କଳାହାଣ୍ଡି ଜିଲ୍ଲାରେ ତିନି ମାଓବାଦୀଙ୍କ ମୃତ୍ୟୁ। ଜିଲ୍ଲାର ମଦନପୁର ଥାନା ଅଧୀନ ତାପରେଙ୍ଗ ସଂରକ୍ଷିତ ଜଙ୍ଗଲରେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ଘଟି ୩ ମାଓବାଦୀଙ୍କ ମୃତ୍ୟୁ ହୋଇଥିବା ବେଳେ ଡିଏସପିଙ୍କ ଦେହରେ ଗୁଳି ବାଜି ଆହତ ହୋଇଥିବା ସୂଚନା ରହିଛି। ପୋଲିସ ୩ ମୃତଦେହକୁ ଜବତ କରିବା ସହ ଏକ ଏକେ୪୭ ରାଇଫଲ ମଧ୍ୟ ଜବତ କରିଛି। ଡିଏସପିଙ୍କ ଗୋଡରେ ଗୁଳି ଲାଗିଛି।
ଆଜି ଜଙ୍ଗଲ ଭିତରେ କୁମ୍ବିଂ ଅପରେସନ ଜାରି ରହିଥିବା ବେଳେ ପୋଲିସ ଓ ମାଓବାଦୀଙ୍କ ଭିତରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା। ଉଭୟ ପକ୍ଷରୁ ଗୁଳି ବିନିମୟରେ ଡିଏସପିଙ୍କ ଗୋଡରେ ଏକ ଗୁଳି ବାଜି ସେ ଆହତ ହୋଇଥିବା ବେଳେ ୩ ମାଓବାଦୀଙ୍କର ପୋଲିସ ଗୁଳିରେ ନିଧନ ହୋଇଛି। ସେମାନଙ୍କ ନିକଟରୁ ପୋଲିସ ଏକ ଏକେ୪୭ ରାଇଫଲ ଜବତ କରିଛି। ଆହତ ଡିଏସପିଙ୍କୁ ପ୍ରଥମେ ମଦନପୁର ରାମପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ନିଆଯାଇ ପ୍ରାଥମିକ ଚିକିତ୍ସା ପରେ ବଲାଙ୍ଗୀର ଭୀମଭୋଇ ହସ୍ପିଟାଲକୁ ସ୍ଥାନାନ୍ତର କରାଯାଇଛି।