ଗ୍ରୀଷ୍ମ ପ୍ରବାହରେ ରାଜ୍ୟ ରେକର୍ଡ କରିଛି। ରାଜ୍ୟର 5 ସହରର ତାପମାତ୍ରା 40 ଡିଗ୍ରୀରୁ ଅଧିକ ରହିଛି। ଯାହାକୁ ନେଇ ଓୟୁଏଟି ପକ୍ଷରୁ ଚାଷୀଙ୍କ ପାଇଁ ନିର୍ଦ୍ଦେଶନାମା ଜାରି କରାଯାଇଛି। ଚାଷୀଙ୍କୁ ଖରାକୁ ଏଡାଇବା ସହ ଗୃହପାଳିତ ପଶୁଙ୍କ ଉଚିତ ଯତ୍ନ ନେବାକୁ ପରାମର୍ଶ ଦିଆଯାଇଛି। ଏଥିସହ, ଏକ ହେଲ୍ପ ଲାଇନ ନମ୍ବର ଜାରି କରାଯାଇଛି।
ରାଜ୍ୟରେ ମୁଣ୍ଡଫଟା ଖରା ସାଙ୍ଗକୁ ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ଓଡିଶା ୟୁନିଭର୍ସିଟି ଅଫ ଏଗ୍ରିକଲ୍ଚର ଆଣ୍ଡ ଟେକ୍ନୋଲୋଜି (ଓୟୁଏଟି) ପକ୍ଷରୁ ଚାଷୀଙ୍କ ଉଦ୍ଦେଶ୍ୟରେ ଏକ ଆଡଭାଇଜରୀ ଜାରି କରାଯାଇଛି। ଗ୍ରୀଷ୍ମ ପ୍ରବାହ ଯେପରି ଫସଲ ନଷ୍ଟର କାରଣ ନ ହୁଏ ସେଥିପାଇଁ ଓୟୁଏଟି ଏକ ହେଲ୍ପ ଲାଇନ ନମ୍ବର ଜାରି କରିଛି। 13ରୁ 20 ତାରିଖ ପର୍ଯ୍ୟନ୍ତ ଦିନ 10ଟାରୁ 5ଟା ପର୍ଯ୍ୟନ୍ତ ଚାଷୀମାନେ 0674-2397933 ନମ୍ବର ଜାରି କରାଯାଇଛି। ଏହି ନମ୍ବରରେ ଖରା ଜନିତ ସମସ୍ୟା ସମ୍ପର୍କରେ ବୁଝିପାରିବେ ବୋଲି କୁଳପତି ପ୍ରଭାତ ରାଉତ କହିଛନ୍ତି। ଚାଷୀଙ୍କ ସମସ୍ୟାର ସମାଧାନ ଦିଗରେ ଓୟୁଏଟିର ବୈଜ୍ଞାନିକମାନେ ସହଯୋଗ କରିବେ।
ଏଥିସହ ଫସଲକୁ ଅଷ୍ଟପଦୀ ପୋକର ସଂକ୍ରମଣରୁ ରକ୍ଷା କରିବାକୁ୪୦୦ ମିଲି ପ୍ରୋପାରଜାଇଟ ୫୭ ଇସି କିମ୍ବା ୨୦୦ ମିଲି ସ୍ପାଇରୋମେସିଫେନ କୀଟନାଶକ ୨୦୦ ଲିଟର ପାଣିରେ ମିଶାଇ ସିଞ୍ଚନ କରିବା ପାଇଁ କୁହାଯାଇଛି। ଅତ୍ୟଧିକ ଟାଣଖରା ସମୟରେ କୃଷିକାର୍ଯ୍ୟ ଓ ବିକ୍ରିବଟା ସାମୟିକ ସ୍ଥଗିତ କରାଯିବା ପାଇଁ ଓୟୁଏଟି ପରାମର୍ଶ ଦେଇଛି।