IPLରେ ଆଜି ଡବଲ ମୁକାବିଲା । ପ୍ରଥମ ମ୍ୟାଚ୍ ଅପରାହ୍ଣ ୩.୩୦ରେ ମୋହାଲିରେ ଖେଳାଯିବ । ଏହି ମ୍ୟାଚରେ ପଞ୍ଜାବ କିଙ୍ଗସ ଓ ରୟାଲ ଚ୍ୟାଲେଞ୍ଜର୍ସ ମୁହାଁମୁହିଁ ହେବେ । ସେହିପରି ଦ୍ୱିତୀୟ ମ୍ୟାଚ୍ ସନ୍ଧ୍ୟା ୭.୩୦ରେ ଅନୁଷ୍ଠିତ ହେବ ଯେଉଁଥିରେ ଦିଲ୍ଲୀର ସାମ୍ନା କରିବ କୋଲକାତା ।
ପଞ୍ଜାବ ୫ଟି ମ୍ୟାଚରୁ ୩ଟିରେ ବିଜୟୀ ହୋଇଥିବା ବେଳେ ଆଜି ମଧ୍ୟ ଜିତିବାକୁ ଆଶା ରଖିଛି । ଦଳ ବ୍ୟାଟିଂ ଓ ବୋଲିଂରେ କମାଲ କରୁଛି । ତେଣୁ ଆରସିବି ବିରୋଧରେ ଭଲ ପ୍ରଦର୍ଶନ ପାଇଁ ଟିମ୍ ଆଶା ରଖିଛି । ସେପଟେ, ଭଲ ବ୍ୟାଟିଂ କରି ମଧ୍ୟ ଜିତିବାରେ ଫେଲ୍ ମାରୁଛି ବାଙ୍ଗାଲୋର । ଦୁଇଟି ମ୍ୟାଚରେ ବିଜୟର ନିକଟତର ହୋଇ ମଧ୍ୟ ମ୍ୟାଚ୍ ହାତଛଡ଼ା କରିଛି ଦଳ । ବୋଲିଂ ଡିପାର୍ଟମେଣ୍ଟରେ ସାମାନ୍ୟ ଉନ୍ନତି ଆଣିବାକୁ ପ୍ରୟାସ କରିବ ବାଙ୍ଗାଲୋର । ୫ଟି ମ୍ୟାଚରେ ମାତ୍ର ୨ଟିରେ ବିଜୟୀ ହୋଇଛି ଟିମ୍ ।
ସନ୍ଧ୍ୟାରେ ଦିଲ୍ଲୀ ଓ କୋଲକାତା ମଧ୍ୟରେ ମୁକାବିଲା ହେବ । ଚଳିତ ସିଜିନରେ ଏଯାଏ ଖାତା ଖୋଲିପାରିନି ଦିଲ୍ଲୀ । ଖେଳିଥିବା ସମସ୍ତ ୫ ମ୍ୟାଚରେ ପରାସ୍ତ ହୋଇଛି ଦଳ । ତେଣୁ ଆଜି କମବ୍ୟାକ୍ କରିବାକୁ ଉଦ୍ୟମ କରିବ । ସେପଟେ, କୋଲକାତା ମାତ୍ର ୨ଟି ମ୍ୟାଚରେ ବିଜୟୀ ହୋଇଥିବା ବେଳେ ଆଜିର ଦିଲ୍ଲୀ ବିପକ୍ଷରେ ଉନ୍ନତ ପ୍ରଦର୍ଶନ ପାଇଁ ଆଶା ରଖିଛି ।
