିଥିଲା। ଚଇତି ପର୍ବ ଏପ୍ରିଲ ୯ ତାରିଖରୁ ଏପ୍ରିଲ ୧୫ତାରିଖ ପର୍ଯ୍ୟନ୍ତ ୭ ଦିନ ବ୍ୟାପୀ ଚାଲିବ। ଏହି ଉତ୍ସବ ଅବସରରେ ସଂଧ୍ୟାରେ ପ୍ରବଚନ, ଭକ୍ତି ସଂଗୀତ ଗାନର ବ୍ୟବସ୍ଛା କରାଯାଇଛି।