ଚମ୍ପୁଆ ସାପ୍ତାହିକ ହାଟରେ ମୋବାଇଲ ଚୋରି ଉଦ୍ୟମ ବେଳେ ୨ଜଣକୁ ଅଟକ ରଖି ପୋଲିସର ଜିମା ଦେଇଛନ୍ତି ସ୍ଥାନୀୟ ଲୋକେ । ସୂଚନା ଯୋଗ୍ୟ ଦୀର୍ଘ ସମୟଧରି ଚମ୍ପୁଆ ସାପ୍ତାହିକ ହାଟରେ ମୋବାଇଲ ଚୋରି ହେବା ନେଇ ଅଭିଯୋଗ ହେଉଥିବା ବେଳେ ଆଜି ଦୁଇ ଚୋରଙ୍କୁଧରିବାରେ ସ୍ଥାନୀୟ ଲୋକେ ସକ୍ଷମ ହୋଇଛନ୍ତି । ଏମାନେ ହାଟରେ ପରିବା କିଣିବା ବାହାନାରେ ଲୋକଙ୍କ ମୋବାଇଲ ଚୋରି କରୁଥିଲେ। ସନ୍ଦେହ ହେବାରୁ ସ୍ଥାନୀୟ ଲୋକେ ଦୁଇ ଜଣଙ୍କୁ ଅଟକ ରଖିଛନ୍ତି। ସୁଯୋଗ ଦେଖି ଅନ୍ୟକିଛି ଯୁବକ ଫେରାର ହୋଇଯାଇଥିବା ସୂଚନା ମିଳିଛି ।ପରେ ଦୁଇ ଜଣଙ୍କୁ ପୋଲିସର ଜିମା ଦିଆଯାଇଥିବା ବେଳେ ପୋଲିସ ଏମାନଙ୍କୁ ଅଟକ ରଖି ତଦନ୍ତ ଆରମ୍ଭ କରିଛି।
ପ୍ରେମ ସମ୍ପର୍କକୁ ନେଇ ଯୁବତୀଙ୍କୁ ଘରୁ ଡାକି ନେଇ ହତ୍ୟା। ହତ୍ୟାକରି ଗୁଣୁପୁର ଥାନାରେ ଆତ୍ମ ସମର୍ପଣ କଲା ଅଭିଯୁକ୍ତ। ଗତକାଲି ଅପରାହ୍ନ ସମୟରେ ଯୁବତୀଙ୍କୁ ଫନ୍ କରି ଡାକିଥିଲ ଅଭିଯୁକ୍ତ ଜଣଙ୍କ । ପରେ ତାଙ୍କୁ ହତ୍ଯାକରି ବିଷମକଟ ଥାନା ଅନ୍ତର୍ଗତ କିରିବିରି ଛକ ନିକଟସ୍ଥ ଜଙ୍ଗଲରେ ଫିଙ୍ଗିଦେଇ ଗୁଣୁପୁର ଥାନାରେ ଆତ୍ମ ସମର୍ପଣ କରିଥିବା ପରିବାର ତରଫରୁ ଅଭିଯୋଗ ହୋଇଛି। ଯୁବତୀ ଜଣଙ୍କ ବିଷମକଟକ ଥାନା ବ୍ଲକ କୋଲନୀର ନିତୁ ନାଉରି ବଲି ଜଣାପଜିଛି । ଦିର୍ଘଦିନ ହେବ ଯୁବକଜଣକ ଯୁବତୀଙ୍କୁ ପ୍ରେମ କରୁଛି ଓ ବାହାହେବାକୁ ଚାହୁଛି କହି ଯୁବତୀଙ୍କ ଘରକୁ ଯିବା ଆଶିବା କରୁଥିଲେ। ପରେ ଯୁବତୀଙ୍କ ପରିବାର ମନା କରିଦେବାରୁ ଗତକାଲି ଯୁବତୀଙ୍କୁ ଫନ୍ ମାଧ୍ୟମରେ ଡାକି ଏଭଳି ଘୋଟଣା ଘଟେଇଥିବା ପରିବାର ଲୋକେ କହିଛନ୍ତି। ଯୁବକ ଜଣକ ଗୁଣୁପୁର ମରାଠିଗୁଡାର ମାନୁଆଲ ସବର ବଲି ଜଣାପଡିଛି। ଘୋଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ପକ୍ରିୟାକୁ ଆରମ୍ଭ କରିବା ସହ ସାଇଣ୍ଟିଫିକ ଟିମ୍ ପହଞ୍ଚିଲା ପରେ ଘୋଟଣା ସତ୍ଯାସତ୍ଯ ପଦାକୁ ଆଶିବ ବଲି ପୋଲିସ କହିଛି। ସେପଟେ ତଦନ୍ତକରି ଅଭିଯୁକ୍ତଙ୍କୁ କୋଠର ଦଣ୍ଡ ଦେବାପାଇଁ ପରିବାର ତରଫରୁ ଦାବି ହୋଇଛି।
ପୁଣି ପଦ୍ମକେଶରପୁର ହୋଇଉଠିଛି ଅଶାନ୍ତ। ଗୋଷ୍ଠି ସଂଘର୍ଷରୁ ଗୋଟିଏ ପରିବାରର ଦୁଇ ଜଣ ଗୁରୁତର ହୋଇ କଟକ ମେଡିକାଲରେ ଭର୍ତ୍ତି। ଏହାକୁ ନେଇ ଗାଁରେ ଉତ୍ତେଜନା। ପୋଲିସ ଚଳାଇଛି ତଦନ୍ତ। ସୁଧ ଟଙ୍କା ଆଦାୟକୁ ନେଇ ଗଣ୍ଡଗୋଳର ସୂତ୍ରପାତ ହୋଇଥିବା କୁହାଯାଉଛି।
ସୂଚନା ମୁତାବକ, ଗତରାତି ପ୍ରାୟ ୧୦ଟାରେ ଗ୍ରାମର ସନାତନ ନାମକ ବୃଦ୍ଧଙ୍କ ଘରେ ମହାଜନ ବାବୁଲା ଦାସ ନିଜର କିଛି ସମର୍ଥକଙ୍କୁ ନେଇ ପହଞ୍ଚିଥିଲେ। ବାବୁଲା ସନାତନଙ୍କୁ ସୁଧ ଟଙ୍କା ମାଗିଥିଲେ ଓ ଏହାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା।ବଚସା ଉଗ୍ରରୂପ ନେବାରୁ ବାବୁଲା ଓ ତାଙ୍କର ସହଯୋଗୀ ସନାତନଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ।
ଏହି ସମୟରେ ସନାତନଙ୍କ ବୋହୂ ପହଞ୍ଚି ବିରୋଧ କରିବାରୁ ତାଙ୍କୁ ମଧ୍ୟ ଆକ୍ରମଣ କରି ଘରୁ ବାହାରି ଯିବା ସହ ଘର ଉପରେ ବୋମାମାଡ କରିଥିଲେ ବୋଲି ଅଭିଯୋଗ ହୋଇଛି। ଶ୍ୱଶୁର,ବୋହୂଙ୍କୁ ଗ୍ରାମବାସୀ ଗୁରୁତର ଅବସ୍ଥାରେ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ।
ଏହାସହ ପୁଲିସକୁ ଘଟଣା ସଂପର୍କରେ ଜଣାଇଥିଲେ। ପୁଲିସ ପହଞ୍ଚି ଘଟଣାର ତଦନ୍ତ କରୁଛି। ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ଆଶଙ୍କାରେ ଗାଁରେ ୨ ପ୍ଲାଟୁନ ଫୋର୍ସ ମୁତୟନ କରାଯାଇଛି।
ଯାଜପୁର ଜିଲ୍ଲା ଧନତ୍ରୀ ବାଲି ଖାଦାନକୁ ନେଇ ବିବାଦ । ଏହି ବାଲି ଖାଦାନକୁ ବିରୋଧ କରିବାରୁ ବିରୋଧକାରୀଙ୍କ ନାମରେ ମିଛ ମାମଲା କରି ପୋଲିସର କୋର୍ଟ ଚାଲାଣକୁ ବିରୋଧ କରି ସ୍ଥାନୀୟ ଗ୍ରାମବାସୀ ଜିଲ୍ଲାପାଳଙ୍କ ନିକଟରେ ଫେରାଦ ହୋଇଛନ୍ତି। କିଛି ଦିନ ପୂର୍ବରୁ ଧନତ୍ରୀ ବାଲି ଖାଦାନକୁ ବିରୋଧ କରି ଥାନା ଘେରାଉ କରାଯାଇଥିଲା। ଗ୍ରାମବାସୀଙ୍କ ବିରୋଧ ପରେ ଗଣ୍ଡଗୋଳ ଓ ଗାଡି ଭଙ୍ଗାରୁଜା ଅଭିଯୋଗ ଆଣି ପୋଲିସ ମୋଟ ୧୧ ଜଣକୁ ଗିରଫ କରି କୋର୍ଟ ଚାଲାଣ କରିଥିଲା। ଏହାର ପ୍ରତିବାଦରେ ଆଜି ଗ୍ରାମବାସୀ ଜିଲାପାଳ ଅଫିସ ଘେରାଉ କରିଛନ୍ତି
ସରକାରୀ ନିୟମରେ ଯେତିକି ଯାଗା ଦିଆଯାଇଥିଲା ବାଲି ଖୋଲିବାକୁ, ବାଲି ମାଫିଆ ବିଜେଡି ନେତାଙ୍କୁ ହାତ କରି ତାଠୁ ବହୁ ଗୁଣା ଅଧିକ ଯାଗାକୁ ନିଜ ଅକ୍ତିଆରକୁ ନେଇଯାଇଛନ୍ତି। ତେଣୁ ଅଭିଯୁକ୍ତମାନଙ୍କ ସହ ଏଥିରେ ସମ୍ପୃକ୍ତ ପୋଲିସ କର୍ମଚାରୀଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଦାବି ହୋଇଛି। ଦାବି ପୂରଣ ନ ହେଲେ ପରିସ୍ଥିତି ଭୟଙ୍କର ହେବ ବୋଲି ଚେତାବନୀ ଦେଲେଣି ସ୍ଥାନୀୟ ଲୋକେ
ଉତ୍ତର ପ୍ରଦେଶ ଓ ଝାଡ଼ଖଣ୍ଡରୁ ଆସି ରାଇରଙ୍ଗପୁର ଅଞ୍ଚଳରେ ଡକାୟତି ଉଦ୍ୟମ କରୁଥିବା ବେଳେ ତିନି ଜଣଙ୍କୁ ଗିରଫ କରିଛି ରାଇରଙ୍ଗପୁର ଟାଉନ ଥାନା ପୋଲିସ ସୁଚନା ମୁତାବକ ଗତକାଲି ବିଳମ୍ବିତ ରାତିରେ ରାଇରଙ୍ଗପୁର ଟାଉନ ପୋଲିସ ପେଟ୍ରୋଲିଙ୍ଗ କରୁଥିବା ବେଳେ ପାଞ୍ଚ ଛଅ ଜଣ ଯୁବକ ଭାଲୁବସା ପେଟ୍ରୋଲ ପମ୍ପ ନିକଟରେ ଲୁଟ୍ କରିବା ପାଇଁ ଯୋଜନା ପ୍ରସ୍ତୁତ କରୁଥିବା ନେଇ ଖବର ମିଳିଥିଲା ।
ରାଇରଙ୍ଗପୁର ଟାଉନଥାନାର ପୋଲିସ୍ କର୍ମଚାରୀ ଘଟଣା ସ୍ଥଳରେ ପହଞ୍ଚି ତିନି ଜଣଙ୍କୁ କାବୁ କରିନେଇଥିବା ବେଳେ ଆଉ ଦୁଇ ଜଣ ଅନ୍ଧକାର ସୂଯୋଗ ନେଇ ଖସି ପଳାଇଥିଲେ। ଗିରଫ ହୋଇଥିବା ଯୁବକ ମାନଙ୍କ ନିକଟରୁ ଗୋଟିଏ ନକଲି ବନ୍ଧୁକ ସହିତ ମାରଣା ଅସ୍ତ୍ର ଏବଂ ନଗଦ ୪୭୦ ଟଙ୍କା ଜବତ କରିଛି ରାଇରଙ୍ଗପୁର ପୋଲିସ।
ଗିରଫ ତିନି ଜଣ ଯୁବକ ମାନଙ୍କ ମଧ୍ୟରେ ଜଣେ ଝାଡ଼ଖଣ୍ଡ ରାଜ୍ୟର ହୋଇଥିବା ବେଳେ ଆଉ ଦୁଇ ଜଣ ଉତ୍ତରପ୍ରଦେଶର ବୋଲି ଜଣାପଡିଛି। ଏବଂ ଅନ୍ୟ ଦୁଇ ଜଣ କୁ ରାଇରଙ୍ଗପୁର ଟାଉନ ପୋଲିସ ଖଜୁଥିବା ସୂଚନା ମିଳିଛି।
କନ୍ଧମାଳ ଜିଲ୍ଲାର ରାଇକିଆ ପୋଲିସ ଦେଶୀ ବନ୍ଧୁକ ତିଆରି କାର ଖାନା ଏବଂ ତିଆରି କରୁଥିବା ଅଭିଯୋଗ ରେ ଜଣକୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ବ୍ୟକ୍ତି ଜଣକ ହେଲେ ରାଇକିଆ ଥାନା ଅନ୍ତର୍ଗତ କତିଙ୍ଗିଆ ପଞ୍ଚାୟତ ରିଶିଗୁଡ଼ା ଗ୍ରାମ ର ମୁନିବର ମଲିକ I ତାଙ୍କ ଠାରୁ ଗୋଟିଏ ଦେଶୀ ବନ୍ଧୁକ ଏବଂ ବିଭିନ୍ନ ପ୍ରକାର ବନ୍ଧୁକ ପ୍ରସ୍ତୁତ ରେ ବ୍ୟବହୃତ ହେଉଥିବା ସାମଗ୍ରୀ ଜବତ କରିଛି ।
ବହୁ ଦିନ ଧରି ଏହି ସ୍ଥାନରେ ଦେଶୀ ବନ୍ଧୁକ ତିଆରି ହେଉଥିବାର ଅଭିଯୋଗ ହୋଇଥିଲା। ରାଇକିଆ ପୋଲିସଏ ନେଇ ରାଇକିଆ ଥାନାରେ ରେ କେଶ ଅତର୍କିତ ଭାବେ ଚଢାଉ କରି ଏହି ସଫଳ ପାଇ ପାରିଛି। ରାଇକିଆ ଥାନାରେ କେଶ ନମ୍ୱର 41/23 ରେ ଏକ ମାମଲା ରୁଜୁ ହୋଇଛି I ଏ ନେଇ ଜି.ଉଦୟଗିରି ଏସଡିପିଓ ବିଜୟ କୁମାର ବିଶି ଏକ ସାମ୍ବାଦିକ ସମ୍ମିଳନୀ ଡାକି ସମ୍ପୂର୍ଣ୍ଣ ସୂଚନା ପ୍ରଦାନ କରିଛନ୍ତି I
କନ୍ଧମାଳ ରୁ ଅରୁଣ କୁମାର ଷଡ଼ଙ୍ଗୀ ଙ୍କ ରିପୋର୍ଟ୍
କେନ୍ଦୁଝର ଜିଲ୍ଲା ୨୦ ନମ୍ବର ଜାତୀୟ ରାଜପଥରେ ଦିନ ଦ୍ବିପ୍ରହରରେ ଦମ୍ପତିଙ୍କୁ ଲୁଟିନେଲେ ଦୁର୍ବୃତ୍ତ। ବନ୍ଧୁକ ଦେଖାଇ ସେମାନଙ୍କ ସୁନା ଗହଣା ଲୁଟିନେଇଥିବା ଅଭିଯୋଗ। ଆଜି ମଧ୍ୟାହ୍ନରେ ଘସିପୁରା ଥାନା ଅଧୀନ ଢ଼ିଙ୍କିକୋଟର ନିଗମ ପ୍ରସାଦ ସାହୁ ଓ ତାଙ୍କ ସ୍ତ୍ରୀ ଲଛମା ରାଣୀ ସାହୁ ଏକ ସ୍କୁଟିରେ ଟୋଲଙ୍କପଡା ଯାଉଥିଲେ। ବୀରଗୋବିନ୍ଦପୁର ଛକ ନିକଟରେ ତିନି ଜଣ ଦୁର୍ବୃତ୍ତ ଏକ ପଲସର ବାଇକରେ ଆସି ସେମାନଙ୍କ ସ୍କୁଟିକୁ ଧକ୍କା ଦେଇଥିଲେ। କାହିଁକି ଧକ୍କା ଦେଲ ବୋଲି ନିଗମ ପଚାରିବାରୁ ଦୁର୍ବୃତ୍ତମାନେ ବନ୍ଧୁକ ବାହାର କରି ତିନି ରାଉଣ୍ଡ ଗୁଳି ଫୁଟାଇଥିଲେ। ଏହା ଦେଖି ଦମ୍ପତି ଭୟଭୀତ ହୋଇପଡିଥିଲେ। ଦୁର୍ବୃତ୍ତମାନେ ବନ୍ଧକ ଦେଖାଇ ସେମାନେ ପିନ୍ଧିଥିବା ସବୁ ସୁନା ଗହଣା ଲୁଟି ସେଠାରୁ ଫେରାର ହୋଇଯାଇଥିଲେ ବୋଲି ଅଭିଯୋଗ ହୋଇଛି। ଖରାବେଳଟାରେ ଏପରି ଲୁଟକୁ ନେଇ ନିଗମଙ୍କ ଭଉଣୀ ତଥା ସ୍ଥାନୀୟ ବିଜେପି ନେତ୍ରୀ ମମତା ସିଂ ଉଦବେଗ ପ୍ରକାଶ କରିଛନ୍ତି ।
ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଗୁଳି ମାଡ ଓ ଲୁଟ ଘଟଣା ପ୍ରଚାର ହେବା ପରେ ଘଟଣାସ୍ଥଳରେ ବହୁ ସଂଖ୍ୟାରେ ଲୋକ ସେଠାରେ ପହଞ୍ଚିଥିଲେ। ଗୁଳି ମାଡରେ ସ୍କୁଟିରେ ଥିବା ପେଟି ଫାଟିଯାଇଥିବା ବେଳେ ଗୁଳିରୁ ବାହାରିଥିବା ଏକ ଷ୍ଟିଲ ପ୍ଲେଟ ମିଳିଛି ।
ବଲାଙ୍ଗିର ଜିଲ୍ଲା ପାଟଣାଗଡ଼ ଥାନା ଭଇଁଷା ଗ୍ରାମରେ ଲକ୍ଷାଧିକ ନକଲି ନୋଟ୍ ଜବତ। ନକଲି ନୋଟ ଘଟଣାରେ ଦୁଇଜଣଙ୍କୁ ଗିରଫ କରିଛି ପାଟଣାଗଡ଼ ପୋଲିସ । ସୂଚନାନୁଯାୟୀ ଗତ ୨୨ ତାରିଖରେ ଗ୍ରାମରେ ନାମ ସଙ୍କୀର୍ତ୍ତନ ଚାଲିଥିବା ବେଳେ ଗୋଟିଏ ଦୋକାନରେ ୫୦୦ ଟଙ୍କିଆ ନକଲି ନୋଟ ଦେଖିବାକୁ ପାଇଥିଲେ ସ୍ଥାନୀୟ ସରପଞ୍ଚ। ନୋଟକୁ ଦେଖି ନକଲି ହୋଇଥିବା ସନ୍ଦେହ କରି ପାଟଣାଗଡ଼ ପୋଲିସକୁ ଖବର ଦେଇଥିଲେ । ପୋଲିସ ପହଞ୍ଚି ଭାଇଁଷା ଗ୍ରାମର ବରୁଣ ପାନୁଆନଙ୍କ ଘରେ ଚଢାଉ କରିଥିଲା। ଚଢାଉ ବେଳେ ସେହି ଘରୁ ୨୭୪ଟି ନକଲି ୫୦୦ ଟଙ୍କିଆ ନୋଟ, କମ୍ପ୍ୟୁଟର, ପ୍ରିଣ୍ଟର, ନକଲି ନୋଟ ପାଇଁ ବ୍ୟବହାର ହେଉଥିବା ପେପର ଓ ବ୍ୟବହୃତ ସାହି ମିଳିଥିଲା। ପୋଲିସ ସେସବୁ ସାମଗ୍ରୀ ଜବତ କରିନେଇଛି। ଘଟଣାର ଅଧିକ ତଦନ୍ତ କରିବା ପରେ ଦେଓଗାଁ ଥାନା ବୁଢାବାହଲ ଗ୍ରାମର ରୋହିତ ବସ୍ତିଆ ନକଲି ନୋଟ ରାକେଟରେ ସମ୍ପୃକ୍ତ ଥିବା ପୋଲିସ ଜାଣିବାକୁ ପାଇ ବରୁଣ ଓ ରୋହିତଙ୍କୁ ଗିରଫ କରି କୋର୍ଟ ଚାଲାଣ କରିଛି। ଏହି ନକଲି ନୋଟ ରାକେଟରେ ଆହୁରି ଅନେକ ଲୋକ ଥିବା ସନ୍ଦେହ କରି ପୋଲିସ ଘଟଣାର ତଦନ୍ତ ଜାରି ରଖିଥିବା ପାଟଣାଗଡ଼ ଏସ୍ଡ଼ିପିଓ ସଦାନନ୍ଦ ପୁଝାରୀ ସାମ୍ବାଦିକ ସମ୍ମିଳନୀ ଡକାଇ ସୂଚନା ଦେଇଛନ୍ତି।
ଆଜି ସକାଳ ପ୍ରାୟ ୬ଟା ସମୟରେ ଉତ୍ତରାଖଣ୍ଡର ଉଦ୍ଧମ ସିଂ ନାଗରରେ ବାବା ତାରସେମ ସିଂଙ୍କୁ କେହି ଦୃବୁତ ହତ୍ୟା କରିଦେଇଛିନ୍ତି । ଘଟଣାର ଖବର ପାଇବା ମାତ୍ରେ ଆଲୋଡ଼ନ ସୃଷ୍ଟି ହୋଇଥିଲା। ବାବା ତାରସେମ ସିଂ ନାନକମତ୍ତା ସାହି ଗୁରୁଦ୍ୱାରରେ କାର ସେବାର ମୁଖ୍ୟ ଥିଲେ। ବାବା ସକାଳେ ଚେୟାରରେ ବସିଥିଲେ। ଠିକ ସେତିକିବେଳେ ବାଇକ୍ ରେ ଆସିଥିବା ଦୁଇଜଣ ଅଜ୍ଞାତ ବ୍ୟକ୍ତି ତାଙ୍କୁ ଗୁଳି କରି ପଳାଇ ଯାଇଥିଲେ। ଏହା ପରେ ତାଙ୍କୁ ଖାତିମା ଡାକ୍ତରଖାନାକୁ ନିଆଯାଇଥିଲା ସେଠାରେ ତାଙ୍କର ମୃତ୍ୟୁ ଘଟିଥିଲା। ଘଟଣାର ସମ୍ବେଦନଶୀଳତାକୁ ବିଚାର କରି ତୁରନ୍ତ ଅନୁସନ୍ଧାନ ପାଇଁ SIT ଗଠନ କରାଯାଇଥିଲା। ବାବାଙ୍କ ଉପରେ ହୋଇଥିବା ଆକ୍ରମଣ ଖବର ଶୁଣି ତୁରନ୍ତ ଗୁରୁଦ୍ୱାର ଆଡକୁ ସମସ୍ତେ ଦୌଡ଼ି ଆସିଥିଲେ ।
ଏହି ଘଟଣାର ଭିଡିଓ ସାମ୍ନାକୁ ଆସିଛି। ସିସିଟିଭି ଫୁଟେଜ ଅନୁସନ୍ଧାନ ପରେ ହତ୍ୟା ଅଭିଯୁକ୍ତକୁ ଯଥାଶୀଘ୍ର ଗିରଫ କରିବା ନେଇ ପୋଲିସ ତନାଘନା ଜାରି ରଖିଛି । ଭିଡିଓରେ ଦେଖିବାକୁ ମିଳେ ଯେ ବାବା ଏକ ଚେୟାରରେ ବସିଛନ୍ତି। ହଠାତ୍ ଦୁଇଜଣ ଲୋକ ବାଇକ୍ ରେ ଆସନ୍ତି | ବାଇକ୍ ଚଳାଉଥିବା ଯୁବକମାନେ ତାଙ୍କ ମୁହଁକୁ ଢାଙ୍କି ରଖିଥିଲେ । ସେମାନଙ୍କ ମଧ୍ୟରୁ ଜଣେ ବନ୍ଧୁକ ବାହାର କରି ଗୁଳି ଚଳାଇବା ଆରମ୍ଭ କରି ଦିଏ । ସେ ଉଠି ଦୌଡିବାକୁ ଚେଷ୍ଟା କରନ୍ତି | କିନ୍ତୁ ବାଇକ୍ ଚଲାଉଥିବା ବ୍ୟକ୍ତି ବାଇକ୍ କୁ ତାଙ୍କ ଚାରିପାଖରେ ବୁଲାଏ ଏବଂ ଅନ୍ୟ ଜଣକ ପୁଣି ଗୁଳି ଚଳାଇବା ଆରମ୍ଭ କରିଦିଏ ଏବଂ ସେ ସେଇଟି ତଳେ ପଡ଼ିଯାନ୍ତି |
ବାବା ତାରସେମ୍ ସିଂ ଦୀର୍ଘ ଦିନ ଧରି ଶ୍ରୀ ନାନକମତ୍ତା ଗୁରୁଦ୍ୱାରର କାର୍ ସେବା ମୁଖ୍ୟ ଥିଲେ। ସାମାଜିକ ସେବା ଏବଂ ଜନ କଲ୍ୟାଣ କାର୍ଯ୍ୟରେ ସେ ସର୍ବଦା ଆଗରେ ଥିଲେ | ସେ ସମସ୍ତଙ୍କୁ ସାହାଯ୍ୟ କରୁଥିଲେ | ସେ ତାଙ୍କର ପୁରା ଜୀବନକୁ ଏହି ଗୁରୁଦ୍ୱାରର ପୁନଃ ନିର୍ମାଣ ପାଇଁ ଉତ୍ସର୍ଗ କରିଥିଲେ | ବାବାଜୀ ଗୁରୁଦ୍ୱାର ନାନକମତ୍ତା ସାହେବରେ କାର ସେବାର ସମସ୍ତ ଦାୟିତ୍ୱ ଗ୍ରହଣ କରୁଥିଲେ। ବିଦ୍ୟାଳୟ ଏବଂ ଗୁରୁଦ୍ୱାରରେ ସେବା କରିବା ବ୍ୟତୀତ, ଯେଉଁ ଶିବିରରେ ସେ ମୁଖ୍ୟ ଥିଲେ, କୌଣସି ପ୍ରକାର ବିପର୍ଯ୍ୟୟ ସମୟରେ ଲଙ୍ଗର ଏବଂ ରିଲିଫ୍ ସାମଗ୍ରୀ ମଧ୍ୟ ପ୍ରଦାନ କରୁଥିଲେ | ତାଙ୍କର ସେବା କାର୍ଯ୍ୟ ଦିଲ୍ଲୀ ପର୍ଯ୍ୟନ୍ତ ଆଲୋଚନା କରାଯାଉଥିଲା।
ଗଣମାଧ୍ୟମ ରିପୋର୍ଟ ଅନୁଯାୟୀ, ଗୁରୁଦ୍ୱାର ବଙ୍ଗଳା ସାହେବ ଦିଲ୍ଲୀର ଡେରା କାର ସେବା ବାବା ବଚ୍ଚନ ସିଂଙ୍କ ମୁଖ୍ୟ ମଧ୍ୟ ନାନକମତ୍ତାରେ ପହଞ୍ଚିଛନ୍ତି। ଏବେ ବାବା ତାରସେମ ସିଂଙ୍କ ମୃତଶରୀର ପୋଷ୍ଟ ମର୍ଟମ କରାଯିବ। ନାନକମତ୍ତା ଗୁରୁଦ୍ୱାର କର ସେବା ମୁଖ୍ୟ ବାବା ତାରସେମ ସିଂଙ୍କ ହତ୍ୟା ଘଟଣାରେ ଉତ୍ତରପ୍ରଦେଶ ପୋଲିସର ଡିଜିପି ଅଭିନାଭ କୁମାର କହିଛନ୍ତି ଯେ ଆଜି ସକାଳେ ଏହି ସୂଚନା ଆସିଛି। ଏହି ହତ୍ୟାକାଣ୍ଡ ଚିନ୍ତାର ବିଷୟ, ବରିଷ୍ଠ ଅଧିକାରୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ଘଟଣା ସ୍ଥଳର ଯାଞ୍ଚ କରାଯାଉଛି ଏବଂ ସ୍ଥାନୀୟ ଜନସାଧାରଣଙ୍କ ସହ ପଚରାଉଚରା ଜାରି ରହିଛି । ଅନୁସନ୍ଧାନ ପାଇଁ SIT ଗଠନ କରାଯାଇଛି | ପ୍ରାଥମିକତା ଉପରେ ଏହି ଘଟଣାର ଅନୁସନ୍ଧାନ କରାଯାଉଛି। କେନ୍ଦ୍ରୀୟ ଏଜେନ୍ସି ସହିତ ମଧ୍ୟ ଯୋଗାଯୋଗ କରାଯାଇଛି। ଅଭିଯୁକ୍ତଙ୍କୁ ଶୀଘ୍ର ଧରାଯିବ ବୋଲି ଡିଜିପି ଅଭିନାଭ କୁମାର କହିଛନ୍ତି ।
ରଙ୍ଗର ପର୍ବ ଦୋଳ ପୂର୍ଣିମା ଓ ହୋଲିରେ କେନ୍ଦ୍ରାପଡ଼ା ପ୍ରଶାସନଙ୍କ କଡ୍ଡା ଆଭିମୁଖ୍ୟ ପାଇଁ ଚୋରା ମଦ କାରବାର ଉପରେ ଲାଗିଲା ଲଗାମ। କେନ୍ଦ୍ରାପଡ଼ା ସଦର ଥାନା ପୋଲିସ ଓ ଚାନ୍ଦୋଳ ଫାଣ୍ଡି ପୋଲିସ ମିଳିତ ଚଢ଼ାଉ କରି ଡେରାବିଶ ବ୍ଲକରେ ଇନ୍ଦାଳ ଓ ହରିଅଙ୍କ ଅଞ୍ଚଳରୁ ବିପୁଳ ପରିମାଣର ମଦ ଜବତ କରିବାରେ ସକ୍ଷମ ହୋଇଥିଲା,ଯାହାର ଆନୁମାନିକ ମୂଲ୍ୟ ଦଶ ଲକ୍ଷରୁ ଅଧିକ ହେବ ବୋଲି ଅନୁମାନ କରାଯାଉଛି। ରଙ୍ଗର ପର୍ବ ସହ ଗତ କିଛି ବର୍ଷ ହେବ ନାଲିପାଣି ଯୋଡି ହୋଇ ଯାଇଛି।
ଫଳରେ ନିଶାସକ୍ତ ଅବସ୍ଥାରେ ଏହି ପବିତ୍ର ପର୍ବ କାଳରେ ବିଭିନ୍ନ ସ୍ଥାନରେ ହେଉଛି ଅପରାଧ। ତେଣୁ ହୋଲିକୁ ଡ୍ରାଏ ଡେ ଘୋଷଣା କରିଛନ୍ତି ସରକାର। କିନ୍ତୁ ଅସାଧୁ ବ୍ୟବସାୟୀ ଘର ସହ ବିଭିନ୍ନ ସ୍ଥାନରେ ମଦ ଗଚ୍ଛିତ ରଖି ଚୋରାରେ ବିକ୍ରି କରୁଛନ୍ତି। ତେଣୁ କେନ୍ଦ୍ରାପଡା ପୋଲିସ, ପ୍ରଶାସନ ସଜାଗ ହୋଇଥିଲା। ବିଭିନ୍ନ ସ୍ଥାନରେ ଚଳାଇଥିଲା ଚଢାଉ। ଏହି ଚଢାଉରେ ହରିଅଙ୍କର ଜଣେ ଚୋରା ମଦ ବ୍ୟବସାୟୀଙ୍କ ଘରୁ ଏକା ବେଳକେ ଏକାଅଶୀ ପେଟି ମଦ ଜବତ କରାଯାଇଛି। ଫାଣ୍ଡିବର ଅଞ୍ଚଳରେ ଚାଲିଥିବା ଚୋରା ମଦ ବ୍ୟବସାୟ ଉପରେ ମଧ୍ୟ ରୋକ ଲଗେଇ ସକାଳୁ ସେଠାରେ ପୋଲିସ ଚଢ଼ାଉ କରି ଲକ୍ଷାଧିକ ଟଙ୍କାରେ ମଦ ଜବତ କରିଥିଲା ପୋଲିସ।
ଏହା ବ୍ୟତୀତ ଅନ୍ୟାନ୍ୟ ସ୍ଥାନରେ ଚଢ଼ାଉ କରି ୨୩୬ ଲିଟର ଚୋରା ମଦ ଜବତ କରାଯାଇଛି। ପୋଲିସ ଦୁଇ ଜଣଙ୍କୁ ଗିରଫ କରିଛନ୍ତି। ଦୋଳ ପୁର୍ଣିମା ଓ ହୋଲି ଅବସରରେ ହରିଅଙ୍କ ମେଳଣ ସମେତ ବିଭିନ୍ନ ମେଳଣରେ ଜନ ଗହଳିକୁ ଟାର୍ଗେଟରେ ରଖି ଏତେ ପରିମାଣର ମଦ ରଖି ବିକ୍ରି ପାଇଁ ଚେଷ୍ଟା କରାଯାଉଥିବା ବେଳେ ପୋଲିସ ସବୁ ଉଦ୍ୟମକୁ ପଣ୍ଡ କରି ଦେଇଛି।