ବାଲେଶ୍ବର ଜିଲ୍ଲା ଖଇରା ଅବକାରୀ କର୍ମଚାରୀଙ୍କ ଉପରେ ଆକ୍ରମଣ। ଅବକାରୀ କର୍ମଚାରୀଙ୍କୁ ଆକ୍ରମଣ କରି ମହୁଲି ବ୍ୟବସାୟୀଙ୍କୁ ଛଡାଇ ନେଲେ ଅଂଚଳବାସୀ। ଗତକାଲି କୁପାରୀ ଫରେଷ୍ଟ ଚେକ ଗେଟ ନିକଟରେ ଜଣେ ବ୍ୟକ୍ତି ବେଆଇନ ମହୁଲି ବିକ୍ରି କରୁଥିବା ଖବର ପାଇଥିଲା କଟକ ଫ୍ଳାଇଂ ସ୍କ୍ବାଡ। ଏହା ପରେ ଫ୍ଲାଇଂ ସ୍କ୍ବାଡ, ସୋର ଓ ଖଇରା ଅବକାରୀ ବିଭାଗ ମିଳିତ ଚଢାଉ କରିଥିଲା। ଚଢାଉ ବେଳେ ମିଳିତ ଟିମ୍ ମଦ ଓ ମହୁଲି ଜବତ କରିବା ସହ ୨ଜଣଙ୍କୁ କାବୁ କରିଥିଲେ । ଏହି ସମୟରେ ବହୁ ସଂଖ୍ୟାରେ ସ୍ଥାନୀୟ ବାସିନ୍ଦା ମାଡି ଆସିଥିଲେ ଚଢାଉ ସ୍ଥାନକୁ। ଅବକାରୀ ଗାଡିକୁ ଅଟକାଇ ଆକ୍ରମଣ କରିଥିଲେ କର୍ମଚାରୀଙ୍କ ଉପରେ। ଲୋକଙ୍କ ଏପରି ଅତର୍କିତ ଆକ୍ରମଣ ନେଇ ବିଭାଗ ପୂର୍ବରୁ ଅବଗତ ନ ଥିବାରୁ ଆକ୍ରମଣ ପ୍ରତିହତରେ ବିଫଳ ହୋଇଥିଲା। ଲୋକେ ସମସ୍ତ ଜବତ ସାମଗ୍ରୀ ଓ ଅଭିଯୁକ୍ତଙ୍କୁ ମୁକୁଳାଇ ସେଠାରୁ ଛୁ ମାରିବାରେ ସମର୍ଥ ହୋଇଥିଲେ। ଏ ନେଇ ଖଇରା ଥାନାରେ ଲିଖିତ ଅଭିଯୋଗ କରାଯାଇଛି। ବାରମ୍ବାର ଅବକାରୀ କର୍ମଚାରୀଙ୍କ ଉପରେ ଆକ୍ରମଣ ହେଉଥିବାରୁ ଏହା ଉପରେ ଦୃଢ କାର୍ଯ୍ୟନୁଷ୍ଠାନ ପାଇଁ ଅଂଚଳର ବୁଦ୍ଧିଜୀବୀ ଦାବି କରୁଛନ୍ତି
I don’t think the title of your article matches the content lol. Just kidding, mainly because I had some doubts after reading the article.