ପୂର୍ବତନ କଂଗ୍ରେସ ଅଧକ୍ଷ ରାହୁଲ ଗାନ୍ଧୀଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏଥିରେ ସେ ତାଙ୍କ ରାଲିରେ କୁକୁରକୁ ବିସ୍କୁଟ ଖାଇବାକୁ ଦେଉଥିବାର ନଜର ଆସିଛନ୍ତି। ଯେତେବେଳେ କୁକୁରଟି ସେହି ବିସ୍କୁଟ ନ ଖାଏ ସେତେବେଳେ ସେହି କୁକୁରର ପାଟି ଦେଇଥିବା ବିସ୍କୁଟକୁ ନିଜ କର୍ମୀଙ୍କୁ ଧରାଇ ଦିଅନ୍ତି , ଏବଂ ତା’ପରେ ତା ସହିତ ପ୍ରେମରେ କଥାବାର୍ତ୍ତା ଆରମ୍ଭ କରିଦିଅନ୍ତି ।
ରାହୁଲ ଗାନ୍ଧୀଙ୍କ ଏହି ଭିଡିଓ କ୍ୟାମେରାରେ କଏଦ ହେବା ପରେ ବର୍ତ୍ତମାନ ବଡ ନେତାମାନେ ସୋସିଆଲ ମିଡିଆରେ ଏହା ଉପରେ ମନ୍ତବ୍ୟ ଦେଉଛନ୍ତି। ବିଜେପି ନେତା ଅମିତ ମାଲଭିଆ ଏହି ଭିଡିଓ ସେୟାର କରି କହିଛନ୍ତି, “କିଛି ଦିନ ପୂର୍ବରୁ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡ଼ଗେ ଦଳର ବୁଥ ଏଜେଣ୍ଟମାନଙ୍କୁ କୁକୁରମାନଙ୍କ ସହ ତୁଳନା କରିଥିଲେ ଏବଂ ଏଠାରେ ରାହୁଲ ଗାନ୍ଧୀ ତାଙ୍କ ଗସ୍ତ ସମୟରେ କୁକୁରକୁ ବିସ୍କୁଟ ଖୁଆଉଛନ୍ତି ଏବଂ ଯେତେବେଳେ କୁକୁର ଖାଇନଥିଲା, ସେତେବେଳେ ସେ ତାଙ୍କ କର୍ମଚାରୀଙ୍କୁ ସେହି ବିସ୍କୁଟ ଦେଇଥିଲେ।”
ବିଜେପି ନେତା କହିଛନ୍ତି, “ଯେଉଁ ଦଳ ଯାହାର ଅଧକ୍ଷ ଏବଂ ଯୁବରାଜ ନିଜ ଦଳର କର୍ମୀଙ୍କୁ କୁକୁର ଭଳି ବ୍ୟବହାର କରନ୍ତି, ତେବେ ଏପରି ଦଳ ଲୁପ୍ତ ହେଇଯିବା ସ୍ୱାଭାବିକ।”
ସେହିଭଳି ପଲ୍ଲଭି ସିଟି ଲେଖିଛନ୍ତି, “କେତେ ଲଜ୍ଜାଜନକ। ପ୍ରଥମେ ରାହୁଲ ଗାନ୍ଧୀ ତାଙ୍କ କୁକୁରର ଥାଳିରୁ ହିମନ୍ତ ବିଶ୍ୱ ସର୍ମାଙ୍କୁ ବିସ୍କୁଟ ଖୁଇବାକୁ ଚେଷ୍ଟା କରିଥିଲେ। ତା’ପରେ କଂଗ୍ରେସ ଅଧକ୍ଷ ଖଡ଼ଗେ ଦଳର କର୍ମୀଙ୍କୁ କୁକୁରମାନଙ୍କ ସହ ତୁଳନା କରିଥିଲେ ଏବଂ ବର୍ତ୍ତମାନ ଯୁବରାଜ ଦଳୀୟ କର୍ମଚାରୀଙ୍କୁ କୁକୁର ଖିଆ ବିସ୍କୁଟ ଦେଉଛନ୍ତି। ଏହି ଲୋକମାନେ ସେମାନଙ୍କର ଦଳର କର୍ମୀ, ସମର୍ଥକ ଏବଂ ଭୋଟରଙ୍କୁ ସମ୍ମାନ କରନ୍ତି କି? ”
ପଲ୍ଲବୀଙ୍କ ଟ୍ୱିଟକୁ ନେଇ ହିମନ୍ତ ବିଶ୍ବା ଶର୍ମା ମଧ୍ୟ ପ୍ରତିକ୍ରିୟା ପ୍ରକାଶ କରି କହିଛନ୍ତି ଯେ କେବଳ ରାହୁଲ ଗାନ୍ଧୀ ନୁହଁନ୍ତି ବରଂ ତାଙ୍କ ପୁରା ପରିବାର ମୋତେ ସେହି ବିସ୍କୁଟ ଖୁଆଇ ପାରିବେ ନାହିଁ। ମୁଁ ଜଣେ ଗୌରବନିତା ଆସାମୀୟ ଏବଂ ଭାରତୀୟ | ମୁଁ ଏହାକୁ ଖାଇବାକୁ ମନା କରି କଂଗ୍ରେସରୁ ଇସ୍ତଫା ଦେଇଥିଲି। ”