IPLରେ ଆଜି ଗୋଟିଏ ମ୍ୟାଚ୍ ଖେଳାଯିବ । ସନରାଇଜର୍ସ ହାଇଦ୍ରାବାଦ ଓ ଲକ୍ଷ୍ନୌ ସୁପର ଜିଆଣ୍ଟ ମଧ୍ୟରେ ଏହି ମୁକାବିଲା ହେବ । ଲକ୍ଷ୍ନୌରେ ସନ୍ଧ୍ୟା ୭.୩୦ରେ ମ୍ୟାଚ୍ ଖେଳାଯିବ ।
କେ.ଏଲ୍ ରାହୁଲଙ୍କ ଅଧିନାୟକତ୍ୱରେ ମୈଦାନକୁ ଓହ୍ଲାଇବ ଲକ୍ଷ୍ନୌ ସୁପର ଜିଆଣ୍ଟ । ଦଳ ଖେଳିଥିବା ୨ଟି ମ୍ୟାଚରୁ ଗୋଟିଏରେ ବିଜୟୀ ହୋଇଥିବା ବେଳେ ଅନ୍ୟଟିରେ ପରାସ୍ତ ହୋଇଛି । ଡିକକ୍ ଆଜିର ମ୍ୟାଚରେ ଖେଳିବେ । ତେଣୁ ଦଳର ମନୋବଳ ଟିକେ ବଢ଼ିଛି । ହାଇଦ୍ରାବାଦକୁ ହରାଇବାକୁ ଜୋରଦାର ଉଦ୍ୟମ କରିବା ଟିମ୍ ।
ସେପଟେ, ସେପଟେ ଆଜିର ମ୍ୟାଚରେ ହାଇଦ୍ରାବାଦ କମବ୍ୟାକ୍ କରିବାକୁ ଲକ୍ଷ୍ୟ ରଖିଛି । ଖେଳିଥିବା ଏକମାତ୍ର ମ୍ୟାଚରେ ପରାସ୍ତ ହୋଇ ପଏଣ୍ଟ ଟେବୁଲର ଶେଷରେ ରହିଛି ଦଳ । ମୟଙ୍କ ଅଗ୍ରୱାଲ, ରାହୁଲ ତ୍ରିପାଠୀ, ମାରକ୍ରମଙ୍କ ପରି ଖେଳାଳିଙ୍କ ଉପରେ ଦଳର ବିଜୟ ନିର୍ଭର କରୁଛି । ଆଜିର ମ୍ୟାଚ୍ ବେଶ୍ ରୋମାଞ୍ଚକ ହେବା ନେଇ ଆଶା ରଖିଛନ୍ତି କ୍ରୀଡ଼ାପ୍ରେମୀ ।