Category: ରାଜନୀତି

ଝାରସୁଗୁଡ଼ା ପାଇଁ ବିଜେଡିର ୧୨ ନେତାଙ୍କୁ ଦାୟିତ୍ୱ

ମେ’୧୦ ତାରଖରେ ଝାରସୁଗୁଡ଼ା ଉପନିର୍ବାଚନ ପାଇଁ ଭୋଟିଂ । ଆସନ ହାତେଇବା ପାଇଁ ବିଜୁ ଜନତା ଦଳ ପକ୍ଷରୁ ରଣନୀତି ପ୍ରସ୍ତୁତ ହୋଇଛି । ପ୍ରଥମେ ପ୍ରାର୍ଥୀଙ୍କ ନାଁ ଘୋଷଣା କରିସାରିଛି ବିଜେଡି । ଏବେ ସାରଦା ପ୍ରସାଦ ନାୟକଙ୍କ ସମେତ ୩ ଜଣଙ୍କୁ ପର୍ଯ୍ୟବେକ୍ଷକ ଦାୟିତ୍ୱ ଦେଇଛି ଦଳ । ଆଜି ଝାରସୁଗୁଡ଼ାରେ ବରିଷ୍ଠ ନେତା ଏବଂ ପର୍ଯ୍ୟବେକ୍ଷକମାନଙ୍କ ବୈଠକ ହୋଇଥିଲା । ଦଳ କିପରି ବିଜୟୀ ହେବ ସେ ନେଇ ରଣନୀତି ପ୍ରସ୍ତୁତ କରାଯାଇଛି ।

୧୨ ନେତାଙ୍କୁ ୪ଟି ବ୍ଲକ୍ ଏବଂ ଗୋଟିଏ ମ୍ୟୁନିସିପାଲଟି ଦାୟିତ୍ୱ ପ୍ରଦାନ କରାଯାଇଛି ।
କିରମିରା ବ୍ଲକ୍-ଅତନୁ ସବ୍ୟସାଚୀ ନାୟକ,ଟୁକୁନି ସାହୁ
କୋଲାବିରା ବ୍ଲକ୍-ନିରଞ୍ଜନ ପୂଜାରୀ,ସରୋଜ ମେହେର
ଝାରସୁଗୁଡ଼ା ବ୍ଲକ-ପଦ୍ମନାଭ ବେହେରା,ଅରୁଣା ସାହୁ
ଲାଇକେରା ବ୍ଲକ୍-ପ୍ରତାପ କେଶରୀ ଦେବ,ଦିବ୍ୟଶଙ୍କର ମିଶ୍ର
ଝାରସୁଗୁଡ଼ା ମ୍ୟୁନିସିପାଲଟି-ପ୍ରତାପ ଜେନା,ପୁଷ୍ପେନ୍ଦ୍ର ସିଂଦେଓ ସ୍ନେହାଙ୍ଗିନୀ ଛୁରିଆ, ରିତା ସାହୁ

ନିର୍ବାଚନରେ ଭୋଟ୍ ହାତେଇବା ପାଇଁ ଏମାନେ ଅଞ୍ଚଳ ଅଞ୍ଚଳ ବୁଲିବେ । ଶାସକ ବିଜେଡିର ବିଭିନ୍ନ ଯୋଜନା ସମ୍ପର୍କରେ ଲୋକଙ୍କୁ ଅବଗତ କରିବେ । ଲୋକଙ୍କର ଭାବମୂର୍ତ୍ତି ତଥା ଲୋକପ୍ରିୟତା ସମ୍ପର୍କରେ ବାର୍ତ୍ତା ଦେବେ । ‘ଶଙ୍ଖ’ ଚିହ୍ନରେ ଭୋଟ୍ ଦେବାକୁ ଲୋକଙ୍କୁ ଅନୁରୋଧ କରିବେ । ବିରୋଧୀଙ୍କ ବିଫଳତା, ସରକାରଙ୍କ ସଫଳତା ନେଇ ଆଗକୁ ବଢ଼ିବେ ନେତା ।
ବିଜେପିର ପ୍ରତିଷ୍ଠା ଦିବସ,’ସେବା ହିଁ ସଂଗଠନ’ଦଳର ମନ୍ତ୍ର

ଆଜି ରାଜ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ସ୍ଥାପନା ଦିବସ ପାଳନ ଅବସରରେ ପୂର୍ବତନ ରାଜ୍ୟ ସଭାପତି ଶ୍ରୀ ସମୀର ମହାନ୍ତି ଓ କନକ ବର୍ଦ୍ଧନ ସିଂହଦେଓ ଦଳୀୟ ପତାକା ଉତ୍ତୋଳନ କରିବା ସହିତ ପାର୍ଟିର ପ୍ରତିଷ୍ଠାତା ସଭାପତି ଡ.ଶ୍ୟାମାପ୍ରସାଦ ମୁଖାର୍ଜୀ ଏବଂ ସାଧାରଣ ସଂପାଦକ ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ଫଟୋ ଚିତ୍ରରେ ମାଲ୍ୟାର୍ପଣ କରି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ।

ଦୀର୍ଘ ୪୩ ବର୍ଷର ଯାତ୍ରା ପୂରଣ କରି ଭାରତୀୟ ଜନତା ପାର୍ଟି ତାର ୪୪ତମ ପ୍ରତିଷ୍ଠା ଦିବସ ଦେଶବ୍ୟାପୀ ପାଳନ କରିଛି । କୋଟିକୋଟି କାର୍ଯ୍ୟକର୍ତ୍ତା ଭାରତୀୟ ଜନତା ପାର୍ଟିର ବିଚାରକୁ ପ୍ରତିଷ୍ଠା କରିବା ପାଇଁ ଦୀର୍ଘଦିନ ଧରି ସମୟ,ତ୍ୟାଗ,ସମର୍ପଣ ଓ ବଳିଦାନ ଦେଇଛନ୍ତି । ସଂଗଠନକୁ ମଜଭୁତ୍ କରିଥିବା ଏବଂ ବିଶ୍ୱର ସର୍ବବୃହତ ରାଜନୈତିକ ଦଳ ଭାବେ ଗଢ଼ି ତୋଳିଥିବା ସମସ୍ତ କାର୍ଯ୍ୟକର୍ତ୍ତା ଚିର ସ୍ମରଣୀୟ ହୋଇ ରହିବା ସହ ଆମ ସମସ୍ତଙ୍କୁ ସର୍ବଦା ପ୍ରେରଣା ଯୋଗାଇବ । ‘ସେବା ହିଁ ସଂଗଠନ’କୁ ମୂଳମନ୍ତ୍ର କରି ବିଜେପିର ସମସ୍ତ କାର୍ଯ୍ୟକର୍ତ୍ତା ନିରନ୍ତର କାର୍ଯ୍ୟ କରି ଚାଲିଛନ୍ତି । ‘ସବକା ସାଥ୍,ସବକା ବିକାଶ,ସବକା ବିଶ୍ୱାସ,ସବକା ପ୍ରୟାସ’କୁ ମୂଳମନ୍ତ୍ର କରି ରାଷ୍ଟ୍ରହିତ କାର୍ଯ୍ୟରେ ବିଜେପି ନିଜ କାର୍ଯ୍ୟଧାରାକୁ ଜାରି ରଖିଛି ।

ଓଡ଼ିଶାରେ ବିଜେପିକୁ ଯେଉଁ ଭଳି ଜନସମର୍ଥନ ମିଳୁଛି ତାହା ଅତ୍ୟନ୍ତ ଉତ୍ସାହଜନକ ଏବଂ ମୁଖ୍ୟ ବିରୋଧୀ ଦଳ ଭାବେ ରାଜ୍ୟବାସୀ ଯେଉଁ ଦାୟିତ୍ୱ ପ୍ରଦାନ କରିଛନ୍ତି,ତାକୁ ସୂଚାରୁ ରୂପେ ନିର୍ବାହ କରି ରାଜ୍ୟବାସୀଙ୍କ ସ୍ୱାର୍ଥ ପାଇଁ କାର୍ଯ୍ୟ କରିବାକୁ ନେତା ଓ କର୍ମୀ ସଂକଳ୍ପବଦ୍ଧ । ସମସ୍ତ ଜିଲ୍ଲା,ମଣ୍ଡଳ ଏବଂ ବୁଥ୍‌ ଗୁଡ଼ିକରେ ‘ପ୍ରତିଷ୍ଠା ଦିବସ’ ପାଳନ ହୋଇଯାଇଛି ।
ସଂସଦ ଅନିର୍ଦ୍ଧିଷ୍ଟ କାଳ ପାଇଁ ସ୍ଥଗିତ

PARLIAMENT ADJOURNED

ପାର୍ଲିଆମେଣ୍ଟର ବଜେଟ ଅଧିବେଶନ ଗୁରୁବାର ଅନିର୍ଦ୍ଧିଷ୍ଟ କାଳ ପାଇଁ ସ୍ଥଗିତ ଘୋଷଣା ହୋଇଛି । ଉଭୟ ଲୋକସଭା ଓ ରାଜ୍ୟସଭାର ଦ୍ୱିତୀୟ ପର୍ଯ୍ୟାୟ ଆରମ୍ଭରୁ ଜାରି ହଙ୍ଗାମା ଭିତରେ ସ୍ୱାଭାବିକ ହୋଇପାରି ନଥିଲା ସଂସଦ । ବିରୋଧୀ ଆଦାନୀ ପ୍ରସଙ୍ଗରେ ସରକାରକୁ ଘେରିଥିବା ବେଳେ ଶାସକ ଦଳ ରାହୁଲ ଗାନ୍ଧିଙ୍କ ୟୁକେ ପ୍ରସଙ୍ଗକୁ ନେଇ ତମ୍ବିତୁଫାନ କରିଥିଲା । ଗୁରୁବାର ଆରମ୍ଭରୁ ମଧ୍ୟ କଂଗ୍ରେସ ଓ ଅନ୍ୟ ବିରୋଧୀ ଦଳ ସଂସଦକୁ କଳା ପୋଷାକ ପିନ୍ଧି ଆସିବା ସହ ଜେପିସି ତଦନ୍ତ ଦାବିରେ ଅଡି ବସିଥିଲେ। ବିରୋଧୀଙ୍କ ହୋହଲ୍ଲା ଭିତରେ ଚାଲି ପାରିନଥିଲା ଗୃହ । ଏହାକୁ ନେଇ ଲୋକସଭା ବାଚସ୍ପତି ଅସନ୍ତୋଷ ବ୍ୟକ୍ତ କରିଥିଲେ ।

ଲୋକସଭା ଅଧ୍ୟକ୍ଷ ଓମ୍ ବିର୍ଲା କହିଥିଲେ କି,ଲୋକସଭାର 11ତମ ଅଧିବେଶନ 31 ଜାନୁଆରୀରେ ରାଷ୍ଟ୍ରପତିଙ୍କ ଅଭିଭାଷଣରୁ ଆରମ୍ଭ ହୋଇଥିଲା । ଏହି ଅଧିବେଶନରେ ପ୍ରାୟ 45 ଘଣ୍ଟା 55 ମିନିଟ୍ କାମ ହୋଇଥିଲା ଯେଉଁଥିରେ 14 ଘଣ୍ଟା 45 ମିନିଟ୍ ଚର୍ଚ୍ଚା ହୋଇଥିଲା । ଅଧିବେଶନରେ 29 ତାରକା ପ୍ରଶ୍ନର ଉତ୍ତର ଦିଆଯାଇଥିବା ବେଳେ 133 ଲୋକ ମହତ୍ୱପୂର୍ଣ୍ଣ ମୁଦ୍ଦା ଉଠାଯାଇଥିଲା । ..

ସେହିପରି, ରାଜ୍ୟସଭାରେ ବିଭିନ୍ନ ପ୍ରସଙ୍ଗକୁ ନେଇ ହଙ୍ଗାମା ରହିଥିଲା । ତେଣୁ ଗୁରୁବାର 2ଟାରେ ଗୃହକୁ ସ୍ଥଗିତ ଘୋଷଣା କରାଗଲା । ଏହାପରେ ମଧ୍ୟ ଗୃହ ଚାଲିପାରି ନ ଥିଲା । ତେଣୁ ଗୃହକୁ ଅନିର୍ଦ୍ଧିଷ୍ଟ କାଳ ପାଇଁ ଗୃହକୁ ସ୍ଥଗିତ ଘୋଷଣା କଲେ ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖଡ଼ ।
ଝାରସୁଗୁଡ଼ା ଉପନିର୍ବାଚନ ସୁପରିଚାଳନା ନେଇ ବୈଠକ

ମେ’ ୧୦ ତାରିଖରେ ଝାରସୁଗୁଡ଼ା ଉପନିର୍ବାଚନ । ନିର୍ବାଚନ ପ୍ରକ୍ରିୟାକୁ ଶାନ୍ତିଶୃଙ୍ଖଳାର ସହ ଶେଷ କରିବାକୁ ରାଜ୍ୟ ନିର୍ବାଚନ ଅଧିକାରୀ ଏବେଠାରୁ ସମସ୍ତ ବ୍ୟବସ୍ଥା ଗ୍ରହଣ କରିଛନ୍ତି । ସେଥିପାଇଁ ରାଜ୍ୟ ନିର୍ବାଚନ ଅଧିକାରୀ ନିକୁଞ୍ଜ ବିହାରୀ ଧଳଙ୍କ ଅଧ୍ୟକ୍ଷତାରେ ନୋଡାଲ ଅଧିକାରୀମାନଙ୍କୁ ନେଇ ଆଜି ଏକ ବୈଠକ ଅନୁଷ୍ଠିତ ହୋଇଯାଇଛି ।

ଉପନିର୍ବାଚନ ପାଇଁ ନିର୍ବାଚନମଣ୍ଡଳରେ ଆଦର୍ଶ ଆଚରଣବିଧି ବଳବତ୍ତର ରହିଛି । ଏହାକୁ ଠିକଭାବେ ପାଳନ କରିବା, ଅଯଥା କୌଣସି ସ୍ଥାନରେ ଭିଡ଼ ନଜମାଇବା, ଟ୍ରାଫିକ୍ ସୁପରିଚାଳନା, ଅବକାରୀ ଓ ପୋଲିସ ମିଳିତ ଭାବେ ରେଡ୍ କରିବା, ନିର୍ବାଚନ ପାଇଁ ଅର୍ଥ କାରବାରରେ ରୋକ୍ ଲଗାଇବା ଭଳି ବିଭିନ୍ନ ପ୍ରସଙ୍ଗରେ ଅଧିକାରୀମାନଙ୍କ ସହ ଆଲୋଚନା କରିଛନ୍ତି CEO । ଏଥିସହ ଆବଶ୍ୟକ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ନିର୍ଦ୍ଦେଶ ଦେଇଛନ୍ତି ।

ବୈଠକରେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ, ନୋଡାଲ ଅଧିକାରୀଙ୍କ ସମେତ ପୋଲିସ ମୁଖ୍ୟାଳୟ IG ଯତୀନ୍ଦ୍ରନାଥ କୋଏଲ, ଆଇନଶୃଙ୍ଖଳା ବିଭାଗ ଆଇଜି ପ୍ରବୀନ କୁମାର, ଆୟକର ବିବିଭାଗ ଅତିରିକ୍ତ ନିର୍ଦ୍ଦେଶକ, ଅବକାରୀ ବିଭାଗ ଅତିରିକ୍ତ ଅବକାରୀ କମିଶନର ଓ ଅତିରିକ୍ତ ମୁଖ୍ୟ ନିର୍ବାଚନ ଅଧିକାରୀ ପ୍ରମୁଖ ଉପସ୍ଥିତ ଥିଲେ ।
BJPର OBC କାର୍ଡ…’ଗାଁ ଗାଁ ଚାଲ;ଘର ଘର ଚାଲ’ଅଭିଯାନ

ରାଜ୍ୟ ସମେତ ସାରା ଦେଶରେ ପଛୁଆ ବା ଓବିସି ବର୍ଗଙ୍କ ସଂଖ୍ୟା ଅଧିକ । ସେମାନଙ୍କୁ ଯେତେବେଳେ ଅଧିକାର ଦିଆଗଲା ସେତେବେଳେ ମୋଦିଙ୍କୁ ଅପମାନିତ କଲେ ରାହୁଲ ଗାନ୍ଧି । ତାଙ୍କ ମନ୍ତବ୍ୟ ଓବିସି ବର୍ଗ ପ୍ରତି ହୀନ ମାନସିକତାର ପ୍ରମାଣ ଦେଲା । କଂଗ୍ରେସ କେବେ ବି ପଛୁଆ ବର୍ଗଙ୍କ ଉନ୍ନତି ଚିନ୍ତା କରିନାହିଁ ବୋଲି ଓବିସି ମୋର୍ଚ୍ଚା ରାଜ୍ୟ ସଭାପତି ସୁରଥ ବିଶ୍ୱାଳ ପ୍ରେସମିଟରେ କହିଛନ୍ତି ।

ସେହିଭଳି ରାଜ୍ୟରେ ଦୀର୍ଘ ୨୩ ବର୍ଷ ହେଲା ବିଜେଡି ଶାସନ କରୁଛି । ପଛୁଆ ବର୍ଗଙ୍କ ପ୍ରତି ଶାସକ ଦଳର ଆଦୌ ଦରଦ ନାହିଁ । ରାଜ୍ୟ ସରକାର ତାଙ୍କୁ ବିକାଶ ଧାରାରୁ ବଞ୍ଚିତ ରଖୁଥିବା ଅଭିଯୋଗ କରିଛି ଓବିସି ମୋର୍ଚ୍ଚା । ବିଭିନ୍ନ ବାହାନା କରି କଥାକୁ ବୁଲେଇବାଲେଇ ୫୪ ଭାଗ ଓବିସି ବର୍ଗଙ୍କୁ ତାଙ୍କ ସାମ୍ବିଧାନିକ ଅଧିକାରରୁ ବଂଚିତ କରାଯାଇଛି । ଗତ ବିଧାନସଭାରେ ଓବିସି ମାନଙ୍କ ପାଇଁ ଏକ ସଂଶୋଧିତ ବିଲ୍ ଆଗତ କରିବା ପାଇଁ କାର୍ଯ୍ୟସୂଚୀରେ ସ୍ଥାନିତ କରାଗଲା ମାତ୍ର ଶେଷ ମୁହୂର୍ତ୍ତରେ ପ୍ରତ୍ୟାହାର କରି ନିଆଗଲା ।

ରାଜ୍ୟର ୫୪ ଭାଗ ପଛୁଆ ବର୍ଗଙ୍କ ମଧ୍ୟରେ ଜନଜାଗରଣ ସୃଷ୍ଟି କରିବା, ସାମ୍ବିଧାନିକ ଅଧିକାର ବିଷୟରେ ସେମାନଙ୍କୁ ମନେ ପକାଇଦେବା ପାଇଁ ସ୍ୱର ଉଠାଇବା ଜରୁରୀ । ଏହି ଦୃଷ୍ଟିରୁ ବିଜେପି ଓବିସି ମୋର୍ଚ୍ଚା ବର୍ତ୍ତମାନ ‘ଗାଁ ଗାଁ ଚାଲ;ଘର ଘର ଚାଲ’ଅଭିଯାନ ଆରମ୍ଭ କରୁଛି । ଏପ୍ରିଲ ୬ ତାରିଖ ବିଜେପି ପ୍ରତିଷ୍ଠା ଦିବସରୁ ୧୪ ତାରିଖ ଆମ୍ବେଦକର ଜୟନ୍ତୀ ପର୍ଯ୍ୟନ୍ତ ୯ ଦିନ ଧରି ଓବିସି ମୋର୍ଚ୍ଚା ତରଫରୁ “ଗାଁ ଗାଁ ଚାଲ; ଘର ଘର ଚାଲ” ଅଭିଯାନ ଚାଲିବ ବୋଲି ଶ୍ରୀ ବିଶ୍ୱାଳ କହିଛନ୍ତି ।
ଝାରସୁଗୁଡ଼ା ପାଇଁ ବିଜେଡି ପ୍ରାର୍ଥୀ ଘୋଷଣା…ଦୀପାଳି’ଙ୍କ ନାଁରେ ମୋହର

BJD CANDIDATE

ଝାରସୁଗୁଡ଼ା ଉପନିର୍ବାଚନ ପାଇଁ ବିଜେଡି ପ୍ରାର୍ଥୀ ଘୋଷଣା କରିଛି । ଦୀପାଳି ଦାସ ହେଲେ ବିଜେଡି ପ୍ରାର୍ଥିନୀ । ତାଙ୍କ ନାଁ ଘୋଷଣା କରିଛନ୍ତି ବିଜେଡି ସୁପ୍ରିମୋ ନବୀନ ପଟ୍ଟନାୟକ । ପୂର୍ବତନ ମନ୍ତ୍ରୀ ନବକିଶୋର ଦାସଙ୍କ ଝିଅ ଦୀପାଳି । ମେ’୧୦ରେ ଝାରସୁଗୁଡ଼ା ଉପନିର୍ବାଚନ ପାଇଁ ଭୋଟିଂ ହେବେ । ଏପ୍ରିଲ ୧୩ରେ ଗେଜେଟ୍ ବିଜ୍ଞପ୍ତି ପ୍ରକାଶ ପାଇବ । ୨୦ ତାରିଖ ନାମାଙ୍କନପତ୍ର ଦାଖଲ ଶେଷଦିନ । ମେ’୧୩ରେ ଭୋଟ୍ ଗଣତି ହେବ । ମେ’୧୫ରେ ନିର୍ବାଚନ ପ୍ରକ୍ରିୟା ଶେଷ ହେବ ।
ଗୃହରେ ଫେକ୍ ସାର୍ଟିଫିକେଟ୍ ତାତି, ଅନ୍ଧାରରେ ପିଲାଙ୍କ ଭବିଷ୍ୟତ : ସାଲୁଜା

ବିଧାନସଭା ଶୂନ୍ୟକାଳରେ ନକଲି ସାର୍ଟିଫିକେଟ୍ (fake certificates)ପ୍ରସଙ୍ଗ ଉଠାଇଲା କଂଗ୍ରେସ । ମେଧାବୀ ଛାତ୍ରଛାତ୍ରୀଙ୍କ (talented students)ଭବିଷ୍ୟତ ଅନ୍ଧକାରରେ ଥିବା କଥା ବିଧାୟକ ସନ୍ତୋଷ ସିଂ ସାଲୁଜା କହିଛନ୍ତି । ବଲାଙ୍ଗିରରେ ଏଭଳି ନକଲି ସାର୍ଟିଫିକେଟ୍ ରାକେଟ ଚାଲିଛି । ଏଭଳି ଫେକ୍ ସାର୍ଟିଫିକେଟ୍ ମାମଲାରେ ବିଜେଡି ନେତାଙ୍କ ସଂପୃକ୍ତି ଥିବା ବିଧାୟକ ଅଭିଯୋଗ(alleged) କରିଛନ୍ତି । ଏହି ମାମଲାରେ ଏଯାଏ ୧୯ ଜଣ ଗିରଫ ହେଲେଣି ।
BJDର ଜିଲ୍ଲା ପର୍ଯ୍ୟବେକ୍ଷକ ତାଲିକା..ସର୍ବାଧିକ ୪ ଜିଲ୍ଲା ଦାୟିତ୍ୱରେ ପ୍ରଣବ ଦାସ

ବିଜେଡି ପକ୍ଷରୁ ଜିଲ୍ଲା ପର୍ଯ୍ୟବେକ୍ଷକଙ୍କ ନାଁ ଘୋଷଣା (announced)ହୋଇଛି । ୩୦ ଜିଲ୍ଲା ପାଇଁ ପର୍ଯ୍ୟବେକ୍ଷକମାନଙ୍କୁ ନିଯୁକ୍ତି ଦେଇଛନ୍ତି ଦଳ ସୁପ୍ରିମୋ (Party supremo)ନବୀନ ପଟ୍ଟନାୟକ । ଜଣେ ଜଣେ ନେତାଙ୍କୁ ଏକାଧିକ ଜିଲ୍ଲାର (multiple districts)ଦାୟିତ୍ୱ (responsibility)ମିଳିଥିବା ଦଳ ପକ୍ଷରୁ ସୂଚନା ଦିଆଯାଇଛି ।

ଜିଲ୍ଲା ଅନୁସାରେ ପର୍ଯ୍ୟବେକ୍ଷକ ଦାୟିତ୍ୱରେ ଥିବା ନେତାମାନେ
ପ୍ରଣବ ପ୍ରକାଶ ଦାସ-ଅନୁଗୁଳ, ଢେଙ୍କାନାଳ, କେନ୍ଦୁଝର ଓ ସମ୍ବଲପୁର
ପ୍ରତାପ କେଶରୀ ଦେବ-ବାଲେଶ୍ୱର
ପ୍ରତାପ ଜେନା-ଭଦ୍ରକ
ସୁଶାନ୍ତ ସିଂ-ବଲାଙ୍ଗିର
ସୁଧିର କୁମାର ସାମଲ-ବରଗଡ଼
ଅମରେଶ ଜେନା-ଦେବଗଡ଼
ପ୍ରଫୁଲ୍ଲ ମଲ୍ଲିକ-କଟକ
ଅତନୁ ସବ୍ୟସାଚୀ ନାୟକ-ଗଜପତି, ରାୟଗଡ଼ା
ଅରୁଣ କୁମାର ସାହୁ-ଜଗତସିଂହପୁର
ବିଜୟ ନାୟକ-କନ୍ଧମାଳ
ପ୍ରମିଳା ମଲ୍ଲିକ-କେନ୍ଦ୍ରାପଡ଼ା
ରବୀନ୍ଦ୍ର କୁମାର ଜେନା-ଖୋର୍ଦ୍ଧା
ଦିବ୍ୟ ଶଙ୍କର ମିଶ୍ର-କୋରାପୁଟ, ମାଲକାନଗିରି
ଇଶ୍ୱର ପାଣିଗ୍ରାହୀ-ନବରଙ୍ଗପୁର
ପଦ୍ମନାଭ ବେହେରା-ନୟାଗଡ଼
ସ୍ନେହାଙ୍ଗିନୀ ଛୁରିଆ-ନୂଆପଡ଼ା
ରଣେନ୍ଦ୍ର ପ୍ରତାପ ସ୍ୱାଇଁ-ପୁରୀ
ପ୍ରୀତିରଞ୍ଜନ ଘଡ଼େଇ-ସୁନ୍ଦରଗଡ଼
ପ୍ରଣବ ବଳବନ୍ତରାୟ-କଳାହାଣ୍ଡି
ପ୍ରଦୀପ କୁମାର ଅମାତ-ଗଞ୍ଜାମ
ସୌଭାଗ୍ୟ ନାୟକ-ବୌଦ୍ଧ
ଅଶୋକ ଚନ୍ଦ୍ର ପଣ୍ଡା-ଯାଜପୁର
ସାରଦା ପ୍ରସାଦ ନାୟକ-ଝାରସୁଗୁଡ଼ା
ପ୍ରଶାନ୍ତ ମୁଦୁଲି-ମୟୂରଭଞ୍ଜ
ଦେବେଶ ଆଚାର୍ଯ୍ୟ-ସୁବର୍ଣ୍ଣପୁର
ରାହୁଲଙ୍କ ବିରୋଧରେ ଆକ୍ସନକୁ ନିନ୍ଦା…ସାରା ଦେଶରେ କଂଗ୍ରେସର ରଣହୁଙ୍କାର

ରାହୁଲ ଗାନ୍ଧିଙ୍କ ଲୋକସଭା ସଦସ୍ୟତା(membership) ରଦ୍ଦ(revoked) ପରେ କଂଗ୍ରେସ ରାଜରାସ୍ତାକୁ ଓହ୍ଲାଇଛି । ଦଳ ପକ୍ଷରୁ କୋର୍ଟ ସମେତ ବିଭିନ୍ନ ସ୍ଥାନରେ ବିରୋଧ ପ୍ରଦର୍ଶନ(protest) କରାଯାଇଛି । ସାଂସଦ ରାହୁଲ ଗାନ୍ଧିଙ୍କୁ ଅଯୋଗ୍ୟ ଘୋଷଣାକୁ ଦଳ ନିନ୍ଦା(condemned) କରିବା ସହ ଆଜି ସମଗ୍ର ଦେଶରେ ଦିନିକିଆ ସଂକଳ୍ପ ସତ୍ୟାଗ୍ରହ(Satyagraha) ଆରମ୍ଭ କରିଛି ।

ଆଜି କଂଗ୍ରେସର ବରିଷ୍ଠ ନେତାମାନେ ରାଜଘାଟରେ ମହାତ୍ମା ଗାନ୍ଧିଙ୍କ ସମାଧିସ୍ଥଳରେ ସଙ୍କଳ୍ପ ସତ୍ୟାଗ୍ରହ କରିବାକୁ ଚାହୁଁଥିଲେ । କିନ୍ତୁ ଆଇନଶୃଙ୍ଖଳା (law and order)କାରଣ ଦର୍ଶାଇ ଅନୁମତି ନ ମିଳିବା(not granted)ରୁ ଗାନ୍ଧି ଦର୍ଶନ ମେମୋରିଆଲ୍ ବାହାରେ ପ୍ରତିବାଦ କରୁଛନ୍ତି । କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେଙ୍କ ସମେତ ବରିଷ୍ଠ ନେତା ଓ କର୍ମୀ ଏଥିରେ ସାମିଲ(involve) ହୋଇଛନ୍ତି । ଦଳର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧି ଭଦ୍ରା ଏହାର ନେତୃତ୍ୱ ନେଇ ରାହୁଲଙ୍କ ବିରୋଧରେ ହୋଇଥିବା କାର୍ଯ୍ୟାନୁଷ୍ଠାନକୁ ଘୋର ନିନ୍ଦା କରିଛନ୍ତି । ସେପଟେ ରାଜଘାଟରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରିଛି ଦିଲ୍ଲୀ ପୋଲିସ । ୧୪୪ ଧାରା ଜାରି,ଆଇନଶୃଙ୍ଖଳା ପରିସ୍ଥିତି ଏବଂ ଯାନବାହନ ଚଳାଚଳରେ ସମସ୍ୟା କଥା ଦର୍ଶାଇ ଗାନ୍ଧିଙ୍କ ସମାଧିସ୍ଥଳ(burial site)ରେ ସତ୍ୟାଗ୍ରହଣ ଅନୁମତି ଦିଆଯାଇନଥିବା ପୋଲିସ ସ୍ପଷ୍ଟୀକରଣ ରଖିଛି ।

ରାହୁଲ ଗାନ୍ଧିଙ୍କ ସଦସ୍ୟତା ରଦ୍ଦ ପରେ ସାରା ଦେଶରେ କଂଗ୍ରେସ ରଣହୁଙ୍କାର ଦେଇଛି । ଅନ୍ୟ ରାଜ୍ୟ ଗୁଡ଼ିକରେ ଦଳୀୟ ନେତା ଓ କର୍ମୀମାନେ ଗାନ୍ଧି ପ୍ରତିମା (Gandhi idol)ସାମ୍ନାରେ ବସି ସତ୍ୟାଗ୍ରହ ଜାରି ରଖିଛନ୍ତି । ସେପଟେ ଆସନ୍ତାକାଲି ଅର୍ଥାତ୍ ସୋମବାର ଠାରୁ କଂଗ୍ରେସ ପକ୍ଷରୁ ସମ୍ବିଧାନ (Constitution)ବଚାଓ ଅଭିଯାନ(campaign) ଆରମ୍ଭ କରାଯିବ ।