Category: ଦେଶ-ବିଦେଶ

ସୁପ୍ରିମକୋର୍ଟକୁ ଆଜି ମିଳିବ ଆଉ ଦୁଇ ଜଣ ବିଚାରପତି

ସୁପ୍ରିମକୋର୍ଟରେ ଆଜି ଦୁଇ ଜଣ ନୂତନ ବିଚାରପତି ନିଯୁକ୍ତି ପାଇବେ । ସୁପ୍ରିମକୋର୍ଟର ବିଚାରପତି ଭାବେ ପ୍ରଶାନ୍ତ ମିଶ୍ର ଏବଂ କେ.ବି ବିଶ୍ୱନାଥନଙ୍କୁ ମୁଖ୍ୟ ବିଚାରପତି ଡି.ଓ୍ବାଇ ଚନ୍ଦ୍ରଚୂଡ ଶପଥ ଗ୍ରହଣ କରାଇବେ । ଗୁରୁବାର ଦିନ କେନ୍ଦ୍ର ସରକାରଙ୍କ ତରଫରୁ ଅଧିବକ୍ତାଙ୍କ ନିଯୁକ୍ତିକୁ ଅନୁମୋଦନ ମିଳିବା ପରେ ଜଷ୍ଟିସ ପ୍ରଶାନ୍ତ କୁମାର ମିଶ୍ର ଏବଂ ବରିଷ୍ଠ ଅଧିବକ୍ତା କେ.ବି ବିଶ୍ୱନାଥନ ଆଜି ଶପଥ ଗ୍ରହଣ କରିବେ ବୋଲି ସ୍ପଷ୍ଟ ହୋଇଛି ।

କେନ୍ଦ୍ର ଆଇନ ମନ୍ତ୍ରୀ ଅର୍ଜୁନ ମେଘୱାଲ ଟ୍ୱିଟରରେ ମିଶ୍ର ଏବଂ ବିଶ୍ୱନାଥନଙ୍କ ନିଯୁକ୍ତିକୁ ନିଶ୍ଚିତ କରିଛନ୍ତି । ସୁପ୍ରିମକୋର୍ଟ କଲେଜିୟମ ଦ୍ୱାରା ଭାରତର ପ୍ରଧାନ ବିଚାରପତି (ସିଜେଇ) ଡିଓ୍ବାଇ ଚନ୍ଦ୍ରଚୁଡଙ୍କ ନେତୃତ୍ୱରେ ସେମାନଙ୍କ ନାମ କେନ୍ଦ୍ରକୁ ସୁପାରିଶ କରାଯାଇଥିଲା ।

ଜଷ୍ଟିସ ମିଶ୍ର ବର୍ତ୍ତମାନ ଆନ୍ଧ୍ରପ୍ରଦେଶ ହାଇକୋର୍ଟର ପ୍ରଧାନ ବିଚାରପତି ଅଛନ୍ତି । ପାଞ୍ଚ ସଦସ୍ୟ ବିଶିଷ୍ଟ କଲେଜିୟମ କହିଛନ୍ତି ଯେ, ୩୪ ଜଣ ବିଚାରପତିଙ୍କୁ ସୁପ୍ରିମକୋର୍ଟରେ ଅନୁମୋଦିତ କରିବାର କ୍ଷମତା ରହିଛି, ଯାହା ବର୍ତ୍ତମାନ ୩୨ ଜଣଙ୍କ ସହ କାର୍ଯ୍ୟ କରୁଛନ୍ତି । ନିକଟରେ ସୁପ୍ରିମକୋର୍ଟର ଦୁଇ ଜଣ ବିଚାରପତି ଦୀନେଶ ମହେଶ୍ୱରୀ ଏବଂ ଏମଆର ଶାହ ଅବସର ନେଇଛନ୍ତି ।

ମେ ମାସ ୧୬ ତାରିଖ ଦିନ ବିଶ୍ୱନାଥନ୍ ଏବଂ ମିଶ୍ରଙ୍କ ନାମ ସୁପାରିଶ କରିବା ବେଳେ କଲେଜିୟମ୍ କହିଛି ଯେ, ଜୁଲାଇ ଦ୍ୱିତୀୟ ସପ୍ତାହ ସୁଦ୍ଧା ଆହୁରି ଚାରିଟି ପଦବୀ ଖାଲି ହେବାକୁ ଯାଉଛି ଏବଂ ବିଚାରପତିଙ୍କ କାର୍ଯ୍ୟ କ୍ଷମତା ଆହୁରି ହ୍ରାସ ପାଇବ ।
ରୁଷ ଉପରେ ଭାରି, ୩୦ କ୍ରୁଜ ମିସାଇଲ୍ ଖସାଇଲା ୟୁକ୍ରେନ୍ ସେନା

ଆଉ ୫ ଦିନ ପରେ ରୁଷ ଓ ୟୁକ୍ରେନ ଯୁଦ୍ଧକୁ ୧୫ ମାସ ପୂରିବ । ଏଯାଏ କିନ୍ତୁ ଯୁଦ୍ଧ କେବେ ଶେଷ ହେବ ସେ ନେଇ କୌଣସି ଉତ୍ତର ନାହିଁ । ଘମାଘୋଟ ଲଢ଼େଇ ଜାରି ରହିଥିବା ବେଳେ ରୁଷ୍ ସେନା ଉପରେ ଭାରି ପଡୁଛନ୍ତି ୟୁକ୍ରେନ୍ ସେନା । ପ୍ରତି ଆକ୍ରମଣରେ ରୁଷ୍ ବି ବ୍ୟାପକ କ୍ଷତି ସହିଲାଣି ।

ଯୁଦ୍ଧରେ କିଏ ଜିତିବ କିଏ ହାରିବ ତାହା ତ ସମୟ କହିବ । ହେଲେ ବିଶ୍ୱବାସୀଙ୍କ ଉପରେ ଏହାର ପ୍ରଭାବ ପଡୁଛି । ଯୁଦ୍ଧରେ ରୁଷ ସେନା ଉପରେ କାଉଣ୍ଟର ଆଟାକ୍ କରୁଛି ୟୁକ୍ରେନ୍ । ୟୁକ୍ରେନ ପ୍ରତିରକ୍ଷା ବାହିନୀ ନିକଟରେ ପରାସ୍ତ ହେବାରେ ଲାଗିଛି ଋଷ ବାହିନୀ । ଗତ ୨୪ ଘଣ୍ଟାରେ ଋଷର ୩୦ଟି କ୍ରୁଜ୍ ମିସାଇଲ ମଧ୍ୟରୁ ୨୯ଟି ଖସାଇ ସାରିଲାଣି ୟୁକ୍ରେନ ସେନା । ଏଥିସହ ଋଷର ଅନେକ ସେନା ବି ଜୀବନ ହାରିଲେଣି । ଚାରିଟି ଡ୍ରୋନ୍ ଖସାଇଦେଲାଣି ୟୁକ୍ରେନ୍ । ଏହି ମିସାଇଲଗୁଡିକ କିଭ୍ ଓ ଅନ୍ୟାନ୍ୟ ସହରକୁ ଟାର୍ଗେଟ କରୁଥିଲା । ହେଲେ ଏହା ପୂର୍ବରୁ ସେଗୁଡ଼ିକୁ ଧ୍ୱଂସ କରିଛି ୟୁକ୍ରେନ୍ ସେନା । କିଭର ଦୁଇଟି ଅଞ୍ଚଳରେ ଦୁଇଟି ବଡ଼ ଧରଣର ବିସ୍ଫୋରଣ ଯୋଗୁଁ ୫ ଜଣ ଆହତ ହୋଇଛନ୍ତି ।

ଏହି ଯୁଦ୍ଧରେ ଆମେରିକା ଏବଂ ଜର୍ମାନୀର ଭୂମିକାକୁ ନେଇ ସମାଲୋଚନା କରିଛି ଋଷ । ନିଜର ସ୍ବାର୍ଥ ହାସଲ ଲାଗି ୟୁକ୍ରେନକୁ ବ୍ୟବହାର କରାଯାଉଛି । ଏଭଳି ଅଭିଯୋଗ କରିଛି ମସ୍କୋ । ୟୁକ୍ରେନକୁ ଜର୍ମାନୀ ମଡର୍ଣ୍ଣ ବ୍ୟାଟଲ ଟ୍ୟାଙ୍କ୍ ଯୋଗାଇବା ଲାଗି ଘୋଷଣା କରିଥିବାରୁ ଏହାକୁ ବିରୋଧ କରିଛି ରୁଷ । ଋଷର ଘନଘନ ଆକ୍ରମଣରେ ୟୁକ୍ରେନର ବାଖମତ ସହର ପୁରାପୁରି ଧ୍ୱଂସ ହେଲାଣି । ସ୍କୁଲ,ବ୍ୟାବସାୟିକ ପ୍ରତିଷ୍ଠାନ ନଷ୍ଟ ହେଲାଣି । ଭୟରେ ଲୋକେ ସହର ଛାଡ଼ି ପଳାଉଛନ୍ତି ।
ସହର ଏବେ ପୁରାପୁରି ଜନଶୂନ୍ୟ ହୋଇଛି ।
୨୬/୧୧ ମୁମ୍ବାଇ ଆକ୍ରମଣ: ମୋଷ୍ଟ ୱାଣ୍ଟେଡ ରାଣାର ଭାରତ ପ୍ରତ୍ୟାବର୍ତ୍ତନ ବାଟ ସଫା

୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣର ମୋଷ୍ଟ ୱାଣ୍ଟେଡ ଆତଙ୍କୀ ତହବ୍ବୁର ହୁସେନ ରାଣା ଫେରିବ ଭାରତକୁ। ରାଣାକୁ ଫେରାଇ ଆଣିବାକୁ ଭାରତ ସରକାରର ଦୀର୍ଘ ବର୍ଷର ଆଇନଗତ ପ୍ରୟାସ ପରେ ଆମେରିକାର କାଲିଫର୍ଣ୍ଣିଆ କୋର୍ଟ ତାକୁ ଭାରତକୁ ପଠାଇବାକୁ ଅନୁମତି ଦେଇଛନ୍ତି। ୨୦୦୮ ନଭେମ୍ବର ୨୬ରେ ମୁମ୍ବାଇର ତାଜ ହୋଟେଲ ସମେତ ବିଭିନ୍ନ ସ୍ଥାନରେ ଲଶ୍କର ଇ ତୋଇବା ଆତଙ୍କବାଦୀ ସଂଗଠନ ସିରିଜ ବିସ୍ଫୋରଣ କରିଥିଲା।

୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣର ମୋଷ୍ଟ ୱାଣ୍ଟେଡ କୁହାଯାଉଥିବା ପାକିସ୍ତାନରେ ଜନ୍ମିତ କାନାଡାର ବ୍ୟବସାୟୀ ତହଦ୍ଦୁର ହୁସେନ ରାଣା ଘଟଣା ପରେ ଆମେରିକା ପଳାୟନ କରିଥିଲା। ଏନଆଇଏର ତଦନ୍ତ ପରେ ଆକ୍ରମଣରେ ରାଣାର ହାତ ଥିବା ଓ ସେ ଆମେରିକା ପଳାୟନ କରିଥିବା ଜଣାପଡିଥିଲା। ଏହା ପରେ ତାକୁ ଭାରତ ଆଣିବାକୁ ଭାରତ ସରକାର ୨୦୨୦ ଜୁନରୁ ପ୍ରୟାସ ଜାରି ରଖିଥିଲେ। ଏନେଇ ଭାରତ ପକ୍ଷରୁ ସେଠାକାର ଅଦାଲତରେ ଆବେଦନ କରିଥିଲା। ବାଇଡେନ ସରକାର ସହ ଭାରତ କୂଟନୈତିକ ଆଲୋଚନା ଚଳାଇଥିଲା ଓ ରାଣାକୁ ଭାରତ ଫେରାଇବା ନେଇ ଚାପ ପ୍ରୟୋଗ କରିଥିଲା। ଭାରତର ଦାବିକୁ ସେଠାକର ସରକାର ମଧ୍ୟ ସମର୍ଥନ କରିଥିଲେ।

Indian army soldiers take position during a gun battle at the Taj Mahal hotel (seen in the background) in Mumbai November 29, 2008. Operations by Indian commandos to dislodge Islamist militants at Mumbai’s Taj Mahal hotel ended on Saturday, Indian television channels quoted officials as saying. The hotel came under heavy gunfire and flames leaped out of the building shortly before the announcement. REUTERS/Desmond Boylan (INDIA) – RTR222U1

ଏହି ମାମଲାର ଶୁଣାଣି କରି କାଲିଫର୍ଣ୍ଣିଆର ଜଣେ ଜିଲ୍ଲା ଜଜ୍‌ ସବୁ ଦସ୍ତାବିଜର ସମୀକ୍ଷା ପରେ ଭାରତ ସରକାର ହୋଇଆସୁଥିବା ଦାବି ଯୁକ୍ତିଯୁକ୍ତ ହୃଦୟଙ୍ଗମ କରିଛନ୍ତି ଓ ତାକୁ ଭାରତ ପଠାଇବାକୁ ଅନୁମତି ଦେଇଛନ୍ତି। କୋର୍ଟରେ ହୋଇଥିବା ଶୁଣାଣି ସମୟରେ ଆମେରିକାର ସରକାର ଯୁକ୍ତି ବା‍ଢ଼ିଥିଲେ ଯେ, ରାଣାଙ୍କ ପିଲା ଦିନର ସାଙ୍ଗ ପାକିସ୍ତାନୀ-ଆମେରିକୀୟ ଡେଭିଡ କୋଲମେନ ହେଡଲି ଲଶ୍କର-ଇ-ତୋଇବାରେ ସାମିଲ ହୋଇଥିଲା । ଏହି ଘଟଣା ରାଣା ଖୁବ୍‌ ଭଲ ଭାବେ ଜାଣିଥିଲା। ଏହାସତ୍ତ୍ୱେ ସେ ହେଡଲି ସହାୟତା କରିଥିଲା ଓ ତାକୁ ସୁରକ୍ଷା ପ୍ରଦାନ କରିଥିଲା। ତେଣୁ ସେ ମଧ୍ୟ ଆତଙ୍କବାଦୀକୁ ସମର୍ଥନ କରିଥିବା ପ୍ରମାଣିତ ହେଉଛି। ସେପଟେ ରାଣାର ଓକିଲ କୋର୍ଟଙ୍କ ପ୍ରତ୍ୟାବର୍ତ୍ତନ ଆଦେଶକୁ ତୀବ୍ର ବିରୋଧ କରିଥିଲେ । କିନ୍ତୁ ତଥ୍ୟ ପ୍ରମାଣ ଆଧାରରେ କୋର୍ଟ ଭାରତ ସପକ୍ଷରେ ରାୟ ଶୁଣାଣଛନ୍ତି।

ତହବ୍ବୁର ହୁସେନ ମୂଳତଃ ପାକିସ୍ତାନୀ ହୋଇଥିବା ବେଳେ ସେ କାନାଡ଼ାରେ ରହି ବ୍ୟବସାୟ କରୁଥିଲେ। ୨୦୦୮ ନଭେମ୍ବର ୨୬ରେ ମୁମ୍ବାଇରେ ହୋଇଥିବା ଭୟଙ୍କର ଆତଙ୍କବାଦୀ ଆକ୍ରମଣରେ ରଣାଙ୍କର ସନ୍ଦେହଜନକ ଭୂମିକା ଥିବାରୁ ତାକୁ ଭାରତ ଫେରାଇବାକୁ ଅନୁରୋଧ କରାଯାଇଥିଲା। ଏହାପରେ ଆମେରିକା ପୁଲିସ୍‌ ତାକୁ ଗିରଫ କରିଥିଲା। ସୂଚନାଯୋଗ୍ୟ, ମୁମ୍ବାଇର ତାଜ ହୋଟେଲକୁ ଆତଙ୍କବାଦୀ ନିଜ କବ୍ଜାକୁ ନେଇଯାଇଥିଲେ ଓ ହୋଟେଲ ଭିତରେ ଥିବା ଅତିଥିଙ୍କ ମୁଣ୍ଡରେ ବନ୍ଧୁକ ରଖି ୬୦ ଘଣ୍ଟାରୁ ଅଧିକ ସମୟ ଧରି ଆତଙ୍କରାଜ ଚଳାଇଥିଲେ। ଏହି ଆକ୍ରମଣରେ ୧୬୬ ଜଣ ମୃତ୍ୟୁ ହୋଇଥିଲା। ମୃତକଙ୍କ ମଧ୍ୟରେ ୬ ଜଣ ଆମେରିକୀୟ ନାଗରିକ ମଧ୍ୟ ଥିଲେ।
ପଶ୍ଚିମ ବଙ୍ଗ ବିସ୍ଫୋରଣ ଘଟଣା, ଓଡିଶାରୁ ମୁଖ୍ୟ ଅଭିଯୁକ୍ତ ଗିରଫ

wb blast’s main accuse arrested from odisha

ପଶ୍ଚିମବଙ୍ଗ ବାଣ ବିସ୍ଫୋରଣର ଘଟଣାର ମୁଖ୍ୟ ଅଭିଯୁକ୍ତ କଟକରୁ ଗିରଫ। ବିସ୍ଫୋରଣରେ ଆହତ ହୋଇ ପୋଲିସ ଭୟରେ କଟକ ଆସି ଚିକିତ୍ସିତ ହେଇଥିବା ବେଳେ ମାଡିବସିଛି ପୋଲିସ। କଟକର ଏକ ଘରୋଇ ମେଡ଼ିକାଲ୍‌ରେ ଚିକିତ୍ସିତ ହେଉଥିବା ବେଳେ ପୋଲିସ ଚଢାଉ କରି ଅଭିଯୁକ୍ତ ଓ ତା’ର ଦୁଇ ସହଯୋଗୀଙ୍କ ଧରିବାରେ ସକ୍ଷମ ହୋଇଛି। ଏହି ବିସ୍ଫୋରଣରେ ମୋଟ ୯ ଜଣଙ୍କ ମୃତ୍ୟୁ ହୋଇଥିଲା।

ଜଣେ ବରିଷ୍ଠ ଅଧିକରୀଙ୍କ ସୂଚନା ମୁତାବକ, ଘଟଣାର ମୁଖ୍ୟ ଅଭିଯୁକ୍ତ ଭାନୁ ବାଗ ହେଉଛି ବେଆଇନ ଭାବେ ଚାଲିଥିବା ବାଣ କାରଖାନାର ମାଲିକ। ଗୁରୁବାର କଟକରୁ ବେଣୁକୁ ଏକ ନର୍ସିଂ ହୋମରୁ ତାର ପୁଅ ଓ ଜଣେ ସହଯୋଗୀକୁ ଗିରଫ କରିଛି ପୋଲିସ। ମଙ୍ଗଳବାର ଦିନ ତାର କାରଖାନାରେ ବିସ୍ଫୋରଣ ହେବାରୁ ଭାନୁ ପିଠିର ୭୦ ପ୍ରତିଶତ ପୋଡିଯାଇଥିଲା। ସେ ଗୁରୁତର ହୋଇଥିବା ବେଳେ ସେଠାରେ ପୋଲିସର ଗିରଫଦାରୀ ଭୟ ଥିବାରୁ ଜଣେ ସମ୍ପର୍କୀୟ ଓ ପୁଅ ତାକୁ ପଶ୍ଚିମ ବଙ୍ଗରୁ କଟକ ନେଇଆସିଥିଲେ।

କଟକରେ ପହଞ୍ଚି ଏକ ଘରୋଇ ହସ୍ପିଟାଲରେ ତାକୁ ଭର୍ତ୍ତି କରି ଚିକିତ୍ସା କରାଯାଉଛି. ସେପଟେ ବିସ୍ଫୋରଣ ପରେ ମାଲିକ ଓ ତାର ପୁଅର ପତ୍ତା ନ ପାଇବାରୁ ଉଭୟ ଫେରାର ହୋଇଥିବା ଓ ବିସ୍ଫୋରଣରେ ଆହତ ଥିବା ସନ୍ଦେହ କରିଥିଲା ପୋଲିସ। ତେଣୁ ପଶ୍ଚିମ ବଙ୍ଗ ପୋଲିସର ସିଆଇଡି ପଡୋଶୀ ରାଜ୍ୟର ବିଭିନ୍ନ ହସ୍ପିଟାଲରେ ଚଢାଉ ଜାରି ରଖିଥିଲା। ପରେ ତିନି ଜଣଙ୍କୁ କଟକରୁ ଗିରଫ କରିଛି। କିନ୍ତୁ ଭାନୁର ସ୍ଥିତି ଖରାପ ଥିବାରୁ ତାକୁ ପଶ୍ଚିମ ବଙ୍ଗ ଫେରାଇ ନେବା ସମ୍ଭବ ନୁହେଁ ବୋଲି କହିଛନ୍ତି। ଏହି ଘଟଣାରେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଘଟଣା ପରେ ସିଆଇଡି, ଫରେନ୍ସିକ ଟିମ ଓ ବୋମା ନିଷ୍କ୍ରୀୟକାରୀ ଦଳ ମିଶି ତଦନ୍ତ କରୁଛନ୍ତି। ପଶ୍ଚିମ ବଙ୍ଗ ପୋଲିସ କଟକ କମିଶନରେଟ୍‌ ପୋଲିସ ସହ ଯୋଗସୂତ୍ର ସ୍ଥାପନ କରିଥିଲା ଓ ସହାୟତା ଲୋଡ଼ିଥିଲା।

ଗିରଫ ଅନ୍ୟ ଦୁଇ ଜଣଙ୍କ ଭିତରୁ ଜଣଙ୍କୁ ପୁଲିସ୍‌ ପଶ୍ଚିମବଙ୍ଗରେ ସ୍ଥାନୀୟ ମାଜିଷ୍ଟ୍ରେଟ୍‌ଙ୍କ ସାମ୍ନାରେ ହାଜର କରାଯାଇଛି। ଅନ୍ୟ ଜଣଙ୍କୁ ଗିରଫ କରି ଓଡ଼ିଶା ପୁଲିସ୍‌ ହେବାଜତରେ ଛାଡ଼ିଛି ପଶ୍ଚିମବଙ୍ଗ ପୁଲିସ। ଏନେଇ ସୂଚନା ଦେଇଛନ୍ତି କଟକ ଡିସିପି ପିନାକ ମିଶ୍ର।
ଧୂଳି ଚାଟିଲା ପାକିସ୍ତାନ, ସାଇବର୍‌ ଆକ୍ରମଣର ମୁହଁତୋଡ ଜବାବ ଦେଇଛି ଭାରତ

ପାକିସ୍ତାନ ସାଇବର୍‌ ଆକ୍ରମଣର ଉଚିତ ଜବାବ ଦେଇଛି ଭାରତ । ଏହି ସାଇବର ଆକ୍ରମଣ ହଇଚଇ ସୃଷ୍ଟି କରିଥିବା ବେଳେ ଏହି ଯୁଦ୍ଧ ପୂରା ଡିଜିଟାଲ୍‌ ଦୁନିଆକୁ ଦୋହଲାଇ ଦେଇଥିଲା । ଯାହାର ଭାରତ ପାକ୍‌କୁ ଉଚିତ ଶିକ୍ଷା ଦେଇଛି । ସୂଚନା ମୁତାବକ, ପାକିସ୍ତାନୀ ସାଇବର୍‌ ଆକ୍ରମଣକାରୀଙ୍କୁ ଜବାବ ଦେବାକୁ ଯାଇ ଭାରତର ‘କେରଳ ସାଇବର୍‌ ଏକ୍ସଟ୍ରାକ୍ଟର’ ୧୦ଟି ପାକିସ୍ତାନ ଦୂତବାସ ୱେବ୍‌ସାଇଟ୍‌ବୁ ବନ୍ଦ କରିଦେଇଛି । ତେବେ ରାତି ଅଧରେ‌ ହୋଇଥିବା ଏହି ସାଇବର୍‌ ଯୁଦ୍ଧର ପ୍ରଭାବ ଭାରତ ସମେତ ଫ୍ରାନ୍ସ, ଜର୍ମାନୀ ଏବଂ କାଜିକ୍‌ସ୍ତାନ ଆଦି ଦେଶ ଉପରେ ପଡ଼ିଛି । ଯାହାକି ଡିଜିଟାଲ୍‌ ଜଗତରେ ଏକ ବଡ ଛାପ ଛାଡ଼ିଛି ।

ଡିଷ୍ଟ୍ରିବୁଟେଡ୍‌ ଡାନିଏଲ୍‌ ଅଫ୍‌ ସର୍ଭିସ୍‌ (ଡିଡିଓଏସ୍‌) ଆକ୍ରମଣର ଅର୍ଥ ହେଉଛି ଇଣ୍ଟର୍‌ନେଟ୍‌ର ଟ୍ରାଫିକ୍‌ ଜାମ୍‌ କରି ନେଟ୍‌ୱାର୍କ, ସର୍ଭିସ ଏବଂ ୱେବ୍‌ସାଇଟ୍‌ର କାର୍ଯ୍ୟ ଉପରେ ବାଧା ସୃଷ୍ଟି କରିବ‌ା । ତେବେ ଭାରତ ତରଫରୁ କରାଯାଇଥିବା ପ୍ରତିଆକ୍ରମଣ କେବଳ ଏକ ଅନ୍‌ଲାଇନ୍‌ ଆକ୍ରମଣ ନୁହେଁ, ବରଂ ଏହା ଥଇଲା କାଉଣ୍ଟର୍‌ ଆକ୍ରମଣ । ପାକିସ୍ତାନ ହୀନ ଚକ୍ରାନ୍ତ ପୂର୍ବକ ୨୩ଟି ଭାରତୀୟ ପୁଲିସ୍‌ ଷ୍ଟେସନ୍‌କୁ ଟାର୍ଗେଟ କରିଥିବା । ପାକିସ୍ତାନୀ ହାକ୍‌ଭିଷ୍ଟ୍‌ ଗ୍ରୁପ୍‌ ‘ଟିମ୍‌ ଇନ୍‌ସାନେ ପିକେ’ ଦ୍ବାରା ହୋଇଥିବା ଏହି ଆକ୍ରମଣର ଜବାବ ଦେଇଛି ଭାରତର ‘କେରଳ ସାଇବର୍‌ ଏକ୍ସଟ୍ରାକ୍ଟର’।

ଗତ କିଛି ମାସ ଧରି ଭାରତୀୟ ସାଇବର ସ୍ପେସ୍ ଉପରେ ବାରମ୍ବାର ଆକ୍ରଣ ହେଉଛି । ଏହା କମିବା ପରିବର୍ତ୍ତେ ବଢିଚାଲିଛି । ଦୁନିଆର ବିଭିନ୍ନ ଦେଶ ଯେମିତିକି ଇଣ୍ଡୋନେସିଆ, ବାଂଲାଦେଶ ଏବଂ ସୁଦାନ ଭଳି ବିଭିନ୍ନ ଇସଲାମ ଦେଶରେ ଥିବା ହ୍ୟାକ୍ଟିଭିଷ୍ଟ ଗୋଷ୍ଠୀ ପକ୍ଷରୁ ଏହି ଆକ୍ରମଣ ହେଉଛି । ଆଉ ଏବେ ଏହି ଆକ୍ରମଣ ଗୃପରେ ଯୋଡି ହୋଇଛି ପାକିସ୍ତା ।
କିରଣଙ୍କ ବଦଳି ପରେ ବୟାନବାଜି ଜୋରଦାର

କିରଣ ରିଜିଜୁଙ୍କ ହାତରୁ କାଢିନିଆଗଲା ଆଇନ ମନ୍ତ୍ରଣାଳୟ। ଆଇନ ମନ୍ତ୍ରଣାଳୟ ଛଡାଇ ନେଇ ଦିଆଯାଇଛି ଭୂତତ୍ତ୍ୱ ବିଜ୍ଞାନ ବିଭାଗ। ଗୁରୁବାର ହଠାତ୍ ଆଇନ ମନ୍ତ୍ରୀ ପଦରୁ କିରଣ ରିଜିଜୁଙ୍କୁ ବିଦା କରି ତାଙ୍କ ସ୍ଥାନରେ ବିକାନେର ସଂସଦୀୟ କ୍ଷେତ୍ରର ସାଂସଦ ଅର୍ଜୁନ ରାମ ମେଘ୍ୱାଲଙ୍କୁ ନିଯୁକ୍ତ କରାଯାଇଥିବା ନେଇ ବିଜ୍ଞପ୍ତି ପ୍ରକାଶ ପାଇଲା। ଯାହା ଏକ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି। କାହିଁ ଆଇନ ଓ ନ୍ୟାୟ ମନ୍ତ୍ରଣାଳୟ ଆଉ କାହିଁ ଭୂତତ୍ତ୍ୱ ବିଜ୍ଞାନ ମନ୍ତ୍ରଣାଳୟ । ଏହା ରିଜିଜୁଙ୍କ ପାଇଁ ପୁରସ୍କାର ନା ତିରଷ୍କାର, ତାକୁ ନେଇ ଅରମ୍ଭ ହୋଇଛି କଳ୍ପନା ଜଳ୍ପନା। ସେପଟେ ବିରୋଧୀ ଶିବିରରେ ଦେଖା ଦେଇଛି ବିଜୟ ପରି ମାହୋଲ। କିରଣଙ୍କୁ ଜଣଙ୍କ ପରେ ଜଣେ ବିରୋଧୀ ନେତା କରୁଛନ୍ତି ଟାର୍ଗେଟ।

ଯେମିତି ହଠାତ୍ ଯୁବ ବ୍ୟାପାର ଓ କ୍ରିଡା ବିଭାଗ ପରି ସାମାନ୍ୟ ମନ୍ତ୍ରଣାଳୟରୁ ଆଇନ ମନ୍ତ୍ରଣାଳୟ ପରି ଏକ ଗୁରୁତ୍ୱପୂର୍ଣ୍ଣ ବିଭାଗ କିରଣ ରିଜିଜୁଙ୍କୁ ଦେଇ ମୋଦି ସରକାର ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା, ଆଜି ସମାନ ସ୍ଥିତି ସୃଷ୍ଚି କରିଛନ୍ତି। ତେବେ ଏମିତି କଣ ହେଲା କି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୂର୍ବରୁ କିଛି ସୁରାକ ନ ଦେଇ ରାଷ୍ଟ୍ରପତିଙ୍କୁ କହି ରିଜିଜୁଙ୍କୁ ଆଇନ ମନ୍ତ୍ରଣାଳୟରୁ ବିଦା କରି ଦେଲେ?

ଏହି ପ୍ରଶ୍ନକୁ ନେଇ ପ୍ରଥମେ ମନକୁ ଆସୁଛି କି, ସୁପ୍ରିମ କୋର୍ଟଙ୍କୁ ବାରମ୍ୱାର ଟାର୍ଗେଟ କରିବା, କଲେଜିୟମ ସିଷ୍ଟମକୁ ନେଇ ମୁଖର ହେବା ହୁଏତ ରିଜିଜୁଙ୍କ ପାଇଁ ହୋଇଛି ବୁମେରାଂ। ବିଭିନ୍ନ ନ୍ୟାୟିକ ପ୍ରସଙ୍ଗରେ ଅଯଥାରେ ରିଜିଜୁ ବୟାନ ବାଜି କରିଆସୁଥିଲେ। ଯାହାକୁ ନେଇ ସରକାର ଓ ନ୍ୟାୟପାଳିକା ମଧ୍ୟରେ ଥିବା ବିବାଦ ପଦାକୁ ଆସିଥିଲା। କେତେବେଳେ ରିଜିଜୁ କଲେଜିୟମ ସିଷ୍ଟମକୁ ଅନାବଶ୍ୟକ, ଅସମ୍ବିଧାନିକ କହିଥିଲେ ତ କେତେବେଳ ଏହି ସିଷ୍ଟମର ଅନ୍ତରେ ବିଚାରପତିଙ୍କ ନିଯୁକ୍ତି ପ୍ରକ୍ରିୟା ସଠିକ ଢଙ୍ଗରେ ହେବ ବୋଲି କହିଥିଲେ।

ଆହୁରି ପୁଣି ବିଚାରପତିଙ୍କ ନିଯୁକ୍ତି କାର୍ଯ୍ୟପାଳିକାର କାର୍ଯ୍ୟ ବୋଲି କହି ବିବାଦକୁ ଟାଣି ହୋଇଆସିଥିଲେ ରିଜିଜୁ। ଏମିତିକି ରିଜିଜୁ ପୂର୍ବତନ ବିଚାରପତିମାନଙ୍କୁ ଦେଶଦ୍ରୋହୀଙ୍କ ସହ ମିଶିଥିବା ପରି ସଂଘାତିକ ବୟାନ ଦେଇଥିଲେ। ତେଣୁ ବାରମ୍ୱାର ପ୍ରଧାନ ବିଚାରପତି ଡି ୱାଇ ଚନ୍ଦ୍ରଚୂଡଙ୍କୁ ପରୋକ୍ଷ ବୟାନ ଦେବାକୁ ହୋଇଥିଲା। ବାରମ୍ୱାର ରିଜିଜୁଙ୍କ ବୟାନ ଓ ସୋସିଆଲ ମିଡିଆରେ ସିଜେଆଇଙ୍କୁ ଟାର୍ଗେଟ କରାଯିବାରୁ କଂଗ୍ରେସ ସମେତ ବହୁ ବିରୋଧୀ ଦଳ ସିଜେଆଇଙ୍କ ସୁରକ୍ଷା ଗୁହାର ଲଗାଇଥିଲେ ରାଷ୍ଟ୍ରପତିଙ୍କ ନିକଟରେ।

ତେବେ ହଠାତ୍ ଏପରି ଲଜ୍ଜାଜନକ ଭାବେ ରିଜିଜୁ ବିଭାଗ ହରାଇବା ବେଳେ କଂଗ୍ରେସ ପକ୍ଷରୁ ବିଭିନ୍ନ ନେତାଙ୍କ ବୟାନ ସମ୍ନାକୁ ଆସିଛି। କଂଗ୍ରେସ ସାଂସଦ ମନିକମ ଟେଗୋର ରିଜିଜୁଙ୍କ ଉଦ୍ଦେଶ୍ୟରେ କହିଛନ୍ତି କି, ଯିଏ ନିୟମିତ ଭାବେ ବିଚାରପତିଙ୍କ ନିଯୁକ୍ତିକୁ ନେଇ କଲେଜିୟମ ସିଷ୍ଟମ ବିରୋଧରେ କହୁଥିଲେ ସେ ଜଣେ ବିଫଳ ଆଇନ ମନ୍ତ୍ରୀ ସାବ୍ୟସ୍ତ ହୋଇଛନ୍ତି। ତାଙ୍କୁ ଭୂତତ୍ତ୍ୱ ବିଭାଗକୁ ପଠାଇ ଦିଆଯାଇଛି। ସେହିପରି ବରିଷ୍ଠ ଆଇନଜୀବୀ ତଥା ପୂର୍ବତନ ଆଇନ ମନ୍ତ୍ରୀ କପିଲ ସିବଲ କହିଛନ୍ତି, ଆଇନ ନୁହେଁ, ବର୍ତ୍ତମାନ ସେ ଭୁବିଜ୍ଞାନର ମନ୍ତ୍ରୀ। ଆଇନ ପଛରେ ଥିବା ବିଜ୍ଞାନ ବୁଝିବା ସହଜ ନୁହେଁ। ବର୍ତ୍ତମାନ ସେ ବିଜ୍ଞାନର ନିୟମ ବୁଝିବାକୁ ଚେଷ୍ଟା କରିବେ। ଶୁଭକାମନା ମୋ ବନ୍ଧୁ ବୋଲି ତାତ୍ସଲ୍ୟ କରିଛନ୍ତି ସିବଲ। ସେହିପରି କଂଗ୍ରେସ ନେତା ଅଳକା ଲାମ୍ବା କହିଛନ୍ତି, ଗତ କିଛି ଦିନ ଧରି କିରଣ ରିଜିଜୁଙ୍କ ଟିପ୍ପଣୀ ମୋଦି ସରକାରଙ୍କୁ ଅଡ଼ୁଆରେ ପକାଉଥିଲା। ନିଜ ଛବିକୁ ଠିକ୍‌ ରଖିବା ପାଇଁ ଆଇନ ମନ୍ତ୍ରୀଙ୍କ ବଳି ଦେବାକୁ ପଛାଇ ନାହାନ୍ତି। ଶିବସେନା ଉଦ୍ଧବ ଗୋଷ୍ଠୀର ସାଂସଦ ପ୍ରିୟଙ୍କା ଚତୁର୍ବେଦୀ ରୁଜିଜୁଙ୍କ ବଦଳି ପଛର କାରଣ ଖୋଜିବାକୁ ଯାଇ ଟ୍ୱିଇଟ କରି କହିଛନ୍ତି କି, ମହାରାଷ୍ଟ୍ରକୁ ନେଇ ଆସିଥିବା ରାୟର ଲଜ୍ଜାଜନକ ସ୍ଥିତି? ନା ମୋଦାନି-ସେବି ଯାଞ୍ଚ?ରୁ ଏପରି ହୋଇଛି।
ପଶ୍ଚିମବଙ୍ଗ ସରକାରଙ୍କୁ ଝଟକା; ସୁପ୍ରିମକୋର୍ଟ କହିଲେ ‘ଦ କେରଳ ଷ୍ଟୋରୀ’ ରିଲିଜ୍ ହେବ

ପଶ୍ଚିମବଙ୍ଗରେ ବିବାଦରେ ଘେରି ରହିଥିବା ‘କେରଳ ଷ୍ଟୋରୀ’ର ରିଲିଜ୍ ପାଇଁ ରାସ୍ତା ସଫା ହୋଇଯାଇଛି । ଏହି ଚଳଚ୍ଚିତ୍ର ଉପରେ ରାଜ୍ୟ ସରକାର ଲଗାଇଥିବା ପ୍ରତିବନ୍ଧକକୁ ଆଜି ସୁପ୍ରିମକୋର୍ଟ ହଟାଇ ଦେଇଛନ୍ତି । ଅର୍ଥାତ୍ ବର୍ତ୍ତମାନ ଏହି ଚଳଚ୍ଚିତ୍ର ପଶ୍ଚିମବଙ୍ଗରେ ମଧ୍ୟ ମୁକ୍ତିଲାଭ କରିବ । ପଶ୍ଚିମବଙ୍ଗରେ ‘ଦ କେରଳ ଷ୍ଟୋରୀ’ ଉପରେ ଲଗାଯାଇଥିବା ପ୍ରତିବନ୍ଧକ ବିରୋଧରେ ନିର୍ମାତା କରିଥିବା ଆବେଦନର ଆଜି ସୁପ୍ରିମକୋର୍ଟ ଶୁଣାଣି କରିଛନ୍ତି ।

ଏହି ସମୟରେ ସିଜେଆଇ କହିଛି ଯେ, ପଶ୍ଚିମବଙ୍ଗ ସରକାରଙ୍କ ଦ୍ୱାରା ଫିଲ୍ମ ମେ ୮ ତାରିଖରେ ଉପରେ ଲଗାଯାଇଥିବା ପ୍ରତିବନ୍ଧକକୁ ଆମେ ହଟାଉଛୁ । ଏହି ନିଷେଧାଦେଶର କୌଣସି ମଜବୁତ ଆଧାର ନାହିଁ । ଏହା ସହିତ ଫିଲ୍ମର ସ୍କ୍ରିନିଂ ପାଇଁ ସମସ୍ତ ସୁରକ୍ଷା ବ୍ୟବସ୍ଥା ଏବଂ ଦର୍ଶକଙ୍କ ସୁରକ୍ଷାକୁ ସୁନିଶ୍ଚିତ କରିବା ପାଇଁ କୋର୍ଟ ଟିଏମସି ସରକାରଙ୍କୁ ମଧ୍ୟ ନିର୍ଦ୍ଦେଶ ଦେଇଛନ୍ତି ।

ଏହାପୂର୍ବରୁ ଏହି ମାମଲାର ଶୁଣାଣି ବେଳେ ପଶ୍ଚିମବଙ୍ଗ ସରକାର ଫିଲ୍ମ ‘ଦ କେରଳ ଷ୍ଟୋରୀ’ ଉପରେ ପ୍ରତିବନ୍ଧକ ଲଗାଇବାକୁ ନିଷ୍ପତ୍ତି ନେଇଥିଲେ । ସୁପ୍ରିମକୋର୍ଟରେ ଦିଆଯାଇଥିବା ଏକ ଆଫିଡେଭିଟ୍‌ରେ ପଶ୍ଚିମବଙ୍ଗ ସରକାର କହିଛନ୍ତି ଯେ ଫିଲ୍ମ ‘ଦ କେରଳ ଷ୍ଟୋରୀ’ ନକଲି ତଥ୍ୟ ଉପରେ ଆଧାରିତ ଏବଂ ଏଥିରେ ତିକ୍ତତା କଳାଭଳି ଡାଏଲଗ ରହିଛି, ଯାହା ସାମ୍ପ୍ରଦାୟିକ ଭାବନାକୁ କ୍ଷତି ପହଞ୍ଚାଇପାରେ । ଏହି ଚଳଚ୍ଚିତ୍ର ସମ୍ପ୍ରଦାୟ ମଧ୍ୟରେ ଘୃଣା ସୃଷ୍ଟି କରିପାରେ, ଯାହା ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ପାଇଁ ଆହ୍ବାନ ସୃଷ୍ଟି କରିପାରେ । ସରକାରଙ୍କ ବିରୋଧରେ ସୁପ୍ରିମକୋର୍ଟରେ କରାଯାଇଥିବା ଅପିଲ ସପକ୍ଷରେ ଆଜି ରାୟ ଆସିଛି ।
ଇମରାନ ଖାନଙ୍କୁ ସେନା ମୁଖ୍ୟଙ୍କ ଚେତାବନୀ, ଦେଶ ଛାଡିଦିଅ…ନହେଲେ ଆର୍ମି ଆକ୍ଟର ସମ୍ମୁଖୀନ ହୁଅ

ପାକିସ୍ତାନରେ ଇମ୍ରାନ ଖାନ ଏବଂ ସରକାରଙ୍କ ମଧ୍ୟରେ ତିକ୍ତତା ବଢିବାରେ ଲାଗିଛି । ଇମ୍ରାନଙ୍କୁ ଅଲ କାଦର ଟ୍ରଷ୍ଟ ମାମଲାରେ ମେ ୯ ତାରିଖରେ ଗିରଫ କରାଯାଇଥିଲା, ଯଦିଓ ୨ ଦିନ ପରେ ଜାମିନ ପାଇଥିଲେ । ଇମ୍ରାନ ଖାନଙ୍କ ଗିରଫ ପରେ ବିକ୍ଷୋଭକାରୀ ମାନେ ପାକିସ୍ତାନୀ ସେନାକୁ ଟାର୍ଗେଟ କରିଥିଲେ, ଯେଉଁଥିପାଇଁ ସେନା କ୍ରୋଧିତ ହୋଇଥିଲେ । ସେନା ଅଧିନିୟମ ଅନୁଯାୟୀ ପ୍ରଦର୍ଶନକାରୀଙ୍କ ବିରୋଧରେ ମାମଲା ରୁଜୁ କରିବାକୁ ଘୋଷଣା କରାଯାଇଛି । ସୂଚନା ଅନୁସାରେ, ପାକିସ୍ତାନୀ ସେନା ଇମ୍ରାନ ଖାନଙ୍କୁ ଏକ ଅଫର ଦେଇଛି ।

ପାକିସ୍ତାନୀ ସେନା ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ପାକିସ୍ତାନ ଛାଡିବାକୁ ପ୍ରସ୍ତାବ ଦେଇଛି ଏବଂ ନହେଲେ ସେନା ଆଇନକୁ ସାମ୍ନା କରିବାକୁ ପ୍ରସ୍ତୁତ ହେବା ଉଚିତ ବୋଲି କହିଛନ୍ତି । ଇମ୍ରାନ ଖାନଙ୍କୁ ସେନା ଦ୍ୱାରା ଦୁବାଇ ଏବଂ ଲଣ୍ଡନ ଯିବାକୁ ପ୍ରସ୍ତାବ ଦିଆଯାଇଛି । ଦେଶର ସେନା କହିଛି ଯେ, ଯଦି ଇମ୍ରାନ ପାକିସ୍ତାନ ଛାଡନ୍ତି ତେବେ ସେନା ତାଙ୍କ ବିରୋଧରେ କୌଣସି ମାମଲା ରୁଜୁ କରିବ ନାହିଁ ।

ପୂର୍ବତନ ପ୍ରଧାନମନ୍ତ୍ରୀ ତଥା ପିଟିଆଇ ମୁଖ୍ୟ ଇମରାନ ଖାନ ପାକିସ୍ତାନ ସେନା ଦେଇଥିବା ଅଫରକୁ ଗ୍ରହଣ କରିବାକୁ ମନା କରି ଦେଇଛନ୍ତି । ପାକିସ୍ତାନ ସେନାକୁ କଡ଼ା ଜବାବ ଦେଇ ସେ କହିଛନ୍ତି ଯେ, ଯାହା ଘଟୁ ପଛେ ସେ ପାକିସ୍ତାନ ଛାଡିବେ ନାହିଁ ।

ଏହାପୂର୍ବରୁ ପାକିସ୍ତାନୀ ସେନା ମୁଖ୍ୟ ଜେନେରାଲ ଅସୀମ ମୁନିର୍ ଖୋଲାଖୋଲି ଭାବେ ଇମ୍ରାନ ଖାନଙ୍କ ସମର୍ଥକଙ୍କୁ ଧମକ ଦେଇଥିଲେ ଯେ, ଯଦି ପୁନର୍ବାର ୯ ତାରିଖ ଭଳି ଘଟଣା ଘଟେ ତେବେ ଆମେ ବରଦାସ୍ତ କରିବୁ ନାହିଁ । ସେ ସିୟାଲକୋଟ ଗେରିସନ ଗସ୍ତ ସମୟରେ ଏହି ସୂଚନା ଦେଇଛନ୍ତି, ଯେଉଁଠାକୁ ସେ ଶହୀଦଙ୍କ ସ୍ମାରକୀରେ ପୁଷ୍ପମାଲ୍ୟ ଅର୍ପଣ କରିବାକୁ ଯାଇଥିଲେ ।

ଦୁଇ ଦିନ ପୂର୍ବେ ସେନା ଅଧିନିୟମ ଅନୁଯାୟୀ, ଗିରଫ ହୋଇଥିବା ବିକ୍ଷୋଭକାରୀଙ୍କ ବିରୁଦ୍ଧରେ କେସ ଚଳାଇବାକୁ ପାକିସ୍ତାନରେ ଅନୁମତି ଦିଆଯାଇଛି । ଦେଶର ଯେକୌଣସି ଆଭ୍ୟନ୍ତରୀଣ ପ୍ରସଙ୍ଗରେ ସେନାର ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଛି । ପାକିସ୍ତାନୀ ସେନା ସରକାରଙ୍କୁ ଆର୍ମି ଆକ୍ଟ ଲାଗୁ କରିବାକୁ କହିଥିଲେ । ଆର୍ମି ଆକ୍ଟ, ଅଫିସିଆଲ୍ ସିକ୍ରେଟ୍ ଆକ୍ଟ ଭାବରେ ମଧ୍ୟ ଜଣାଶୁଣା । ଏହା ସାହାଯ୍ୟରେ ସେନା ତାଙ୍କ ତରଫରୁ ଗିରଫ ହୋଇଥିବା ଅପରାଧୀଙ୍କୁ ଗୁରୁତର ଦଣ୍ଡ ଦେଇପାରେ । ଏହି ଆଇନ ଅନୁଯାୟୀ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଏବଂ ତାଙ୍କ କର୍ମଚାରୀଙ୍କ ବିରୋଧରେ ଗୁରୁତର ଅଭିଯୋଗ ଆଣି ଆଜୀବନ କାରାଦଣ୍ଡ ମଧ୍ୟ ଦିଆଯାଇପାରେ ।
କିରଣ ରିଜିଜୁଙ୍କ ସ୍ଥାନରେ ଅର୍ଜୁନ ରାମ ମେଘ୍ୱାଲ ଅବସ୍ଥାପିତ

arjun ram meghwal appointed as new law minister of india

ବଦଳିଲେ ଭାରତର ଆଇନ ମନ୍ତ୍ରୀ। କିରଣ ରିଜିଜୁଙ୍କ ହାତରୁ ଆଇନ ମନ୍ତ୍ରଣାଳୟକୁ କାଢିନେଇଛନ୍ତି କେନ୍ଦ୍ର ସରକାର। କିରଣ ରିଜିଜୁଙ୍କ ସ୍ଥାନରେ ଅର୍ଜୁନ ରାମ ମେଘ୍ୱାଲଙ୍କୁ ଅବସ୍ଥାପିତ କରାଯାଇଛି। ଏନେଇ ରାଷ୍ଟ୍ରପତି ଭବନ ପକ୍ଷରୁ ଏକ ବିଜ୍ଞପ୍ତି ପ୍ରକାଶ ପାଇଛି। ବିଜ୍ଞପ୍ତିରେ କୁହାଯାଇଛି କି ରାଷ୍ଟ୍ରପତି ଦ୍ରୌପଦୀ ମୁର୍ମୁ ପ୍ରଧାନମନ୍ତ୍ରୀଙ୍କ ପରାମର୍ଶକ୍ରମେ କିରଣ ରିଜିଜୁଙ୍କ ସ୍ଥାନରେ ଅର୍ଜୁନ ରାମ ମେଘ୍ୱାଲଙ୍କୁ କେନ୍ଦ୍ର ଆଇନ ମନ୍ତ୍ରୀ ଭାବେ ନିଯୁକ୍ତ କରିଛନ୍ତି। ମେଘ୍ୱାଲ ତାଙ୍କର ପୂର୍ବର ପୋର୍ଟଫୋଲିଓ ସହ ଏହି ବିଭାଗ ଅତିରିକ୍ତ ଭାବେ ଗ୍ରହଣ କରିଛନ୍ତି। ବର୍ତ୍ତମାନ ସେ ସଂସଦୀୟ ବ୍ୟାପାର ରାଷ୍ଟ୍ର ମନ୍ତ୍ରୀ ଓ ସଂସ୍କୃତି ରାଷ୍ଟ୍ରମନ୍ତ୍ରୀ ଭାବେ କାର୍ଯ୍ୟ ତୁଲାଉଛନ୍ତି।

କିରଣ ରିଜିଜୁଙ୍କ ହାତରୁ ଆଇ ମନ୍ତ୍ରଣାଳୟ କାଢି ନେଇ ତାଙ୍କୁ ଭୂତତ୍ତ୍ୱ ବିଜ୍ଞାନ ମନ୍ତ୍ରଣାଳୟ ଦିଆଯାଇଛି। କିରଣ ରିଜିଜୁ ଜୁଲାଇ ୨୦୨୧ରେ ରବି ଶଙ୍କର ପ୍ରସାଦଙ୍କ ସ୍ଥାନରେ ଆଇନ ମନ୍ତ୍ରୀ ଭାବେ ନିଯୁକ୍ତ ହୋଇଥିଲେ। କିରଣ ରିଜିଜୁଙ୍କ ପୂର୍ବରୁ ଭୂତତ୍ତ୍ୱ ବିଜ୍ଞାନ ବିଭାଗରେ ଜିତେନ୍ଦ୍ର ସିଂହ ମନ୍ତ୍ରୀ ଥିଲେ। ବର୍ତ୍ତମାନ ମେଘ୍ୱାଲ ସଂସଦୀୟ ବ୍ୟାପାର ରାଷ୍ଟ୍ର ମନ୍ତ୍ରୀ ଓ ସଂସ୍କୃତି ରାଷ୍ଟ୍ରମନ୍ତ୍ରୀ ଭାବେ କାର୍ଯ୍ୟ କରୁଥିବା ବେଳେ ତାଙ୍କୁ ଆଇନ ମନ୍ତ୍ରଣାଳୟ ଅତିରିକ୍ତ ଭାବେ ଦିଆଯାଇଛି।

ମେଘ୍ୱାଲ ରାଜସ୍ଥାନର ବିକାନେରରୁ ଆସିଥିବା ବେଳେ ତାଙ୍କ ଜନ୍ମ ୨୦ ଡିସେମ୍ବର ୧୯୫୩ରେ ହୋଇଥିଲା। ସେ ବିକାନେରର ଡୁଙ୍ଗାର କଲେଜରୁ ଆଇନରେ ସ୍ନାତକ ପାସ କରିଥିଲେ। ୧୯୭୭ରେ ଆଇନ ଲାଇସେନ୍ସ ହାସଲ କରିଥିଲେ। ଏହି ବିଜେପି ନେତା ଜଣେ ପୂର୍ବତନ ଆଇଏଏସ ଅଫିସର ମଧ୍ୟ ଥିଲେ। ସେ ବିକାନେର ସଂସଦୀୟ କ୍ଷେତ୍ରରୁ ୩ଥର ବିଜୟ ହାସଲ କରିଛନ୍ତି।

ମେଘ୍ୱାଲ ୨୦୧୬ରୁ ୨୦୧୭ ମଧ୍ୟରେ କେନ୍ଦ୍ର ଫାଇନାନ୍ସ ଓ କର୍ପୋରେଟ ରାଷ୍ଟ୍ର ବ୍ୟାପାର ମନ୍ତ୍ରୀ ଥିଲେ। ଏହା ବ୍ୟତୀତ ସେ କେନ୍ଦ୍ର ଜଳ ସଂସାଧନ ରାଷ୍ଟ୍ରମନ୍ତ୍ରୀ, ନଦୀ ବିକାଶ ଓ ଗଙ୍ଗା କାୟା କଳ୍ପ ତଥା ସଂସଦୀୟ ବ୍ୟାପାର ରାଷ୍ଟ୍ରମନ୍ତ୍ରୀ ଭାବେ ୨୦୧୭ରୁ ୨୦୧୯ ପର୍ଯ୍ୟନ୍ତ କାର୍ଯ୍ୟ କରିଛନ୍ତି। ଏହା ପରେ ସେ ଉଚ୍ଚ ଶିଳ୍ପ ଓ ସାଧାରଣ ଉଦ୍ୟୋଗ ରାଷ୍ଟ୍ରମନ୍ତ୍ରୀ ଭାବେ କାର୍ଯ୍ୟ କରି ଆସୁଛନ୍ତି।
ତାମିଲନାଡୁର ଜଲ୍ଲିକଟ୍ଟୁକୁ ସୁପ୍ରିମକୋର୍ଟର ହଁ

ତାମିଲନାଡୁର ଜଲ୍ଲିକଟ୍ଟୁ ଖେଳକୁ ନେଇ ଅନେକ ବିବାଦ ଦେଖାଯାଇଥାଏ । ଅନେକ ସମସୟରେ ବହୁତ ଲୋକ ମୃତ୍ୟୁମୁଖରେ ପଡୁଥିବା ଦେଖିବାକୁ ମିଳିଥାଏ । ସେଥିପାଇଁ ଏହି ଖେଳକୁ ବ୍ୟାନ କରିବା ପାଇଁ ସୁପ୍ରିମକୋର୍ଟର ହସ୍ତକ୍ଷେପ ଲୋଡାଯାଇଥିଲା । ଏହି ପ୍ରସଙ୍ଗକୁ ନେଇ ସୁପ୍ରିମକୋର୍ଟ ସଂସ୍କୃତି ଆଉ ପରମ୍ପାକୁ ଦୃଷ୍ଟିରେ ରଖି ରାୟ ଶୁଣାଇଛନ୍ତି । ତାମିଲନାଡୁରେ ପ୍ରତିବର୍ଷ ଆୟୋଜିତ ହେଉଥିବା କ୍ରୀଡା ଜଲ୍ଲିକଟ୍ଟୁକୁ ସୁପ୍ରିମକୋର୍ଟ ସମର୍ଥନ କରିଛନ୍ତି । ଏଥିସହିତ ଏହାକୁ ବନ୍ଦ କରିବାକୁ ମଧ୍ୟ ମନା କରି ଦେଇଛନ୍ତି । ତାମିଲନାଡୁରେ ଜଲ୍ଲିକଟ୍ଟୁକୁ ଅନୁମତି ଦେଇଥିବା ରାଜ୍ୟ ସରକାରଙ୍କ ନଷ୍ପତ୍ତିକୁ ସୁପ୍ରିମକୋର୍ଟ ସମର୍ଥନ କରିଛନ୍ତି । ଏହି ଖେଳରେ ଅଂଶଗ୍ରହଣ କରୁଥିବା ଷଣ୍ଢ ମାନଙ୍କ ପ୍ରିତି ହେଉଥିବା ବର୍ବୋରତାକୁ ଦର୍ଶାଇ ଏହି ଆଇନକୁ ରଦ୍ଦ କରିବାକୁ ଦାବି କରାଯାଇଥିଲା ।

ତାମିଲନାଡୁରେ ଜଲ୍ଲିକଟ୍ଟୁକୁ ଅନୁମତି ନିୟମ, ସଂସଦରେ ପାରିତ ହୋଇଥିବା ପଶୁ କ୍ରୁରତା ନିରୋଧ ଆଇନର ଉଲ୍ଲଂଘନ କରୁଥିବା ଦର୍ଶାଯାଇଥିଲା । ସୁପ୍ରିମକୋର୍ଟ କହିଛନ୍ତି, ନୂତନ ନିୟମରେ କ୍ରୁରତାର ଦିଗ ପ୍ରତି ଧ୍ୟାନ ଦିଆଯାଇଛି । ଏହି ଖେଳ ଶତାବ୍ଦୀ ଶତାବ୍ଦୀ ଧରି ତାମିଲନାଡୁର ସଂସ୍କୃତିର ଏକ ଅଂଶ ହୋଇ ରହିଆସିଛି । ଏଥିରେ ବାଧା ସୃଷ୍ଟି କରାଯାଇପାରିବ ନାହିଁ । ଯଦି କେହି ପଶୁମାନଙ୍କ ପ୍ରତି ଅତ୍ୟାଚାର କରନ୍ତି ତେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ୍ ୋଲି ସୁପ୍ରିମକୋର୍ଟ କହିଥିଲେ ।