ଡେମୋକ୍ରାଟିକ୍ ରିପବ୍ଲିକ୍ ଅଫ୍ କଙ୍ଗୋରେ ଇବୋଲା ଭାଇରସ୍ର ପ୍ରକୋପ ଦିନକୁ ଦିନ ଗୁରୁତର ରୂପ ନେଉଛି । ସେଠାକାର ସ୍ୱାସ୍ଥ୍ୟ ବିଭାଗ ପକ୍ଷରୁ ଜାରି ହୋଇଥିବା ସମ୍ପ୍ରତିକ ତଥ୍ୟ ଅନୁଯାୟୀ, ଏପର୍ଯ୍ୟନ୍ତ ଇବୋଲା ସଂକ୍ରମଣରେ ମୃତ୍ୟୁ ସଂଖ୍ୟା ୨୦୪କୁ ପହଞ୍ଚିଛି । ଏହା ସହିତ ଶତାଧିକ ଲୋକ ଆକ୍ରାନ୍ତ ହୋଇଥିବା ସନ୍ଦେହ କରାଯାଉଛି । ସରକାର ଏବଂ ଆନ୍ତର୍ଜାତୀୟ ସ୍ୱାସ୍ଥ୍ୟ ସଂଗଠନମାନେ ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ଜରୁରୀ ଭିତ୍ତିରେ ପଦକ୍ଷେପ ନେଉଛନ୍ତି ।
ସ୍ୱାସ୍ଥ୍ୟ ଅଧିକାରୀମାନଙ୍କ କହିବା ଅନୁସାରେ, ଏହି ଭାଇରସ୍ ବହୁତ ଶୀଘ୍ର ଛୁଆଁ ହେଉଥିବାରୁ ଗ୍ରାମ ଏବଂ ସହର ଅଞ୍ଚଳରେ ଭୟର ପରିବେଶ ସୃଷ୍ଟି ହୋଇଛି । ବିଶେଷକରି ଯେଉଁ ଅଞ୍ଚଳରେ ଚିକିତ୍ସା ସୁବିଧା କମ୍, ସେଠାରେ ଅବସ୍ଥା ଅଧିକ ଚିନ୍ତାଜନକ ହୋଇପଡ଼ିଛି । ଅନେକ ରୋଗୀଙ୍କୁ ସମୟରେ ଚିକିତ୍ସା ମିଳୁନଥିବାରୁ ମୃତ୍ୟୁହାର ବଢ଼ୁଛି ।ଏହି ପରିସ୍ଥିତିକୁ “ଅତ୍ୟନ୍ତ ଗୁରୁତର” ବୋଲି ବର୍ଣ୍ଣନା କରିଛି । ସଂଗଠନର ନିପୁଣମାନେ ପ୍ରଭାବିତ ଅଞ୍ଚଳକୁ ପହଞ୍ଚି ଚିକିତ୍ସା, ପରୀକ୍ଷା ଏବଂ ସଚେତନତା କାର୍ଯ୍ୟକ୍ରମ ଚାଲୁ ରଖିଛନ୍ତି । ଲୋକମାନଙ୍କୁ ଭିଡ଼ ଏଡ଼ାଇବା, ଶରୀରରେ ଜ୍ୱର, ବାନ୍ତି, ରକ୍ତସ୍ରାବ ଭଳି ଲକ୍ଷଣ ଦେଖାଦେଲେ ତୁରନ୍ତ ହସ୍ପିଟାଲକୁ ଯିବା ପାଇଁ ପରାମର୍ଶ ଦିଆଯାଇଛି ।
ବର୍ତ୍ତମାନର ଆକ୍ରମଣ “ବୁଣ୍ଡିବୁଗ୍ୟୋ” ଷ୍ଟ୍ରେନ୍ ଦ୍ୱାରା ଘଟୁଥିବା କୁହାଯାଉଛି । ଏହି ପ୍ରକାରର ଇବୋଲା ପାଇଁ ଏପର୍ଯ୍ୟନ୍ତ ପ୍ରଭାବଶାଳୀ ଟିକା କିମ୍ବା ନିଶ୍ଚିତ ଔଷଧ ଉପଲବ୍ଧ ନାହିଁ । ତେଣୁ ଡାକ୍ତରମାନେ ପ୍ରାଥମିକ ଭାବେ ରୋଗୀଙ୍କୁ ଅଲଗା ରଖି ସହାୟକ ଚିକିତ୍ସା ଦେଉଛନ୍ତି ।ଏହା ସହିତ ପଡ଼ୋଶୀ ଉଗାଣ୍ଡା ରେ ମଧ୍ୟ କେତେକ ସନ୍ଦେହଭାଜନ ମାମଲା ଚିହ୍ନଟ ହୋଇଥିବାରୁ ସୀମା ଅଞ୍ଚଳରେ ନଜରଦାରି ବଢ଼ାଯାଇଛି । ଯାତ୍ରୀମାନଙ୍କ ଶରୀର ତାପମାତ୍ରା ପରୀକ୍ଷା ସହିତ ଅନ୍ୟାନ୍ୟ ସୁରକ୍ଷା ବ୍ୟବସ୍ଥା ମଧ୍ୟ ଗ୍ରହଣ କରାଯାଇଛି ।
ଇବୋଲା ଏକ ମାରାତ୍ମକ ଭାଇରସ୍ ଯାହା ମାନବ ଶରୀରରେ ଭୟାବହ ପ୍ରଭାବ ପକାଏ । ଏହା ସାଧାରଣତଃ ସଂକ୍ରମିତ ବ୍ୟକ୍ତିଙ୍କ ରକ୍ତ, ଶରୀରୀକ ତରଳ କିମ୍ବା ସଂସ୍ପର୍ଶ ମାଧ୍ୟମରେ ଛଡ଼ାଯାଏ । ରୋଗୀଙ୍କ ଶରୀରରେ ଜ୍ୱର, ଦୁର୍ବଳତା, ମାଂସପେଶୀର ବେଦନା, ବାନ୍ତି ଏବଂ ପରେ ରକ୍ତସ୍ରାବ ଭଳି ଲକ୍ଷଣ ଦେଖାଯାଏ । ସମୟରେ ଚିକିତ୍ସା ନ ମିଳିଲେ ଏହା ଜୀବନଘାତୀ ହୋଇପାରେ ।
ବିଶେଷଜ୍ଞମାନେ କହୁଛନ୍ତି ଯେ, ସଠିକ୍ ସଚେତନତା, ସ୍ୱଚ୍ଛତା ଏବଂ ଶୀଘ୍ର ଚିକିତ୍ସା ମାଧ୍ୟମରେ ଏହି ଭାଇରସ୍ର ପ୍ରସାରକୁ ରୋକାଯାଇପାରିବ । ଆନ୍ତର୍ଜାତୀୟ ସମୁଦାୟ ମଧ୍ୟ କଙ୍ଗୋକୁ ଆବଶ୍ୟକ ଔଷଧ, ଚିକିତ୍ସା ସାମଗ୍ରୀ ଏବଂ ଅର୍ଥ ସହାୟତା ପ୍ରଦାନ କରୁଛନ୍ତି ।