Category: ଜିଲ୍ଲା

ଗାଧୋଇବା ହେଲା କାଳ…ନଦୀରେ ବୁଡ଼ିଯାଇ ୩ ଛାତ୍ରଙ୍କ ଗଲା ଜୀବନ

ନଦୀରେ ଗାଧୋଇବା ହେଲା କାଳ । ଅକାଳରେ ଚାଲିଗଲା ୩ ଜୀବନ । ୨ ଜଣଙ୍କୁ ମୃତ୍ୟୁମୁଖରୁ ଉଦ୍ଧାର କଲେ ସ୍ଥାନୀୟ ଲୋକେ । ଗାଁରେ ଶୋକାକୁଳ ପରିବେଶ । ଏଭଳି ଏକ ଦୁଃଖଦ ଘଟଣା ଘଟିଛି ଭଦ୍ରକ ଗ୍ରାମାଞ୍ଚଳ ଥାନା ଲାଙ୍ଗୁଡ଼ି ଅଞ୍ଚଳରେ ।

ସମୟ ପ୍ରାୟ ଅପରାହ୍ଣ ଗୋଟାଏ । ଗ୍ରାମାଞ୍ଚଳ ଥାନା ଲାଙ୍ଗୁଡ଼ି ଅଞ୍ଚଳ ଦେଇ ଯାଇଥିବା ନାଳିଆ ନଦୀକୁ ଗାଧୋଇବାକୁ ଯାଇଥିଲେ ୫ ଜଣ ଛାତ୍ର । ବିଧିର ବିଧାନ କିନ୍ତୁ ଆଉ କିଛି ଥିଲା । ହଠାତ୍ ସେମାନେ ନଦୀରେ ବୁଡ଼ିଗଲେ । ଚିତ୍କାର କଲେ ମାତ୍ର ପତ୍ତା ମିଳିଲାନି । ସଙ୍ଗେ ସଙ୍ଗେ ଉଦ୍ଧାର କାର୍ଯ୍ୟ ଆରମ୍ଭ ହେଲା । ୫ ଜଣଙ୍କୁ ଉଦ୍ଧାର କଲେ ସ୍ଥାନୀୟ ଲୋକେ । ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଗଲା । କିନ୍ତୁ ସେଠାରେ ୩ ଛାତ୍ରଙ୍କ ଜୀବନ ଚାଲିଗଲା । ୨ ଛାତ୍ରଙ୍କ ଜୀବନ ରହିଲା, ଚିକିତ୍ସା (treatment)ପରେ ଘରକୁ ଫେରିଲେ ।

ମୃତକମାନେ ହେଲେ ପ୍ରଣୟ କୁମାର ଲେଙ୍କା, ସ୍ମୃତି ରଞ୍ଜନ ସ୍ୱାଇଁ ଓ ରଜତ କୁମାର ଜେନା । ସମସ୍ତଙ୍କ ବୟସ ପାଖାପାଖି ୧୭ ବର୍ଷ ହେବ । ସମସ୍ତେ ଚରମ୍ପା ମହାବିଦ୍ୟାଳୟର ଛାତ୍ର (student) ଥିବାବେଳେ ଜୀବନ ହରାଇଛନ୍ତି । ମୃତ ପ୍ରଣୟଙ୍କ ଘର ହରିପୁର ଗାଁରେ ହୋଇଥିବା ବେଳେ ସ୍ମୃତି ଓ ରଜତଙ୍କ ଘର କୋରକୋରାରେ । ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନାରେ ପହଞ୍ଚିବା ବେଳେ ୩ ଜଣଙ୍କ ମୃତ୍ୟୁ ଘଟିଥିଲା । କେବଳ ଯାଞ୍ଚ କରି ମୃତ ଘୋଷଣା କରାଗଲା ବୋଲି କହିଛନ୍ତି ଡାକ୍ତର ପି.କେ ଖାରା । ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ପ୍ରକୃତ କାରଣ ଜଣାପଡ଼ିବ ବୋଲି ସେ କହିଛନ୍ତି ।
ଝାରସୁଗୁଡ଼ା ଦାୟିତ୍ୱରେ ବିଜେଡିର ୩ ନେତା…କାହାକୁ ମିଳିବ କଂଗ୍ରେସ,ବିଜେପି ଟିକେଟ ?

BJD

ଝାରସୁଗୁଡ଼ା ଉପନିର୍ବାଚନ(bypoll) ପାଇଁ ବିଜେଡି ପକ୍ଷରୁ ୩ ବରିଷ୍ଠ ନେତାଙ୍କୁ ଦାୟିତ୍ୱ ଦିଆଯାଇଛି । ପୂର୍ବତନ ସାଂସଦ ପ୍ରସନ୍ନ ଆଚାର୍ଯ୍ୟ, ସାରଦା ପ୍ରସାଦ ନାୟକ ଓ ବିଧାୟକ ଦେବୀ ପ୍ରସାଦ ମିଶ୍ରଙ୍କୁ ପର୍ଯ୍ୟବେକ୍ଷକ ଭାବେ ନିଯୁକ୍ତି ଦେଇଛି ବିଜୁ ଜନତା ଦଳ(BJD) । ପୂର୍ବରୁ ସାରଦା ପ୍ରସାଦ ନାୟକଙ୍କୁ ଝାରସୁଗୁଡ଼ା ଜିଲ୍ଲା ପର୍ଯ୍ୟବେକ୍ଷକ ଭାବେ ନିଯୁକ୍ତି ଦିଆଯାଇଥିଲା ।

ଝାରସୁଗୁଡ଼ା ଉପନିର୍ବାଚନ ପାଇଁ ବିଜେଡି ସ୍ୱତନ୍ତ୍ର ରଣନୀତି କରିଛି । ଆସନ ହାତେଇବା ଲକ୍ଷ୍ୟରେ ସ୍ୱର୍ଗତଃ ନବ କିଶୋର ଦାସଙ୍କ ଝିଅ ଦୀପାଳି ଦାସଙ୍କୁ ପ୍ରାର୍ଥୀ କରିଛି ବିଜେଡି । ମେ’ ୧୦ରେ ଉପନିର୍ବାଚନ ପାଇଁ ଭୋଟିଂ ହେବ । ଏପ୍ରିଲ ୧୩ ତାରିଖରେ ଗେଜେଟ୍ ବିଜ୍ଞପ୍ତି ପ୍ରକାଶ ପାଇବା ସହିତ ନାମାଙ୍କନପତ୍ର ଦାଖଲ ପ୍ରକ୍ରିୟା ଆରମ୍ଭ ହେବ ।

ଗତ ଜାନୁଆରୀ ୨୯ ତାରିଖରେ ତତ୍‌କାଳୀନ ସ୍ୱାସ୍ଥ୍ୟମନ୍ତ୍ରୀ ନବ କିଶୋର ଦାସଙ୍କୁ ଗୁଳି କରି ହତ୍ୟା କରାଯାଇଥିଲା । ସ୍ୱାସ୍ଥ୍ୟମନ୍ତ୍ରୀଙ୍କ ମୃତ୍ୟୁ ପରେ ଝାରସୁଗୁଡ଼ା ବିଧାନସଭା ଆସନଟି ଖାଲି ପଡ଼ିଥିଲା । ଉପନିର୍ବାଚନ କରିବା ପାଇଁ ଗତ ମାର୍ଚ୍ଚ ୨୯ ତାରିଖରେ ନିର୍ବାଚନ କମିଶନ ତାରିଖ ଘୋଷଣା କରିଥିଲେ । ତେବେ ପ୍ରଥମେ ବିଜେଡି ପକ୍ଷରୁ ପ୍ରାର୍ଥୀ ଘୋଷଣା ସରିଛି । ଏଯାଏ କଂଗ୍ରେସ ଓ ବିଜେପି ନିଜ ନିଜ ପ୍ରାର୍ଥୀଙ୍କ ନାଁ ଘୋଷଣା କରିନାହାଁନ୍ତି ।
କାସଭି ଷ୍ଟିଲ୍ ପ୍ଲାଣ୍ଟକୁ ମଞ୍ଜୁରୀ

ଏହା ମୋର ସ୍ୱପ୍ନ’ର ପ୍ରୋଜେକ୍ଟ : ଇଂ.ଦେବବ୍ରତ

KASVI GROUP CHAIRMAN

project,green signal,approval,investment
ଉତ୍କଳ ଦିବସ ଅବସରରେ କେନ୍ଦୁଝର ପାଇଁ ଦୁଇଟି ଷ୍ଟିଲ ପ୍ଲାଣ୍ଟ ପ୍ରକଳ୍ପ(project)କୁ ମଞ୍ଜୁରୀ ମିଳିଛି । କାସଭି ପାୱାର ଆଣ୍ଡ ଷ୍ଟିଲ ପ୍ରାଇଭେଟ ଲିମଟେଡ (Kasvi Power and Steel Private Limited) ଏବଂ ସୁପର ସ୍ମେଲଟର ଲି‌ମିଟେଡକୁ ଗ୍ରୀନ୍ ସିଗନାଲ (green signal) ଦେଇଛନ୍ତି ରାଜ୍ୟ ସରକାର । ବାରମ୍ବାର ଦାବି ପରେ ଆଜି ସରକାର ଏହାକୁ ଅନୁମୋଦନ(approval) କରିଛନ୍ତି ।

ସୂଚନା ଅନୁସାରେ କାସଭି ପାୱାର ଆଣ୍ଡ ଷ୍ଟିଲ ଲିମିଟେଡ୍ ଝୁମ୍ପୁରା ତହସିଲ ଅଞ୍ଚଳରେ ପ୍ରତିଷ୍ଠା ହେବ । ଏଥିପାଇଁ ୧୮୦୦ କୋଟି ଟଙ୍କା ପୁଞ୍ଜି ନିବେଶ (investment)କରାଯିବ । ଷ୍ଟିଲ ପ୍ଲାଣ୍ଟର କ୍ଷମତା ରହିବ ୦.୫୫ ଏମ୍‌ଟିପିଏ । ୩୫୦୦ ବେକାର ଯୁବକଯୁବତୀଙ୍କ ଏଠାରେ ନିଯୁକ୍ତି ମିଳିବ ବୋଲି ସରକାରଙ୍କ ପକ୍ଷରୁ ସୂଚନା ମିଳିଛି ।

ଏ ସମ୍ପର୍କରେ କାସଭି ଗ୍ରୁପ୍ ଚେୟାରମ୍ୟାନ୍ ଇଞ୍ଜିନିୟର ଦେବବ୍ରତ ବେହେରା କହିଛନ୍ତି କେନ୍ଦୁଝରରେ ଏକ ଇଣ୍ଟିଗ୍ରେଟେଡ୍ ଷ୍ଟିଲ୍ ପ୍ଲାଣ୍ଟ ପ୍ରତିଷ୍ଠା କରିବା ମୋର ସ୍ୱପ୍ନ (dream)ଥିଲା । ଯଦିଓ ପୂର୍ବରୁ ଏକାଧିକ ସ୍ପଞ୍ଜ ଆଇରନ୍ ପ୍ଲାଣ୍ଟ, ଲୁହାପଥର ଖଣି, ମାଙ୍ଗାନିଜ୍ ଖଣି କାସଭି ଗ୍ରପୁପ ମାଲିକାନାରେ ରହିଛି ମାତ୍ର ଏହି ଇଣ୍ଟିଗ୍ରେଟେଡ ଷ୍ଟିଲ ପ୍ଲାଣ୍ଟ କେନ୍ଦୁଝରର ବେକାର ଯୁବକଯୁବତୀମାନଙ୍କୁ ନିଯୁକ୍ତି ଦେବାରେ ସହାୟକ ବୋଲି ସେ କହିଛନ୍ତି ।

ସେହିପରି, ସୁପର ସ୍ମଲ୍ଟର ଲିମିଟେଡ ପକ୍ଷରୁ ୧.୮ ଏମଟିିପିଏ କ୍ଷମତା ବିଶିଷ୍ଟ ଷ୍ଟିଲ୍ ପ୍ଲାଣ୍ଟ ପ୍ରତିଷ୍ଠା ହେବ । ଏଥିରେ ୫୪୦୦ କୋଟି ଟଙ୍କା ପୁଞ୍ଜି ନିବେଶ ହେବାକୁ ଥିବାବେଳେ ୧୯୦୦୦ ନିଯୁକ୍ତି ମିଳିବ ।
ଘଷିପୁରାରେ ବଢୁଛି କ୍ରାଇମ…’ଅଭିଯୁକ୍ତମାନଙ୍କୁ ଗିରଫ କର’

କେନ୍ଦୁଝର ରାମଚନ୍ଦ୍ରପୁର ଥାନା ଅନ୍ତର୍ଗତ ଶାଳଦେଇ ବାଲିଘାଟ ବିବାଦ(BalighatDispute)ରୁ ହତ୍ୟା ଶିକାର ହୋଇଥିବା ମଲ୍ଲି ଜେନାଙ୍କ ହତ୍ୟାକାରୀଙ୍କୁ ଶୀଘ୍ର ଗିରଫ କରାଯାଉ । ଏଥିସହ ମାଷ୍ଟରମାଇଣ୍ଡ(mastermind)କୁ ତଦନ୍ତ ପରିସରଭୁକ୍ତ କରିବାକୁ ଜୋରଦାର ଦାବି ହୋଇଛି ।

ଗତ ମାର୍ଚ୍ଚ ୨୨ ତାରିଖରେ ଘଷିପୁରା ନିର୍ବାଚନମଣ୍ଡଳୀ ଶାଳଦେଇ ଗାଁରେ ବେଆଇନ୍ ବାଲିଘାଟକୁ ଜୋରଦାର ବିରୋଧ (strong protest)ହୋଇଥିଲା । ଶତାଧିକ ମହିଳା ବାଲିଘାଟକୁ ବିରୋଧ କରିଥିବା ବେଳେ ସେମାନଙ୍କୁ ମରଣାନ୍ତକ ଆକ୍ରମଣ ହୋଇଥିବା ଅଭିଯୋଗ ହୋଇଥିଲା । ବାଲି ମାଫିଆ, ଘଷିପୁରା ବ୍ଲକ୍ ଅଧ୍ୟକ୍ଷାଙ୍କ ସ୍ୱାମୀ ଏବଂ କିଛି ଯୁବକ ଏଥିରେ ସାମିଲ ଥିଲେ । ତେବେ ଘଟଣାରେ ମଲ୍ଲି ଜେନାଙ୍କ ଡାହାଣ ଗୋଡ଼କୁ ହାଣି ଦେଇଥିଲେ ଦୁର୍ବୃତ୍ତ । କଟକରେ ୬ ଦିନ ରହିବା ପରେ ଗତକାଲି ତାଙ୍କର ମୃତ୍ୟୁ ହୋଇଛି । ଜୁଲାଇ ୧୪, ୨୦୨୨ରେ ସୁନନ୍ଦା ସେଠୀ ନାମକ ଯୁବକଙ୍କୁ ଗୁଳିକରି ହତ୍ୟା କରାଯାଇଥିଲା । ନିର୍ବାଚନମଣ୍ଡଳୀରେ ଅପରାଧ (crime)ବଢୁଥିବା ବେଳେ କୌଣସି କାର୍ଯ୍ୟାନୁଷ୍ଠାନ ନିଆଯାଉନଥିବା ଅଭିଯୋଗ ହୋଇଛି । ତୁରନ୍ତ ଅଭିଯୁକ୍ତମାନଙ୍କୁ ଗିରଫ କରିବା ପାଇଁ ବିଜେପି ପକ୍ଷରୁ ଏସପିଙ୍କୁ ଦାବିପତ୍ର (demand letter)ଦିଆଯାଇଛି ।
କେମିତି ମଲେ ଡାକ୍ତରୀ ଛାତ୍ର ?..୫ ମହଲା ବିଲ୍ଡିଂ ତଳେ ମୃତଦେହ

MEDICAL STUDENT DIED

ବାଲେଶ୍ୱର ରେମୁଣାସ୍ଥିତ ଫକୀରମୋହନ ମେଡିକାଲ କଲେଜ ବିଲ୍ଡିଂ ତଳୁ ଜଣେ ଡାକ୍ତରୀ ଛାତ୍ର (Medical Student)ଙ୍କ ମୃତଦେହ ଉଦ୍ଧାର ହୋଇଛି । ତାଙ୍କ ନାଁ ହିତେଷ୍ଣୁ ଦାସ । ସେ ତୃତୀୟ ବର୍ଷର ଏମବିବିଏସ ଛାତ୍ର । ଗତକାଲି ରାତି ପ୍ରାୟ ୩ଟା ବେଳେ ଏହି ଘଟଣା ଘଟିଥିଲା । ଶିଳ୍ପାଞ୍ଚଳ ଥାନା ପୋଲିସ ଶବ ବ୍ୟବଚ୍ଛେଦ (post-mortem)ପାଇଁ ପଠାଇବା ସହ ତଦନ୍ତ ଜାରି ରଖିଛି ।

ଫକୀରମୋହନ ମେଡିକାଲ କଲେଜ ଛାତ୍ରାବାସର ୩ ନମ୍ବର ରୁମରେ ରହୁଥିଲେ ହିତେଷ୍ଣୁ । ଗତକାଲି ରାତିରେ ଅନ୍ୟ ସାଙ୍ଗମାନଙ୍କ ସହ ଖାଇପିଇ ଶୋଇଥିଲେ । ତେବେ ରାତି ସାଢ଼େ ୩ଟା ବେଳେ କ୍ୟାମ୍ପସର ୩ ଜଣ ଛାତ୍ର ବାଲେଶ୍ୱର ଷ୍ଟେସନ ଆସୁଥିବା ବେଳେ ୫ ମହଲା ବିଶିଷ୍ଟ ଏକାଡେମିକ ବିଲ୍ଡିଂ (academic building)ତଳେ ହିତେଷ୍ଣୁଙ୍କ ମୃତଦେହ ପଡ଼ିଥିଲା । ସେମାନେ କଲେଜ କର୍ତ୍ତୃପକ୍ଷ ଏବଂ ଶିଳ୍ପାଞ୍ଚଳ ଥାନା ପୋଲିସକୁ ଖବର ଦେଇଥିଲେ । ମୃତ୍ୟୁ ପଛରେ ପ୍ରକୃତ ରହସ୍ୟ (real secret) କ’ଣ ସେ ନେଇ କାରଣ ଏଯାଏ ସ୍ପଷ୍ଟ ହୋଇନି ।

ହତ୍ୟା ନା ଆତ୍ମହତ୍ୟା, ନା ଅସାବଧାନତା ମୃତ୍ୟୁର କାରଣ ସେ ନେଇ ପୋଲିସ ତଦନ୍ତ ପ୍ରକ୍ରିୟାକୁ ତ୍ୱରାନ୍ୱିତ (speeded up) କରିଛି । ମୃତ ଛାତ୍ର ହିତେଷ୍ଣୁଙ୍କ ଘର ବାଲେଶ୍ୱର ସଦର ଥାନା ଅଧିନ ଭୀମପୁରା ଗାଁରେ । ତାଙ୍କ ବାପା ଚନ୍ଦ୍ରକାନ୍ତ ଦାସ ଜିଲ୍ଲା ପୋଲିସ ମୁଖ୍ୟାଳୟରେ ମୁଖ୍ୟ କିରାଣି ଭାବେ ଚାକିରି କରିଥିଲେ । କିଛିମାସ ପୂର୍ବେ ସେ ଅବସର ନେଇଛନ୍ତି ।
‘ନିଖୋଜ ନା ହତ୍ୟା’ ?…ମାଟି ତଳୁ ମିଳିଲା କଙ୍କାଳ

ARREST

ମଣିଷ ବେଳେବେଳେ ଏମିତି କାମ କରେ ଯାହା କଳ୍ପନା ବାହାରେ (beyond imagination)ଥାଏ । ଜଣେ ବ୍ୟକ୍ତି ବିଦ୍ୟୁତ୍ ତାର ସଂସ୍ପର୍ଶରେ ପ୍ରାଣ ହରାଇବା ପରେ ଅଭିଯୁକ୍ତମାନେ ତାଙ୍କୁ ଗାତ ଖୋଳି ପୋତିଦେଲେ । ଘଟଣାର ୭ ମାସ ପରେ ପ୍ରକୃତ ତଥ୍ୟ (real facts)ସାମ୍ନାକୁ ଆସିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।

ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ସାନ୍ଦା ଫାଣ୍ଡି ବାଲିପସି ଗାଁରେ ବାରହା ଶିକାର ପାଇଁ ବିଦ୍ୟୁତ୍ ତାର ବିଛାଯାଇଥିଲା(scattered) । ଏହା ସଂସ୍ପର୍ଶରେ ଆସି ସନାତନ ବେହେରାଙ୍କ ମୃତ୍ୟୁ ହୋଇଥିଲା । ଜୀବନ ହାରିବା ପରେ ଗିରଫ ଭୟରେ ଅଭିଯୁକ୍ତମାନେ ତାଙ୍କୁ ଗାତ ଖୋଳି ପୋତି (buried)ଦେଇଥିଲେ । ସେପଟେ, ସ୍ୱାମୀ ନିଖୋଜ ଥିବା ନେଇ ସ୍ତ୍ରୀ ରୀନା ବେହେରା ଥାନାରେ ଏତଲା ଦେଇଥିଲେ । ଏହାକୁ ଆଧାର କରି ପୋଲିସ ତଦନ୍ତ ଜାରି ରଖିଥିଲା ।

ଦୀର୍ଘ ୭ ମାସ ପରେ ଜଣେ ଅଭିଯୁକ୍ତ ସନାତନଙ୍କୁ ହତ୍ୟା(killed) କରିଥିବା ନେଇ ପତ୍ନୀ ରୀନାଙ୍କୁ କହିଥିଲେ । ଏଭଳି ଖବର ନେଇ ପୁଣି ଥାନାର ଦ୍ୱାରସ୍ଥ ହୋଇଥିଲେ ମହିଳା । ଘଟଣାରେ ପୋଲିସ ୩ ଅଭିଯୁକ୍ତଙ୍କ ମଧ୍ୟରୁ ସଞ୍ଜୟ ଦେହୁରୀ ଓ ପିଲୁ ସେଠୀ ୨ ଜଣଙ୍କୁ ଗିରଫ (arrested) କରାଯାଇଛି । ପୋଲିସ ଅଭିଯୁକ୍ତଙ୍କୁ ନେଇ ସାଇଣ୍ଟିଫିକ ଟିମ୍ ଓ ମାଜିଷ୍ଟ୍ରେଟଙ୍କ ଉପସ୍ଥିତରେ ପୋତା ଯାଇଥିବା ଜାଗାରୁ ମାଟି ଖୋଳି ବାହାର କରିଛି । ମୃତ ସନାତନଙ୍କ ହାଡ଼ କଙ୍କାଳ (skeleton) ମିଳିଛି । ଦୋଷୀଙ୍କୁ କଠୋର ଦଣ୍ଡ ଦେବା ପାଇଁ ପରିବାର ଲୋକେ ଦାବି କରିଛନ୍ତି ।
ହଷ୍ଟେଲରୁ ଛାତ୍ରୀଙ୍କ ମୃତଦେହ ଉଦ୍ଧାର..ସହିପାରୁନଥିଲେ ସହପାଠୀ, ହତ୍ୟା ଅଭିଯୋଗ

ଯାଜପୁର ସରକାରୀ ପଲିଟେକନିକ ବିରଜା ହଷ୍ଟେଲରୁ ଜଣେ ଛାତ୍ରୀଙ୍କ ଝୁଲନ୍ତା ମୃତଦେହ (hanging body)ଉଦ୍ଧାର କରାଯାଇଛି। ମୃତ ଛାତ୍ରୀ ଇଲେକ୍ଟ୍ରିକାଲ ବିଭାଗ ତୃତୀୟ ବର୍ଷର ରୋଜାଲିନ୍ ପାତ୍ର । ଯାଜପୁର ଜେନାପୁର ଥାନା ଷେଣ୍ଢପୁର ଗାଁର ଅମୂଲ୍ୟ ପାତ୍ରଙ୍କ ଝିଅ ରୋଜାଲିନ ଜଣେ ମେଧାବୀ ଛାତ୍ରୀ (brilliant student)ଭାବେ ବେଶ୍ ଜଣାଶୁଣା ଥିଲେ । ସେଥିପାଇଁ ସେ ଓ ତାଙ୍କ ପରିବାର ଲୋକେ ଏବଂ ସମ୍ପର୍କୀୟମାନେ ବହୁତ ଖୁସି ଥିଲେ । ତେବେ ଛାତ୍ରୀଙ୍କ ମୃତ୍ୟୁ କେମିତି ହେଲା ତାହା ଏଯାଏ ଅସ୍ପଷ୍ଟ (unclear)ରହିଛି ।

ସେପଟେ, ରୋଜାଲିନଙ୍କୁ ମାରି ଝୁଲାଇ ଦିଆଯାଇଥିବା ପରିବାର ଲୋକେ ଅଭିଯୋଗ ଆଣିଛନ୍ତି । ଛାତ୍ରୀଜଣଙ୍କ ୪ଟି କ୍ୟାମ୍ପସ ପାଇଥିବାରୁ ତାଙ୍କ ସହପାଠୀମାନେ ଈର୍ଷା (jealous)କରୁଥିଲେ । ବିଭିନ୍ନ ସମୟରେ ହଇରାଣ କରିବା ସହ ଧମକଚମକ (harassment and threats)ଦେଉଥିବା ଅଭିଯୋଗ ଆସିଛି । ପୂର୍ବରୁ ଜଣେ ଛାତ୍ର ରୋଜାଲିନଙ୍କୁ ମାଡ଼ ମାରିବା ସହ ଅଶ୍ଳୀଳ ମେସେଜ୍ ପଠାଇଥିବା କହିଛନ୍ତି ତାଙ୍କ ମା’। ଘଟଣା ପାଇଁ କଲେଜ କର୍ତ୍ତୃପକ୍ଷ ମଧ୍ୟ ଦାୟୀ ବୋଲି ପରିବାର ଲୋକେ କହିଛନ୍ତି । ପୋଲିସ ଘଟଣାର ଖୋଳତାଡ଼ କରୁଛି ।
CRPF ଯବାନଙ୍କ ଆତ୍ମହତ୍ୟା ! …କାରଣ ଖୋଜୁଛି ପୋଲିସ

ଡ୍ୟୁଟିରେ ଥିବା ବେଳେ ଅଘଟଣ । ନିଜ ବନ୍ଧୁକରୁ ଗୁଳି କରି (firing his gun)ଜଣେ ସିଆରପିଏଫ୍ ଯବାନ ଆତ୍ମହତ୍ୟା କରିଥିବା (committed suicide)ଅଭିଯୋଗ ହୋଇଛି । ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଜଗଦଲପୁର ଥାନା ଅଞ୍ଚଳରେ ଏଭଳି ଘଟଣା ଘଟିଛି ।

ଆତ୍ମହତ୍ୟା କରିଥିବା ସିଆରପିଏଫ୍ ଯବାନ ପଶ୍ଚିମବଙ୍ଗର ପ୍ରସନ୍ନଜିତ ପାଳ । ସେ ଜଗଦଲପୁରରେ ଥିବା ସିଆରପିଏଫ୍ କ୍ୟାମ୍ପରେ ଡ୍ୟୁଟି କରୁଥିଲେ । ଗତକାଲି ରାତି ୧୦ଟାରୁ ତାଙ୍କ ଡ୍ୟୁଟି ସୁରକ୍ଷା ଟାୱାର (security tower)ଉପରେ ରହିଥିଲା । ତେବେ ଏହି ସମୟରେ ସେ ବନ୍ଧୁକରୁ ଗୁଳି କରି ଆତ୍ମହତ୍ୟା କରିଛନ୍ତି । ତାଙ୍କୁ ପଦ୍ମପୁର ଡାକ୍ତରଖାନାକୁ ଅଣାଯାଇଥିଲା । ତେବେ ଘଟଣାର ପ୍ରକୃତ କାରଣ (actual cause)ସ୍ପଷ୍ଟ ହୋଇନଥିବା ବେଳେ ତଦନ୍ତ (investigation) ଜାରି ରହିଛି ।