Category: ରାଜ୍ୟ ଖବର

ମହିଳାଙ୍କୁ ସଶକ୍ତ କରିବାକୁ ରାଜ୍ୟ ସରକାରଙ୍କ ପକ୍ଷରୁ ପୂର୍ବରୁ ବହୁ ଯୋଜନା ହୋଇଛି। ନିକଟରେ ମଧ୍ୟ ଅନେକ ଯୋଜନା କରିଛନ୍ତି ରାଜ୍ୟ ସରକାର। ମିଶନ ଶକ୍ତି ମହିଳାଙ୍କୁ ସ୍ବତନ୍ତ୍ର ପରିଚୟ ଦେବାକୁ ସେମାନଙ୍କ ପାଇଁ ୟୁନିଫର୍ମ ବ୍ୟବସ୍ଥା କରିବା ସହ ଏଥି ପାଇଁ ହଜାର ଟଙ୍କା ଓ କ୍ୟାଡରମାନଙ୍କ ବ୍ଲେଜର ପାଇଁ ୨ ହଜାର ଟଙ୍କା ବଣ୍ଟନ କରାଯାଉଛି। ଏହିକ୍ରମରେ ଯାଜପୁର ବ୍ଲକ ପରିସରରେ ମିଶନ ଶକ୍ତି ମହିଳା ମାନଙ୍କୁ ୟନିଫର୍ମ ଭତା ବଣ୍ଟନ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ଏହି ଅବସରରେ ସେମାନେ ନେଇଥିବା ଋଣର ସୁଧ ଛାଡ଼ ଘୋଷଣା କରାଯାଇଥିଲା। ବ୍ଲକର ୧୧୫୦ ସ୍ୱୟଂ ସହାୟକ ଗୋଷ୍ଠୀର ସଦସ୍ୟ ମାନଙ୍କୁ ଏହି ସୁଧ ଛାଡ଼ କରାଯାଇଛି। ଏହି କାର୍ଯ୍ୟକ୍ରମ ରେ ଯାଜପୁର ବ୍ଲକ ଅଧକ୍ଷା ସ୍ବର୍ଣ୍ଣଲତା ପରିଡା, ଯାଜପୁର ପୌରପାଳିକା ଅଧ୍ୟକ୍ଷା ରଞ୍ଜୁଲତା ହୋତା, ମିଶନ ଶକ୍ତି ବ୍ଲକ ପ୍ରୋଗ୍ରାମ ସଂଯୋଜିକା ଗୀତାରାଣୀ ପଣ୍ଡା ପ୍ରମୁଖ ଯୋଗ ଦେଇ ରାଜ୍ୟ ସରକାରଙ୍କ ଏଭଳି ଯୋଜନାର ଲାଭ ଉଠାଇବାକୁ ଏସଏଚଜି ମହିଳାଙ୍କୁ ପରାମର୍ଶ ଦେଇଥିଲେ।

ସରକାରଙ୍କ ସୁଧ ଛାଡ ଘୋଷଣା ପରେ ମିଶନ ଶକ୍ତି ମହିଳାଙ୍କ ମଧ୍ୟରେ ଖେଳିଯାଇଛି ଆନନ୍ଦର ଲହରୀ। ଏଥିନେଇ ମହିଳାମାନେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି

କେନ୍ଦୁଝର ଜିଲ୍ଲାରେ ବହୁ ଗୁରୁତ୍ବ ବହନ କରୁଛି ଖଣିଜ ସମ୍ପତ୍ତିରେ ପୂର୍ଣ୍ଣ ଯୋଡା ଅଞ୍ଚଳ। ସହରର କଳାପାହାଡରେ ଥିବା ସ୍ଵାଗତ ତୋରଣ ଟାଟା ଷ୍ଟିଲ ପକ୍ଷରୁ ରୂପାନ୍ତରଣର ମାସେ କେଇଟା ନ ପୂରୁଣୁ ଫାଳଫାଳ ହୋଇ ଉଡି ପ୍ରବେଶ ପଥକୁ କରିଦେଇଛି ଅସୁନ୍ଦର । ଟାଟାଷ୍ଟିଲର ଆତ୍ମପ୍ରଚାର ନିଶା ଖୋଲିଦେଇଛି ନିମ୍ନମାନର କାର୍ଯ୍ୟର ପୋଲ୍। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଯୋଡା ସହରର ଏହି ସ୍ଵାଗତତୋରଣର ରୂପାନ୍ତରଣ ପାଇଁ ଗତ ବର୍ଷ ଜୁଲାଇ ୨୪ରେ ଭୂମିପୂଜା କରିଥିଲେ ଖୋଦ୍ ଚମ୍ପୁଆ ବିଧାୟିକା ମିନାକ୍ଷୀ ମହାନ୍ତ ଓ ଯୋଡା ନଗରପାଳ ଜଗଦୀଶ ସାହୁ। ହେଲେ ତୋରଣ ରୂପାନ୍ତରଣକୁ ବର୍ଷ ଗୋଟେ ହୋଇନି, ସେଥିରେ ଲାଗିଥିବା ଆଲୁମିନିୟମ ପ୍ଲେଟ ନିମ୍ନମାନର ହୋଇଥିବାରୁ ଭାରିଯାନ ଯାତାୟାତରେ ସେ ସବୁ ଉଡିଯାଇ, କିମ୍ଭୁତ କିମ୍ଭାକାର ଲାଗିଛୁ ତୋରଣ। ଭିତରେ ଥିବା ମୂଳ ଢାଞ୍ଚା ପଦାକୁ ବାହାରିଲାଣି। ଖାଲି ସେତିକି ନୁହେଁ, ଏହି ରୂପାନ୍ତର କାର୍ଯ୍ୟ ବେଳେ ମୂଳ ଢାଞ୍ଚାରେ ହୋଇଥିବା ଖଣ୍ଡିଆ ଖବରା ପରିପୃଷ୍ଟିତ ହେବାରୁ ଦୃଷ୍ଟି କଟୁ ହେଲାଣି। ଏହାକୁ ଦେଖିବା ପରେ ଯୋଡାବାସୀଙ୍କ ମଧ୍ୟରେ ଦେଖିବାକୁ ମିଳୁଛି ଅସନ୍ତୋଷ।

ଟାଟା ଷ୍ଟିଲ ଖାଲି ତୋରଣ ଫଳକରେ ନିଜ ନାଁକୁ ଉଲ୍ଳେଖ କରିବାକୁ ଏପରି କୁତ୍ସିତ କାର୍ଯ୍ୟ କରିଥିବା ଚର୍ଚ୍ଚା ହେଉଛି। କମ୍ପାନୀର ଏପରି ଚଞ୍ଚକତା ପାଇଁ ବିଧାୟିକାଙ୍କ ସମେତ ଯୋଡା ନଗରପାଳ ଲଜ୍ଜିତ ହେଉଥିବା ଲୋକେ କୁହାକୁହି ହେଲେଣି। ତେବେ ନେତାଙ୍କୁ ହାତ କରି ଏପରି ଚଞ୍ଚକତା କରିବାରେ ଟାଟା ଷ୍ଟିଲର ପୂର୍ବରୁ ନାଁ ରହିଛି ବୋଲି ମଧ୍ୟ ଶୁଣିବାକୁ ମିଳୁଛି। ଏଠାରେ କହି ରଖୁଛୁ, ପ୍ରାୟ ୧୪ ବର୍ଷ ତଳେ ଯୋଡାର ତତ୍କାଳୀନ ନଗରପାଳ ରବୀନ୍ଦ୍ର କୁମାର ଦାସଙ୍କ ପ୍ରଚେଷ୍ଟାରେ ପୌରପାଳିକା ପକ୍ଷରୁ କଳାପାହାଡ ଠାରେ ସିମେଣ୍ଟ, କଂକ୍ରିଟରେ କାରୁକାର୍ଯ୍ୟପୂର୍ଣ୍ଣ ସ୍ୱାଗତତୋରଣ ନିର୍ମାଣ କରାଯାଇଥିଲା। ଯାହା ଯୋଡା ସହରକୁ ଦେଇଥିଲା ଏକ ସ୍ବତନ୍ତ୍ର ପରିଚୟ। ମାତ୍ର ଟାଟାଷ୍ଟିଲ କେବଳ ନିଜ ନାଁ ଯୋଡିବାକୁ କିଛି ଅସାଧୁ ନେତାଙ୍କ ଜରିଆରେ ପ୍ରବେଶପଥକୁ କୁତ୍ସିତ କରିଦେଇଛି। ତେବେ ଟାଟାଷ୍ଟିଲ କର୍ତ୍ତୃପକ୍ଷ ଏହି ଭଙ୍ଗା ତୋରଣ ଦେଖି ପାରୁଛନ୍ତି କି ନାହିଁ ତାହା ଏବେ ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି।

ବଲାଙ୍ଗୀର ଜିଲ୍ଲା ସଇଁତଲା ବ୍ଲକ ବଡ଼ମାଳ ଗୋଳାବାରୁଦ କାରଖାନା ରେ ବିସ୍ପୋରଣ । ଗତକାଲି ସଂଧ୍ୟା ସମୟରେ ଏହି ବିସ୍ଫୋରଣ ଘଟିଥିବା ସୂଚନା ମିଳିଛି । ଭାରତ ସରକାରଙ୍କ ପ୍ରତିରକ୍ଷା ବିଭାଗରୁ ବଡ଼ମାଳ ଗୋଳାବାରୁଦ କାରଖାନାରେ ବିଭିନ୍ନ ସମଗ୍ରୀ ତିଆରି ହୋଇଥାଏ !ତେବେ ୧୨ ନମ୍ବର ୟୁନିଟ ରେ କେମିକାଲ ବିଭାଗରେ ଅଚାନକ ବିସ୍ପୋରଣ ହୋଇ ଥିବା ସୂଚନା ମିଳିଛି !ବିସ୍ପୋରଣ ଏତେ ମାତ୍ରରେ ଥିଲା ଯେ ନିଆଁ ବ୍ଯାପିବା ସହ ଧୁଆଁ ସାରା ଅଞ୍ଚଳକୁ ବ୍ଯାପିଯାଇଛି ।

ଯାହାକୁ ନେଇ ଅଞ୍ଚଳ ବାସୀଙ୍କ ମଧ୍ୟରେ ସୃଷ୍ଟି ହୋଇଥିଲା କୋକୁଆ ଭୟ । ତେବେ କେଉଁ କାରଣ ରୁ ବିସ୍ପୋରଣ ହୋଇଛି ତାହା ଜଣାପଡିନ ଥିବା ବେଳେ ବିସ୍ପୋରଣ ରେ କେତେ କ୍ଷୟ କ୍ଷତୀ ହେଇଛି ତାହା ଅଷ୍ପଷ୍ଟ ରହିଛି ! ଗତକାଲି ରବିବାର ହୋଇଥିବାରୁ କର୍ମଚାରୀ ନଥିବାରୁ ଏକ ବଡ଼ ଅଘଟଣ ଏଡେଇ ହୋଇଯାଉଥିବା କୁହାଯାଉଛି ।