ସାମାନ୍ୟ ଗୋଟିଏ କୋବି ପାଇଁ ଚମ୍ପୁଆ ଥାନା ସରାଶପଶିରେ ଜନ୍ମ କଲା ମା’କୁ ବିଦ୍ୟୁତ୍ ଖୁଣ୍ଟରେ ବାନ୍ଧି ମାଡ଼ ମାରିବା ଘଟଣାରେ ଚମ୍ପୁଆ ପୋଲିସ ଅଭିଯୁକ୍ତ ପୁଅକୁ ଗିରଫ କରିଛି। ଅଭିଯୁକ୍ତ ପୁଅ ଶତୃଘ୍ନ ମହାନ୍ତ ବିରୋଧରେ ଦଫା ୩୪୧,୩୪୨ ଓ ୨୯୪ ଆଇପିସି ଲଗାଯାଇଛି। ବୃଦ୍ଧା ଗାଁକୁ ଫେରିଛନ୍ତି। ହେଲେ ପୀଡ଼ିତା ବୃଦ୍ଧାଙ୍କୁ ମେଡ଼ିକାଲରେ ନର୍ସ ଓ କର୍ମଚାରୀଙ୍କ ଉପସ୍ଥିତିରେ ବୋହୂ ମାଡ଼ ମାରିବା ଅଭିଯୋଗ ହୋଇଥିଲେହେଁ ଏନେଇ ପୋଲିସ୍ ବୋହୂଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ନେଇ ନାହିଁ । ଯାହାକୁ ନେଇ ଲୋକଙ୍କ ଭିତରେ ଚାପା ଉତ୍ତେଜନା ଦେଖିବାକୁ ମିଳିଛି। ଅନ୍ୟପଟେ ସୋମବାର ଦିନ ଚମ୍ପୁଆ ପ୍ରଶାସନ ସରାଶପଶି ଗ୍ରାମ ରେ ପହଞ୍ଚି ବୃଦ୍ଧାଙ୍କୁ ଭେଟି ତାଙ୍କ ଭଲମନ୍ଦ ବୁଝିଛନ୍ତି। ଚମ୍ପୁଆ ବିଡ଼ିଓ ସୁନାପଶି ସରପଞ୍ଚ ଓ ପଞ୍ଚାୟତର ଅନ୍ୟ ଅଧିକାରୀମାନେ ପହଞ୍ଚି ତାଙ୍କ ଭଲମନ୍ଦ ବୁଝିବା ସହ ସାନ ବୋହୂଙ୍କୁ ତାଗିଦ କରିଛନ୍ତି। ଏଥିସହ ଗ୍ରାମବାସୀଙ୍କୁ ବୃଦ୍ଧାଙ୍କ ଯତ୍ନ ନେବାକୁ କହିବା ସହ ପୁଅ ଆସି କୌଣସି ଅଘଟଣ ଘଟାଇଲେ ତୁରନ୍ତ ସରପଞ୍ଚଙ୍କୁ ଜଣାଇବାକୁ କହିଛନ୍ତି।
ସମ୍ପୂର୍ଣ୍ଣ ଘଟଣାଟି ଏମିତି ଥିଲା। ଗତ ବୁଧବାର ଦିନ ସାନ ପୁଅ ଶତ୍ରୁଘ୍ନଙ୍କ ବାଡିରୁ କେହି ଗୋଟିଏ କୋବି କାଟି ନେଇଯାଇଥିବା ସେ ଦେଖିବାକୁ ପାଇଥିଲେ। ଏଥିପାଇଁ ସେ ମା’ ସୁଭଦ୍ରାଙ୍କ ଉପରେ ସନ୍ଦେହ କରିଥିଲେ। ଏ ନେଇ ବୁଢ଼ୀ ମା’ଙ୍କୁ ପାଟିତୁଣ୍ଡ କରିଥିଲେ। ଏତିକିରେ ଶତ୍ରୁଘ୍ନଙ୍କ ରାଗ ଶାନ୍ତ ହୋଇ ନ ଥିଲା। ସେ ଗାଁ ଦାଣ୍ଡରେ ଗୋଡେଇ ଗୋଡେଇ ମାଡ ମାରି ଘାଇଲା କରି ଦେଇଥିଲେ ମାଆଙ୍କୁ। ଦିଅର ମାଡ ମାରି ଚାଲିଯିବା ପରେ ଶାଶୁଙ୍କୁ ଘରକୁ ନେଇଥିଲେ ବଡ ବୋହୂ। ଏହା ପରେ ମଧ୍ୟ ଶତ୍ରୁଘ୍ନଙ୍କ ମନ ଭରିନଥିଲା। ଶୁକ୍ରବାର ଦିନ ମାଆଙ୍କୁ ଘରୁ ଘୋଷାଡି ଆଣି ଘର ଆଗରେ ଥିବା ଇଲେକ୍ଟ୍ରି ଖୁଣ୍ଟରେ ବାନ୍ଧି ପକାଇ ଏକ ବାଉଁଶରେ ପିଟିଚାଲିଥିଲେ । ଶତ୍ରୁଘ୍ନଙ୍କ ଏପରି ଅମାନବୀୟକାଣ୍ଡ ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ପୁଲିସ ପହଞ୍ଚି ବୃଦ୍ଧାଙ୍କୁ ଉଦ୍ଧାର କରି ବାସୁଦେବପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲା । ସାନ ପୁଅ ଓ ବୋହୂ ଡାକ୍ତରଖାନାକୁ ଯାଇଥିଲେ। ସେଠାରେ ମଧ୍ୟ ବୃଦ୍ଧାଙ୍କୁ ମରଣାନ୍ତକ ଆକ୍ରମଣ କରିବାକୁ ପଛାଇ ନଥିଲେ ବୋହୂ ।
Thank you for your sharing. I am worried that I lack creative ideas. It is your article that makes me full of hope. Thank you. But, I have a question, can you help me? https://www.binance.com/register?ref=QCGZMHR6