ବାଲେଶ୍ବର ଜିଲ୍ଲା ପାଲଟିଛି ଯେମିତି ବ୍ରାଉନସୁଗାରର ଆଡ୍ଡା। ପୋଲିସ ପ୍ରଶାସନର ଲଗାତର ରେଡ ଓ ଧଳା ଜହର ଜବତ ସତ୍ତ୍ବେ ନିଶା କାରବାରୀଙ୍କ ମଧ୍ୟରେ ନାହିଁ ଭୟ। ପୁଣି ଅରଡ ବଜାର ମସଜିଦ ଗଳିରୁ ୭୫ ଗ୍ରାମ ବ୍ରାଉନସୁଗାର ଜବତ କରିବା ସହ ପୋଲିସ ଦୁଇ ଜଣଙ୍କୁ ଗିରଫ କରିଛି।
ସୋମବାର ଅପରାହ୍ନରେ ଅରଡ ବଜାର ନିକଟରେ ବ୍ରାଉନସୁଗାର କାରବାର ସମ୍ପର୍କରେ ଖବର ପାଇଥିଲା ସହଦେବଖୁଣ୍ଟା ପୋଲିସ। ଏହା ପରେ ପୋଲିସ ଅରଡ ବଜାର ମସଜିଦଗଳିରେ ଚଢ଼ାଉ କରିବା ବେଳେ ଜଣେ ୬୦ ବର୍ଷ ବୟସ୍କା ମହିଳାଙ୍କ ଠାରୁ ୭୫ ଗ୍ରାମ ଓଜନର ବ୍ରାଉନସୁଗାର ଜବତ କରାଯାଇଥିଲା।
ଜବତ ବ୍ରାଉନସୁଗାରର ମୂଲ୍ୟ ୭ ଲକ୍ଷ ୫୦ ହଜାର ଟଙ୍କା ହେବ। ତେବେ ଏହି ବ୍ରାଉନସୁଗାର କାରବାରରେ ସଂପୃକ୍ତ ଭଦ୍ରକ ଜିଲ୍ଲା ଧମାନଗର ଥାନା କଲ୍ୟାଣୀ ଅଞ୍ଚଳର ୪୦ ବର୍ଷ ବୟସ ଜଣେ ଯୁବକଙ୍କୁ ମଧ୍ଯ ପୋଲିସ ଗିରଫ କରିଛି।ମହିଳାଙ୍କ ନିକଟରୁ ଗୋଟିଏ ମୋବାଇଲ ଫୋନ ଜବତ କରିଛି। ଉଭୟ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ପୋଲିସ