
ଗୁରୁବାର ରାତି ପ୍ରାୟ ସାଢେ଼ ଆଠଟା ସମୟରେ ଯାଜପୁର କୋରେଇ ଥାନା ଅଧୀନ ନୂଆଗଡ ଗୋଲେଇ ଛକ ନିକଟରେ ଟ୍ରକ ଧକ୍କାରେ ମହିଳାଙ୍କ ମୃତ୍ୟୁ। ମହିଳା ଜଣକ ସ୍କୁଟିରେ ଯାଜପୁର ରୋଡ ବଜାରରୁ ଘରକୁ ଫେରୁଥିବା ସମୟରେ ଦୁର୍ଘଟଣା ଘଟିଛି। ସୂଚନା ଅନୁଯାୟୀ ରାତିରେ ମହିଳା ଜଣକ ନିଜ ସ୍କୁଟି ଗାଡିକୁ ଧରି ନୂଆଗଡ ଗୋଳେଇ ଛକ ଦେଇ ଘରକୁ ଫେରୁଥିଲେ । ପଛରେ ତାଙ୍କ ଭାଇ ଅନ୍ୟ ଏକ ବାଇକରେ ଆସୁଥିଲେ। ଏହି ସମୟରେ ଏକ ଟ୍ରକ ଦ୍ରୁତ ଗତିରେ ଆସି ମହିଳାଙ୍କ ସ୍କୁଟିକୁ ପଛପଟୁ ଧକ୍କା ଦେଇଥିଲା । ଫଳରେ ସ୍କୁଟିରେ ଥିବା ମହିଳା ଛିଟିକି ରାସ୍ତା କଡ଼ରେ ପଡ଼ିଥିଲେ।
ଦୁର୍ଘଟଣାକୁ ଦେଖି ସ୍ଥାନୀୟ ଲୋକେ ଅଗ୍ନିଶମ ବିଭାଗ ଆମ୍ବୁଲାନ୍ସକୁ ଡାକି ମହିଳାଙ୍କୁ ଚିକିତ୍ସା ପାଇଁ ଯାଜପୁର ରୋଡ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ। ସେଠାରେ ଡାକ୍ତର ପ୍ରାଥମିକ ଚିକିତ୍ସା କରିଥିଲେ। କିନ୍ତୁ ତାଙ୍କ ଅବସ୍ଥା ସଂଗୀନ ଥିବାରୁ ଅଳ୍ପ ସମୟ ମଧ୍ୟ ମୃତ୍ୟୁ ହୋଇଥିଲା। ମୃତା ମହିଳା ଜଣକ ନିକଟସ୍ଥ ସୁଜଳନଗର ଅଞ୍ଚଳର ବର୍ଷାରାଣୀ ବେହେରା ବୋଲି ସୂଚନା ମିଳିଛି। ବର୍ଷାରାଣୀ ନିକଟରେ ବ୍ୟାସନଗର ତହସିଲ ଅଫିସରେ କନିଷ୍ଠ କିରାଣି ଭାବେ କାର୍ଯ୍ୟରତ ଥିଲେ। ଖବର ପାଇ ସ୍ଥାନୀୟ ତହସିଲଦାର ଓ ପୋଲିସ ଅଧିକାରୀ ମେଡିକାଲରେ ପହଞ୍ଚି ଘଟଣାର ଅନୁସନ୍ଧାନ ଜାରି ରଖିଥିଲେ।
Thank you for your sharing. I am worried that I lack creative ideas. It is your article that makes me full of hope. Thank you. But, I have a question, can you help me?