![](https://suchanatv.com/wp-content/uploads/2024/02/BDK-FAKER-1024x576.jpg)
ଭଦ୍ରକ ଜିଲ୍ଲାର ଏକ ମାତ୍ର ଶିଳ୍ପ ପ୍ରତିଷ୍ଠାନକୁ ନେଇ ଦେଖାଦେଇଛି ଅସନ୍ତୋଷ । ରାନ୍ଦୀଆ ଠାରେ ଥିବା ବେଦାନ୍ତ ଫେକର ପ୍ଲାଣ୍ଟ ଅନିୟମିତତା କରୁଥିବା ନେଇ କଂଗ୍ରେସ ଅଭିଯୋଗ କରିଛି । ଏନେଇ ଜିଲ୍ଲା କଂଗ୍ରେସ କାର୍ଯ୍ୟାଳୟ ପରିସରରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଦଳ ଦାବି କରିଛି କି ବେଦାନ୍ତ ଫେକର କମ୍ପାନୀର 10 କିଲୋମିଟର ପରିଧି ମଧ୍ୟରେ ଥିବା ଗ୍ରାମର ଘର ଗୁଡିକୁ ମାଗଣା ବିଦ୍ୟୁତ ଦିଆଯାଉ । ଏଥିସହିତ ସେହି ଗ୍ରାମର ସମସ୍ତ ବୟସ୍କ ଲୋକଙ୍କର ମାଗଣା ଶ୍ୱାସ ଜନିତ ଚିକିତ୍ସା କରିବା ସହ ଛୋଟ ପିଲା ମାନଙ୍କର ଚର୍ମ ରୋଗ ଚିକିତ୍ସା ସହିତ ମାଗଣା ଔଷଧ ଦିଆଯାଉ, ପ୍ରତି ଦୁଇ ବର୍ଷରେ ଦୁଇ ଥର ସ୍ୱାସ୍ଥ୍ୟ ପରୀକ୍ଷା କରାଯାଉ, ଶିକ୍ଷିତ ଯୁବକ-ଯୁବତୀ ମାନଙ୍କୁ ଯୋଗ୍ୟତା ଆଧାରରେ ନିଯୁକ୍ତି ଦିଆଯାଉ ଆଦି ଦାବି କରିଛି କଂଗ୍ରେସ ।
ଯଦି କମ୍ପାନୀ ଏହିସବୁ ଦାବି ପୂରଣ ନକରେ ତାହେଲେ ଆଗାମୀ ଦିନରେ ରାଜରାସ୍ତାକୁ ଓଲ୍ଲାଇବା ସହ କମ୍ପାନୀକୁ ଯାଉଥିବା ଗାଡିକୁ ଅଟକାଇବ ଏବଂ ଆବଶ୍ୟକ ପଡିଲେ କମ୍ପାନୀକୁ ବନ୍ଦ କରିଦିଆଯିବ ବୋଲି କଂଗ୍ରେସ ଦଳ ଚେତାବନୀ ଦେଇଛି ।