Blog

ପଲଙ୍କ ଉପରେ ମହିଳା ଶୋଇଥିବା ବେଳେ ମୁଣ୍ଡ ଉପରେ ଗର୍ଜିଲା ଚମ୍ପା ନାଗ, ତାପରେ…

ପଲଙ୍କ ଉପରେ ଚମ୍ପା ନାଗର ଗର୍ଜନ ଶୁଣି ନିଦରୁ ଉଠି ପଡିଲେ ମହିଳା। କୌଣସି ଆଘାତ ନକରି କାହିକିଁ ଗର୍ଜନ ଦେଲା ଏହି ନାଗ । ଏହି ଧଳା ରଙ୍ଗର ନାଗ ଫେଣା ଦେଖି ଯିଏ ନାହିଁ ସେ ଭୟଭୀତ ହେବା ସୁନିଶ୍ଚିତ। ଏହି ଭଳି ଘଟଣା ଦେଖିବାକୁ ମିଳିଛି ଭଦ୍ରକ ତିହିଡ଼ି ବ୍ଲକ ଦୋଳସାହି ପଞ୍ଚାୟତ ଅଲ୍ଲୀନଗର ଗ୍ରାମର ଅନନ୍ତ ପ୍ରସାଦ ଭଞ୍ଜଙ୍କ ଘରେ ।

ମୃତ୍ୟୁ ମୁଖରୁ ବଞ୍ଚି ଯାଇଥିବା ଅନନ୍ତଙ୍କ ପତ୍ନୀଙ୍କ ଅନୁଯାୟୀ, ଶୁକ୍ରବାର ରାତିରେ ଖାଇବା ପିଇବା ସରିବା ପରେ ଶୋଇବାକୁ ଯାଇଥିଲେ। ପଲଙ୍କରେ ପଡୁ ପଡୁ ଆଖିକୁ ନିଦ ମାଡିଆସିଛି, ହଠାତ ଫଁ ଫଁ ଶବ୍ଦ ଶୁଣି ଉଠି ଦେଖନ୍ତି ତ, ମୁଣ୍ଡପଟ କାନ୍ଥ ପାଖ ପଲଙ୍କ ଉପରେ ଏକ ଧଳା ନାଗ ହାତେ ଉଚ୍ଚକୁ ଫଣା ଟେକି ଛିଡା ହୋଇଛି। ମହିଳା ଭୟରେ କୋଠରୀରୁ ବାହାରି ଯାଇ ଅନ୍ୟମାନଙ୍କୁ ଡାକଦେଇଥିଲେ। ଏହି ଘଟଣା ସଙ୍ଗେ ସଙ୍ଗେ ପବନ ବେଗରେ ବ୍ୟାପିଗଲା ଗାଁରେ। ସାହି ପଡିଶା ସବୁ ଧାଇଁଲେ ଅନନ୍ତଙ୍କ ଘରକୁ। ସାପ ସେମିତି ଦୀର୍ଘ ସମୟ ଧରି ଫଣା ଟେକି ପଲଙ୍କ ଉପରେ ରହିଥିଲା। ଯିଏ ଆସିଲେ ସାପକୁ ଦେଖି ମୁଣ୍ଡିଆ ମାରିଥିଲେ। ଖବର ପାଇ ସ୍ଥାନୀୟ ସାପ ଉଦ୍ଧାରକାରୀ ମିର୍ଜା ପହଞ୍ଚି ସାପକୁ ଉଦ୍ଧାର କରିଥିଲେ। ସାପଟି ଚମ୍ପା ନାଗ ବୋଲି ସାହି ପଡିଶା କହିଥିଲେ।
ଏନ ଏ ସି ଦାବିରେ ବନ୍ଦ ପାଳନ, ତାତିଲେ ଜନତା

ଏନଏସି ଦାବିରେ ବିଭିନ୍ନ ଯାଗାରେ ବିକ୍ଷୋଭ ପ୍ରଦର୍ଶନ ଦେଖିବାକୁ ମିଳିଛି । ସେହିକ୍ରମରେ ଉଲୁଣ୍ଡାକୁ ଏନଏସି ଘୋଷଣା, ଯେଏମଏଫସି କୋର୍ଟ, ଏବଂ ସୈନିକ ସ୍କୁଲ ଦାବିରେ ସଚେତନ ନାଗରିକ ଏବଂ ଅଞ୍ଚଳବାସୀ ତରଫରୁ 6 ଘଣ୍ଟିଆ ବନ୍ଦ ପାଳନ କରାଯାଇଛି l ସୂଚନା ଅନୁସାରେ ରାଜ୍ୟସରକାର କିଛି ଦିନ ପୂର୍ବରୁ ବୀରମହାରାଜପୁର ଏବଂ ଡୁଙ୍ଗୁରିପାଲିକୁ ଏନଏସି ଘୋଷଣା କରିଛନ୍ତି l ହେଲେ ଉଲୁଣ୍ଡାକୁ ବାଦ ଦେଇଛନ୍ତି l

ସେହିପରି ଉଲୁଣ୍ଡାରେ ଯେଏମଏଫସି କୋର୍ଟ ପାଇଁ ପୂର୍ବରୁ ଘୋଷିତ ହୋଇଥିଲେ ମଧ୍ୟ କାର୍ଯ୍ୟକ୍ଷମ ହୋଇନାହିଁ ଏବଂ ସୈନିକ ସ୍କୁଲ ପାଇଁ ପ୍ରସାସିନକ ସ୍ତରରେ ସ୍ଥାନ ନିରୂପଣ ହୋଇଥିଲେ ମଧ୍ୟ ଅଗ୍ରଗତି ହୋଇନଥିବାରୁ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ସେହିଭଳି କାକଟପୁରକୁ ମଧ୍ଯ ଏନ୍.ଏ.ସି ମାନ୍ୟତା ମିଳିବା ନେଇ ଦୀର୍ଘ ଦିନରୁ ଦାବୀ ହୋଇ ଆସିଛି । କାକଟପୁର ମା’ ମଙ୍ଗଳାଙ୍କ ପାଇଁ ପ୍ରସିଦ୍ଧ ଧାର୍ମିକ କ୍ଷେତ୍ର ସହ ପର୍ଯ୍ୟଟନ କ୍ଷେତ୍ର ମଧ୍ୟ ।

ପ୍ରତିଦିନ ଓଡ଼ିଶା ବାହାରୁ ମଧ୍ୟ ଶହ ଶହ ଶ୍ରଦ୍ଧାଳୁ ମା’ଙ୍କ ଦର୍ଶନ ପାଇଁ ଆସିଥାନ୍ତି କାକଟପୁର ଗ୍ରାମପଞ୍ଚାୟତା ଲୋକସଂଖ୍ୟା ୧୦ ହଜାରରୁ ଅଧିକ ତା ସହିତ ଉକ୍ତ ପଞ୍ଚାୟତ ତଥା କାକଟପୁର ବଜାରକୁ ଲାଗି କଣ୍ଟାପଡ଼ା ପଞ୍ଚାୟତର ଜନସଂଖ୍ୟା ମଧ୍ୟ ଅନେକ। କାକଟପୁର ବିଧାନସଭା କ୍ଷେତ୍ରର କାକଟପୁର ଏକ ପ୍ରମୁଖ ସ୍ଥାନ ।

ତେଣୁ କାକଟପୁରକୁ ଏନ୍.ଏ.ସି ମାନ୍ୟତା ମିଳିବା ଆବଶ୍ୟକ । ୨୦୧୪ ଏବଂ ୨୦୧୭ ମସିହାରେ କାକଟପୁର ଏନ୍.ଏ.ସି ପାଇଁ ସରକାରଙ୍କ ଦ୍ବାରା କରାଯାଇବା ସର୍ଭେରେ କାକଟପୁରକୁ ଏନ୍.ଏ.ସି ମାନ୍ୟତା ପାଇଁ ସମସ୍ତ ଯୋଗ୍ୟତା ଥାଇ ମଧ୍ଯ ସରକାର ଇତିମଧ୍ୟରେ ରାଜ୍ୟରେ ୩୫ଟି ଅଞ୍ଚଳକୁ ରାଜ୍ୟସରକାର ଏନ୍.ଏ.ସି ମାନ୍ୟତା ଦେଇଥିବାବେଳେ କାକଟପୁର ତାଲିକାରୁ ବାଦପଡିଛି ଫଳରେ କାକଟପୁର ଜନମାନସରେ ଏକ ପ୍ରତିକ୍ରିୟା ସୃଷ୍ଟି ହୋଇଛି ।
ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ କାୟାକଳ୍ପ ଟିମ, ଦୃଷ୍ଟି ପଡିଲାନାହିଁ ସମସ୍ୟା ଉପରେ

ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ସ୍ୱାସ୍ଥ୍ୟ ବିଭାଗର କାୟାକଳ୍ପ ଟିମ ପରିଦର୍ଶନ କରିଛନ୍ତି। ପରିଦର୍ଶନରେ ଚିକିତ୍ସାଳୟର ସମସ୍ତ ବିଭାଗ ସହିତ ପୁରୁଷ ଓ ମହିଳା ବିଭାଗ ସମେତ ଶିଶୁ, ମାତୃ ବିଭାଗ ବୁଲିବା ସହିତ ଓଟି ରୁମ ପରିଦର୍ଶନ କରିଛନ୍ତି । ପରିଦର୍ଶନ ସମୟରେ ଉପଖଣ୍ଡ ଚିକିତ୍ସାଳୟ ଚଳଚଞ୍ଚଳ ହୋଇଉଠିଥିଲା । ରୋଗୀମାନେ ମେଡିକାଲ ଆସି ଚିକିତ୍ସା ପାଇଁ ହନ୍ତସନ୍ତ ହୁଅନ୍ତି ତାହାର ଝଲକ ଦେଖିବାକୁ ମିଳିଥିଲା । ଅବ୍ୟବସ୍ଥିତ ଅବସ୍ଥାରେ ରୋଗୀଙ୍କୁ ମେଡିକାଲ କ୍ୟାମ୍ପସରେ ଦେଖିବାକୁ ମିଳିଥିଲା ।

ତେବେ ଏତେସବୁ ଅବ୍ୟସ୍ଥା ମଧ୍ୟରେ ସ୍ୱାସ୍ଥ୍ୟ ବିଭାଗର କାୟାକଳ୍ପ ଟିମ୍ ପରିଦର୍ଶନରେ ଆସିଥିବା ବେଳେ ମେଡିକାଲ କତୃପକ୍ଷଙ୍କ ସମେତ ସମସ୍ତ କର୍ମଚାରୀ ତତ୍ପର ହୋଇଉଠିଥିଲେ । ହେଲେ ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ପ୍ରତିଦିନ ପାଖ ଜିଲ୍ଲାରୁ ବହୁ ସଂଖ୍ୟାରେ ରୋଗୀ ଆସୁଛନ୍ତି । ହେଲେ ଚିକିତ୍ସାଳୟରେ ସେହିଭଳି କୌଣସି ଆଖିଦୃଶିଆ ଉନ୍ନତି ଦେଖିବାକୁ ମିଳୁନାହିଁ । ଲୋକେ ଠିକ ଭାବେ ସ୍ୱାସ୍ଥ୍ୟସେବା ପାଇପାରୁ ନଥିବା ବେଳେ ଆନନ୍ଦପୁର ଉପଖଣ୍ଡ ଚିକିତ୍ସାଳୟର ସମସ୍ୟା ଉପରେ ଦୃଷ୍ଟି ନଦେଇ ଏହି ପରିଦର୍ଶନ ସାରି କମିଟି ସରକାରଙ୍କୁ ରିପୋର୍ଟ ଦେଇଥିଲେ ମଧ୍ୟ ଏଥିରେ କୌଣସି ସୁଧାର ଆସିନାହିଁ ।

ଯାହାହକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି । ମେଡିକାଲ ପରିସରରେ ସରକାରଙ୍କ ନିରାମୟ ଯୋଜନା କାର୍ଯ୍ୟକାରୀ ହେଉଥିଲେ ବି ସରକାରୀ ନିୟମ ଅନୁଯାଇ, କୌଣସି ନିଜସ୍ୱ ମେଡ଼ିସିନ ଷ୍ଟୋର ପାଇଁ ଅନୁମତି ନଥିଲେ ମଧ୍ୟ ମେଡ଼ିସିନ ଷ୍ଟୋର କାହା ସ୍ୱାର୍ଥରେ ଅଛି ବୋଲି ପ୍ରଶ୍ନ ଉଠିଛି । ସେହିଭଳି ମେଡିକାଲର ବିଭିନ୍ନ ୱାର୍ଡ ଓ ରୋଗୀଙ୍କ ନିମନ୍ତେ ଆସୁଥିବା ମେଡ଼ିସିନ ରୋଗୀ ମାନେ ପାଇପାରୁ ନଥିବା ବେଳେ ନିକଟରେ ଥିବା ମେଡ଼ିସିନ ଷ୍ଟୋରରୁ ମେଡ଼ିସିନ କିଣୁଛନ୍ତି । ଏ ବିଷୟରେ ବାର ବାର ଖବର ପ୍ରସାରଣ ହେଉଥିଲେ ସୁଦ୍ଧା ସ୍ଥାନୀୟ ପ୍ରଶାସନ ଏକପ୍ରକାର ଆଖି ବୁଜି ଦେଇଛନ୍ତି ।
୧୧୫ ବସ୍ତା ଗୁଟଖା ବୋଝେଇ ଟ୍ରକ ଜବତ

ଟିଟିଲାଗଡ ପୋଲିସ ହାତରେ ଗୁଟଖା ବୋଝେଇ ଟ୍ରକ। ଏକ ବିଶ୍ଵସ୍ତ ସୂତ୍ରରୁ ଖବର ପାଇ ଗୋଟିଏ ଟ୍ରକରେ ଗୁଟଖା ଯାଉଥିବା ବେଳେ ଏସଡିପିଓ ଅଙ୍କିତା କୁମ୍ଭାରଙ୍କ ନିର୍ଦ୍ଦେଶରେ ପୋଲିସ ଗାଡିକୁ ପିଛା କରିଥିଲା। ଟିଟିଲାଗଡ ରେଳବାଇ ଷ୍ଟେସନ ସାମ୍ନାରେ ଟ୍ରକ ଛିଡ଼ା ହୋଇଥିଲା। ପୋଲିସ ତୁରନ୍ତ ଆରପିଏଫକୁ ଖବର ଦେଇଥିଲା ଏହି ଟ୍ରକ୍ ସମ୍ପର୍କରେ। ଆରପିଏଫ ଗାଡି ଯାଞ୍ଚ କରିବାରୁ ଟ୍ରକ ଭିତରୁ ୧୧୫ ବସ୍ତା ଗୁଟଖା ବାହାରିଥିବା ଦେଖିବାକୁ ମିଳିଥିଲା।ଟିଟିଲାଗଡ଼ ପୋଲିସ ରେଲୱେ ଷ୍ଟେସନରୁ ଟ୍ରକ ଜବତ କରି ଥାନାକୁ ନେଇଯାଇଥିଲା। ଜି ଏସ ଟି, ଫୁଡ୍ ଇନିସପେକ୍ଟର ସାମ୍ପଲ ଟେଷ୍ଟ ପାଇଁ ନେଇଛି।

ଏ ନେଇ ଥାନାରେ ଏକ ମାମଲା ରୁଜୁ ହୋଇଥିବା ଥାନାଧିକାରୀ ଅବନୀ ସାହୁ ସୂଚନା ଦେଇଛନ୍ତି।
ଜବତ ଗୁଟଖା ଟ୍ରେନ ଯୋଗେ ଟିଟିଲାଗଡରୁ ଛତିଶ ଗଡ଼ ରାୟପୁର ଯିବାର ଥିଲା । ଗୁଟକା ଆନୁମାନିକ ମୂଲ୍ୟ ତିରିଶ ଲକ୍ଷ ଟଙ୍କା ହେବ ବୋଲି ଜଣାପଡିଛି।
ଅଡୁଆରେ ଫସିଲେ ଅଖିଳେଶ ଯାଦବ, ରଣନୀତିରେ ଦେଖାଗଲା ଓଲଟା ପ୍ରଭାବ, ଦଳୀୟକର୍ମୀ ନିଷ୍ପତ୍ତି ଉପରେ ଉଠାଇଛି ପ୍ରଶ୍ନ

ସମାଜବାଦୀ ପାର୍ଟିର ସଭାପତି ଅଖିଳେଶ ଯାଦବ ଅଡୁଆରେ ଫସିଲେ। ତାଙ୍କର ରଣନୀତି ଓବିସି, ଦଳିତ ଏବଂ ସଂଖ୍ୟାଲଘୁ ସମ୍ପ୍ରଦାୟ ଉପରେ ଓଲଟା ପ୍ରଭାବ ପଡିଛି ଏବଂ ଉଚ୍ଚ ଜାତି ଏବଂ ପିଡିଏ ବର୍ଗ ତାଙ୍କ ଉପରେ ତୀକ୍ଷ୍ଣ ଆକ୍ରମଣ କରିଛନ୍ତି।

ସମ୍ପ୍ରତି ରାଜ୍ୟସଭା ନିର୍ବାଚନରେ କ୍ରସ୍ ଭୋଟ୍ ଦେଇଥିବା ସାତ ଜଣ ସପା ବିଧାୟକଙ୍କ ମଧ୍ୟରୁ ପାଞ୍ଚଜଣ ଉଚ୍ଚ ଜାତିର ଥିଲେ। ସେଥିମଧ୍ୟରୁ ତିନି ଜଣ ବ୍ରାହ୍ମଣ ଏବଂ ଦୁଇଜଣ ଠାକୁର ସମ୍ପ୍ରଦାୟର ଥିଲେ। ତାଙ୍କର ଅଭିଯୋଗ ଥିଲା ଯେ ସମାଜବାଦୀ ପାର୍ଟି ଅନ୍ତର୍ଭୂକ୍ତିର ନୀତି ପରିତ୍ୟାଗ କରିଛି ।

ଜଣେ ବ୍ରାହ୍ମଣ ବିଧାୟକ କହିଛନ୍ତି, “ପିଡିଏ ଆମ ପାଇଁ କୌଣସି ସ୍ଥାନ ଛାଡୁ ନାହିଁ। ସ୍ବାମୀ ପ୍ରସାଦ ମୋୖର୍ଯ୍ୟ ଯେପରି ସନାତନ ଧର୍ମକୁ ସମାଲୋଚନା କରିଥିଲେ ଏବଂ ଅଖିଳେଶ ଯାଦବ ଏହି ପ୍ରସଙ୍ଗରେ ନୀରବ ରହିଥିଲେ, ଏହା ଦର୍ଶାଏ ଯେ ସେ ମୋୖର୍ଯ୍ୟଙ୍କ ସମାଲୋଚନାରେ ସହମତି ଦେଇଥିଲେ।

ପାର୍ଟି ଲାଇନ ବିରୁଦ୍ଧରେ ଯାଇ ଗୁରୁବାର ଦିନ ଅଯୋଧ୍ୟାରେ ରାମ ମନ୍ଦିର ପରିଦର୍ଶନ କରିଥିବା ଅନ୍ୟତମ ବିଧାୟକ ମନୋଜ ପାଣ୍ଡେ କହିଛନ୍ତି, ଅଧିକାଂଶ ବିଧାୟକ ମୁଖ୍ୟମନ୍ତ୍ରୀଙ୍କ ନେତୃତ୍ୱରେ ପ୍ରତିନିଧିତ୍ୱ ସହିତ ଅଯୋଧ୍ୟା ଯିବାକୁ ଚାହୁଁଥିଲେ। ଆମେ ଅନୁଭବ କଲୁ ଯେ ମନ୍ଦିର ପରିଦର୍ଶନ ପାର୍ଟି ଲାଇନ ଉପରେ ରହିବା ଉଚିତ୍, କିନ୍ତୁ ଆମର ନେତାମାନେ ନ ଯିବାକୁ ସ୍ଥିର କଲେ ଏବଂ ଆମକୁ ଏହା ଅନୁସରଣ କରିବାକୁ ପଡିଲା ।

ଉଚ୍ଚ ଜାତିର ବିଧାୟକଙ୍କ ସହ ଓବିସି ନେତାମାନେ ମଧ୍ୟ ପିଡିଏ ସୂତ୍ର ଉପରେ ପ୍ରଶ୍ନ ଉଠାଉଛନ୍ତି। ପାର୍ଟି ବିଧାୟକ ପଲ୍ଲବୀ ପଟେଲ ରାଜ୍ୟସଭା ପାଇଁ ପ୍ରାର୍ଥୀ ଚୟନକୁ ସମାଲୋଚନା କରି କହିଛନ୍ତି ଯେ ଜୟା ବଚ୍ଚନ ଏବଂ ଆଲୋକ ରଂଜନଙ୍କ ଭଳି ପ୍ରାର୍ଥୀ ଚୟନରେ ପିଡିଏ କେଉଁଠାରେ ଅଛି। ପରେ ସେ ରାଜି ହୋଇଥିଲେ ମଧ୍ୟ ଦଲିତ ରାମଜୀ ଲାଲ ସୁମନଙ୍କୁ ଭୋଟ୍ ଦେଇଥିଲେ।
ଭୁବନେଶ୍ୱର ନୀଳାଦ୍ରି ବିହାର ATM ଛକ ପାଖରେ ବୋମାମାଡ଼, ପୁଣି ମୁଣ୍ଡ ଟେକିଲେ କଳା ପଲସର ଗ୍ୟାଙ୍ଗ

ଭୁବନେଶ୍ୱର ନୀଳାଦ୍ରି ବିହାର ATM ଛକ ପାଖରେ ଶୁକ୍ରବାର ବିଳମ୍ବିତ ରାତିରେ ବୋମାମାଡ଼ କରାଯାଇଛି ।

ସୂଚନା ଅନୁସାରେ, ଏକ କଳା ପଲସର ମଟରସାଇକଲରେ ଆସିସଥିବା ଅଜ୍ଞାତ ଦୁର୍ବୃତ୍ତ ବୋମା ମାଡ଼ କରି ଘଟଣାସ୍ଥଳରୁ ଫେରାର ହୋଇଯାଇଛନ୍ତି ।

ଏକ କାର ଉପରକୁ ବୋମା ଫିଙ୍ଗା ଯାଇ ଥିବାରୁ, ଗାଡ଼ିଟିର କାଚ ଭାଙ୍ଗି ଚୁରମାର ହୋଇଯାଇଛି ।

ବୋମାମାଡ଼ର କାରଣ ଓ କାର ଚାଳକଙ୍କ ଅବସ୍ଥା ବିଷୟରେ ସୂଚନା ମିଳିନାହିଁ ।

ତେବେ, ପୂର୍ବ ଶତ୍ରୁତାକୁ କେନ୍ଦ୍ରକରି ବୋମାମାଡ଼ କରାଯାଇଥିବା ଜନସାଧାରଣ ସନ୍ଦେହ କରୁଛନ୍ତି

ନିର୍ବାଚନ ପାଖେଇ ଆସୁଥିବା ବେଳେ, ଭୁବନେଶ୍ୱରରେ ଅପରାଧୀଙ୍କ ଉପଦ୍ରଵ ଏକ ନିତିଦିନିଆ କଥା ହେଲାଣି ।

ବୋମାମାଡ଼ର କାରଣ ଜଣା ପଡି ନାହିଁ, ଘଟଣା ସ୍ଥଳରେ ପୋଲିସ ପଛଞ୍ଚି ତଦନ୍ତ ଆରମ୍ଭ କରିଛି ।
ସ୍ବାମୀଙ୍କ ପାଇଁ ଖାଇବା ନେବାବେଳେ ଦୁର୍ବୁତ୍ତଙ୍କ ଆକ୍ରଣମର ଶିକାର ହେଲେ ମହିଳା

ସ୍ବାମୀଙ୍କ ପାଇଁ ଖାଇବା ନେଇକି ଯାଉଥିଲି । ଏହି ସମୟରେ ୪, ୫ ଜଣ ବକ୍ତି ମୋ ସହ ଖରାପ ଉଦ୍ଦେଶ୍ୟରେ ଟଣାଓଟରା କରିଥିଲେ । ମତେ ମାଡ ବି ମାରିଛନ୍ତି । ମୋ ସ୍ବାମୀ ଦଉଡି ଆସିବାରୁ ତାଙ୍କୁ ମଧ୍ୟ ୪ ଜଣ ଆକ୍ରମଣ କରିଛନ୍ତି । ଏମିତି ଏକ ଘଟଣା ସାମ୍ନାକୁ ଆସିଛି କେନ୍ଦ୍ରାପଡା ଜିଲ୍ଲା ରାଜନଗର ବ୍ଲକ ତାଳଚୁଆ ସାମୁଦ୍ରିକ ଥାନା ଅଧିନସ୍ତ ଖାସମୁଣ୍ଡା ଗାଁରେ । ପ୍ରତିଦିନ ପରି ଖାସମୁଣ୍ଡା ଗାଁର ବଳରାମଙ୍କ ପତ୍ନୀ ମାଧବୀ ଶନିବାର ଦିନ ଖାଦ୍ୟ ନେଇ ସ୍ୱାମୀଙ୍କ ନିକଟକୁ ଯାଇଥିଲେ । ସ୍ବାମୀଙ୍କ ଠାରୁ କିଛି ଦୂରତାରେ ତାଙ୍କୁ ନାଣ୍ଡୁ ପଣ୍ଡା, ବାପି ସିଂ ଏବଂ ତିନି ଭାଇ ଯଥା, ଶ୍ରୀମନ୍ତ, ସୁବାସ ଓ ଶୁକଦେବ ସିଂ ଖରାପ ଉଦ୍ଦେଶ୍ୟରେ ଆକ୍ରମଣ କରିଥିଲେ ।

ଏଥି ସହିତ ତାଙ୍କ ଲୁଗାପଟା ମଧ୍ୟ ଚିରି ଦେଇଥିବା ଅଭିଯୋଗ ହୋଇଛି । ମାଧବୀଙ୍କ ଚିତ୍କାର ଶୁଣି ସ୍ବାମୀ ତାଙ୍କ ପାଖକୁ ଦଉଡି ଆସିବାରୁ ତାଙ୍କୁ ମଧ୍ୟ ସାଙ୍ଗାତିକ ଭାବେ ମାଡ ମାରିଥିଲେ । ଫଳରେ ବଳରାମ ଗୁରୁତର ହୋଇଛନ୍ତି । ସେମାନଙ୍କୁ ଯେତେ ଗୁହାରୀ କଲେ ମଧ୍ୟ କେହି ଶୁଣିଲେ ନାହିଁ । ସ୍ବାମୀ ବଳରାମଙ୍କୁ ଜୀବନରୁ ମାରିଦେବାକୁ ଧମକ ଦେଇଥିଲେ । କୋଣସି ସୂତ୍ରରୁ ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଆମକୁ ବଞ୍ଚାଇଲେ ଆଉ ଡାକ୍ତରଖାନାକୁ ପଠାଇଥିଲେ ବୋଲି କହିଛନ୍ତି ମହିଳା ଜଣକ ।

ଅନ୍ୟପଟେ ଦୁର୍ବୁତ୍ତଙ୍କ ଆକ୍ରଣମର ଶିକାର ହୋଇ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଡାକ୍ତରଖାନାରେ ଛିକିତ୍ସିତ ହେଉଥିବା ବଳରାମ ବଖାଣିଛନ୍ତି ସେହି ସମୟର ସେହି ଲୋମଟାଙ୍କୁରା ଦୃଶ୍ୟ ବିଷୟରେ ।

ତେବେ ରାଜନଗର ସାମୁଦ୍ରିକ ଥାନାରେ ଅନଲାଇନ ମାଧ୍ୟମରେ ଏତଲା ଦେଲା ପରେ ଆଜି ଗଣମାଧ୍ୟମ ଆଗରେ ଆହତ ଦମ୍ପତି ପ୍ରତିକ୍ରିୟା ରଖିଛନ୍ତି । ଏହା କୌଣସି ସାଧାରଣ ଘଟଣା ହୋଇନଥିବା ବେଳେ ପୋଲିସ ଏଥିରେ କେତେ ତତ୍ପରତା ଦେଖାଉଛି ଏବଂ ପିଡିତାଙ୍କୁ କେବେ ନ୍ୟାୟ ମିଳୁଛି ତାହା ଦେଖିବା ବାକି ।
ଗୋହିରା ଓ ଗଁପୁର ପଞ୍ଚାୟତରେ ‘ଆମ ବ୍ୟାଙ୍କ’ ସେବା ଭର୍ଚୁଆଲ ମାଧ୍ୟମରେ ଉଦଘାଟିତ

ଦ୍ୱିତୀୟ ପ୍ରଜାୟରେ ଘଷିପୁରା ବ୍ଳକର ଗୋହିରା ଓ ଗଁପୁର ଗ୍ରାମ ପଞ୍ଚାୟତରେ ବ୍ୟାଙ୍କିଙ୍ଗ ସେବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦ୍ବାରା ଭର୍ଚୁଆଲ ମାଧ୍ୟମରେ ଉଦଘାଟିତ ହୋଇଯାଇଛି । ଗଁପୁର ପଞ୍ଚାୟତରେ ମୁଖ୍ୟ ଅତିଥି ଭାବେ ଘଷିପୁରା ବିଧାୟକ ବଦ୍ରୀ ନାରାୟଣ ପାତ୍ର ,ସମ୍ମାନିତ ଅତିଥି ଭାବେ ଘଷିପୁରା ବିଡ଼ିଓ ମାନସ ରଞ୍ଜନ ସାମଲ , ସହାୟକ ଯନ୍ତ୍ରୀ ଲଷ୍ମୀ ପ୍ରିୟା ଜେନା , କନିଷ୍ଠ ଯନ୍ତ୍ରୀ ସସ୍ମିତା ପାତ୍ରଙ୍କ ସହ ଅନେକ କାର୍ଯ୍ଯକାରୀ ସଦସ୍ଯ ଯୋଗଦେଇଥିଲେ । ତେବେ ଏହି ବ୍ୟାଙ୍କ ସେବା ଦ୍ୱାରା ଦ୍ୱାରା ଅଞ୍ଚଳର ଲୋକ ମାନେ ଉପକୃତ ହୋଇପାରିବେ ବୋଲି ଅତିଥିମାନେ ମତବ୍ଯକ୍ତ କରିଛନ୍ତି ।

ଏହି କାର୍ଯ୍ୟକ୍ରମରେ ଗୋହିରା ଓ ଗଁପୁର ପଞ୍ଚାୟତ ଓ ଆଖ ପାଖ ଅଞ୍ଚଳବାସୀ ବହୁ ସଂଖ୍ୟକ ଯୋଗ ଦେଇଥିଲେ ।
କ୍ୟାପ୍ଟେନ ରାଜନାରାୟଣଙ୍କ ବଡ଼ଚଣାରେ ଦମ୍, କଂଗ୍ରେସର ବିଶାଳ ଜନ ସମାବେଶ

ସାଧାରଣ ନିର୍ବାଚନ ଯେତିକି ପାଖେଇ ଆସୁଛି ଯାଜପୁର ଜିଲ୍ଲା ବଡ଼ଚଣାରେ ରାଜନୈତିକ ବାତାବରଣ ସରଗରମ ହେବାରେ ଲାଗିଛି। ଏହିକ୍ରମରେ କଂଗ୍ରେସର ଦଳୀୟ ପତାକାନ ରଖି ବଡ଼ଚଣା ପ୍ରଗତୀ ମଞ୍ଚ ଆଳରେ ସ୍ଥାନୀୟ ମହୋତ୍ସବ ପଡ଼ିଆରେ ବିଶାଳ ଜନ ସମାବେଶ କରି ନିଜ ଶକ୍ତି ପ୍ରଦର୍ଶନ କରିଛନ୍ତି କଂଗ୍ରେସ ନେତା କ୍ୟାପଟେନ ରାଜ ନାରାୟଣ ମହାପାତ୍ର।

ପୂର୍ବତନ ମନ୍ତ୍ରୀ ସୀତାକାନ୍ତ ମହାପାତ୍ରଙ୍କ ପୁଅ ତଥା ବଡ଼ଚଣା କଂଗ୍ରେସ ନେତା କ୍ୟାପଟେନ ରାଜ୍ ନାରାୟଣ ମହାପାତ୍ରଙ୍କ ନେତୃତ୍ୱରେ ୩୦ ହଜାର ଲୋକଙ୍କୁ ନେଇ ସମାବେଶର ଆୟୋଜନ କରାଯାଇଥିବା ବେଳେ ଏହି ସଭାରେ ସରକାରଙ୍କ ଗୁଣଗାନ କରିଥିବା ବେଳେ ବଡ଼ଚଣା ବିଧାୟକଙ୍କ ବିରୁଦ୍ଧରେ ବିଷୋଦଗାର କରିଥିଲେ l ଅମର ହଟାଅ ବଡ଼ଚଣା ବଞ୍ଚାଅ ଏହି ସମାବେଶର ମୁଖ୍ୟ ନାରା ଥିବା ଦେଖିବାକୁ ମିଳିଥିଲା।

ସେଠାରେ ଅନୁଷ୍ଠିତ ସାଧାରଣ ସଭାରେ କ୍ୟାପଟେନ ରାଜ୍ ନାରାୟଣ ମହାପାତ୍ର ବଡ଼ଚଣାରେ ବିକାଶ ନାଁରେ ବିନାଶ ହୋଇଥିବା କହିଥିଲେ। ଏପରିକି ବଡ଼ଚଣା ରାଜନୀତିରେ ବିଧାୟକ ଅମର ପ୍ରସାଦ ଶତପଥୀ ଓ ବିଜେପି ନେତା ଅମର ନାୟକଙ୍କ ଭୂମିକାକୁ ନେଇ କଟାକ୍ଷ କରିଥିଲେ। ଆଗାମୀ ଦିନରେ ବଡ଼ଚଣାବାସୀ ଏହାର ଉଚିତ ଜବାବ ଦେବେ ବୋଲି କହିଛନ୍ତି କ୍ଯାପଟେନ ରାଜ୍ ନାରାୟଣ ମହାପାତ୍ର ।
ବଦଳିବ ସୋନପୁର ରାଜନୈତିକ ଚିତ୍ର, ପ୍ରସ୍ତୁତ ହେଉଛନ୍ତି ଯୁବନେତ୍ରୀ

ଏଥର ବଦଳିବ ସୋନପୁର ରାଜନୈତିକ ଚିତ୍ର | ମୈଦାନକୁ ଓହ୍ଲେଇବାକୁ ପ୍ରସ୍ତୁତ ହେଉଛନ୍ତି ବହୁ ଯୁବ ବର୍ଗ |ରାଜ୍ୟ ସରକାର ବହୁ ଯୋଜନା ଜନତାଙ୍କ ଅସନ୍ତୋଷ ପ୍ରଶମିତ କରିବାରେ ହେଉଛି ବିଫଳ। ପୁରୁଣା ନେତାଙ୍କ ଉପରେ ଭରସା ପାଉନି ସ୍ଥାନୀୟ ଜନତାଙ୍କର। ସୋନପୁର ନିର୍ବାଚନ ମଣ୍ଡଳୀ ହେଉଛି ରାଜ୍ୟର ଅର୍ଥ ତଥା ସ୍ବାସ୍ଥ୍ୟ ମନ୍ତ୍ରୀ ନିରଞ୍ଜନ ପୂଜାରୀଙ୍କର। ସେଠାରୁ ଲଗାତର ୩ ଥର ଧରି ନିରଞ୍ଜନ ନିର୍ବାଚିତ ହୋଇଆସୁଛନ୍ତି। ମନ୍ତ୍ରୀ ମଣ୍ଡଳରେ ମଧ୍ୟ ପାଇଛନ୍ତି ସ୍ଥାନ। ହେଲେ ଏଥିରେ ସୋନପୁରର ବଦଳୁନି ଭାଗ୍ୟ। ବେରୋଜଗାରୀ, ଚାଷୀ ସମସ୍ୟା, ରାସ୍ତାଘାଟ ସମସ୍ୟା, ସ୍ବାସ୍ଥ୍ୟ ସମସ୍ୟା ପରି ବିଭିନ୍ନ ସମସ୍ୟା ପଛ ଛାଡୁନି ଜିଲ୍ଲାବାସୀଙ୍କର।

ଯାହାକୁ ନେଇ ଲୋକେ ଅତିଷ୍ଠ ହେଲେଣି। ଚାଷ ପ୍ରଧାନ ଏହି ଜିଲ୍ଲାର ଚାଷୀ ପାଇଁ ହୋଇପାରିନି ଜଳସେଚନ ଓ ଜଳ ନିଷ୍କାସନର ସୁବିଧା। ତେଣୁ କେତେବେଳେ ଅତି ବର୍ଷା ତ ପୁଣି କେତେବେଳେ ବର୍ଷା ଅଭାବ ଚାଷୀର ଆର୍ଥିକ ମେରୁଦଣ୍ଡ ଭାଙ୍ଗିଦେଉଛି। ସେହିପରି ଚାକିରି ନ ପାଇ ଦାଦନ ଖଟିବାକୁ ଯାଉଛନ୍ତି ଯୁବପିଢି। ବିଭିନ୍ନ ଘୋଷଣା ବା ଯୋଜନା ସତ୍ତ୍ବେ କାର୍ଯ୍ୟକାରିତା ଅଭାବ ଲୋକଙ୍କୁ ଅସହ୍ୟ ହେଲାଣି।

ସେପଟେ ନିଜ ମାଟି ପ୍ରତି ସରକାରଙ୍କ ଅବହେଳା, ବୈମାତୃକ ମନୋଭାବ ପାଇଁ ଅନେକ ଯୁବନେତା ନିର୍ବାଚନ ପାଇଁ ପ୍ରସ୍ତୁତ ହେବାରେ ଲାଗିଲେଣି। ଏମାନଙ୍କ ମଧ୍ୟରେ ଚାଷୀ ନେତ୍ରୀ ସୋନାଲି ବିଶି ଅନ୍ୟତମ। ସୋନାଲିଙ୍କ ପ୍ରତି ବଢୁଛି ଜନ ସମର୍ଥନ। ଚାଷୀଙ୍କ ସ୍ବାର୍ଥ ପାଇଁ ଅଣ୍ଟା ଭିଡି ସୋନାଲିଙ୍କ ଲୋକପ୍ରିୟତା ଦିନକୁ ଦିନ ବଢିବାରେ ଲାଗିଛି। ଏଥିସହ ସୁତା ମିଲ ବନ୍ଦ , ଦାଦନ ଓ ଚାଷୀ ମାରଣ ନୀତି, ବିପର୍ଯ୍ୟସ୍ତ ସ୍ୱାସ୍ଥ୍ୟ ସେବା ଭଳି ବିଭିନ୍ନ ପ୍ରସଙ୍ଗ ନେଇ ଲୋକଙ୍କ ପାଖକୁ ଯାଉଛନ୍ତି ସୋନାଲି |

ବିଭିନ୍ନ ସ୍ଥାନରେ ମଧ୍ୟ ସରକାର ବିରୋଧରେ ବିଶୋଦ୍ଗାର କରୁଥିବା ଦେଖିବାକୁ ମିଳୁଛି। ତାଙ୍କ ଏପରି କାର୍ଯ୍ୟକୁ ଦେଖି ଆଗାମୀ ନିର୍ବାଚନରେ ସେ ସୋନପୁରରୁ ଠିଆ ହେବା ନେଇ ମତ ପାଇବାରେ ଲାଗିଲାଣି। ତେବେ ଦେଖିବାକୁ ରହିଲା ସେ ଜନତାଙ୍କ ପାଇଁ ସ୍ବାଧୀନଭାବେ ମୈଦାନକୁ ଓହ୍ଲାଇବେ ନାଁ ତାଙ୍କ ଲୋକପ୍ରିୟତାକୁ ଦେଖି କୌଣସି ଦଳ ତାଙ୍କୁ ଆପଣେଇବ।