Category: ଶିକ୍ଷା ଓ ନିଯୁକ୍ତି

ଇଶିତା କିଶୋର ୟୁପିଏସସି ପରୀକ୍ଷା ୨୦୨୨ ଟପର୍

ୟୁପିଏସସି ପରୀକ୍ଷାର ଟପର ତାଲିକାରେ ଛାତ୍ରୀଙ୍କ ରାଜ। ଦିଲ୍ଲୀ ବିଶ୍ୱବିଦ୍ୟାଳୟର ପୂର୍ବତନ ଛାତ୍ରୀ ଇଶିତା କିଶୋର ସଦ୍ୟତମ ସିଭିଲ୍ ସର୍ଭିସ୍ ପରୀକ୍ଷାରେ ଶୀର୍ଷ ସ୍ଥାନ ଅଧିକାର କରିଥିବା ବେଳେ ଦ୍ୱିତୀୟ, ତୃତୀୟ ଏବଂ ଚତୁର୍ଥ ସ୍ଥାନରେ ଗରିମା ଲୋହିଆ, ଉମା ହରତି ଏନ ଏବଂ ସ୍ମୃତି ମିଶ୍ର ରହିଛନ୍ତି। ଶୀର୍ଷ ୨୫ ଜଣଙ୍କ ମଧ୍ୟରେ ୧୪ ମହିଳା ଓ ୧୧ ପୁରୁଷ ରହିଛନ୍ତି। ତେବେ ଚଳିତ ଥର ମୋଟ ୯୩୩ ଜଣ ପରୀକ୍ଷାରେ କୃତକାର୍ଯ୍ୟ ହୋଇଥିବା ବେଳେ ସେମାନଙ୍କ ମଧ୍ୟରେ ୬୧୩ ଜଣ ପୁରୁଷ ଓ ୩୨୦ ଜଣ ମହିଳା ରହିଛନ୍ତି।
https://www.worldhappiness.com/login/

ଆଜି ୟୁପିଏସସି ପରୀକ୍ଷା ୨୦୨୨ ଫଳ ପ୍ରକାଶ ପାଇଛି। ପରୀକ୍ଷା ଫଳ ପ୍ରକାଶ ପାଇବା ପରେ କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂ ଟ୍ୱିଟ୍ କରି କହିଛନ୍ତି କି, ନାରୀ ଶକ୍ତି ତାର ସର୍ବୋତ୍କୃଷ୍ଟ ସ୍ଥାନରେ ରହିଛି। ମନ୍ତ୍ରୀ ତିନି ଟପର, ଦିଲ୍ଲୀର ଶ୍ରୀ ରାମ କଲେଜ ଅଫ୍ କମର୍ସର ଅର୍ଥନୀତି ସ୍ନାତକ ଇସିତା କିଶୋର, ଗରିମା ଲୋହିଆ ଓ ଉମା ହରତି ଏନଙ୍କୁ ଅଭିନନ୍ଦନ ଜଣାଇବା ସହ ସମସ୍ତଙ୍କ ପାଇଁ ଏହା ଏକ ସେଲିବ୍ରେସନର ଦିନ ବୋଲି ଉଲ୍ଲେଖ କରିଛନ୍ତି। ଏଥିସହ ମନ୍ତ୍ରୀ ସିଂ ଟୁଇଟରେ ଉତ୍ତୀର୍ଣ୍ଣ ତାଲିକା ପୋଷ୍ଟ କରିଛନ୍ତି।

ନିଜର ଫଳାଫଳକୁ ନେଇ ଇସିତା କହିଛନ୍ତି ଯେ ସେ ପରୀକ୍ଷାରେ ଉତ୍ତୀର୍ଣ୍ଣ ହେବେ ବୋଲି ତାଙ୍କ ବିଶ୍ୱାସ ଥିଲା, କିନ୍ତୁ ମେରିଟ୍ ତାଲିକାରେ ଶୀର୍ଷରେ ରହିବା ତାଙ୍କୁ ଆଶ୍ଚର୍ଯ୍ୟ କରିଛି। ମୁଁ ଭାରତୀୟ ପ୍ରଶାସନ ସେବା (IAS) ରେ ଯୋଗ ଦେଇ ଦେଶର ସେବା କରିବାକୁ ଚାହୁଁଛି। ମୁଁ ବହୁତ ଖୁସି ବୋଲି କହିଛନ୍ତି ଇସିତା।

#WATCH | UPSC Civil Services Examination 2022 topper Ishita Kishore says it's important to "constantly re-evaluate your strategy" to succeed pic.twitter.com/I6EhJs3rtK
— ANI (@ANI) May 23, 2023

ୟୁପିଏସସି ୨୦୨୨ ପରୀକ୍ଷାରେ ଦ୍ୱିତୀୟ ଓ ଚତୁର୍ଥ ସ୍ଥାନ ଅଧିକାର କରିଥିବା ଗରିମା ଲୋହିୟା ଏବଂ ସ୍ମୃତି ମିଶ୍ର ଦିଲ୍ଲୀ ବିଶ୍ୱବିଦ୍ୟାଳୟର ସ୍ନାତକ। ତୃତୀୟ ସ୍ଥାନରେ ଥିବା ହରତି ଏନ, ଆଇଆଇଟି-ହାଇଦ୍ରାବାଦରୁ ଜଣେ ଇଞ୍ଜିନିୟରିଂ ସ୍ନାତକ। ଲୋହିଆ କିରୋରିମାଲ କଲେଜରୁ ବାଣିଜ୍ୟରେ ସ୍ନାତକ ହାସଲ କରିଥିବାବେଳେ ମିଶ୍ର ମିରାଣ୍ଡା ହାଉସ୍ କଲେଜରୁ ବିଏସ୍ସି କରିଛନ୍ତି। ୟୁପିଏସସି ପରୀକ୍ଷା ପ୍ରତିବର୍ଷ ତିନୋଟି ପର୍ଯ୍ୟାୟରେ ଭାରତୀୟ ପ୍ରଶାସନିକ ସେବା (ଆଇଏଏସ୍), ଭାରତୀୟ ବୈ ଦେଶିକ ସେବା (ଆଇଏଫଏସ୍) ଏବଂ ଭାରତୀୟ ପୋଲିସ ସେବା (ଆଇପିଏସ୍) ଏବଂ ଅନ୍ୟାନ୍ୟ ସେବାର ଅଧିକାରୀ ଚୟନ କରିଥାଏ|

Women power at it's best!
Congratulations Ishita Kishore, Garima Lohia and Uma Hariti N, the first 3 toppers in #UPSC #CivilServicesExamination 2022 Final.
A day of celebration also for all the others who have made it. #DoPT pic.twitter.com/r2q4dv25ot
— Dr Jitendra Singh (@DrJitendraSingh) May 23, 2023
OPSCକୁ ଝଟକା, ପୁଣି ଥରେ ASO ମେରିଟ୍ ଲିଷ୍ଟ ପ୍ରକାଶ ପାଇଁ ନିର୍ଦ୍ଦେଶ

ଶେଷରେ ASO ନିଯୁକ୍ତି ନେଇ OPSCର ମେରିଟ୍ ଲିଷ୍ଟ ଖାରଜ ହୋଇଛି । ଏହାକୁ ରଦ୍ଦ କରିଛନ୍ତି ଓଡ଼ିଶା ଉଚ୍ଚ ନ୍ୟାୟାଳୟ । ୨ ମାସ ମଧ୍ୟରେ ସାନି ତାଲିକା ପ୍ରକାଶ କରିବାକୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ ।

ଓପିଏସସି ପକ୍ଷରୁ ASO ପରୀକ୍ଷା କରାଯାଇଥିଲା । ତେବେ ଏଥିରେ ବ୍ୟାପକ ଅନିୟମିତତା ଅଭିଯୋଗ ଆଣିଥିଲେ ପରୀକ୍ଷାର୍ଥୀ । ଏଥିରେ ଅର୍ଥ କାରବାର ନେଇ ଅଭିଯୋଗ ପରେ ଆନ୍ଦୋଳନର ରୂପ ନେଇଥିଲା । ଆଶାୟୀମାନେ ଏହାକୁ ଜୋରଦାର ବିରୋଧ କରିଥିଲେ । ବାରମ୍ବାର ମାମଲା କୋର୍ଟରେ ପହଞ୍ଚିଥିଲା । ଏବେ ପ୍ରକାଶିତ ମେରିଟ୍ ଲିଷ୍ଟ ରଦ୍ଦ କରିଛନ୍ତି କୋର୍ଟ ।

ଅନିୟମିତତା ମାମଲା ରିଟ୍ ଆବେଦନରେ ପିଟିସନରଙ୍କ ପକ୍ଷରୁ ଯାହା ଦର୍ଶାଯାଇଥିବା ଯୁକ୍ତି ବୈଧ ବୋଲି କହିଛନ୍ତି କୋର୍ଟ । ପ୍ରକାଶ ପାଇଥିବା ମେରିଟ୍ ଲିଷ୍ଟ ଗ୍ରହଣୀୟ ନୁହେଁ । ନିୟମ ଅନୁଯାୟୀ ଲିଖିତ ପରୀକ୍ଷା ଆଧାରରେ ଆଉ ଥରେ ମେରିଟ୍ ଲିଷ୍ଟ ପ୍ରକାଶ କରିବାକୁ ଓପିଏସସିକୁ ନିର୍ଦ୍ଦେଶ ଦେଇଛନ୍ତି ଉଚ୍ଚ ନ୍ୟାୟାଳୟ । ଏହି ମାମଲାର ଶୁଣାଣି ଶେଷ ହୋଇ ରାୟ ସଂରକ୍ଷିତ ଥିଲା । ଗତ ଅଗଷ୍ଟ ମାସରେ ୭୯୬ଟି ଏଏସଓ ପଦବୀ ଲାଗି ପରୀକ୍ଷା ଆୟୋଜନ କରିଥିଲା ଓପିଏସସି ।
ଆଗକୁ ସପ୍ଲିମେଣ୍ଟାରୀ, ଫେଲ୍ ଓ ଡ୍ରପ୍ ଆଉଟ୍ ପିଲାଙ୍କୁ ସୁଯୋଗ

ମାଟ୍ରିକ ରେଜଲ୍ଟ ପ୍ରକାଶ ପରେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ପ୍ରମିଳା ମଲ୍ଲିକ ଏକ ଘୋଷଣା କରିଛନ୍ତି । ଚଳିତବର୍ଷ ମାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଅନୁଷ୍ଠିତ ହେବ ବୋଲି ମନ୍ତ୍ରୀ ସୂଚନା ଦେଇଛନ୍ତି । ମନ୍ତ୍ରୀ କହିଛନ୍ତି,ଗତବର୍ଷ ସପ୍ଲିମେଣ୍ଟାରୀ ପରୀକ୍ଷା ହୋଇପାରି ନଥିଲା । ହେଲେ ଏଥର କିନ୍ତୁ ପରୀକ୍ଷା କରାଯିବ । ଫେଲ୍‌, ଡ୍ରପଆଉଟ୍ ପିଲାମାନେ ସପ୍ଲିମେଣ୍ଟାରୀ ପରୀକ୍ଷା ଦେଇପାରିବେ । ତେବେ ଖୁବଶୀଘ୍ର ଏନେଇ ତାରିଖ ଘୋଷଣା କରାଯିବ ବୋଲି ମନ୍ତ୍ରୀ କହିଛନ୍ତି । ଗତବର୍ଷ କୋରନା ସଂକ୍ରମଣ ଉପରମୁହାଁ ଥିଲା । ଏଥିପାଇଁ ସପ୍ଲିମେଣ୍ଟାରୀ ପରୀକ୍ଷା ହେବ ନାହିଁ ବୋଲି ବୋର୍ଡ ପକ୍ଷରୁ ଘୋଷଣା କରାଯାଇଥିଲା । ଏଥର କିନ୍ତୁ ସପ୍ଲିମେଣ୍ଟାରୀ ପରୀକ୍ଷା କରିବାକୁ ନେଇ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସୂଚନା ଦେଇଛନ୍ତି ।

ଚଳିତବର୍ଷ ମୋଟ ୫ ଲକ୍ଷ ୨୭ ହଜାର ୩୭୪ ଜଣ ପରୀକ୍ଷା ପାଇଁ ଫର୍ମପୂରଣ କରିଥିଲେ । ସେମାନଙ୍କ ମଧ୍ୟରୁ ୫ ଲକ୍ଷ ୧୬ ହଜାର ୪୩୫ ଜଣ ପରୀକ୍ଷା ଦେଇଥିଲେ। ୩୮୬ ଜଣଙ୍କୁ ଏମ୍‌ପି କରାଯାଇଥିବା ବେଳେ ୫ ଲକ୍ଷ ୮ ହଜାର ୪୦୪ ଜଣ ପରୀକ୍ଷାରେ ପାସ୍ କରିଛନ୍ତି । ଫେଲ୍ ହୋଇଛନ୍ତି ୭୬୪୫ ଜଣ ଛାତ୍ରଛାତ୍ରୀ । ତେଣୁ ସେମାନେ ଆସନ୍ତା ସପ୍ଲିମେଣ୍ଟାରୀ ପରୀକ୍ଷା ଦେଇପାରିବେ ବୋଲି ବିଭାଗ ପକ୍ଷରୁ କୁହାଯାଇଛି । ସେହିପରି ଫର୍ମ ପୂରଣ କରି ପରୀକ୍ଷା ଦେଇନଥିବା ୧୦ ହଜାର ୯୩୯ ଜଣ ଛାତ୍ରଛାତ୍ରୀ ମଧ୍ୟ ସପ୍ଲିମେଣ୍ଟାରୀ ପରୀକ୍ଷା ଦେଇପାରିବେ।

ସେପଟେ, ମାଟ୍ରିକ ରେଜଲ୍ଟ ଆଜି ଆସିବା ପରେ ୨୩ ତାରିଖରୁ ରିଚେକିଂ ପାଇଁ ଛାତ୍ରଛାତ୍ରୀମାନେ ଅନଲାଇନରେ ଆବେଦନ କରିପାରିବେ । ମଧ୍ୟମା ଓ ଷ୍ଟେଟ୍‌ ଓପନ୍‌ ସ୍କୁଲ ଛାତ୍ରଛାତ୍ରୀ ଅଫ୍‌ଲାଇନରେ ଆବେଦନ କରିପାରିବେ ବୋଲି ବୋର୍ଡ ପକ୍ଷରୁ କୁହାଯାଇଛି । ଚଳିତବର୍ଷ ୯୬.୪% ପିଲା ମାଟ୍ରିକ ପରୀକ୍ଷାରେ ପାସ୍ କରିଥିବା ବେଳେ ଛାତ୍ରଙ୍କ ଅପେକ୍ଷା ଛାତ୍ରୀଙ୍କ ପାସ୍ ହାର ଅଧିକ ରହିଛି ।
ପ୍ରକାଶ ପାଇଲା ମାଟ୍ରିକ ରେଜଲ୍ଟ, ପାସହାରରେ ଛାତ୍ରୀ ଆଗୁଆ

ମାଟ୍ରିକ ପରୀକ୍ଷାର୍ଥୀଙ୍କ ପାଇଁ ଖୁସି ଖବର । ଦିନ ୧୦ଟାରେ ପ୍ରକାଶ ପାଇଛି ମାଟ୍ରିକ୍ ରେଜଲ୍ଟ । କଟକ ବୋର୍ଡ କାର୍ଯ୍ୟାଳୟରେ ଆନୁଷ୍ଠାନିକ ଭାବେ ରେଜଲ୍ଟ ପୁସ୍ତିକା ଉନ୍ମୋଚନ କରିଛନ୍ତି ବିଭାଗୀୟ ମନ୍ତ୍ରୀ ପ୍ରମିଳା ମଲ୍ଲିକ । ବୋର୍ଡ ଷ୍ଟାଫଙ୍କ ଉପସ୍ଥିତିରେ ମାଟ୍ରିକ ପରୀକ୍ଷା ଫଳ ଘୋଷଣା ହୋଇଛି । ଚଳିତଥର ମାଟ୍ରିକରେ ପାସ୍ ହାର ରହିଛି ୯୬.୪ ପ୍ରତିଶତ । ୩ ହଜାର ୨୨୨ ସ୍କୁଲରେ ଶତ ପ୍ରତିଶତ ରେଜଲ୍ଟ ରହିଛି । ଏଥର ଛାତ୍ରଙ୍କ ଅପେକ୍ଷା ଛାତ୍ରୀଙ୍କ ପାସ୍ ହାର ଅଧିକ ରହିଛି ।

ଅପରାହ୍ଣ ୧୨ଟା ସୁଦ୍ଧା ବୋର୍ଡ ୱେବ୍ ସାଇଟରେ ରେଜଲ୍ଟ ଉପଲବ୍ଧ ହେବ। www. bseodisha.ac.in ୱେବ୍‌ସାଇଟ୍‌ରେ ଛାତ୍ରଛାତ୍ରୀ ରେଜଲ୍ଟ ଚେକ୍‌ କରିପାରିବେ। SMS ମାଧ୍ୟମରେ ମଧ୍ୟ ପରୀକ୍ଷାର୍ଥୀମାନେ ଫଳାଫଳ ଜାଣିପାରିବେ । OR10 ଲେଖି ସ୍ପେଶ୍‌ ଦେବା ପରେ ନିଜ ରୋଲ୍ ନମ୍ବରକୁ ଟାଇପ୍‌ କରି 5676750 ନମ୍ବରକୁ ପଠାଇ ଜାଣିପାରିବେ। ପରୀକ୍ଷା ଫଳକୁ ନେଇ ଯଦି କୌଣସି ପରୀକ୍ଷାର୍ଥୀଙ୍କର କିଛି ଆପତ୍ତି ଅଭିଯୋଗ ଥାଏ ତେବେ ଗୋଟିଏ ମାସ ମଧ୍ୟରେ ସେମାନେ ବୋର୍ଡ କର୍ତ୍ତୃପକ୍ଷଙ୍କୁ ଜଣାଇପାରିବେ । ସେଥିପାଇଁ ବୋର୍ଡ ପକ୍ଷରୁ ଏକ କଣ୍ଟ୍ରୋଲ ରୁମ୍ ନମ୍ବର ଜାରି କରାଯାଇଛି । ନମ୍ବରଟି ହେଲା ୦୬୭୧-୨୪୧୫୪୬୦ ।

ଚଳିତ ବର୍ଷ ମୋଟ ୫ ଲକ୍ଷ ୨୭ ହଜାର ୩୭୪ ଜଣ ପରୀକ୍ଷା ଦେବାକୁ ଫର୍ମପୂରଣ କରିଥିବା ବେଳେ ସେମାନଙ୍କ ମଧ୍ୟରୁ ୫ ଲକ୍ଷ ୧୬ ହଜାର ୪୩୫ ଜଣ ପରୀକ୍ଷା ଦେଇଥିଲେ । ସେମାନଙ୍କ ମଧ୍ୟରୁ ୩୮୬ ଜଣଙ୍କୁ ଏମ୍‌ପି କରାଯାଇଥିବା ବେଳେ ୫ ଲକ୍ଷ ୮ ହଜାର ୪୦୪ ଜଣ ପାସ୍ କରିଛନ୍ତି । ପାସ୍ କରିଥିବା ଛାତ୍ରଛାତ୍ରୀଙ୍କ ମଧ୍ୟରୁ ୪୧୫୮ ଜଣ A1 ଗ୍ରେଡରେ ପାସ୍ କରିଛନ୍ତି । ୨୯ ହଜାର ୮୩୮ ଜଣ A2, ୭୭ ହଜାର ୫୬୭ ଜଣ B1ରେ ଉତ୍ତୀର୍ଣ୍ଣ ହୋଇଛନ୍ତି ।

୧ ଲକ୍ଷ ୧୮ ହଜାର ୭୫୦ ଜଣ B2, ୧ ଲକ୍ଷ ୨୧ ହଜାର ୬୧୧ ଜଣ C ଗ୍ରେଡରେ ପାସ୍ କରିଛନ୍ତି । ସେହିପରି ୯୫ ହଜାର ୬ ଜଣ D,୬୧ ହଜାର ୪୭୪ ଜଣ E ଗ୍ରେଡରେ ପାସ୍ କରିଥିବା ବେଳେ ୭୬୪୫ ଜଣ F ଗ୍ରେଡରେ ପାସ୍ କରିଛନ୍ତି । ଏଥର ଛାତ୍ରଙ୍କ ଅପେକ୍ଷା ଛାତ୍ରୀଙ୍କ ପାସ୍ ହାର ଅଧିକ ରହିଛି । ମୋଟ ୫ ଲକ୍ଷ ୧୬ ହଜାର ୪୩୫ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ୨ଲକ୍ଷ ୫୭ ହଜାର ୧୦୬ ଜଣ ଛାତ୍ରୀ ପାସ୍ କରିଥିବା ବେଳେ ୨ ଲକ୍ଷ ୫୧ ହଜାର ୨୯୮ ଜଣ ଛାତ୍ର ପାସ୍ କରିଛନ୍ତି । ପରୀକ୍ଷା ଫଳକୁ ନେଇ ଯଦି ପରୀକ୍ଷାର୍ଥୀଙ୍କର କିଛି ଆପତ୍ତି ଅଭିଯୋଗ ଥାଏ ତେବେ ଗୋଟିଏ ମାସ ମଧ୍ୟରେ ଛାତ୍ରଛାତ୍ରୀମାନେ ବୋର୍ଡ କର୍ତ୍ତୃପକ୍ଷଙ୍କୁ ଜଣାଇପାରିବେ। ସେଥିପାଇଁ ବୋର୍ଡ ପକ୍ଷରୁ ଏକ କଣ୍ଟ୍ରୋଲ ରୁମ୍ ନମ୍ବର ୦୬୭୧-୨୪୧୫୪୬୦ ଜାରି କରାଯାଇଛି ।
ଆଜି ମାଟ୍ରିକ ରେଜଲ୍ଟ, ୧୨ଟା ପରେ ୱେବସାଇଟରେ ଉପଲବ୍ଧ

ମାଧ୍ୟମିକ ଶିକ୍ଷା ପରିଷଦ ବା BSE ଦ୍ୱାରା ପରିଚାଳିତ ୨୦୨୩ ମାଟ୍ରିକ୍‌, ମଧ୍ୟମା ଓ ରାଜ୍ୟ ମୁକ୍ତ ବିଦ୍ୟାଳୟ ସାର୍ଟିଫିକେଟ୍‌ ପରୀକ୍ଷାଫଳ ଆଜି ଦିନ ୧୦ଟାରେ ପ୍ରକାଶ ପାଇବ । କଟକସ୍ଥିତ ବୋର୍ଡ ମୁଖ୍ୟାଳୟରେ ଗଣଶିକ୍ଷା ବିଭାଗ ମନ୍ତ୍ରୀ ଓ ସଚିବଙ୍କ ଉପସ୍ଥିତିରେ ପରୀକ୍ଷାଫଳ ଘୋଷଣା ହେବ । ଦିନ ୧୨ଟା ସୁଦ୍ଧା ୱେବ୍‌ସାଇଟ୍‌ ଓ ଏସ୍‌ଏମ୍‌ଏସ୍‌ ଜରିଆରେ ପରୀକ୍ଷାଫଳ ଉପଲବ୍ଧ ହୋଇଯିବ ବୋଲି ବୋର୍ଡ ପକ୍ଷରୁ ସୂଚନା ମିଳିଛି ।

ଛାତ୍ରଛାତ୍ରୀ ନିଜ ମୋବାଇଲରୁ ମଧ୍ୟ ପରୀକ୍ଷାଫଳ ଜାଣିପାରିବେ । OR10 ନିଜର ରୋଲ୍‌ ନମ୍ବର ଲେଖି 5676750 ନମ୍ବରକୁ ଏସ୍‌ଏମ୍‌ଏସ୍‌ କଲେ ପରୀକ୍ଷାଫଳ ଜାଣିପାରିବେ । ଏହାବ୍ୟତୀତ ବୋର୍ଡର ୱେବ୍‌ସାଇଟ୍‌ www.bseodisha.ac.inରେ ମଧ୍ୟ ପରୀକ୍ଷାଫଳ ଉପଲବ୍ଧ ହେବ ବୋଲି ବୋର୍ଡ ପକ୍ଷରୁ ସୂଚନା ଦିଆଯାଇଛି ।

ଚଳିତବର୍ଷ ୫ଲକ୍ଷ ୪୧ ହଜାର ୨୪୭ଜଣ ଛାତ୍ରଛାତ୍ରୀ ପରୀକ୍ଷା ପାଇଁ ଫର୍ମ ପୂରଣ କରିଥିଲେ । ସେମାନଙ୍କ ମଧ୍ୟରୁ ୫ ଲକ୍ଷ ୩୨ ହଜାର ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି । ମାର୍ଚ୍ଚ ୧୦ରୁ ୨୦ ତାରିଖ ଯାଏ ପରୀକ୍ଷା ଅନୁଷ୍ଠିତ ହୋଇଥିଲା । ରାଜ୍ୟର ୩୨୧୮ଟି ପରୀକ୍ଷା କେନ୍ଦ୍ରରେ ପରୀକ୍ଷା ଦେଇଥିଲେ ଛାତ୍ରଛାତ୍ରୀ । ଏପ୍ରିଲ୍‌ ୩ ତାରିଖରୁ ୧୪ ତାରିଖ ପର୍ଯ୍ୟନ୍ତ ରାଜ୍ୟର ୫୫ଟି କେନ୍ଦ୍ରରେ ଖାତା ମୂଲ୍ୟାୟନ କରାଯାଇଥିଲା । ଆଜି ରେଜଲ୍ଟ ଆସୁଥିବାରୁ ପରୀକ୍ଷାଥୀମାନେ ବେଶ୍ ଖୁସି ଅଛନ୍ତି ।
୧୮ରେ ମାଟ୍ରିକ୍ ରେଜଲ୍ଟ, ୧୦ଟାରେ ଘୋଷଣା, ୧୨ଟାରେ ୱେବସାଇଟରେ ଉପଲବ୍ଧ

ଆସନ୍ତା ୧୮ ତାରିଖରେ ପ୍ରକାଶ ପାଇବ ଚଳିତବର୍ଷର ମାଟ୍ରିକ ପରୀକ୍ଷା ଫଳ । ସ୍କୁଲ ଓ ଗଣଶିକ୍ଷା ମନ୍ତ୍ରୀ ଫଳାଫଳ ଘୋଷଣା କରିବେ । ପରୀକ୍ଷା ପରିଚାଳନା କମିଟି ପରୀକ୍ଷାଫଳ ପ୍ରକାଶ ପାଇଁ ପ୍ରଥମେ ଅନୁମୋଦନ ପାଇବା ପରେ ଦିନ ୧୦ଟା ବେଳେ ରେଜଲ୍ଚ ପ୍ରକାଶ ପାଇବ ।

ଆଉ ବେଶୀ ଦିନ ଅପେକ୍ଷା କରିବାକୁ ପଡ଼ିବନି । କାରଣ ଆସନ୍ତା ୧୮ ତାରିଖରେ ମାଟ୍ରିକ ରେଜଲ୍ଟ ପ୍ରକାଶ ପାଇବ । ଦିନ ୧୦ଟାରେ ରେଜଲ୍ଟ ଆସିବା ପରେ ମଧ୍ୟାହ୍ନ ୧୨ଟା ପରଠୁ ବୋର୍ଡ ୱେବସାଇଟ www.bseodisha.ac.inରେ ଛାତ୍ରଛାତ୍ରୀମାନେ ନିଜନିଜର ପରୀକ୍ଷା ଫଳ ଜାଣିପାରିବେ । ଯେଉଁଠି ଇଣ୍ଟରନେଟର ସୁବିଧା ନାହିଁ ସେଠାରେ ପରୀକ୍ଷାର୍ଥୀମାନେ ମଧ୍ୟ ମୋବାଇଲରେ ରେଜଲ୍ଟ ଜାଣିପାରିବେ । ନିଜର ମୋବାଇଲରୁ OR10 ଏବଂ ନିଜ ରୋଲ୍ ନମ୍ବରକୁ ଟାଇପ୍ କରି 5676750କୁ ମେସେଜ୍ ପଠାଇଲେ ଫଳାଫଳ ଜାଣିହେବ ବୋଲି ପ୍ରେସମିଟରେ ବୋର୍ଡ ପକ୍ଷରୁ ସୂଚନା ଦିଆଯାଇଛି ।

ଚଳିତବର୍ଷ ରାଜ୍ୟରେ ୩ହଜାର ୨୯ଟି ପରୀକ୍ଷା କେନ୍ଦ୍ରରେ ୫ ଲକ୍ଷ ୩୨ ହଜାର ୭୧୨ ଜଣ ପରୀକ୍ଷାର୍ଥୀ ମାଟ୍ରିକ ପରୀକ୍ଷା ଦେଇଥିଲେ । ୨ ହଜାର ୯୧୪ ଜଣ ମଧ୍ୟମା ଏବଂ ୭ହଜାର ୧୮୧ ଜଣ ଓପନ ସ୍କୁଲ ପରୀକ୍ଷାର୍ଥୀ ଏହି ପରୀକ୍ଷା ଦେଇଥିଲେ । ଏଥିପାଇଁ ରାଜ୍ୟରେ ୩୧୬ଟି ନୋଡାଲ ସେଣ୍ଟର କରାଯାଇଥିଲା । ଆୟୋଜିତ ସାମ୍ବାଦିକ ସମ୍ମିଳନୀରେ ମାଧ୍ୟମିକ ଶିକ୍ଷା ପରିଷଦ ବୋର୍ଡ ସଭାପତି ରାମଶିଷ ହାଜରା,ଉପସଭାପତି ଡକ୍ଟର ନିହାର ରଞ୍ଜନ ମହାନ୍ତି ଏବଂ ସମ୍ପାଦକ ସୁମିତ୍ରା ସରକାର ଉପସ୍ଥିତ ଥିଲେ ।

ପୂର୍ବରୁ ମାଟ୍ରିକ୍ ରେଜଲ୍ଟ କେବେ ପ୍ରକାଶ ହେବ ସେ ନେଇ ଛାତ୍ରଛାତ୍ରୀ ଟିକେ ଟେନସନରେ ଥିଲେ । ଏବେ ତାରିଖ ଘୋଷଣା ପରେ ସମସ୍ତଙ୍କ ମନରେ ଉତ୍ସାହ ଭରିଦେଇଛି କାରଣ ରେଜଲ୍ଟ ପ୍ରକାଶନରେ ଆଉ ବିଳମ୍ବ ହେବ ନାହିଁ । ଖୁବଶୀଘ୍ର ସେମାନେ ନିଜ ନିଜ ପରୀକ୍ଷାଫଳ ପାଇପାରିବେ । ଚଳିତଥର ତ୍ରୁଟିଶୂନ୍ୟ ମୂଲ୍ୟାୟନ ପାଇଁ ବୋର୍ଡ ପକ୍ଷରୁ ବ୍ୟାପକ ବ୍ୟବସ୍ଥା ହୋଇଥିଲା । ଏଥର ଯେପରି କୌଣସି ଅଭିଯୋଗ ନ ଆସେ କି କିଛି ବିଭ୍ରାଟ ନଘଟେ ସେଥିପ୍ରତି ବିଶେଷ ଧ୍ୟାନ ଦେଇଛି ମାଧ୍ୟମିକ ଶିକ୍ଷା ପରିଷଦ ।
ମାଟ୍ରିକ ରେଜଲ୍ଟକୁ ଅପେକ୍ଷା, ଆଜି ଘୋଷଣା ହେବ ତାରିଖ

ମାଟ୍ରିକ୍ ରେଜଲ୍ଟକୁ ନେଇ ସମସ୍ତଙ୍କ ଅପେକ୍ଷା । ଚଳିତ ମାସ ତୃତୀୟ ସପ୍ତାହ ଶେଷ ସୁଦ୍ଧା ମାଟ୍ରିକ୍ ପରୀକ୍ଷା ରେଜଲ୍ଟ ପ୍ରକାଶ ପାଇବା ନେଇ ପୂର୍ବରୁ ଘୋଷଣା ହୋଇଥିଲା । ତେବେ ଖୁବଶୀଘ୍ର ତାରିଖ ଘୋଷଣା ହେବା ନେଇ ବୋର୍ଡ ପକ୍ଷରୁ ସୂଚନା ଦିଆଯାଇଥିଲା । ଆଜି ଦିନ ୧୧.୩୦ରେ ରେଜଲ୍ଟ ପ୍ରକାଶ ହେବା ନେଇ ତାରିଖ ଘୋଷଣା ହେବ । ତୃତୀୟ ସପ୍ତାହ ସରିବାକୁ ଥିବାବେଳେ ଆଜି ତାରିଖ ଘୋଷଣା ହେବ । ତେଣୁ ସମସ୍ତଙ୍କ ମନରେ ଗୋଟିଏ ପ୍ରଶ୍ନ କେବେ ରେଜଲ୍ଟ ପ୍ରକାଶ ହେବ ।

ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ଦଶମ ପରୀକ୍ଷା ଫଳ ଆଜି ତାରିଖ ଘୋଷଣା ହେବ । ଏନେଇ ସୂଚନା ଦେଇଛନ୍ତି ବୋର୍ଡର ଉପସଭାପତି ଡକ୍ଟର ନିହାର ରଞ୍ଜନ ମହାନ୍ତି। କଟକ ବୋର୍ଡ କାର୍ଯ୍ୟାଳୟରେ ଏକ ପ୍ରେସମିଟ୍ କରି ଘୋଷଣା କରିବେ ଉପସଭାପତି । ଆସନ୍ତାକାଲି ମାଟ୍ରିକ ପରୀକ୍ଷା ଫଳ ପ୍ରକାଶ ପାଇବ ବୋଲି ଆଶା କରାଯାଉଛି । ସୂଚନା ଅନୁସାରେ ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ମାଟ୍ରିକ୍ ଫଳ ମେ’ତୃତୀୟ ସପ୍ତାହରେ ପ୍ରକାଶ ପାଇବ । ଖାତା ଦେଖା ଶେଷ ହେବା ପରେ ଏବେ ଅନ୍ୟାନ୍ୟ କାର୍ଯ୍ୟ ଜାରି ରହିଛି ବୋଲି ପୂର୍ବରୁ ସୂଚନା ଦେଇଥିଲେ ତତକାଳୀନ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ।

ମାଟ୍ରିକ୍,ମଧ୍ୟମା ଏବଂ ମୁକ୍ ତବିଦ୍ୟାଳୟ ପାଇଁ ମୋଟ ୫ ଲକ୍ଷ ୪୧ ହଜାର ୨୪୭ ପରୀକ୍ଷାର୍ଥୀ ଫର୍ମପୂରଣ କରିଥିଲେ । ରାଜ୍ୟର ୩୨୧୮ଟି ପରୀକ୍ଷା କେନ୍ଦ୍ରରେ ପରୀକ୍ଷା ଅନୁ‌ଷ୍ଠିତ ହୋଇଥିଲା । ପ୍ରଶ୍ନପତ୍ର ରଖିବା ପାଇଁ ୩୧୬ଟି ନୋଡାଲ ସେଣ୍ଟର କରାଯାଇଥିଲା । ଚଳିତଥର ତ୍ରୁଟିଶୂନ୍ୟ ମୂଲ୍ୟାୟନ ପାଇଁ ବୋର୍ଡ ପକ୍ଷରୁ ବ୍ୟାପକ ବ୍ୟବସ୍ଥା ହୋଇଥିଲା । ଚଳିତ ଥର ଯେପରି କୌଣସି ଅଭିଯୋଗ ନ ଆସେ କି କିଛି ବିଭ୍ରାଟ ନଘଟେ ସେଥିପ୍ରତି ବିଶେଷ ଧ୍ୟାନ ଦେଇଛି ମାଧ୍ୟମିକ ଶିକ୍ଷା ପରିଷଦ ।
ଆଇସିଏସସି ଦଶମ, ଆଇଏସସି ଦ୍ୱାଦଶ ଫଳ ପ୍ରକାଶ

ରବିବାର ଇଣ୍ଡିଆନ୍‌ ସାର୍ଟିଫିକେଟ୍‌ ଅଫ୍‌ ସେକେଣ୍ଡାରୀ ଏଜୁକେସନ (ଆଇସିଏସ୍‌ଇ) ଆଜି ଦଶମ ଓ ଦ୍ୱାଦଶ ଶ୍ରେଣୀର ପରୀକ୍ଷା ଫଳ ପ୍ରକାଶ କରିଛି। ଦ୍ୱାଦଶରେ ମଧ୍ୟ ଛାତ୍ରୀମାନଙ୍କର ପ୍ରଦର୍ଶନ ଛାତ୍ରମାନଙ୍କ ତୁଳନାରେ ଭଲ ରହିଛି। ଛାତ୍ରୀମାନଙ୍କ ପାଶହାର ୯୮.୦୧ ପ୍ରତିଶତ ଥିବାବେଳେ ଛାତ୍ରମାନଙ୍କ ପାଶହାର ୯୫.୯୬ ପ୍ରତିଶତ ରହିଛି। ଦ୍ୱାଦଶ ଟପ୍ପରଙ୍କ ମଧ୍ୟରେ ରିୟା ଅଗ୍ରୱାଲ,ଇପ୍ସିତା ଭଟ୍ଟାଚାର୍ଯ୍ୟ, ମୋହଦ ଆର୍ଯ୍ୟ ତାରିକ, ସୁଭମ କୁମାର ଅଗ୍ରୱାଲ, ମାନିଆ ଗୁପ୍ତା ରହିଛନ୍ତି।

ଦଶମରେ ପ୍ରଥମ ୧୦ ଜଣଙ୍କ ମଧ୍ୟରେ ରୁଶୀଲ କୁମାର, ଅନନ୍ୟା କାର୍ତ୍ତିକ, ଶ୍ରେୟା ଉପାଧ୍ୟାୟ, ଉଦୟ ସରଦେଶାଇ, ଯଶ ମନୀଷ ଭାସିନ, ତନୟ ସୁଶୀଲ ଶାହା, ହିୟା ସାଙ୍ଗଭି, ଅଭିଷି ସିଂ, ସମ୍ବିଟ ମୁଖୋପାଧ୍ୟାୟ ରହିଛନ୍ତି। ଦଶମ ଶ୍ରେଣୀରେ ନଅ ଜଣ ଛାତ୍ରୀ ୪୯୯ ମାର୍କ ହାସଲ କରି ପରୀକ୍ଷାରେ ଶୀର୍ଷରେ ରହିଛନ୍ତି। ଆଇସିଏସସି ୧୦ମରେ ମଧ୍ୟ ଛାତ୍ରୀମାନେ ମାରିଛନ୍ତି ବାଜି। ଛାତ୍ରୀମାନଙ୍କର ପାସ ପ୍ରତିଶତ ୯୯.୨୧ ପ୍ରତିଶତ ଥିବାବେଳେ ଛାତ୍ରଙ୍କ ପାସ ପ୍ରତିଶତ ୯୮.୭୧ ପ୍ରତିଶତ ରହିଛି। ଏହା ଛାତ୍ରଙ୍କ ତୁଳନାରେ ୦.୫ ପ୍ରତିଶତ ଅଧିକ।

ଦ୍ୱାଦଶ ଛାତ୍ରୀଛାତ୍ରମାନଙ୍କର ସାମଗ୍ରିକ ପାଶହାର ୯୬.୯୩ ପ୍ରତିଶତ ଯାହା ଗତ ବର୍ଷ ତୁଳନାରେ ୨.୪୫ ପ୍ରତିଶତ କମ ରହିଛି । ସେହିପରି ଦଶମରେ ସାମଗ୍ରିକ ପାଶହାର ୯୮.୯୪ ପ୍ରତିଶତ ରହିଛି । ଏହା ପୂର୍ବ ବର୍ଷ ତୁଳନାରେ ୧.୦୩ ପ୍ରତିଶତ ହ୍ରାସ ପାଇଛି।

ଆଇସିଏସସି ଦଶମ ପରୀକ୍ଷାରେ ରାଜ୍ୟରେ ପ୍ରିୟଙ୍କା ପରାସର ଓ ବିଷ୍ଣୁ ପ୍ରସାଦ ଶତପଥୀ ହୋଇଛନ୍ତି ଟପ୍ପର। ଉଭୟେ ୯୯.୪୦% ମାର୍କ ରଖି ମିଳିତ ଭାବେ ଟପ୍ପର ହୋଇଛନ୍ତି। ସେହିପରି ସଞ୍ଜନା ପଲେଇ, ପ୍ରତିକା ମିଶ୍ର, ପ୍ରେମା ମଞ୍ଜରୀ, ଆୟଷ ନନ୍ଦ ୯୯.୨୦% ମାର୍କ ରଖିଛନ୍ତି। ଅନୁଷ୍କା ମିତ୍ତଲ, ଓଜଲ ଆକାଶ, ଓକାର ମହାପାତ୍ର ଓ ଅମରେନ୍ଦ୍ର ସ୍ୱାଇଁ ୯୯.୦ ପ୍ରତିଶତ ମାର୍କ ରଖି ରାଜ୍ୟର ଗୌରବ ପାଲଟିଛନ୍ତି।

ସେହିପରି ଆଇସିଇ ଦ୍ୱାଦଶ ପରୀକ୍ଷାରେ ଦିଶା ଗୋଏଲ ଓଡ଼ିଶା ଟପ୍ପର ହୋଇଛନ୍ତି। ସେ ୯୮.୨୬ ପ୍ରତିଶତ ମାର୍କ ରଖି ଟପ୍ପର ହୋଇଥିବା ବେଳେ ସ୍ତୁତିଲେଖା ପଟ୍ଟନାୟକ ୯୮.୦୦%, ସୁଦୀପ ଅଧିକାରୀ ଓ ଶ୍ରୀୟା ଦତ୍ତ ୯୭.୫ ପ୍ରତିଶତ ମାର୍କ ରଖିଛନ୍ତି।

ସୂଚନାଯୋଗ୍ୟ ଚଳିତ ବର୍ଷ ଆଇଏସ୍‌ସି ଦଶମ ଶ୍ରେଣୀ ବୋର୍ଡ ପାଇଁ ୨.୩୬ ଲକ୍ଷ ପରୀକ୍ଷା ଦେଇଥିଲେ। ଦ୍ବାଦଶ ପରୀକ୍ଷାରେ ୫ ଜଣ ମିଳିତ ଭାବେ ଟପ୍ପର ହୋଇଛନ୍ତି। ସେମାନେ ୯୫.୭୫ ପ୍ରତିଶତ ନମ୍ବର ରଖିଛନ୍ତି। ସେମାନଙ୍କ ମଧ୍ୟରେ ଦିଶା ଓଡିଶାର।
+2 ପରୀକ୍ଷାଫଳ ଦ୍ୱନ୍ଦ୍ୱ ଦୂର କଲା CHSE

ମେ’ଶେଷ ସୁଦ୍ଧା ଯୁକ୍ତ ଦୁଇ ପରୀକ୍ଷାଫଳ ପ୍ରକାଶ ପାଇବ । ଏହା ମଧ୍ୟରେ ରେଜଲ୍ଟ ପ୍ରକାଶ ନେଇ ଥିବା ଦ୍ୱନ୍ଦ୍ୱ ଦୂର କରିଛି ଉଚ୍ଚ ମାଧ୍ୟମିକ ଶିକ୍ଷା ପରିଷଦ ବା CHSE । ଗତବର୍ଷ ଯେମିତି ରେଜଲ୍ଟ ପ୍ରକାଶ ପାଇଥିଲା ଚଳିତଥର ମଧ୍ୟ ସେହି ପ୍ରକ୍ରିୟାରେ ପରୀକ୍ଷାଫଳ ଆସିବ । ଚଳିତବର୍ଷ ମଧ୍ୟ ବାର୍ଷିକ ପରୀକ୍ଷା ଏବଂ କ୍ୱାର୍ଟର ଆଣ୍ଡ ପରୀକ୍ଷା ଆଧାରରେ ପ୍ରକାଶିତ ହେବ ପରୀକ୍ଷାଫଳ ।

କ୍ବାର୍ଟର ଏଣ୍ଡ ମାର୍କ ମିଶି ଫାଇନାଲ ରେଜଲ୍ଟ ପ୍ରକାଶ ପାଇବ ବୋଲି ବୋର୍ଡ ପକ୍ଷରୁ କୁହାଯାଇଛି । ଏ ନେଇ ସିଏଚଏସଇ ପକ୍ଷରୁ ଏକ ବିଜ୍ଞପ୍ତି ପ୍ରକାଶ କରାଯାଇଛି । ବାର୍ଷିକ ପରୀକ୍ଷାରୁ ୮୦ ପ୍ରତିଶତ ମାର୍କ ମିଶିବ । ସେହିପରି କ୍ୱାର୍ଟର ଏଣ୍ଡ ପରୀକ୍ଷାର ୨୦ ପ୍ରତିଶତ ମିଶି ଫାଇନାଲ୍ ରେଜଲ୍ଟ ପ୍ରକାଶିତ ହେବ ବୋଲି ବିଜ୍ଞପ୍ତିରେ ଉଲ୍ଲେଖ ରହିଛି । ପୂର୍ବରୁ ଦେଇଥିବା ୩ଟି କ୍ୱାର୍ଟର ଏଣ୍ଡ ପରୀକ୍ଷାରୁ ବେଷ୍ଟ ଅଫ୍ ଟୁ ବା ଶ୍ରେଷ୍ଠ ଦୁଇଟି ପରୀକ୍ଷା ମାର୍କରୁ ୨୦ ପ୍ରତିଶତ ମାର୍କ ମିଶାଯିବ । ଫାଇନାଲ୍ ପରୀକ୍ଷାର ମାର୍କ ସହ ୨୦ ପ୍ରତିଶତ ମାର୍କ ମିଶାଯିବ । ଏଭଳି ରେଜଲ୍ଟ ପ୍ରକାଶିତ କରିବାକୁ ନିଷ୍ପତ୍ତି ନେଇଛି ଉଚ୍ଚ ମାଧ୍ୟମିକ ଶିକ୍ଷା ପରିଷଦ । ଯେଉଁ ଛାତ୍ରଛାତ୍ରୀମାନେ କ୍ବାର୍ଟର ଏଣ୍ଡ ପରୀକ୍ଷା ଦେଇନାହାଁନ୍ତି ସେମାନେ କୌଣସି ଟେନସନ୍ ନେବାର ନାହିଁ । ବାର୍ଷିକ ପରୀକ୍ଷା ପ୍ରଦର୍ଶନ ଆଧାରରେ ମାର୍କ ମିଳିବ ବୋଲି ବିଜ୍ଞପ୍ତିରେ ଉଲ୍ଲେଖ କରାଯାଇଛି ।

ଚଳିତଥର ମୂଲ୍ୟାୟନରେ ଯେପରି କୌଣସି ତ୍ରୁଟି ନରହେ ସେଥିପ୍ରତି ବିଶେଷ ଧ୍ୟାନ ଦେଇଛି ବୋର୍ଡ । ତ୍ରୁଟିଶୂନ୍ୟ ମାର୍କ ପ୍ରକାଶ କରିବା ନେଇ ସମସ୍ତ ପ୍ରକ୍ରିୟା ଜାରି ରହିଥିବା ବୋର୍ଡ ପକ୍ଷରୁ ସୂଚନା ମିଳିଛି ।
ଛାତ୍ରଛାତ୍ରୀ ଶୁଣିଲେନି ‘ମନ୍ କି ବାତ୍’, କାର୍ଯ୍ୟାନୁଷ୍ଠାନ ନେଲା କଲେଜ

‘ମନ୍ କି ବାତ୍’ ନ ଶୁଣିବାରୁ ଦଣ୍ଡ ! ୩୬ ଜଣ ଛାତ୍ରଛାତ୍ରୀଙ୍କୁ ନିଜ ହଷ୍ଟେଲରେ ସପ୍ତାହେ କାଳ ରହିବାକୁ ପଡ଼ିଛି । ବାହାରକୁ ନ ବାହାରିବାକୁ ନିର୍ଦ୍ଦେଶାନାମା ଜାରି କରାଯାଇଛିଲା । ପଞ୍ଜାବର Post Graduate Institute of Medical Education and Research ବା PGIMERର ଏଭଳି ଘଟଣା ଏବେ ଚର୍ଚ୍ଚାକୁ ଆସିଛି । ଏହାକୁ ନେଇ ସମାଲଚୋନା ଆରମ୍ଭ ହୋଇଥିବା ବେଳେ ନିଜ ନିଷ୍ପତ୍ତିକୁ ଯୁକ୍ତିଯୁକ୍ତ ବୋଲି କହିଛନ୍ତି କଲେଜ କର୍ତ୍ତୃପକ୍ଷ ।

ଗତ ୩୦ ତାରିଖରେ ‘ମନ୍ କି ବାତ୍’ର ଶହେତମ ସଂସ୍କରଣ ପ୍ରସାରିତ ହୋଇଥିଲା । ଏହାକୁ ଶୁଣିବା ପାଇଁ କଲେଜ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଥିଲା । ଉପସ୍ଥିତ ରହିବାକୁ ଛାତ୍ରଛାତ୍ରୀମାନଙ୍କୁ ମେଲ୍‌ ପଠାଯାଇଥିଲା । ଏହାସତ୍ତ୍ୱେ ତୃତୀୟ ବର୍ଷର ୨୮ ଜଣ ନର୍ସିଂ ଛାତ୍ରଛାତ୍ରୀ ଏବଂ ପ୍ରଥମ ବର୍ଷର ୮ ଜଣ ଛାତ୍ରଛାତ୍ରୀ ଏହା କାର୍ଯ୍ୟକ୍ରମରେ ସାମିଲ ହୋଇନଥିବାରୁ କର୍ତ୍ତୃପକ୍ଷ ନିର୍ଦ୍ଦେଶନାମା ଜାରି କରିଥିଲେ । ତେବେ ଏ ସଂକ୍ରାନ୍ତରେ ଅନୁପସ୍ଥିତ ଛାତ୍ରଛାତ୍ରୀଙ୍କ ଠାରୁ ସନ୍ତୋଷଜନକ ଉତ୍ତର ମିଳିନଥିଲା । ତେଣୁ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ସ୍ୱରୂପ ଏକ ସପ୍ତାହ ଯାଏ ହଷ୍ଟେଲରୁ ନ ବାହାରିବାକୁ ନିର୍ଦ୍ଦେଶ ଦିଆଯାଇଥିଲା ।

ସେପଟେ,ଏଭଳି ଘଟଣାକୁ ତୀବ୍ର ବିରୋଧ କରିଛନ୍ତି ଟିଏମ୍‌ସି ସାଂସଦ ମହୁଆ ମୋଇତ୍ର । PGIMER କଲେଜ କର୍ତ୍ତୃପକ୍ଷଙ୍କ ଏପରି କାର୍ଯ୍ୟାନୁଷ୍ଠାନକୁ ସେ କଡ଼ା ସମାଲୋଚନା କରିଛନ୍ତି । ସେ କେବେ ବି ‘ମନ୍ କି ବାତ୍’କାର୍ଯ୍ୟକ୍ରମ ଶୁଣନ୍ତୁ ନାହିଁ ସେଥିପାଇଁ କ’ଣ ଦଣ୍ଡିତ ହେବା ଆବଶ୍ୟକ ବୋଲି ପ୍ରଶ୍ନ କରିଛନ୍ତି । ଏଭଳି ଘଟଣା ଖୁବ୍‌ ଚିନ୍ତାଜନକ ବିଷୟ ବୋଲି କହିଛନ୍ତି ଟିଏମସି ସାଂସଦ ।

ବିଭିନ୍ନ ମହଲରୁ ସମାଲଚୋନା ପରେ କଲେଜ ପକ୍ଷରୁ ସ୍ପଷ୍ଟୀକରଣ ରଖାଯାଇଛି । ‘ମନ୍ କି ବାତ୍’କାର୍ଯ୍ୟକ୍ରମର ୯୯ ନମ୍ବର ଅଧ୍ୟାୟରେ PGIMER କଲେଜରେ ହୋଇଥିବା ଏକ ଅଙ୍ଗ ଦାନ ସମ୍ପର୍କରେ ମୋଦି ଉଲ୍ଲେଖ କରିଥିଲେ । ଏପରିକି ଅଙ୍ଗ ଦାନ କରୁଥିବା ପରିବାର ବିଷୟରେ ବି ଆଲୋଚନା କରିଥିଲେ । ଏହା ଅନ୍ୟମାନଙ୍କ ପାଇଁ ପ୍ରେରଣାଦାୟୀ । ଏହା କଲେଜ ପାଇଁ ବେଶ୍‌ ଗର୍ବର ବିଷୟ ଥିଲା । ତେଣୁ ୧୦୦ତମ ସଂସ୍କରଣରେ ମୋଦିଙ୍କ ଭାଷଣକୁ ଅତ୍ୟନ୍ତ ଗମ୍ଭୀରତାର ସହ ଶୁଣି ତାହା ଉପରେ ଅନୁଶୀଳନ କରିବାକୁ ଛାତ୍ରମାନଙ୍କୁ କୁହାଯାଇଥିଲା । ତଥାପି କିଛି ଛାତ୍ର ଏହି କାର୍ଯ୍ୟକ୍ରମରେ ଉପସ୍ଥିତ ନଥିବାବେଳେ ସ୍ପଷ୍ଟ କାରଣ ବି କହି ପାରିନଥିଲେ । ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ସ୍ୱରୂପ ଏହି ଆକ୍ସନ ନିଆଯାଇଥିବା କଲେଜ ପକ୍ଷରୁ କୁହାଯାଇଛି ।