ଦୁର୍ଘଟଣା ଜନୈକ ବୃଦ୍ଧା ବେରିସାସଙ୍କ ଜୀବନ ଆକାଶରେ ଘୋଟାଇ ଦେଇଥିବା କଳା ବାଦଲକୁ ଦୂର କରିଛି ଓଡ଼ିଶା-ମୋ ପରିବାର । ଜୀବନ ଯେତେବେଳେ ତାଙ୍କ ପାଇଁ ଦୁର୍ବିସହ ହୋଇପଡ଼ିଥିଲା ସେତିକିବେଳେ ତାଙ୍କ ହାତ ଥାମିଲା ଓଡିଶା ମୋ ପରିବାର ଓ ପୁଣି ଥରେ ତାଙ୍କ ଜୀବନକୁ ସରସ ସୁନ୍ଦର କରି ଗଢିତୋଳିଛି କୃତ୍ରିମ ଅଙ୍ଗ ଲଗାଇ।
ସୂଚନା ଯୋଗ୍ୟ, ଭୁବନେଶ୍ୱରସ୍ଥିତ ବୁଦ୍ଧନଗର ଅଞ୍ଚଳର ୭୨ବର୍ଷୀୟା ଏସ୍.ବେରିସାସ ଅପାୟା ଜଣେ ଦିନ ମଜୁରିଆ। ଖଟିଲେ ଖାଆନ୍ତି। ଗତ ୨୦୦୨ ମସିହାରେ ସେ କାମକୁ ଯାଉଥିବା ବେଳେ ଏକ ଟ୍ରକ ଆସି ତାଙ୍କୁ ଧକ୍କା ଦେଇଥିଲା । ଯେଉଁଥିରେ ତାଙ୍କ ଜୀନବ ତ ରହିଯାଇଥିଲା ହେଲେ ହରାଇବସିଥିଲେ ଡାହାଣ ଗୋଡ଼ ଓ ପାଲଟି ଯାଇଥିଲେ ଅକ୍ଷମ। ନିକଟରେ ଓଡ଼ିଶା-ମୋ ପରିବାର ପକ୍ଷରୁ କୃତ୍ରିମ ଅଙ୍ଗ ଯୋଗାଣ ସମ୍ପର୍କରେ ଖବର ପାଇବା ପରେ ସେ ପୂର୍ବତନ କର୍ପୋରେଟର କିଶୋର ମହାନ୍ତିଙ୍କ ନିକଟରେ ନିଜ ଦୁଃଖ ଜଣାଇବା ସହ ବିଜୁ ଜନତା ଦଳ ତଥା ଓଡ଼ିଶା-ମୋ ପରିବାର ଯୁଗ୍ମ ସମ୍ପାଦକ ଶ୍ରୀ ରୁଦ୍ର ନାରାୟଣ ସାମନ୍ତରାୟଙ୍କୁ ଅନୁରୋଧ କରିଥିଲେ ।
ବେରିସାସଙ୍କ ବିଷୟରେ ଜାଣିବା ପରେ ଓଡ଼ିଶା-ମୋ ପରିବାର ପକ୍ଷରୁ ତୁରନ୍ତ ପଦକ୍ଷେପ ନିଆଯାଇଥିଲା। କ୍ୟାପିଟାଲ ହସ୍ପିଟାଲ ପରିସରଭୁକ୍ତ ଏ.ଆର.ସି ସହିତ ସମନ୍ଵୟ ରକ୍ଷା କରି କୃତ୍ରିମ ଗୋଡ଼ ଯୋଗାଇ ଦିଆଯାଇଥିଲା । ତାଙ୍କୁ କୃତ୍ରିମ ଗୋଡ଼ ପ୍ରଦାନ କରାଯିବା ସମୟରେ ପୂର୍ବତନ କର୍ପୋରେଟର ଶ୍ରୀ ମହାନ୍ତିଙ୍କ ସମେତ, ଯୁଗ୍ମ ସମ୍ପାଦକ ଶ୍ରୀ ସାମନ୍ତରାୟ ଉପସ୍ଥିତ ଥିଲେ । କୃତ୍ରିମ ଗୋଡ଼ ପାଇ ବେରିସାସଙ୍କ ମୁହଁରେ ହସର ଲହରୀ ଖେଳି ଯାଇଥିବା ବେଳେ ସେ ମାନ୍ୟବର ମୁଖ୍ୟମନ୍ତ୍ରୀ ଏବଂ ଓଡ଼ିଶା- ମୋ ପରିବାରକୁ ଧନ୍ୟବାଦ ଜଣାଇଥିଲେ ।