ଆପଣ କେବେ ବିଶ୍ବସ କରିପାରିବେ କି, ଜଣେ କନିଆ ଯାହାର ବୟସ ମାତ୍ର ୧୬ ସେ ଜଣେ ୬୫ ବର୍ଷୀୟ ବୃଦ୍ଧଙ୍କୁ ବିବାହ କରିଛନ୍ତି । ଏହା ଅବିଶ୍ବସନୀୟ ଲାଗୁଥିଲେ ବି ସତ । ଆଉ ଏଥିପାଇଁ ବରକୁ ବହୁତ ବିରୋଧର ସାମ୍ନା ମଧ୍ୟ କରିବାକୁ ପଡିଛି । ଏମିତି କି ୬୫ ବର୍ଷୀୟ ବର ତାର ମେୟର ପଦ ମଧ୍ୟ ହରାଇଛି ।
ଘଟଣାଟି ହେଉଛି ବ୍ରାଜିଲର । ବ୍ରାଜିଲର ପୁରୁଣା ରାଜ୍ୟ ଅରାକୁରିୟାରରେ ମେୟର ଭାବେ କାର୍ଯ୍ୟରତ ଥିଲେ ହିସାମ ହୁସୈନ୍ ଦେହୈନି । ସେ ଯେଉଁ ଯୁବତୀଙ୍କୁ ବିବାହ କରିଛନ୍ତି ସେ ହେଉଛନ୍ତି ଚାଇଲ୍ଡ ବ୍ୟୁଟି କ୍ୱିନ୍, କୌଏନ୍ ରୋଡ୍ କୈମାର୍ଗୋ । ତାଙ୍କର ଏବେ ସ୍କୁଲ ପାଠ ପଢା ମଧ୍ୟ ସରିନାହିଁ । ଦୁହେଁ ଏପ୍ରିଲ ୧୫ ତାରିଖରେ ବିବାହ କରିଥିବା ବେଳେ ବିବାହର ମାତ୍ର ୪ ଦିନ ପୂର୍ବରୁ ହିଁ କୈମାର୍ଗୋଙ୍କୁ ୧୬ ବର୍ଷ ପୂରିଛି । ଦୁହେଁ ନିଜ ସହମତିରେ ଆଡମ୍ବର ସହକାରେ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଏହି ବିବାହର ଖବର ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରାଲ୍ ହେଉଛି । ଅନେକ ଲୋକ ଏହାକୁ ସମାଲୋଚନା କରୁଥିବା ବେଳେ ଦେହୈନି ତାଙ୍କ ମେୟର ପଦରୁ ଇସ୍ତଫା ମଧ୍ୟ ଦେଇଛିନ୍ତି ।
ତାଙ୍କର ପୂର୍ବରୁ ୬ ଥର ବିବାହ ହୋଇସାରିଛି । କେବଳ ସେତିକି ନୁହେଁ ଦେହୈନିଙ୍କର ୧୬ ସନ୍ତାନ ମଧ୍ୟ ରହିଛି । ସେ ୧୯୮୦ରେ ପ୍ରଥମ ବିବାହ କରିଥିଲେ । ଡ୍ରଗ୍ସ ତସ୍କରୀରେ ତାଙ୍କୁ ୨୦୦୦ ମସିହାରେ ଗିରଫ କରାଯାଇଥିବା ବେଳେ ତାଙ୍କୁ ପାଖାପାଖି ୩ ମାସ ଜେଲରେ ରହିବାକୁ ପଡିଥିଲା । ପରେ ଏହି ମାମଲାର ଯାଞ୍ଚକୁ ବନ୍ଦ କରିଦିଆଯାଇଥିଲା ।