ଭାରତ ଏବଂ ଭେନେଜୁଏଲା ମଧ୍ୟରେ ଦ୍ୱିପାକ୍ଷିକ ସମ୍ପର୍କକୁ ଆହୁରି ମଜବୁତ କରିବା ପାଇଁ ଏକ ବଡ଼ ପଦକ୍ଷେପ ସ୍ୱରୂପ, ଭେନେଜୁଏଲାର କାର୍ଯ୍ୟନିର୍ବାହୀ ଉପ-ରାଷ୍ଟ୍ରପତି ଡେଲସି ରୋଡ୍ରିଗେଜ୍ ଆଜି ଏକ ୫ ଦିନିଆ ଉଚ୍ଚସ୍ତରୀୟ ସରକାରୀ ଗସ୍ତରେ ଭାରତରେ ପହଞ୍ଚିଛନ୍ତି। ବୈଦେଶିକ ମନ୍ତ୍ରଣାଳୟ (MEA) ର ସୂଚନା ଅନୁଯାୟୀ, ଜୁନ୍ ୩ ରୁ ଜୁନ୍ ୭ ପର୍ଯ୍ୟନ୍ତ ଚାଲିବାକୁ ଥିବା ଏହି ଗସ୍ତର ମୁଖ୍ୟ ଉଦ୍ଦେଶ୍ୟ ହେଉଛି ଦୁଇ ଦେଶ ମଧ୍ୟରେ ବିଭିନ୍ନ ଗୁରୁତ୍ୱପୂର୍ଣ୍ଣ କ୍ଷେତ୍ରରେ ରଣନୀତିକ ସହଯୋଗକୁ ଗଭୀର କରିବା।
ଏହି ଗସ୍ତ ସମୟରେ ଉପ-ରାଷ୍ଟ୍ରପତି ରୋଡ୍ରିଗେଜ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଏକ ଗୁରୁତ୍ୱପୂର୍ଣ୍ଣ ଦ୍ୱିପାକ୍ଷିକ ବୈଠକରେ ଯୋଗଦେବେ। ଏହା ସହିତ ସେ ଭାରତର ବୈଦେଶିକ ମନ୍ତ୍ରୀଙ୍କ ସହ ପ୍ରତିନିଧି ମଣ୍ଡଳୀ ସ୍ତରୀୟ ଆଲୋଚନା କରି ଦୁଇ ଦେଶ ମଧ୍ୟରେ ଥିବା ସାମଗ୍ରିକ ସମ୍ପର୍କର ସମୀକ୍ଷା କରିବେ।ଏହି ବୈଠକଗୁଡ଼ିକରେ ବିଶେଷ କରି ଆର୍ଥିକ ଏବଂ ରଣନୀତିକ ସହଭାଗିତାକୁ ନୂତନ ରୂପ ଦେବା ଉପରେ ଗୁରୁତ୍ୱ ଦିଆଯିବ, ଯେଉଁଥିରେ ନିମ୍ନଲିଖିତ କ୍ଷେତ୍ର ସାମିଲ ରହିଛି ପ୍ରଧାନମନ୍ତ୍ରୀ ମୋଦୀ ଏବଂ କାର୍ଯ୍ୟକାରୀ ରାଷ୍ଟ୍ରପତି ରୋଡ୍ରିଗେଜ୍ ଚଳିତ ବର୍ଷ ଜାନୁଆରି ୩୦ ତାରିଖରେ ଟେଲିଫୋନରେ କଥା ହୋଇଥିଲେ, ଏହି ସମୟରେ ସେମାନେ ଦ୍ୱିପାକ୍ଷିକ ସମ୍ପର୍କ ଏବଂ ପାରସ୍ପରିକ ଲାଭର ବିଭିନ୍ନ କ୍ଷେତ୍ର ଏବଂ ବୈଶ୍ୱିକ ପ୍ରସଙ୍ଗ ଉପରେ ଆଲୋଚନା କରିଥିଲେ। ଦୁଇ ନେତା ଭାରତ-ଭେନେଜୁଏଲା ସହଭାଗୀତାକୁ ବାଣିଜ୍ୟ ଏବଂ ନିବେଶ, ଶକ୍ତି, ଡିଜିଟାଲ ପ୍ରଯୁକ୍ତିବିଦ୍ୟା, ସ୍ୱାସ୍ଥ୍ୟ, କୃଷି ଏବଂ ଲୋକ-ଲୋକ ସମ୍ପର୍କ ସମେତ ସମସ୍ତ କ୍ଷେତ୍ରରେ ଆହୁରି ବିସ୍ତାର ଏବଂ ଗଭୀର କରିବାକୁ ସହମତ ହୋଇଥିଲେ। ବୈଦେଶିକ ମନ୍ତ୍ରଣାଳୟ ଏକ ବିବୃତି ଅନୁସାରେ ଦୁଇ ନେତା ଗ୍ଲୋବାଲ୍ ସାଉଥ୍ ପାଇଁ ସେମାନଙ୍କର ଘନିଷ୍ଠ ସହଯୋଗର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ। ଏହି ଉଚ୍ଚସ୍ତରୀୟ ଗସ୍ତ ଦ୍ୱାରା ଦୁଇ ଦେଶ ମଧ୍ୟରେ ଥିବା କୂଟନୈତିକ ଏବଂ ଅର୍ଥନୈତିକ ସମ୍ପର୍କ ଆହୁରି ଦୃଢ଼ ହେବ ବୋଲି ଆଶା କରାଯାଉଛି।