ରଥଯାତ୍ରାକୁ ନେଇ ଚଳଚଂଚଳ ଯାଜପୁରର ପ୍ରମୁଖ ଶକ୍ତି ପୀଠ ବିରଜା କ୍ଷେତ୍ର । ଦଶହରା ଅବସରରେ ଏହି ପୀଠରେ ମାଙ୍କ ରଥଯାତ୍ରା ୯ ଦିନ ବ୍ୟାପୀ ଅନୁଷ୍ଠିତ ହୁଏ । ସୁନିଆ ପର ଦିନରୁ ମାଙ୍କ ରଥ ନିର୍ମାଣ କାର୍ଯ୍ୟ ଆରମ୍ଭ ହୋଇଥାଏ । ଏଥିପାଇଁ ମହାରଣା ମାନେ ରଥର ନିର୍ମାଣରେ ଲାଗିଛନ୍ତି । ମାଙ୍କ ମନ୍ଦିର ବେଢ଼ା ଚତୁଃପାର୍ଶ୍ୱରେ ଶ୍ରଦ୍ଧାଳୁ ମାନେ ରଥକୁ ଟାଣିଥାନ୍ତି ।
ଏବେ ଚାଲିଛି ପିତୃପୁରୁଷଙ୍କ ପିଣ୍ଡଦାନ ପକ୍ଷ । ପିଣ୍ଡଦାନ ପାଇଁ ଭାରତର ୩ଟି କ୍ଷେତ୍ର ରହିଥିବା ବେଳେ ଯାଜପୁରର ଅଧିଷ୍ଠାତ୍ରୀ ଦେବୀ ମା ବିରଜାଙ୍କ ପୀଠରେ ଥିବା ନାଭିଗୟା ଅନ୍ୟତମ । ବର୍ତମାନ ମହାଳୟା ଅବସରରେ ପିଣ୍ଡଦାନ ପକ୍ଷ ଥିବାରୁ ଦୈନିକ ଶହଶହ ଶ୍ରଦ୍ଧାଳୁ ମା ବିରଜାଙ୍କ ଦର୍ଶନ ସହ ନାଭିଗୟାରେ ପିତୃପୁରୁଷଙ୍କୁ ପିଣ୍ଡଦାନ କରୁଛନ୍ତି ।