Tag: suchanatv24x7

ରେଳଧାରଣାରୁ ମିଳିଲା ଖଣ୍ଡ ବିଖଣ୍ଡିତ ମୃତଦେହ, ହତ୍ୟା ସନ୍ଦେହ

ଚମ୍ପୁଆ ସୀମାନ୍ତ ଝାଡ଼ଖଣ୍ଡ, ପଶ୍ଚିମ ସିଂହଭୂମ ଜିଲ୍ଲାର ଚକ୍ରଧରପୁର ରେଳ ବିଭାଗର ତାଲାବୁରୁ ଏବଂ କେନ୍ଦୋପୋସି ରେଳ ଷ୍ଟେସନ ମଧ୍ୟରେ ଥିବା ରେଳ ଟ୍ରାକରୁ ଚାରି ଜଣଙ୍କ ଖଣ୍ଡ ବିଖଣ୍ଡିତ ମୃତଦେହ ମିଳିଛି । ଟ୍ରାକରେ ପଡ଼ିଥିବା ଶବଗୁଡ଼ିକରେ ଜଣେ ଯୁବକ, ଜଣେ ମହିଳା ଏବଂ ଦୁଇ ଶିଶୁ, ଗୋଟିଏ ଆଠ ମାସର ଶିଶୁ, ଏବଂ ଗୋଟିଏ ଅଢେଇ ବର୍ଷ ଝିଅର ଶବ ରହିଥିବା ସୂଚନା ରହିଛି ।

ଶବ ଗୁଡ଼ିକୁ ଅନେକ ଖଣ୍ଡରେ ବିଭକ୍ତ କରାଯାଇଛି । ଦୁଇ ଶିଶୁଙ୍କ ମୃତ ଦେହକୁ ପ୍ଲାଷ୍ଟିକ ଆଖାରେ ଭର୍ତ୍ତି କରାଯାଇ ଥିଲାବେଳେ, ୪ ଟି ଯାକ ମୃତ ଦେହ ତ୍ରାକର ଅଲଗା ଅଲଗା ସ୍ଥାନରେ ପଡିଥିବା ଦେଖିବାକୁ ମିଳିଛି । ମହିଳାଙ୍କ ଶରୀରର ହାତ ଓ ଗୋଡ଼ ବନ୍ଧା ଯାଇଥିଲା ବେଳେ, ତାଙ୍କ ଶରୀରକୁ ଦୁଇ ଭାଗରେ କଟିଥିବା ଦେଖିବାକୁ ମିଳିଛି । ସେହିପରି ଯୁବକଙ୍କ ମୁଣ୍ଡ ତାଙ୍କ ଶରୀରରୁ ଅଲଗା ହୋଇ ଥିବା ଦେଖାଯାଇଛି । ହତ୍ୟା ପରେ ସେମାନଙ୍କ ମୃତଦେହକୁ ରେଲୱେ ଟ୍ରାକରେ ଫୋପାଡି ଦିଆଯାଇଥିବା ସନ୍ଦେହ କରାଯାଉଛି ।

ତେବେ ଏହା ହତ୍ୟାକାଣ୍ଡ ନା ନାହିଁ ସେନେଇ କିଛି ସ୍ପଷ୍ଟ ହୋଇନାହିଁ। ଗତକାଲି ରାତିରେ ଏହି ଘଟଣା ଘଟିଥିବା କୁହାଯାଉଛି। ମୃତଦେହ ଦେଖିବା ପରେ ଟ୍ରାକରେ ଟ୍ରେନ୍ ଚଳାଚଳ ବନ୍ଦ ରଖାଯାଇଛି । ମୃତ ୪ ଜଣଙ୍କର ପରିଚୟ ମଧ୍ୟ ମିଳିପାରିନାହିଁ । ପୋଲିସ ମୃତଦେହ ଚିହ୍ନଟ କରିବା ପାଇଁ ଚେଷ୍ଟାଚଳାଇଛି । ଡିଏସପି ରାକେଶ ମିନଜଙ୍କ ସହ ଜଗନ୍ନାଥପୁର ରେଳବାଇ ପୋଲିସ ମଧ୍ୟ ଘଟଣାସ୍ଥଳରେ ଉପସ୍ଥିତ ରହି ତଦନ୍ତ ଚଳାଇଛନ୍ତି । ଘଟଣାର ଅନୁସନ୍ଧାନ ପାଇଁ ଫୋରେନସିକ୍ ଟିମ୍ ଓ ଡଗ୍ ସ୍କ୍ୱାର୍ଡ ଡକାଯାଇ ଅନୁସନ୍ଧାନ ଜାରୀ ରଖାଯାଇଛି ।
ଥାନାରେ ଅଭିଯୋଗ ଆଣିଲେ ଡିଜେ ମାଲିକ

ଯୋଡ଼ା ବ୍ଲକ୍ ଭଦ୍ରାସାହି ପଂଚାୟତ ଟୋଣ୍ଟ ଗ୍ରାମରେ ମାଘେ ପର୍ବ ପାଳନ ଅବସରରେ ଲାଗିଥିବା ଡିଜେ ସାଉଣ୍ଡ ସିଷ୍ଟମରେ ନିଆଁ ଲଗାଇ ପୋଡ଼ି ଦେଲେ ଦୃବୃର୍ତ୍ତ । ଗତ ବିଳମ୍ବିତ ରାତିରେ କେହି ଦୃବୃର୍ତ୍ତ ନିଆଁ ଲଗାଇ ଦେଇଥିବା ନେଇ ବଡ଼ବିଲ ଥାନାରେ ଆଜି ଅଭିଯୋଗ ହୋଇଛି । ସୂଚନା ଅନୁଯାୟୀ, ଟୋଣ୍ଟ ଗ୍ରାମରେ ଆଦିବାସୀଙ୍କ ବଡ଼ ପର୍ବ ମାଘେ ପର୍ବ ୩ ଦିନ ଧରି ପାଳନ ନିମନ୍ତେ ଟେଣ୍ଟ ଓ ସାଉଣ୍ଡ ସିଷ୍ଟମ ଲଗାଇ ବ୍ୟାପକ ବନ୍ଦୋବସ୍ତ କରାଯାଇଥିଲା । ଗତକାଲି ପ୍ରଥମ ଦିନ ସନ୍ଧ୍ୟାରେ ବିଭିନ୍ନ କାର୍ଯ୍ୟକ୍ରମ ସାଙ୍ଗକୁ ନାଚ ଗୀତର ଆସର ଜମିଥିଲା । ମାତ୍ର ରାତିରେ ଗ୍ରାମବାସୀ ଘରକୁ ଚାଲିଯିବା ପରେ ସାଉଣ୍ଡ ଅପରେଟର ଓ ଗ୍ରାମର କିଛି ଯୁବକ ପେଣ୍ଡାଲରେ ଶୋଇଥିଲେ । ତେବେ ରାତି ପାଖାପାଖି ୩ ଟା ୩୦ ମିନିଟ ସମୟରେ ସେଠାରେ ଲାଗିଥିବା ଡିଜେ ସାଉଣ୍ଡ ସିଷ୍ଟମରେ ନିଆଁ ଲାଗିଥିବା ଜାଣିବାକୁ ପାଇଥିଲେ । ପରେ ପାଣି ଢ଼ାଳି ନିଆଁକୁ ଆୟତ୍ତ କରାଯାଇଥିଲା ମାତ୍ର ସେତେବେଳକୁ ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ପାଉଁଶ ହୋଇଯାଇଥିଲା । ଏନେଇ ଡିଜେ ମାଲିକଙ୍କ ପକ୍ଷରୁ ଆଜି ବଡ଼ବିଲ ଥାନାରେ ଅଭିଯୋଗ ହେବାପରେ ପୋଲିସ୍ ଘଟଣାର ତଦନ୍ତ ଆରମ୍ଭ କରିଛି ।
ମହିଳାଙ୍କ ରଣହୁଙ୍କାର, ଉଠାଇ ଆଣିଲେ ମଦବୋତଲ ଭାଙ୍ଗିଲେ ବିଚ ରାସ୍ତାରେ

ମଦକୁ ନେଇ ତୁମୁଳକାଣ୍ଡ । ମଦ ପିଇ ଲୋକେ ଗଣ୍ଡୋଗଳ କଲେ ବୋଲି ତାତିଲେ ସ୍ଥାନୀୟ ମହିଳା । ଆଉ ରାସ୍ତା ଉପରେ କଚାଡି ଫଟାଇରେ ପେଟି ପେଟି ମଦ । ସୂଚନା ମୁତାବକ, ଭଦ୍ରକ ଜିଲ୍ଲା ଆଗରପଡା ଅନ୍ତର୍ଗତ ଭଗାରାମ ଠାରେ ଚୋରାମଦ ବିକ୍ରି ହେଉଥିବା ଖବର ସାମ୍ନାକୁ ଆସିଥିଲା । ଗତକାଲି ସରସ୍ବତୀ ପୂଜା ଥିବାରୁ ଲୋକେ ସେଠାରେ ମଦ ପିଇ ନାରକୀୟ କାଣ୍ଡ କରିଥିଲେ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ସୃଷ୍ଟି ହୋଇଥିଲା ଅପ୍ରିତିକର ପରିସ୍ଥିତି । ଯେଉଁଥି ପାଇଁ ମହିଳା ମାନେ ଉତକ୍ଷିପ୍ତ ହୋଇ ଏହିପରି ପଦକ୍ଷେପ ନେଇଥିଲେ । ଚୋରା ଦେଶୀ ମଦ ବିକ୍ରି ହେଉଥିବା ଘରୁ ମଦ ଭର୍ତ୍ତି ପେଟି ଓ ବସ୍ତାକୁ ଆଣି ବାହାରେ କଚାଡିବା ସହ କାଠ ଫାଳିଆରେ ଭାଙ୍ଗି ବୋତଲ ଗୁଡିକ ଚୂନା କରିଦେଇଥିଲ ।
ମୁଖ୍ୟମନ୍ତ୍ରୀଙ୍କ ପାରାଦୀପଗ୍ରସ୍ତ ପୂର୍ବରୁ ସୁରକ୍ଷା ବ୍ୟବସ୍ଥା କଡାକଡି

ଜଗତସିଂହପୁରର ପାରାଦୀପରେ ଓଡିଶାର ଷ୍ଟିଲ ପ୍ଲାଣ୍ଟ ସ୍ବପ୍ନ ସାକାର ହେବାକୁ ଯାଉଛି। ଆସନ୍ତା କାଲି ଜେଏସଡବ୍ଲ୍ୟୁ ପ୍ରକଳ୍ପର ଭିତ୍ତିପ୍ରସ୍ତର ଶିଳାନ୍ୟାସ କରିବେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ହେଲିପ୍ୟାଡ ସ୍ଥାନ ଓ ଷ୍ଟେଜ ପାଇଁ ଜାଗା ଚିହ୍ନଟ ସରିଛି। ଏଥିପାଇଁ ପ୍ରଶାସନିକ କ୍ଷେତ୍ରରେ ତତ୍ପରତା ପ୍ରକାଶ ପାଇଛି। ଜଗତସିଂହପୁର ଏସପି , ପାରାଦ୍ଵୀପ ଡିଏସପି ଓ ପାରାଦ୍ୱୀପର ସମସ୍ତ ଆଇଆଇସି ପ୍ରକଳ୍ପ ସ୍ଥଳ ପରିଦର୍ଶନ କରିବା ସହିତ ବିଭିନ୍ନ ଦିଗକୁ ଅନୁଧ୍ୟାନ କରିଛନ୍ତି। ସଭାସ୍ଥଳକୁ ଆସିବାକୁ ଥିବା ଯାନବାହନ ଚଳାଚଳ ଯେମିତି ସୁଗମ ହେବ ତାକୁ ନେଇ ବ୍ୟବସ୍ଥା କରାଯାଇଛି। ଏଥିସହ ସୁରକ୍ଷା ପ୍ରତି ଧ୍ୟାନ ଦେଉଛି ଜିଲ୍ଲା ପୋଲିସ

ସେପଟେ ପ୍ରବାଦ ପୁରୁଷ ବିଜୁ ପଟ୍ଟନାୟକ ଙ୍କ ସ୍ବପ୍ନ ର ପାରାଦ୍ଵୀପକୁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶିଳ୍ପ ସମୃଦ୍ଧ କରିବା ପାଇଁ ନେଇଥିବା ସଙ୍କଳ୍ପ ଆଜି ପୂରଣ ହେବାକୁ ଯାଉଥିବାରୁ ସ୍ଥାନୀୟ ଅଞ୍ଚଳରେ ଖୁସିର ମାହୋଲ ଖେଳିଯାଇଛି। ସ୍ଥାନୀୟ ଲୋକେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଅର୍ପଣ କରିଚନ୍ତି।

ଏଠାରେ କହି ରଖୁ କି, ଏରସମା ବ୍ଲକ ଢିଙ୍କିଆ ଚାରିଦେଶରେ ବାର୍ଷିକ ୧୩:୨ ମିଲିୟନ ମେଟ୍ରିକ୍ ଟନ ବିଶିଷ୍ଟ ଷ୍ଟିଲ ପ୍ଳାଣ୍ଟ ପ୍ରତିଷ୍ଠା କରିବ ଜେଏସଡବ୍ଲ୍ୟୁ । ଏଥିପାଇଁ ୨୯୫୦:୫୧ ଏକର ଜମି ଅଧିଗ୍ରହଣ ସରିଥିବା ବେଳେ , ପରିବେଶ ମଞ୍ଜୁରୀ ମଧ୍ଯ ମିଳିସାରିଛି। ଏଥିରେ ୨୬୭୭:୮୦ ଏକର ଜଙ୍ଗଲ ଜମି, ୨୭୨:୫୧ ଏକର ଚାଷ ଜମି ରହିଛି । ଏହି ପ୍ରକଳ୍ପ ପାଇଁ ଜେଏସଡବ୍ଲ୍ୟୁ ପକ୍ଷରୁ ୬୫ ହଜାର କୋଟି ଟଙ୍କା ଖର୍ଚ୍ଚ ହେବ , ଯାହା ଦ୍ବାରା ସ୍ଥାନୀୟ ଲୋକଙ୍କ ଆଶା ଓ ଅଭିଳାଷ ପୂରଣ ହେବ ବୋଲି ଅଞ୍ଚଳ ବାସୀ ପ୍ରକାଶ କରିଛନ୍ତି ।
ପଂଚାୟତ ସ୍ତରୀୟ ସଚେତନତା ଶିବିରକୁ ଗ୍ରାମରେ ବିରୋଧ

ଆମ ଓଡିଶା ନବୀନ ଓଡିଶା ପଂଚାୟତସ୍ତରୀୟରେ ସଚେତନତା ଶିବିର କଳାହାଣ୍ଡି କେସିଙ୍ଗା ବ୍ଲକ ବାଳସି ଗ୍ରାମ ପଂଚାୟତ ରେଙ୍ଗାଲି ଗ୍ରାମରେ ଅନୁଷ୍ଠିତ ହୋଇଯାଇଛି। ସରକାରଙ୍କ ବିଭିନ୍ନ ଲୋକାଭିମୁଖୀ କାର୍ଯ୍ୟକ୍ରମ ସମ୍ପର୍କରେ କଳାହାଣ୍ଡି ପରି ଅନୁନ୍ନତ ଓ ଆଦିବାସୀ ବହୁଳ ଅଞ୍ଚଳରେ ଲୋକଙ୍କୁ ସଚେତନ କରିବାକୁ ଏହି କାର୍ଯ୍ୟକ୍ରମର ଆୟୋଜନ ହୋଇଥିଲା। ଏଥିରେ ଏବିଡିଓଙ୍କ ସମେତ ସ୍ଥାନୀୟ ଅଞ୍ଚଳର ବହୁ ୱାର୍ଡ ମେମ୍ବର, ଗ୍ରାମବାସୀ ଉପସ୍ଥିତ ରହିଥିଲେ। ଏହି କାର୍ଯ୍ୟକ୍ରମ ପାଇଁ ସ୍ଥାନୀୟ ସରପଞ୍ଚ ଭାରତୀ ସୁନା ସନ୍ତୋଷ ପ୍ରକାଶ କରିଛନ୍ତି। ଏଥିଲାଗି ସେ ସମସ୍ତ ଅଧିକାରୀଙ୍କୁ ଧନ୍ୟବାଦ ଜଣାଇଛନ୍ତି।#kalahandi

ସେପଟେ କିନ୍ତୁ ଏହି କାର୍ଯ୍ୟକ୍ରମକୁ ବାଳସି ତଥା ବହୁ ଗ୍ରାମର ବାସିନ୍ଦା ବର୍ଜନ କରିଛନ୍ତି। ସେମାନେ ସରପଞ୍ଚଙ୍କ ବିରୋଧରେ ଆଣିଛନ୍ତି ମନମୁଖୀର ଅଭିଯୋଗ। ଲୋକଙ୍କ ଅଭିଯୋଗ ସରପଞ୍ଚ ସରକାରୀ ନିୟମ କାନୁନ ଓ ବିଡିଓଙ୍କ ନିର୍ଦ୍ଦେଶକୁ ମାନୁ ନାହାନ୍ତି। ସରପଞ୍ଚଙ୍କ ସ୍ବାମୀଙ୍କ ଇଛା ମୁତାବକ କାମ କରୁଛନ୍ତି। ନବୀନ ଓଡିଶା କାର୍ଯ୍ୟକ୍ରମ ପାଇଁ ବାଳସି ଗ୍ରାମକୁ ବଛାଯାଇଥିବା ବେଳେ ସରପଞ୍ଚ ନିଜ ଗାଁ ରେଙ୍ଗଳିରେ ସେହି କାର୍ଯ୍ୟ କରିଛନ୍ତି। ପୂର୍ବରୁ ବାଳସି ସ୍କୁଲ ବା ପଡିଆରେ କାର୍ଯ୍ୟକ୍ରମ ପାଇଁ ସମସ୍ତ ୱାର୍ଡ ମେମ୍ବର ତଥା ଗ୍ରାମବାସୀଙ୍କ ଉପସ୍ଥିତିରେ ବିଡିଓ ସ୍ଥିର କରିଥିଲେ. କିନ୍ତୁ ସରପଞ୍ଚ ତାହାକୁ ନ ମାନି ନିଜ ଗ୍ରାମରେ ନବୀନ ଓଡିଶା କାର୍ଯ୍ୟ କରିବାକୁ ସ୍ଥିର କରିଥିଲେ. ଏହାକୁ ବିରୋଧ କରିଥିଲେ ଗ୍ରାମବାସୀ ତଥା ପଞ୍ଚାୟତର ଅନେକ ୱାର୍ଡମେମ୍ବର। ତଥାପି ବିରୋଧକୁ ପଛ କରି ନିଜ ଇଛା ମୁତାବକ କାର୍ଯ୍ୟକ୍ରମ ଆୟୋଜନ କରିଥିବା ନେଇ ସେହି କାର୍ଯ୍ୟକ୍ରମରେ ସାମିଲ ହୋଇନଥିଲେ ଅନେକ

ବିରୋଧ ସତ୍ତ୍ବେ ରେଙ୍ଗାଲିରେ କାର୍ଯ୍ୟକ୍ରମ ଆୟୋଜନ କରାଯାଇଥିବାରୁ ଏହା ସଫଳ ହୋଇନଥିବା କୁହାଯାଉଛି। ସରକାରଙ୍କ ଜନାଭିମୁଖୀ ଯୋଜନା ସମ୍ପର୍କରେ ଜନସଚେତନତା ସୃଷ୍ଟି ପାଇଁ ଏହି କାର୍ଯ୍ୟକ୍ରମର ଆୟୋଜନ ହେଉଥିବା ବେଳେ ସରପଞ୍ଚଙ୍କ ମନମାନୀ ପାଇଁ ମାତ୍ର ୪୦୦ ଲୋକଙ୍କ ସମାବେଶ ହୋଇଛି। ତେଣୁ ଏହି ସରପଞ୍ଚଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଦାବି କରୁଛନ୍ତି ବାଳସି ଗ୍ରାମବାସୀ
ଯୁବତୀଙ୍କ ଟଙ୍କା ଲୁଟ୍ ମାମଲା: ଜଣେ ଗିରଫ

କେନ୍ଦୁଝର ଚମ୍ପୁଆ ଥାନା ଅଧୀନ ନାରଦପୁରରେ କିଛି ଦିନ ତଳେ ହୋଇଥିବା ଟଙ୍କା ଲୁଟ ଘଟଣାରେ ପୋଲିସକୁ ମିଳିଛି ସଫଳତା। ପୋଲିସ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗତ ୯ ତାରିଖରେ ଜଣେ ଯୁବତୀଙ୍କ ଠାରୁ ଟଙ୍କା ଲୁଟ୍ ହୋଇଥିଲା । ଗିରଫ ଯୁବକ ଜଣକ ହେଲେ ଯାଜପୁର ଜିଲ୍ଳା ମୁଣ୍ଡମାଳ ଗ୍ରାମର ଆଉଲା ରମେଶଙ୍କ ୩୨ ବର୍ଷୀୟ ପୁଅ ଆଉଲା ଶେଖର । ସୂଚନା ଅନୁଯାୟୀ, ଗତ ନଅ ତାରିଖ ଶୁକ୍ରବାର ଦିନ ନାରଦପୁର ଗ୍ରାମର ମାନିନୀ ନାଏକ କଣ୍ଡରା ସ୍ଥିତ ବ୍ୟାଙ୍କ୍ ଅଫ ଇଣ୍ଡିଆ ଶାଖାରୁ ୫୦ ହଜାର ଟଙ୍କା ଉଠାଇ ନିଜ ଭ୍ୟାନିଟି ବ୍ୟାଗରେ ରଖିଥିଲେ। ଏହା ପରେ ବ୍ୟାଙ୍କରୁ ବାହାରି ବସ ଯୋଗେ ନାରଦପୁର ଯାଇଥିଲେ। ବସ ଷ୍ଟାଣ୍ଡରେ ବସରୁ ଓହ୍ଲାଇ ଘରକୁ ଯାଉଥିବା ବେଳେ ଏକ ପଲସର ବାଇକରେ ଦୁଇ ଜଣ ଯୁବକ ଆସି ମାନିନୀଙ୍କ ବ୍ୟାଗ ଝିଙ୍କି ନେଇ ଫେରାର ହୋଇ ଯାଇଥିଲେ। ଏନେଇ ମାନିନୀ ଚମ୍ପୁଆ ଥାନାରେ ଅଭିଯୋଗ କରିଥିଲେ। ପୋଲିସ ବ୍ୟାଙ୍କ୍ ର ସିସିଟିଭି ଯାଞ୍ଚ କରି ଅଭିଯୁକ୍ତ ଆଉଲା ଶେଖରକୁ ଗିରଫ କରିବା ସହ କୋର୍ଟ ଚାଲାଣ କରିଛି। ତା ନିକଟରୁ ପୋଲିସ ୧୦ ହଜାର ଟଙ୍କ ଓ ମୋବାଇଲ ଜାବତ କରିଛି। ଏଥିସହ ଲୁଟରେ ସାମିଲ ତାର ସହଯୋଗୀକୁ ଧରିବାକୁ ପ୍ରୟାସ ଚଳାଇଛି।
ରାଜ୍ୟର ତିନି ରାଜ୍ୟସଭା ଆସନ ପାଇଁ ହେବାକୁ ଯାଉଛି ନିର୍ବାଚନ

ପ୍ରକାଶ ପାଇଲା ରାଜ୍ୟସଭା ନିର୍ବାଚନ ପାଇଁ ବିଜ୍ଞପ୍ତି । ଆଜିଠାରୁ ଫେବ୍ରୁଆରୀ ୧୫ ଯାଏ ଚାଲିବ ନାମାଙ୍କନ। ଫେବୃଆରୀ ୧୬ ତାରିଖରେ ହେବ ପ୍ରାର୍ଥୀପତ୍ର ଯାଞ୍ଚ ଏବଂ ୨୦ ତାରିଖରେ ପ୍ରାର୍ଥିପତ୍ର ପ୍ରତ୍ୟାହାର । ଫେବୃଆରୀ ୨୭ ତାରିଖ ସକାଳ ୯ଟା ରୁ ୪ଟା ଯାଏ ଭୋଟ ଗ୍ରହଣ ହେବ । ୧୫ଟି ରାଜ୍ୟର ୫୬ଟି ରାଜ୍ୟସଭା ଆସନ ପାଇଁ ନିର୍ବାଚନ ହେବାକୁ ଥିବା ବେଳେ ଓଡିଶାର ୩ଟି ଆସନ ପାଇଁ ନିର୍ବାଚନ ହେବାକୁ ଯାଉଛି । ଆସନ୍ତା ଏପ୍ରିଲ ୩ରେ ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ, ବିଜେଡି ସାଂସଦ ପ୍ରଶାନ୍ତ ନନ୍ଦ ଓ ଅମର ପଟ୍ଟନାୟକଙ୍କ କାର୍ଯ୍ୟ କାଳ ସରୁଛି । ତେବେ ପୂର୍ବ ଥରକ ବିଜେଡିର ବହୁମତ ଥିବା ସତ୍ତ୍ବେ ବିଜେପି ପ୍ରାର୍ଥୀ ଅଶ୍ବିନୀ ବୈଷ୍ଣବଙ୍କୁ ରାଜ୍ୟସଭାକୁ ବିଜେଡି ପଠାଇଥିଲା। ଏବେ ମଧ୍ୟ ବିଜେଡିର ରାଜ୍ୟସଭା ବାଟ ନିଷ୍କଣ୍ଟକ ରହିଛି। ସେପଟେ ବିଜେପି ଓ କଂଗ୍ରେସର ସଂଖ୍ୟା ଗଣିତ କମ ରହିଥିବାରୁ ଦୁଇ ଦଳ ପାଇଁ ରାଜ୍ୟସଭା ଅପହଞ୍ଚ ରହିଛି। ଦେଖିବାକୁ ରହିଲା ବେଜେଡି ୩ଟି ଯାକ ରାଜ୍ୟସଭା ଆସନ ପାଇଁ ନିଜେ ପ୍ରାର୍ଥୀ ଦେଉଛି ନା ବିଜେପିର କୌଣସି ପ୍ରାର୍ଥୀଙ୍କୁ ସମର୍ଥନ କରୁଛି।
ମୁକେଶ ଅମ୍ବାନୀ ପେଟିଏମର ପ୍ରତିଷ୍ଠାତା ହେବେ କି? ସତ୍ୟତା ଜଣାଇଲେ ଜିଓ ଆର୍ଥିକ ସେବା

ଜିଓ ଆର୍ଥିକ ସେବା ଦ୍ୱାରା ନିଆଯିବା ଖବରକୁ ପ୍ରତ୍ୟାଖ୍ୟାନ କରାଯାଇଛି। ଷ୍ଟକ୍ ଏକ୍ସଚେଞ୍ଜ BASE ଦ୍ୱାରା ଏପରି ସମସ୍ତ କମ୍ପାନୀକୁ ରିପୋର୍ଟ ଦାଖଲ କରିବାକୁ କୁହାଯାଇଥିଲା, ଯାହାର ଆଲୋଚନା ୱାନ ଇଣ୍ଡିଆ ୯୭ ସହିତ ଚାଲିଛି | ଏହା ପରେ, ଜିଓ ଆର୍ଥିକ ସେବା ସୋମବାର ବିଳମ୍ବିତ ରାତିରେ ନିୟମିତ ରିପୋର୍ଟ ଦାଖଲ କରିଥିଲା | ଯେଉଁଥିରେ କୁହାଯାଇଥିଲା ଯେ ବଜାରରେ ଚାଲିଥିବା ଏଭଳି ଖବରରେ କୌଣସି ସତ୍ୟତା ନାହିଁ।

ପେଟିଏମ୍ ପେମେଣ୍ଟ ବ୍ୟାଙ୍କ ଉପରେ ପ୍ରତିବନ୍ଧକ ଲଗାଇବା ପରେ ପେଟିଏମ୍ ନୂଆ ବିକଳ୍ପ ଖୋଜୁଛି। ପେଟିଏମର ମୂଳ କମ୍ପାନୀ ୱାନ୍ ୯୭ ବ୍ୟାଙ୍କ ଏବଂ NBFC ୱାଲେଟ୍ ସହିତ ଆଲୋଚନା କରୁଛି | ଏହି ସମୟରେ, କୁହାଯାଉଛି ଯେ ମୁକେଶ ଅମ୍ବାନୀଙ୍କ ଜିଓ ଆର୍ଥିକ ସେବା (ଜିଓ ଆର୍ଥିକ ସେୟାର ମୂଲ୍ୟ) ପେଟିଏମ ୱାଲେଟକୁ ନେବାକୁ ଯାଉଛି। କିନ୍ତୁ ଏହା ଉପରେ ଜିଓ ଆର୍ଥିକ ସେବା ଏକ ବିବୃତ୍ତି ଜାରି କରି ସତ କହିଛି।

ଜିଓ ଆର୍ଥିକ ସେବା ଦ୍ୱାରା ନିଆଯିବା ଖବରକୁ ପ୍ରତ୍ୟାଖ୍ୟାନ କରାଯାଇଛି। ଷ୍ଟକ ଏକ୍ସଚେଞ୍ଜ ବିଏଏସଇ ଦ୍ୱାରା ଏଭଳି ସମସ୍ତ କମ୍ପାନୀ ମାନଙ୍କୁ ରିପୋର୍ଟ ଦାଖଲ କରିବାକୁ କୁହାଯାଇଥିଲା, ୱାନ ଇଣ୍ଡିଆ ୯୭ ସହ ସେମାନଙ୍କର ଆଲୋଚନା ଚାଲିଛି । ଏହା ପରେ, ଜିଓ ଆର୍ଥିକ ସେବା ସୋମବାର ବିଳମ୍ବିତ ରାତିରେ ନିୟମିତ ଭାବେ ଏକ ରିପୋର୍ଟ ଦାଖଲ କରିଥିଲା | ଯେଉଁଥିରେ କୁହାଯାଇଥିଲା ଯେ ବଜାରରେ ଚାଲିଥିବା ଏଭଳି ଖବରରେ କୌଣସି ସତ୍ୟତା ନାହିଁ। କମ୍ପାନୀ କାହା ସହ ଆଲୋଚନା କରିନାହିଁ।

ସୋମବାର ଜିଓ ଆର୍ଥିକ ସେବାଗୁଡିକର ସେୟାରରେ ବମ୍ପର ବୃଦ୍ଧି ଘଟିବାର ନଜରରେ ଆସିଥିଲା | ଯାହା ଫଳରେ କୁହାଯାଉଥିଲା ଯେ ପେଟିଏମର ମୂଳ କମ୍ପାନୀ ୯୭ କମ୍ୟୁନିକେସନ୍ ମୁକେଶ ଅମ୍ବାନୀଙ୍କ ସହ ୱାଲେଟ୍ ବ୍ୟବସାୟ ବିକ୍ରୟ ନିମନ୍ତେ ଆଲୋଚନା କରୁଛନ୍ତି । କିନ୍ତୁ ଜିଓ ଏହାକୁ ସମ୍ପୂର୍ଣ୍ଣ ଭାବେ ପ୍ରତ୍ୟାଖ୍ୟାନ କରିଛି।
ଅବିବାହିତ ସନ୍ତାନ ଜନ୍ମ ନେଇ ସୁପ୍ରିମକୋର୍ଟଙ୍କ ବଡ ମନ୍ତବ୍ୟ, ସିଙ୍ଗଲ ମହିଳା ଜଣକ କରିଥିଲେ ଆବେଦନ

ବିନା ବିବାହରେ ସରୋଗେସି ମାଧ୍ୟମରେ ଜଣେ ମହିଳା ମାତା ହେବାର ପିଟିସନ୍ ରେ ସୁପ୍ରିମକୋର୍ଟ ଶୁଣାଣି ଦେଇଛନ୍ତି। ଶୁଣାଣି ସମୟରେ କୋର୍ଟ ମନ୍ତବ୍ୟ ଦେଇଛନ୍ତି ଯେ ଆମେ ଏହି ପ୍ରସଙ୍ଗରେ ପଶ୍ଚିମ ଦେଶ ଭଳି କରିପାରିବୁ ନାହିଁ | ଏହି ପ୍ରସଙ୍ଗରେ ଆମେ ସେମାନଙ୍କୁ ଅନୁସରଣ କରିପାରିବୁ ନାହିଁ | କୋର୍ଟ ଆହୁରି ମଧ୍ୟ କହିଛନ୍ତି ଯେ ଦେଶରେ ବିବାହ ପ୍ରତିଷ୍ଠାନକୁ ସଂରକ୍ଷଣ କରାଯିବା ଉଚିତ୍। ଆମକୁ ଏହିପରି ଅନୁଷ୍ଠାନଗୁଡିକର ସୁରକ୍ଷା କରିବାକୁ ପଡିବ | ବାସ୍ତବରେ ଜଷ୍ଟିସ୍ ବି.ଭି ନଗରତ୍ନା ଏବଂ ଅଗଷ୍ଟାଇନ ଜର୍ଜ ମସିହଙ୍କ ଦ୍ୱେତ ବେଞ୍ଚ ସମକ୍ଷ ସୋମବାର ସୁପ୍ରିମକୋର୍ଟରେ ଏହି ମାମଲାର ଶୁଣାଣି ହୋଇଥିଲା।

ବିବାହ ବିନା ସରୋଗେସି ମାଧ୍ୟମରେ ଏକାକୀ ମହିଳା ମା’ ହେବାକୁ ଚାହାଁନ୍ତି

ବର୍ତ୍ତମାନର ମାମଲାରେ ଜଣେ ୪୪ ବର୍ଷ ବୟସ୍କା ଅବିବାହିତ ମହିଳା ଏହି ଆବେଦନ କରିଛନ୍ତି। ଆବେଦନକାରୀଙ୍କ ଓକିଲ କୋର୍ଟଙ୍କୁ କହିଛନ୍ତି ଯେ ସେ ବିନା ବିବାହରେ ସରୋଗେସି ମାଧ୍ୟମରେ ମା ହେବାକୁ ଚାହୁଁଛନ୍ତି। ଏପରି ପରିସ୍ଥିତିରେ କୋର୍ଟ ତାଙ୍କୁ ଅନୁମୋଦନ ଦେବା ଉଚିତ୍। ଏହା ଶୁଣି ଡବଲ୍ ବେଞ୍ଚ ପ୍ରଶ୍ନ ଉଠାଇଲା ଯେ ସେ କାହିଁକି ଏପରି କରିବାକୁ ଚାହୁଁଛନ୍ତି, କିନ୍ତୁ ଆମ ଦେଶରେ ମା ହେବାର ଅନେକ ଉପାୟ ଅଛି | କୋର୍ଟ ଏହା ମଧ୍ୟ କହିଛନ୍ତି ଯେ ଆଇନ ଅନୁଯାୟୀ ଯଦି ଜଣେ ମହିଳା ମା ହେବାକୁ ଚାହାଁନ୍ତି ତେବେ ସେ ବିବାହ କରିପାରିବେ। ଏହା ବ୍ୟତୀତ ଏକ ଶିଶୁ ଗ୍ରହଣ କରିବାର ଅଧିକାର ଦେଶର ଆଇନରେ ମଧ୍ୟ ଦିଆଯାଇଛି।

ଆବେଦନରେ ସରୋଗେସିର ଏହି ନିୟମକୁ ଦିଆଗଲା ଚ୍ୟାଲେଞ୍ଜ

ସୂଚନା ଅନୁଯାୟୀ, ଦିଆଯାଇଥିବା ମାମଲା , ସରୋଗେସିର ଧାରା ୨(ଏସ) କୁ ଚ୍ୟାଲେଞ୍ଜ କରାଯାଇଛି ଏବଂ ଏଥିରେ ପରିବର୍ତ୍ତନ ପାଇଁ ଅନୁରୋଧ କରାଯାଇଛି। ଆବେଦନ ଅନୁଯାୟୀ, ଏହି ନିୟମ ଜଣେ ମହିଳାଙ୍କୁ ସରୋଗେସି ମାଧ୍ୟମରେ ମା ହେବାକୁ ଅନୁମତି ଦିଏ ନାହିଁ। ନିୟମ ଅନୁଯାୟୀ, ଦେଶର ଏମିତି ମହିଳା ଯିଏକି ୩୫ ରୁ ୪୫ ବର୍ଷ ବୟସର | ଯେଉଁ ମହିଳା ବିଧବା କିମ୍ବା ତାର ଛାଡପତ୍ର ହୋଇଯାଇଛି ଏବଂ ସେ ମା ହେବାକୁ ଚାହୁଁଛି ତେବେ ଏପରି ଏକାକୀ ମହିଳାଙ୍କୁ ସରୋଗେସି ମାଧ୍ୟମରେ ମା ହେବାକୁ ଅନୁମତି ଦିଆଯାଇନଥାଏ |

https://arajunoroadproject.org/
କଲ୍ଲୋହୁଣ୍ଡୁଳା ନାବାଳକ ହତ୍ୟାକାଣ୍ଡର ପର୍ଦ୍ଦାଫାଶ

ଗତ ଜାନୁଆରୀ ୧୫ ତାରିଖରେ କୋହ୍ଲ ହୁଣ୍ଡୁଳାରେ ହୋଇଥିବା ନାବାଳକ ହତ୍ୟାକାଣ୍ଡର ପର୍ଦ୍ଦାଫାଶ କରିଛି ଯୋଡ଼ା ପୋଲିସ । ଘଟଣାରେ ସଂପୃକ୍ତ କୋହ୍ଲ ହୁଣ୍ଡୁଳା ଗାଁର ଦୁଇ ଭାଇଙ୍କୁ ଗିରଫ କରିଛି ପୋଲିସ୍ । ଏମାନେ ହେଲେ ମୃତ ନାବାଳକଙ୍କ ଭିଣୋଇ ରାମଜାନ ମୁଣ୍ଡା ଓ ତାଙ୍କ ଭାଇ ଜଙ୍କ ମୁଣ୍ଡା ।

ସୂଚନା ଅନୁଯାୟୀ, ରାମଜାନ ୪ ବର୍ଷ ତଳେ ଜାମୁକୁଣ୍ଡିଆର ଏହି ମୃତ ନାବାଳକଙ୍କ ବଡ଼ ଭଊଣୀ ସୁକ୍ରୁମଣିକୁ ବିବାହ କରିଥିଲେ ମଧ୍ୟ ପରେ ପତ୍ନୀଙ୍କ ଛାଡ଼ି ଦେଇଥିଲେ, ଯାହାକୁ ନେଇ ଉଭୟ ପରିବାର ମଧ୍ୟରେ ଅସନ୍ତୋଷ ଲାଗିରହିଥିଲା ।

ଗତ ୧୫ ତାରିଖ ସନ୍ଧ୍ୟାରେ ନାବାଳକ ନିକଟସ୍ଥ କୋହ୍ଲ ହୁଣ୍ଡୁଳା ଗାଁରେ ହେଉଥିବା ମକର ମେଳା ଦେଖିବାକୁ ଯାଇଥିଲେ। ସେଠାରେ ଭିଣୋଇ ରାମଜାନ ମୁଣ୍ଡାଙ୍କ ସହ ତାଙ୍କର ସାକ୍ଷାତ ହୋଇଥିଲା । ଉଭୟ ମିଶି ହାଣ୍ଡିଆ ମଧ୍ୟ ପିଇଥିଲେ । ହେଲେ ପରେ ରାମଜାନ ସୁକ୍ରୁମଣିଙ୍କୁ ଛାଡ଼ିଦେବାକୁ ନେଇ ଉଭୟଙ୍କ ମଧ୍ୟରେ ପାଟି ତୁଣ୍ଡ ହୋଇଥିଲା ।

ଏଥିରେ ଉତ୍କ୍ଷିପ୍ତ ହୋଇ ରାମଜାନ ସେଠାକୁ ସାନଭାଇ ଜଙ୍କ ମୁଣ୍ଡାକୁ ଡାକିଥିଲେ ଓ ଉଭୟ ଭାଇ ମିଶି ନାବାଳକଙ୍କୁ ଜୀବନରୁ ମାରି ପୋଲ ତଳେ ପକାଇଦେଇଥିବା ପୋଲିସ ତଦନ୍ତରୁ ଜାଣିବାକୁପାଇଛି । ଏହାପରେ ଅଭିଯୁକ୍ତ ଦୁଇ ଜଣଙ୍କୁ ଗିରଫ କୋର୍ଟ ଚାଲାଣ କରିଛି । ।