ଭିସା ଷ୍ଟିଲ ପକ୍ଷରୁ ୩୫ତମ ଜାତୀୟ ସଡ଼କ ସୁରକ୍ଷା ମାସ ପାଳିତ

ନିଆରା ଢଙ୍ଗରେ ସଡ଼କ ସୁରକ୍ଷା ମାସ ପାଳିଲେ ଭିସା ଷ୍ଟୀଲ କର୍ମଚାରୀ । ଯମରାଜ ଓ ଚିତ୍ରଗୁପ୍ତ ବେଶରେ ସଜ୍ଜିତ ହୋଇ ଲୋକମାନଙ୍କୁ ଗୋଲାପ ଫୁଲ ସହିତ ଚକୋଲେଟ୍ ଦେଇ ସଚେତନ କରାଇଲେ । ସୂଚନା ମୁତାବକ ଯାଜପୁର ଜିଲ୍ଲା କଳିଙ୍ଗ ନଗର ଅନ୍ତର୍ଗତ ଭିସା ଷ୍ଟିଲ ଗ୍ରୁପ ତରଫରୁ ଏକ ପଦଯାତ୍ରା କରି ସଡ଼କ ସୁରକ୍ଷା ବିଷୟରେ ଲୋକମାନଙ୍କୁ ସଚେତନତା କରାଇଥିଲେ।ଏହି କାର୍ଯ୍ୟକ୍ରମରେ ଭିସା ଗ୍ରୁପର କର୍ମଚାରୀ ବାସୁଦେବ ପ୍ରଧାନ ଯମ ରାଜାଙ୍କ ବେଶ ଓ ନିର୍ମଳ ଚନ୍ଦ୍ର ବଳ ଚିତ୍ରଗୁପ୍ତ ବେଶ ପରିଧାନ କରି ରାସ୍ତା ଉପରେ ଲୋକମାନଙ୍କୁ ହେଲମେଣ୍ଟ ପିନ୍ଧି ଗାଡି ଚଳାଇବା,ମଦ୍ୟପାନ କରି ଗାଡି ନ ଚଳାଇବା,ଟ୍ରାଫିକ ନିୟମ କୁ ମାନିବା, ଗାଡିଚଳାଇବା ସମୟରେ ମୋବାଇଲ ଫୋନ ବ୍ୟବହାର ନକରିବା ଓ ଦ୍ରୁତ ଗତିରେ ଗାଡି ନ ଚଳାଇବା ପାଇଁ ଡ୍ରାଇଭର ମାନଙ୍କୁ ସଚେତନ କରାଇଥିଲେ । ଯେଉଁ ମାନେ ଟ୍ରାଫିକ ନିୟମ କୁ ମାନି ଗାଡି ଚଳାଉଥିଲେ, ସେମାନଙ୍କୁ ଚକଲେଟ ଓ ଫୁଲ ଦେଇ ସମ୍ମାନ ଜଣାଇ ଥିଲେ। ଭିସା ଗ୍ରୁପ ର ଏଭଳି ଏକ ପ୍ରୟାସ କୁ ସାଧାରଣ ଗାଡି ଚାଳକ ମାନଙ୍କ ଜୀବନରେ ଏକ ପରିବର୍ତ୍ତନ ଆଣିଦେବା ସହ ଏଭଳି ଏକ କାର୍ଯ୍ୟକ୍ରମକୁ ସାଧାରଣରେ ପ୍ରଶଂସା କରାଯାଇଛି।