ପାରାଦ୍ଵୀପ ବନ୍ଦର ପିଆଇସିଟି ବର୍ଥରେ ଚାଞ୍ଚଲ୍ଯ। ବର୍ଥ ରେ ଲାଗିଥିବା ଏକ ଜାହାଜ ଭିତରୁ ମିଳିଛି ୨୨ଟି ସନ୍ଦେହଜନକ ପ୍ୟାକେଟ। ଜାହାଜରେ ପୋଲିସ, ସିଆଇଏସଏଫ ଓ ଡଗ୍ ସ୍କ୍ୱାର୍ଡ ପକ୍ଷରୁ ଯାଞ୍ଚ କରାଯାଇଛି । ଏହି ଜବତ ୨୨ ଟି ପ୍ୟାକେଟ କଷ୍ଟମ୍ସ ବିଭାଗ କୁ ହସ୍ତାନ୍ତର କରାଯାଛି । ପିଆଇସିଟି ବର୍ଥ ରେ ଲାଗିଥିବା MV DEBI ନାମକ ଜାହାଜ ରୁ ମିଳିଛି ଏହି ପ୍ୟାକେଟ୍ । ସୁଚନା ଅନୁଯାୟୀ ଜାହାଜ ଟି ରାତିରେ ବର୍ଥରେ ଲାଗିବା ପରେ କଷ୍ଟମ୍ସ ବିଭାଗ ପକ୍ଷରୁ ଯାଞ୍ଚ କରାଯିବା ସମୟରେ ଏହି ୨୨ ଟି ପ୍ୟାକେଟ ମିଳିଥିଲା। ତେବେ ଜାହାଜର କର୍ମଚାରୀ ଉକ୍ତ ପ୍ୟାକେଟ ସମ୍ପର୍କରେ କିଛି କହିପାରିନଥିଲେ। ଫଳରେ ପାରାଦ୍ଵୀପ ଆଦର୍ଶ ଥାନା , ସିଆଇଏସଏଫ ଓ ଡଗ୍ ସ୍କ୍ୱାର୍ଡ କୁ ଖବର ଦିଆଯାଇଥିଲା। ଯାଞ୍ଚ ସମୟରେ ଏହି ପ୍ୟାକେଟ ର ଜରି କୁ ଖୋଲିବା ପରେ , ସେଥିରେ ଧଳା ରଙ୍ଗ ର କିଛି ଜିନିଷ ମିଳିଛି। ସମସ୍ତ ୨୨ଟି ପ୍ୟାକେଟ କୁ କଷ୍ଟମ୍ସ ବିଭାଗ କୁ ହସ୍ତାନ୍ତର କରା ଯାଇଥିବା ବେଳେ ଏହାର ଯାଞ୍ଚ ଜାରି ରହିଛି ।
Thanks for sharing. I read many of your blog posts, cool, your blog is very good.