ସୋନପୁର ଫରେଷ୍ଟ ଡିଭିଜନରୁ ବଜ୍ରକାପ୍ତା ଉଦ୍ଧାର । ନଛିପୁର ସୋନପୁର-ମେନରୋଡ୍ ରାସ୍ତାକଡ଼ରୁ ଦୁଇଟି ଜୀବନ୍ତ ବଜ୍ରକାପ୍ତା ଉଦ୍ଧାର କରିଛି କ୍ରାଇମବ୍ରାଞ୍ଚ STF। ଗୋଟିଏ ବଜ୍ରକାପ୍ତାର ଓଜନ ୭ କିଲୋଗ୍ରାମ୍ । ଅନ୍ୟ ବଜ୍ରକାପ୍ତାର ଓଜନ ୩ କିଲୋଗ୍ରାମ । ବଜ୍ରକାପ୍ତା ଚୋରା ଚାଲାଣ ଅଭିଯୋଗରେ ୨ ଜଣଙ୍କୁ ଧରିଛି ପୋଲିସ ।
ସୋନପୁର ଜିଲ୍ଲା ଲଚ୍ଛିପୁର ଥାନା ଝଙ୍କରପାଲି ଗାଁର ବେଦବ୍ୟାସ ଧରୁଆଙ୍କୁ ଗିରଫ କରାଯାଇଛି । ତାଙ୍କ ଭାଇ ନବଦୀପ ଧରୁଆଙ୍କୁ ମଧ୍ୟ ଧରିଛି ଧରିଛି STF ଟିମ୍ । ବନ୍ୟଜନ୍ତୁ ଆଇନ୍ ଉଲ୍ଲଂଘନ କରିଛନ୍ତି ଦୁଇ ଭାଇ । ତେଣୁ ସେମାନଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଅଧିକ ତଥ୍ୟ ହାସଲ ପାଇଁ ତଦନ୍ତ ଜାରି ରହିଛି ।
ରାଜ୍ୟର ବିଭିନ୍ନ ସ୍ଥାନରୁ ପ୍ରାୟତଃ ଏଭଳି ବନ୍ୟଜନ୍ତୁ ଶିକାର କରି ଗିରଫ ହେଉଛନ୍ତି ଅଭିଯୁକ୍ତ । କିଏ ହାତୀ ଶିକାର କରୁଛି ତ କିଏ କୁଟୁରା । ଆଉ ବଜ୍ରକାପ୍ତା ଚୋରା ଚାଲାଣ କରି ମାଲେମାଲ ହେଉଛନ୍ତି । ଏଭଳି ସ୍ଥିତିରେ କ୍ରାଇମବ୍ରାଞ୍ଚ STF ଟିମ୍ ପକ୍ଷରୁ ଚଢ଼ାଉ ଅଭିଯାନ ଜାରି ରହିଛି ।
ଗତ କିଛି ଦିନ ପୂର୍ବେ ଶିମିଳିପାଳ ଅଭୟାରଣ୍ୟର ପାଦଦେଶରେ ବଜ୍ରକାପ୍ତା ଡିଲ୍ ବେଳେ ବନପାଳ ସମେତ ୬ ଜଣଙ୍କୁ ଗିରଫ କରିଥିଲା କପ୍ତିପଦା ଥାନା ପୋଲିସ । ସେହିପରି କେନ୍ଦୁଝର ବନଖଣ୍ଡ ବିଜେପି ରେଞ୍ଜ କାଞ୍ଜିପାଣି ନିକଟ ଟାଙ୍ଗରାପଡ଼ା ଗାଁରୁ ବଜ୍ରକାପ୍ତା ଉଦ୍ଧାର ସହ ଜଣଙ୍କୁ ଗିରଫ କରାଯାଇଥିଲା ।