ଚମକପ୍ରଦ ତ୍ୱଚା ପାଇଁ ଘରୋଇ ଉପଚାର

ପ୍ରତ୍ୟେକ ମଣିଷଙ୍କୁ ଏକ ଆକର୍ଷଣୀୟ,ଚମକପ୍ରଦ ତ୍ୱଚା ପସନ୍ଦ। ଏଥିପାଇଁ ଅନେକ ହଜାରହଜାର ଟଙ୍କା ଖର୍ଚ୍ଚ କରିଥାନ୍ତି । କିନ୍ତୁ ଏହା ସମସ୍ତଙ୍କ ପକ୍ଷରେ ସମ୍ଭବ ନଥାଏ। ଏହା ବ୍ୟତୀତ ସେହିସବୁ ରାସାୟନିକ ସାମଗ୍ରୀ ଓଲଟା ତ୍ୱଚା ପାଇଁ କ୍ଷତିକରକ ସାବ୍ୟସ୍ତ ହୋଇଥାଏ। ହେଲେ ଆମ ରୋଷେଇ ଶାଳରେ ଏମିତି ସବୁ ସାଧନ ରହିଛି, ଯାହା ବିନା ଖର୍ଚ୍ଚରେ ଆମକୁ ଦେବ ଗ୍ଲୋ ବାଲା ଚେହେରା। ଫେସ କ୍ଲିୟର କରିବାକୁ ମଧ୍ୟ ଆମ ରୋଷେଇ ଘରେ ରହିଛି ବହୁ ଉପାଦେୟ ଉପକରଣ। ଆସନ୍ତୁ ସେବିଷୟରେ ଜାଣିବା।

କିପରି ଘରେ ପ୍ରସ୍ତୁତ କରିବା ଫେସ ପ୍ୟାକ୍..
ଫେସ ପ୍ୟାକ୍ ପ୍ରସ୍ତୁତ କରିବାକୁ ଦରକାର ହୁଏ-କଞ୍ଚା କ୍ଷୀର,ମହୁ। ଏକ ପାତ୍ରରେ 3-4 ଚାମଚ କ୍ଷୀର ଓ 4-5 ଚାମଚ ମହୁ ନେଇ ଭଲଭାବେ ଗୋଳାନ୍ତୁ । ତେବେ ଧ୍ୟାନରେ ରଖିବାକୁ ହେବ କି,ଏହି ମିଶ୍ରଣ ଏମିତି ବହଳିଆ ହେବା ଆବଶ୍ୟକ । ଯେମିତି ଏହା ମୁହଁରେ ଭଲ ଭାବେ ଲାଗି ପାରିବ। ମିଶ୍ରଣ ପ୍ରସ୍ତୁତ ହୋଇଯିବା ପରେ ମୁହଁକୁ ଭଲ ଭାବେ ଧୋଇ ନିଅନ୍ତୁ। ଏହା ପରେ ମିଶ୍ରଣକୁ ଭଲ ଭାବେ ମୁହଁ ଓ ବେକରେ ଲଗାଇ ଦିଅନ୍ତୁ। କିଛି ସେକେଣ୍ଡ ପରେ ହାତରେ ଗୋଲ ଗୋଲ ମସାଜ କରନ୍ତୁ। ପ୍ରାୟ 5 ମିନିଟ ପର୍ଯ୍ୟନ୍ତ ମସାଜ କରିବା ପରେ ମୁହଁ ଓ ବେକକୁ ଧୋଇଦିଅନ୍ତୁ। ହେଲେ ମୁହଁକୁ ନ ପୋଛି ସେମିତି କିଛି ସମୟ ଛାଡ଼ି ଦିଅନ୍ତୁ। ଏହିପରି ସପ୍ତାହରେ 2-3 ଥର କରିବା ପରେ ଆପଣା ଛାଏଁ ଏହାର ପ୍ରଭାବ ଦେଖିପାରିବେ ।