ଚାନ୍ଦବାଲିରେ ବିଜେଡିର ମିଶ୍ରଣ ପର୍ଵ

ଭଦ୍ରକ ଚାନ୍ଦବାଲି ନିର୍ବାଚନ ମଣ୍ଡଳୀରେ ଦିନକୁ ଦିନ ଶକ୍ତିଶାଳୀ ହେଉଛି ବିଜେଡି । ନିର୍ବାଚନ ଯେତିକି ପାଖେଇ ଆସୁଛି ,ସାଧାରଣ ଲୋକଙ୍କ ମଧ୍ୟରେ ବିଜୁ ଜନତା ଦଳ ପ୍ରତି ଆସ୍ଥା ସେତିକି ଅଧିକ ବଢୁଛି । ପ୍ରତିଦିନ ଅନ୍ୟ ରାଜନୈତିକ ଦଳ ପରିତ୍ୟାଗ କରି ବିଜେଡିରେ ସାମିଲ ହେଉଛନ୍ତି ଲୋକେ ।

ଚାନ୍ଦବାଲି ବ୍ଲକ ଅନ୍ତର୍ଗତ ଖେରଙ୍ଗ ପଞ୍ଚାୟତରେ ଏକ ମିଶ୍ରଣ ପର୍ଵ ଅନୁଷ୍ଠିତ ହୋଇଯାଇଛି। ଏହି ମିଶ୍ରଣ ପର୍ବରେ ପୂର୍ବତନ ସରପଞ୍ଚଙ୍କ ସମେତ ୫୦ରୁ ଉର୍ଦ୍ଧ୍ବ ପରିବାର ଅନ୍ୟ ରାଜନୈତିକ ଦଳ ପରିତ୍ୟାଗ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସ୍ବଛ ଶାସନ , ଚାନ୍ଦବାଲି ବିଧାୟକ ଡ଼ଃ ବ୍ଯୋମକେଶ ରାୟଙ୍କ ଉନ୍ନୟନ ମୂଳକ କାର୍ଯ୍ୟରେ ଅନୁପ୍ରାଣିତ ହୋଇଛନ୍ତି।

ତେଣୁ ପୂର୍ବ ଦଳକୁ ଛାଡି ଏତେ ସଂଖ୍ଯାରେ ପରିବାର ବିଜୁଜନତା ଦଳ ରେ ବିଧିବଦ୍ଧ ଭାବେ ସାମିଲ ହୋଇଛନ୍ତି। ନବାଗତ ମାନଙ୍କୁ ଦଳୀୟ ଉତ୍ତରୀୟ ଦେଇ ବିଧାୟକ ସମସ୍ତଙ୍କୁ ଦଳକୁ ସ୍ବାଗତ କରିଛନ୍ତି। ବିଜେଡି ହାତମୁଠା ଆହୁରି ଦୃଢ କରିବା ସହ ବିକାଶଧାରାକୁ ଆଗେଇ ନେବାକୁ ଆହ୍ବାନ ଦେଇଛନ୍ତି ବିଧାୟକ। ସେପଟେ ନବାଗତ ଏହି ବିକାଶଧାରାରେ ସହଯୋଗ କରିବେ ବୋଲି କହିଛନ୍ତି।

ଅନୁଷ୍ଠିତ ଏହି ଉତ୍ସବରେ ବିଧାୟକଙ୍କ ସହ ସ୍ଥାନୀୟ ବିଜେଡି ନେତାଙ୍କ ମଧ୍ୟରେ ଏହି ମିଶ୍ରଣକୁ ନେଇ ପ୍ରବଳ ଉତ୍ସାହ ଦେଖିବାକୁ ମିଳିଛି। ପୁଣି ଥରେ ବ୍ୟୋମକେଶ ବିଧାୟକ ହେବେ ବୋଲି ସାଧାରଣରେ ମତ ପ୍ରକାଶ ପାଇଛି