ରାୟଗଡା ଗୁଡ଼ାରୀ ବନାଞ୍ଚଳ ଅଧୀନସ୍ଥ ନାଇରା ସେକ୍ସନ ଗୁମୁଡା ନିକଟସ୍ଥ ଗୋପାଳପୁର ଗ୍ରାମ ନିକଟରୁ ବନବିଭାଗ ଦୁଇ ଜଣଙ୍କୁ ଗିରଫ କରିବା ସହ ସେମାନଙ୍କ ନିକଟରୁ ଏକ ମୃତ ଠେକୁଆ ଜବତ କରିଛି। ଗିରଫ ଦୁଇ ଜଣ ହେଲେ ସ୍ଥାନୀୟ ଅଞ୍ଚଳର ସୁରେଶ କୈବର୍ତ୍ତ ଓ ପୂର୍ଣ୍ଣ କାଡ୍ରାକା। ଗୁରୁବାର ଦିନ ଗୁଡ଼ାରୀ ବନାବିଭାଗ କର୍ମଚାରୀମାନେ ପାଟ୍ରୋଲିଂ କରୁଥିଲେ। ଗୋପାଳପୁର ଗାଁ ନିକଟରେ ଦୁଇ ଜଣଙ୍କୁ ମୋଟର ସାଇକେଲରେ ପାଇଥିଲେ। ସେମାନଙ୍କ ଗତିବିଧି ଉପରେ ସନ୍ଦେହ ହୋଇଥିଲା ପାଟ୍ରୋଲିଂ ଟିମର। ନିକଟକୁ ଯାଇ ସେମାନଙ୍କ ତନଖି କରିବାରୁ ସେମାନଙ୍କ ନିକଟରେ ଗୋଟିଏ ଦେଶୀ ବନ୍ଧୁକ, ଗୁଳି, ଆଲୁମିନିୟମ ତାର, ଏକ ମୃତ ଠେକୁଆ ମିଳିଥିଲା। ବନବିଭାଗ ସେସବୁ ସହ ସେମାନଙ୍କ ମୋଟର ସାଇକେଲ ଜବତ କରିବା ସହ ଦୁଇ ଅଭିଯୁକ୍ତଙ୍କୁ ଗିରଫ କରିଛି। ନାଇରା ଫରେଷ୍ଟର ଶିବ ପ୍ରସାଦ ପ୍ରଧାନଙ୍କ ନେତୃତ୍ୱରେ ପାଟ୍ରୋଲିଂ ଚାଲିଥିଲା। ଏହି ପାଟ୍ରୋଲିଂ ଟିମରେ ଫରେଷ୍ଟଗାର୍ଡ କାମଦେବ ଶବର, କର୍ମଚାରୀ କୈଳାସ ଆରକା ଓ ତପସ୍ୱିନୀ କର ସାମିଲ ଥିଲେ । ଏସିଏଫ ରାୟଗଡା ସନ୍ଦୀପ କୁମାର ପୃଷ୍ଟିଙ୍କ ଉପସ୍ଥିତିରେ ସୁରେଶ କୈବର୍ତ୍ତ ଓ ପୂର୍ଣ୍ଣ କାଡ୍ରାକାଙ୍କୁ କୋର୍ଟ ଚାଲାଣ କରାଯାଇଛି।
Thank you for your sharing. I am worried that I lack creative ideas. It is your article that makes me full of hope. Thank you. But, I have a question, can you help me?