ବିଦେଶରେ ଓଡ଼ିଶା ସଂସ୍କୃତିର ଝଲକ । ୟନାଇଟେଡ୍ କିଙ୍ଗଡମ୍ ମାଞ୍ଚେଷ୍ଟରରେ ଚାଲିଥିଲା ମାରାଥନ୍-୨୦୨୩ । କ୍ରୀଡ଼ାକୁ ଉତ୍ସାହିତ କରିବା ପାଇଁ ଏଭଳି ଏକ ମାରାଥନର ଆୟୋଜନ ହୋଇଥିଲା । ଯେଉଁଥିରେ ଓଡ଼ିଶାର ସମ୍ବଲପୁରୀ ମହିଳାଙ୍କୁ ଦେଖିବାକୁ ମିଳିଛି ।
ମାରାଥନରେ ଫୁଲ୍ ଯୋଶରେ ଦୌଡ଼ୁଛନ୍ତି ମଧୁସ୍ମିତା ଜେନା । ଓଡ଼ିଶାର ପ୍ରତୀକ ତଥା ସମ୍ବଲପୁରୀ ଶାଢ଼ୀ ପିନ୍ଧି ଆଗକୁ ମାଡ଼ି ଚାଲିଛନ୍ତି । ମାରାଥନରେ ଅଂଶଗ୍ରହଣ କରି ଓଡ଼ିଆ ସଂସ୍କୃତିର ପରିଚୟ ଦେଇଛନ୍ତି । ଓଡ଼ିଶାର ସଂସ୍କୃତି ଏବଂ ଐତିହ୍ୟ ପ୍ରଦର୍ଶନ କରିବାର ଏହା ଏକ ସୁନ୍ଦର ମୌକା ଥିଲା ଯାହାକୁ ମଧୁସ୍ମିତା ହାତଛଡ଼ା କରିନାହାଁନ୍ତି । କ୍ରୀଡ଼ାକୁ ସେ ବହୁତ ଭଲ ପାଆନ୍ତି । ସେଥିପାଇଁ ଆଜି ସମ୍ବଲପୁରର ମଧୁସ୍ମିତା ମାଞ୍ଚେଷ୍ଟର ମାରାଥନରେ ଦୌଡ଼ି ଓଡ଼ିଶାକୁ ଗର୍ବିତ କରିଛନ୍ତି ।