ନକଲି RTO ଅଫିସରେ ପୋଲିସ ଚଢ଼ାଉ, ୨ ଗିରଫ

ବାଲେଶ୍ବର ଜିଲ୍ଲାରେ ଚାଲୁଥିଲା ନକଲି ଆରଟିଓ। କିଛି ଦଲାଲ ଅଫିସ ଖୋଲି ନକଲି ପରମିଟ, ଦସ୍ତାବିଜ ସହ ନମ୍ବର ଯୋଗାଉଥିବା ଅଭିଯୋଗରେ ପୋଲିସ ଚଢାଉ କରି ଦୁଇ ଜଣଙ୍କୁ ଗିରଫ କରିଛ। ସୂଚନା ଅନୁଯାୟୀ, ଏକ ବିଶ୍ୱସ୍ତ ସୂତ୍ରରୁ ଖବର ପାଇ ଜଳେଶ୍ୱର ପୋଲିସ ଏନଏଚ-୬୦ର ଲକ୍ଷ୍ମଣ ନାଥ ଟୋଲ୍ ପ୍ଲାଜା ନିକଟରେ ଏକ ନକଲି RTO କାର୍ଯ୍ୟାଳୟରେ ଚଡାଉ କରି ୨ ଅଭିଯୁକ୍ତଙ୍କୁ ଗିରଫ କରିଛି। ସେମାନେ ହେଲେ ନହଞ୍ଜୋରାର ମଧୁସୂଦନ ପରିଡାଙ୍କ ୩୪ ବର୍ଷୀୟ ପୁଅ ତୁଷାର ରଞ୍ଜନ ପରିଡା ଓ ଝାରଖଣ୍ଡ ନନ୍ଦିକାଆ ଗାଁର ଦେବେନ୍ଦ୍ର ନାଥ ସାହୁଙ୍କ ୨୭ ବର୍ଷୀୟ ପୁଅ ସମ୍ଭୁ ସାହୁ।

ସୂଚନା ପାଇ ଜଳେଶ୍ୱର ଥାନାର ସବଇନିସ୍ପେକ୍ଟର ସି ରାଉତ ଓ ପୋଲିସ କର୍ମଚାରୀଙ୍କ ସହିତ ଟୋଲ ଗେଟ ନିକଟରେ ପହଂଚି ଚିହ୍ନଟ ହୋଇଥିବା RTO ର ଏକ ଘରେ ବସିଥିଲେ। ସେମାନଙ୍କନିକଟରୁ ଆନ୍ଧ୍ର, ତେଲେଙ୍ଗାନା, ପଶ୍ଚିମବଙ୍ଗ ଆଦି ବାହାର ରାଜ୍ୟର ୧୧ଟି ଷ୍ଟାମ୍ପ, ମୋଟର ଭେହିକିଲ ରସିଦ, ଚେକ ପୋଷ୍ଟ ଦସ୍ତାବିଜ ଓ ଅନ୍ୟାନ୍ୟ ଦଲିଲ ଜବତ କରିଛି ପୋଲିସ। ଏମାନେ ଏହି ଆରଟିଓରେ ଦଲାଲ କାମ କରିବା ସହ ବାହାର ରାଜ୍ୟକୁ ଯିବାକୁ ନକଲି ପରମିଟ କାଗଜପତ୍ର ଓ ନମ୍ବର ପ୍ରଦାନ କରୁଥିବା ସନ୍ଦେହ କରାଯାଉଛି। ଏହି ଦିଗରେ ପୋଲିସ ତଦନ୍ତ ଆରମ୍ଭ କରିଛି।