Category: ରାଜ୍ୟ ଖବର

ପିପିଏଲ (PPL) ସାର କାରଖାନାରୁ ଜିପସମ ଲୋଡିଂ କରି ଯାଉଥିବା ବେଳେ ପାରାଦ୍ଵୀପ ରଙ୍ଗିଆଗଡ ନିକଟରେ ମାଲବାହୀ ଟ୍ରେନର ତିନୋଟି ବଗି ଲାଇନଚ୍ୟୁତ ହୋଇଛି ।

ପାରାଦ୍ଵୀପ ରଙ୍ଗିଆଗଡ ନିକଟରେ ଲାଇନ ଚ୍ୟୁତ ହୋଇଛି ଏକ ମାଲବାହୀ ଟ୍ରେନ। ପିପିଏଲ (PPL) ସାର କାରଖାନାରୁ ଜିପସମ ଲୋଡିଂ କରି ଯାଉଥିବା ବେଳେ ଘଟିଛି ଏଭଳି ଘଟଣା । ଟ୍ରେନର ତିନୋଟି ବଗି ଲାଇନଚ୍ୟୁତ ହୋଇଥିବା ବେଳେ, ତୁରନ୍ତ ଏହାକୁ ଠିକ କରିବା ପାଇଁ ରେଲୱେର ଅଧିକାରୀମାନେ ପ୍ରୟାସ କରିଛନ୍ତି। ପ୍ରଥମେ ଅନ୍ୟ ଏକ ଇଞ୍ଜିନ ସହାୟତାରେ ଟ୍ରେନକୁ ପଛକୁ ଟାଣିବା ସହିତ ତିନୋଟି ବଗିକୁ ହାଇଡ୍ରୋଲିକ ମେସିନ ସହାୟତାରେ ସିଧା କରାଯାଇଛି। ଟ୍ରେନକୁ ପୁଣି ପିପିଏଲ (PPL) ଭିତରକୁ ନିଆଯାଇଛି। ଲାଇନକୁ ମରାମତି କରିବା ପରେ ଟ୍ରେନ ଗୁଡିକ ଯିବା ଆସିବା କରିବ। ତେବେ ଟ୍ରେନ ଲାଇନ ଚ୍ୟୁତ ହେବାର ସଠିକ କାରଣ ଜଣାପଡି ନାହିଁ।

ଆଜି ଶପଥ ନେବେ ଓଡାଶାର ନବନିର୍ବାଚିତ ମୁଖ୍ୟମନ୍ତ୍ରୀ ମୋହନ ମାଝୀ । ଏଥିରେ ଅନେକ ମାନ୍ୟଗଣ୍ୟ ବ୍ୟକ୍ତି ସାମିଲ ହେବେ । ଯାହାକୁ ଦୃଷ୍ଟିରେ ରଖି କଡା ସୁରକ୍ଷା ବ୍ୟବସ୍ଥା କରାଯାଇଛି ରାଜଧାନୀ ଭୁବନେଶ୍ବରରେ । ଜନତା ମଇଦାନକୁ ପୋଲିସ ଛାଉଣୀରେ ପରିଣତ କରାଯାଇଛି । ଆଜିର ଭିଡକୁ ଦୃଷ୍ଟିରେ ରଖି କମିସନରେଟ ପୋଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଗୃହମନ୍ତ୍ରୀ ଅମିତ ଶାହା ମଧ୍ୟ ସମାରୋହରେ ସାମିଲ ହେବାକୁ ଓଡିଶା ଆସୁଛନ୍ତି । କେବଳ ସେତିକି ନୁହେଁ ୯ ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀ ମଧ୍ୟ ଶପଥ ଗ୍ରହଣ ସମାରୋହରେ ସାମିଲ ହେବେ । ତେଣୁ, ବର୍ତ୍ତମାନ ରାଜଧାନୀରେ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।

ତେବେ କାର୍ଯ୍ୟସୂଚୀ ଅନୁଯାୟୀ, ଅପରାହ୍ନ ୨ଟାରୁ ରାତି ୭ଟା ପର୍ଯ୍ୟନ୍ତ ଜୟଦେବ ବିହାର ଛକରୁ ନାଲକୋ ଛକ ପର୍ଯ୍ୟନ୍ତ ଗାଡ଼ି ଚଳାଚଳ ବନ୍ଦ ରହିବ । ସୁରକ୍ଷା ବଳୟର ଦାୟାତ୍ବରେ ଆଇଜି ରାଙ୍କର ଜଣେ ଓ ୩ ଜଣ ଡିଆଇଜି ରାଙ୍କର ଅଧିକାରୀ ରହିବେ । ଏଥିସହିତ ଏସପି, ଡିସିପି ଏବଂ ୧୩ ଜଣ କମାଣ୍ଡାଣ୍ଟ ମଧ୍ୟ ରହିବେ । ଟ୍ରାଫିକ ପରିଚାଳନା ପାଇଁ ସ୍ୱତନ୍ତ୍ର ଟିମ୍ ଗଠନ କରାଯାଇଛି । ହୋଟେଲ ଗୁଡିକରେ ଯାଞ୍ଚ ପ୍ରକ୍ରିୟାକୁ ଜୋରଦାର କରାଯାଇଛି । ତେବେ ଗତକାଲି ରାଜଧାନୀରେ ରାତ୍ରିକାଳୀନ ପାଟ୍ରୋଲିଂ ସହ ଚେକିଂ ଓ ବ୍ଲକିଂକୁ କଡ଼ାକଡ଼ି କରାଯାଇଛି । ଦେଶରୁ କୋଣ-ଅନୁକୋଣରୁ ଆସୁଥିବା ଭିଭିଆଇପିଙ୍କ ପାଇଁ ରାତ୍ରୀ ଯାପନ ପାଇଁ ହୋଟେଲର ବ୍ୟବସ୍ଥା କରାଯାଇଛି ।

ଗ୍ରାମ୍ୟ ଜଳ ଯୋଗାଣ ବିଭାଗ ଅଧୀନରେ କାମ କରୁଥିବା ମେଘା କମ୍ପାନୀ ଠାରୁ ବକେୟା ରାଶି ମିଳିବା ଦାବିରେ ଯାଜପୁର ଜିଲ୍ଲାପାଳ କାର୍ଯ୍ୟାଳୟରେ ପୁଣି ଥରେ ଧାରଣା ଦେଲେ ଠିକା ସଂସ୍ଥା ମାଲିକ । କିଛି ଦିନ ପୂର୍ବରୁ ଦୁଇଟି ଠିକା ସଂସ୍ଥାର ପରିବାର ପକ୍ଷରୁ ମେଘା କମ୍ପାନୀରୁ ଅର୍ଥ ପାଇବା ଦାବିରେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପୂର୍ବରୁ ଧାରଣା ଦେବା ସହ ଜିଲ୍ଲାପାଳ ନିଖିଲ ପବନ କଲ୍ୟାଣଙ୍କ ସହିତ ଆଲୋଚନା କରିଥିଲେ । ଜିଲ୍ଲାପାଳ ସଂପୃକ୍ତ ଅଧିକାରୀଙ୍କୁ ଘଟଣାର ସମାଧାନ ପାଇଁ ନିର୍ଦ୍ଦେଶ ଦେବା ସହ ଦୁଇ ପରିବାର ବର୍ଗ ଙ୍କୁ ପ୍ରତିଶ୍ରୁତି ଦେବା ପରେ ଧାରଣା ପ୍ରତ୍ୟାହୃତ ହୋଇଥିଲା। ମାତ୍ର ଇତି ମଧ୍ୟରେ କୌଣସି ସମାଧାନ ନ ହେବାରୁ ଗତକାଲି ଠାରୁ ଧାରଣା ଦେଇଛନ୍ତି ଦୁଇ ଠିକାସଂସ୍ଥା ପରିବାରବର୍ଗ। ବକେୟା ରାଶି ନ ମିଳିବା ପର୍ଯ୍ୟନ୍ତ ଏହି ଅନଶନ ଜାରି ରହିବ ବୋଲି ଚେତାବନୀ ଦିଆଯାଇଛି।

ବକେୟା ରାଶି ନ ମିଳିବା ପର୍ଯ୍ୟନ୍ତ ଏହି ଅନଶନ ଜାରି ରହିବ ବୋଲି ଚେତାବନୀ ଦେଇଛନ୍ତି ଠିକା ସଂସ୍ଥା ମାଲିକ ।

କନ୍ଧମାଳ ଜିଲ୍ଲାରେ ଯୁଆଡେ ଯାଆନ୍ତୁ, ଏବେ ସବୁଠି ଆମ୍ବର ସମ୍ଭାର। ପ୍ରତି ଘର ଆଗରେ କୁଢ କୁଢ ଆମ୍ବ, ଆମ୍ବ ରସ, ଟାକୁଆ ପଡିଛି। ପାଚିଲା ଆମ୍ବରୁ ଆମ୍ବ ସଢା, ଆମ୍ବ ଶୁଖା ପ୍ରସ୍ତୁତ କରିବାରେ ସମସ୍ତେ ନିମଗ୍ନ। ତାକୁ ବିକି ଦୁଇ ପଇସା ରୋଜଗାର ଲକ୍ଷ୍ୟରେ ସ୍ଥାନୀୟ ବାସିନ୍ଦା। ଜିଲ୍ଲାରେ ରାଜ୍ୟର ଅନ୍ୟ ସ୍ଥାନଠାରୁ ଅଧିକ ଆମ୍ବ ଗଛ ରହିଛି। ଏବେ ଆମ୍ବ ପାଚିବାର ସମୟ। ପାଚିଲା ଆମ୍ବ ବାସ୍ନାରେ ମହକୁଛି ଖଣ୍ଡମଣ୍ଡଳ। ଆଉ ଏହି ଆମ୍ବରୁ ଗରିବ ଖଟିଖିଆ ପରିବାର ସବୁ ଦୁଇ ପଇସା ରୋଜଗାର କରିବାରେ ଲାଗିଛନ୍ତି। କନ୍ଧମାଳରେ ହେଉଥିବା ଆମ୍ବ ମଧ୍ୟରେ ମାଳୁଆ ବା ଠୁରୀ ଆମ୍ବର ଚାହିଦା ଅଧିକ। ଏହା ପୁରା ମିଠା ନୁହେଁ,,, ଖଟା ମିଠା ମିଶ୍ରିତ। ପାଚିଲା ଠୁରୀ ଆମ୍ବ ରୁ ପ୍ରସ୍ତୁତ ଆମ୍ବ ସୁଖାର ଭଲ ଚାହିଦା ରହିଛି। ତେଣୁ ସ୍ଥାନୀୟ ଲୋକେ ଗଛରୁ ଆମ୍ବ ତୋଳି ତାକୁ ଧୋଇବା ପରେ ଛୁରିରେ କାଟି ଟାକୁଆକୁ ଅଲଗା କରିବା ସହ ଖରାରେ ଶୁଖାଇଥାନ୍ତି। ଯାହାକୁ ଚମ୍ପେଇତ ପ୍ରସ୍ତୁତ ହୋଇଥାଏ। ଏହି ଚମ୍ପେଇତକୁ କିଲୋ ପିଛା ୫୦-୬୦ ଟଙ୍କାରେ ବିକ୍ରି କରି ଭଲ ଦୁଇ ପଇସା ରୋଜଗାର କରିଥାନ୍ତି। ଆଉ କିଛି ଆମ୍ବକୁ ଚିପୁଡି ତାର ରସକୁ ଖରାରେ ଶୁଖାଇ ଆମ୍ବ ଶଢ଼ା କରିଥାନ୍ି। ଆମ୍ବ ଟାକୁଆକୁ ଶୁଖାଇ ତାର କୋଇଲିକୁ ବଜାରରେ ବିକ୍ରି କରିଥାନ୍ତି। ଆମ୍ଵ ଟାକୁଆ ଖୋଳକୁ ଜାଳେଣି ଭାବେ ବ୍ୟବହାର କରିଥାନ୍ତି। ଆମ୍ବକୁ ଏପରି ଭାବେ ଆଦିବାସୀ ଅଧ୍ୟୁଷିତ ଜିଲ୍ଲାର ଅଧିବାସୀ ଓ ସ୍ଥାନୀୟ ଜନସାଧାରଣ ଦୁଇ ପଇସା ରୋଜଗାର କରିଥାନ୍ତି।

ତେବେ ସେ ଯାହା ରୋଜଗାର କରୁଛନ୍ତି, ତାହା ସନ୍ତୋଷଜନକ ନୁହେଁ। ତେଣୁ ରାଜ୍ୟ ସରକାର ଏହି ଅଂଚଳରେ ଏକ ଆମ୍ବ ଜୁସ୍ କାରଖାନା କଲେ ଅଞ୍ଚଳବାସୀ ନିଯୁକ୍ତି ପାଇବା ସହ ଭଲ ଦୁଇ ପଇସା ରୋଜଗର କରିପାରନ୍ତେ ବୋଲି ଆଶା କରୁଛନ୍ତି।