ମାର୍ଚ୍ଚ ୩୧ ତାରିଖ, ରବିବାର ଖୋଲା ରହିବ ସବୁ ବ୍ୟାଙ୍କ ଓ ବ୍ୟାଙ୍କର ସମସ୍ତ ବ୍ରାଞ୍ଚ। ଏଥିପାଇଁ ଆରବିଆଇ ପକ୍ଷରୁ ଜାରି ହୋଇଛି ନିର୍ଦ୍ଦେଶନାମା। ୨୦୨୩-୨୪ ଆର୍ଥିକ ବର୍ଷର ଶେଷ ଦିନ ଥିବାରୁ ରବିବାର ଥିଲେ ମଧ୍ୟ ବ୍ୟାଙ୍କ ଖୋଲିବାକୁ ନିର୍ଦ୍ଦେଶ ଦେଇଛି ଆରବିଆଇ। ଏଥିସହ ଏହି ଦିନରେ ଗ୍ରାହକ ମଧ୍ୟ ବ୍ୟାଙ୍କରେ ସେମାନଙ୍କ ସମସ୍ତ କାମ କରିପାରିବେ ବୋଲି କୁହାଯାଇଛି। ଏହି ନୋଟିଫିକେସନ ୨୦ ମାର୍ଚ୍ଚ ୨୦୨୪ରେ ଆରବିଆଇ ପକ୍ଷରୁ ଜାରି ହୋଇଛି। ଆରବିଆଇ ମୁଖ୍ୟ ଜେନେରାଲ ମ୍ୟାନେଜରଙ୍କ ପକ୍ଷରୁ ଜାରି ନୋଟିଫିକେସନରେ କୁହାଯାଇଛି, ସରକାର ସମସ୍ତ ବ୍ୟାଙ୍କ ଓ ବ୍ୟାଙ୍କ ବ୍ରାଞ୍ଚକୁ ରବିବାର ଖୋଲିବାକୁ ଅନୁରୋଧ କରିଛନ୍ତି। ସେବା ଜାରି ରହିବା ନେଇ ବ୍ୟାଙ୍କଗୁଡିକ ଗ୍ରାହକଙ୍କ ଉଦ୍ଦେଶ୍ୟରେ ସମସ୍ତଙ୍କୁ ଜଣାଇବାକୁ ନୋଟିଫିକେସନରେ କୁହାଯାଇଛି।
Thanks for sharing. I read many of your blog posts, cool, your blog is very good.