Category: କନ୍ଧମାଳ

ବିସ୍କୁଟ ଗୋଦାମରେ ଭୟାବହ ଅଗ୍ନିକାଣ୍ଡ,କାରଣ ଅସ୍ପଷ୍ଟ

ବିସ୍କୁଟ ଗୋଦାମରେ ଭୟାବହ ଅଗ୍ନିକାଣ୍ଡ ଘଟିଛି। ନିଆଁରେ ଲକ୍ଷାଧିକ ଟଙ୍କାର ଜଳିଗଲା ଖାଦ୍ୟ ସାମଗ୍ରୀ । ଘଟଣା ଘଟିଛି କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ଅନ୍ତର୍ଗତ ପାଟ୍ଟଖଣ୍ଡା ସାହିର ମା’ପାଟ୍ଟଖଣ୍ଡା ଏଜେନ୍ସି ଗୋଦାମରେ। ସୁଚନା ଅନୁଯାୟୀ ପାଟ୍ଟଖଣ୍ଡା ସାହିରେ ଥିବା ବିସ୍କୁଟ ଗୋଦାମରେ ଆଜି ଭୋର ସମୟରେ ନିଆଁ ଲାଗି ଯାଇଥିଲା।ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା ଚଳାଇଛନ୍ତି। ହେଲେ ପ୍ରବଳ ଧୂଆଁ ବାହାରୁଥିବା ନିଆଁକୁ ଆୟତ୍ତ କରିବା କଷ୍ଟକର ହୋଇପଡ଼ିଛି। ଗୋଦାମରେ ନିଆଁ କିପରି ଲାଗିଲା ତାର କାରଣ ଜଣାପଡ଼ି ନାହିଁ।ତେବେ ସର୍ଟସର୍କିଟ ହୋଇ ନିଆଁ ଲାଗିଥିବା ସନ୍ଦେହ କରାଯାଉଛି। କିନ୍ତୁ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି ।
ସ୍ୱଚ୍ଛତା ହିଁ ସୁସ୍ଥତା

କନ୍ଧମାଳ ଜିଲ୍ଲା ଅଧୀନସ୍ଥ ଘୁ.ଉଦୟଗିରି ବିଜ୍ଞାପିତ ଅଞ୍ଚଳ ପକ୍ଷରୁ ଇଣ୍ଡିଆନ ଲିଗ କାର୍ଯ୍ୟକ୍ରମ ଅନୁଷ୍ଠିତ ହୋଇଛି I ଏହି କାର୍ଯ୍ୟକ୍ରମରେ ବନବିଭାଗ କର୍ମଚାରୀ ଓ କେନ୍ଦ୍ରର ଛାତ୍ରଛାତ୍ରୀ, କାଉନସିଲର, ଭାରପ୍ରାପ୍ତ ଅଧକ୍ଷ ସନ୍ତୋଷ ବାଗ, ବିଜ୍ଞାପିତ ଅଞ୍ଚଳ ପରିଷଦର କର୍ମଚାରୀ ସତ୍ୟ ପ୍ରକାଶ ମହାପାତ୍ର, ପ୍ରଭାତ ସାହୁ, ଗଣେଶ ଜେନା, ଓ ଘୁ.ଉଦୟଗିରି ପ୍ରେସ କ୍ଲବର ସଭାପତି ଅରୁଣ କୁମାର ଷଡ଼ଙ୍ଗୀ, ସମ୍ପାଦକ ଅନିଲ ଦଳବେହେରା, ସଂଗଠନ ସମ୍ପାଦକ ଗଗନ କୁମାର ପ୍ରଧାନ, ସଦସ୍ୟ ଏନ ରାଜା ରାଓ, ଚିନ୍ମୟ କୁମାର ସେଠୀ ପ୍ରମୁଖ ଯୋଗ ଦେଇ ପୋଷ୍ଟ ଅଫିସ ଛକ ଠାରୁ ନୂଆଁସାହି ପର୍ଯ୍ୟନ୍ତ ସଫେଇ କରି ଜନସାଧାରଣଙ୍କୁ ସଚେତନ କରି ଥିଲେ ।ଏହି ସାମୁହିକ ସଫେଇ କାର୍ଯ୍ୟକ୍ରମରେ ବହୁ ସ୍ଵେଚ୍ଛାସବୀ, ସ୍ଥାନୀୟ ଜନସାଧାରଣ, ଏବଂ କାଉନସିଲର ଯୋଗ ଦେଇଥିଲେ।
ନିଖିଳ ଉତ୍କଳ କୁଇ ସମାଜ ପାଳିଲା ବିଶ୍ୱ ଆଦିବାସୀ ଦିବସ

ଆଜି ବିଶ୍ୱ ଆଦିବାସୀ ଦିବସ। ନିଖିଳ ଉତ୍କଳ କୁଇ ସମାଜ ପକ୍ଷରୁ ଜି ଉଦୟଗିରିଠାରେ ବିଶ୍ବ ଆଦିବାସୀ ଦିବସ ପାଳିତ ହୋଇଯାଇଛି।

ଏହା ପରେ ମାଟି ପୂଜା ସହ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ସଭାପତି ଯଉବନ ପ୍ରଧାନ, ଉଛବ ପ୍ରଧାନ, ମନୋରଞ୍ଜନ ପ୍ରଧାନ, ଦୀପକ୍ ପ୍ରଧାନଙ୍କ ନେତୃତ୍ୱରେ ଆଦିବାସୀମାନଙ୍କ ଏହି ସର୍ବ ପୁରାତନ ଦିବସ ପାଳନ କାର୍ଯ୍ୟକ୍ରମରେ ଜି ଉଦୟଗିରି, ଟିକାବାଲି, ସାରଙ୍ଗଗଡ, ରାଇକିଆ ଆଦି ଅଞ୍ଚଳର ବହୁ କୁଇ ସମ୍ପ୍ରଦାୟର ଜନତା ଯୋଗଦେଇଛନ୍ତି।

ସରକାର ବିଭିନ୍ନ ସମୟରେ ଆଦିବାସୀଙ୍କୁ ଅଣଦେଖା କରୁଥିବା ଯୋଗୁ ସଙ୍ଘବଦ୍ଧ ହୋଇ ସରକାରଙ୍କ ଦୃଷ୍ଟି ଆକର୍ଷଣ କରିବା ପାଇଁ ସଭାପତି କହିଥିଲେ। ସେହିପରି ଏହି ଦିବାସ ପାଳନ ସମ୍ପର୍କରେ ମଧ୍ୟ ସୂଚନା ଦେଇଥିଲେ ଉପସ୍ଥିତ ।

ଏହି କାର୍ଯ୍ୟକ୍ରମରେ ପାରମ୍ପରିକ ବାଦ୍ୟ ଯନ୍ତ୍ର ବଜାଇ ପାରମ୍ପରିକ ନୃତ୍ୟ ଗୀତ ଗାଇ କୁଇ ଜନଜାତିର ଲୋକେ ଜି ଉଦୟଗିରି ସହର ପରିକ୍ରମା କରିଥିଲେ। ଏହା ଜାତି ସଂଘ ଦ୍ୱାରା ଆଦିବାସୀଙ୍କୁ ମିଳିଥିବା ସ୍ବୀକୃତିର ପାଳନ।
ନିଜସ୍ଵ ଖର୍ଚ୍ଚରେ ଗାଁର ଅସ୍ଥାୟୀ କାଠପୋଲ ତିଆରି କଲେ ଆଦିବାସୀ ଯୁବକ

ସରକାର ଅନେକ ଯୋଜନା କରୁଥଲେ ସୁଦ୍ଧା ଆଦିବାସୀ ଅଧ୍ୟୁଷିତ କନ୍ଧମାଳ ଜିଲ୍ଲାରେ ଯୋଜନା ଠିକ ଭାବେ ପହଞ୍ଚି ପାରୁନି । ବାଟରୁ ବାଟବଣା ହୋଇଯାଉଛି ଆଦିବାସୀଙ୍କ ହକ । କ.ନୂଆଗାଁ ବ୍ଲକର ଆଡିମାହା ପଞ୍ଚାୟତ ଅନ୍ତର୍ଗତ ବିନ୍ଦୁପଦର ଗାଁଟି ଜଙ୍ଗଲ, ପାହାଡ ଘେରା ଅଞ୍ଚଳରେ ଅବସ୍ଥିତ । ଏହି ଗାଁରେ ୩୦ଟି ଆଦିବାସୀ ପରିବାର ବସବାସ କରନ୍ତି । ବର୍ଷା ଦିନେ ଗାଁର ଅବସ୍ଥା କହିଲେ ନସରେ । ବର୍ଷା ଋତୁର ତିନି ମାସ ଲୋକମାନେ ୩ କିଲୋମିଟର ଦୂରରେ ଥିବା ଆଡିମାହା ପଞ୍ଚାୟତକୁ ଯାଇ ପି.ଡି.ସ୍ ଚାଉଳ ଆଣୁଥିବାରୁ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି ।

ଛୋଟଛୋଟ ପିଲାମାନେ ବିପଦଜନକ ଅବସ୍ଥାରେ ନଦୀ ପାର ହୋଇ ସ୍କୁଲ ଯାଉଛନ୍ତି । କାହାର ଦେହ ଖରାପ ହେଲେ ସେ କେବଳ ଭଗବାନଙ୍କ ଭରସାରେ ରହିଯାନ୍ତି । ଏଭଳି ସ୍ଥିତିକୁ ଲକ୍ଷ କରି ଗାଁର କିଛି ଯୁବକ ନିଜସ୍ଵ ଖର୍ଚ୍ଚରେ ଗାଁକୁ ଏକ କାଠ ପୋଲ ନିର୍ମାଣ କରିଛନ୍ତି । ବାରମ୍ବାର ସ୍ଥାନୀୟ ପ୍ରଶାସନକୁ ଗୁହାରୀ କଲେ ମଧ୍ୟ କେହି ଶୁଣିବାକୁ ନାରାଜ । ତେଣୁ ଗାଁର ଯୁବକ ମାନେ ନିଜ ହାତରେ ଏକ କାଠ ପୋଲ କରିବାକୁ ସ୍ଥିର କରିଥିଲେ । ବିନ୍ଦୁପଦର ଗାଁ ଯୁବକଙ୍କ ଏହି ବଳିଷ୍ଠ ଉଦ୍ୟମ ଅନ୍ୟମାନଙ୍କ ପାଇଁ ଉଦାହରଣ ପାଲଟିଛି ।
ବିଦ୍ୟୁତ ନାହିଁ: ସାପ, ହାତୀ ଭୟରେ ଆତଙ୍କିତ କୁରୁମୁଙ୍ଗିଆ ବାସୀ

ଦୁଇ ଦିନ ହେଲା ଲାଇନ ଯାଇଛି ଯେ ଆସିବାର ନା ନାହିଁ। ଲୋକେ ଅନଲାଇନ, ଅଫଲାଇନ ଅଭିଯୋଗ କରି ଥକିଲେଣି ହେଲେ ମିଳୁନି ସୁଫଳ। ସେପଟେ ଜନ୍ତୁ ଜୁନ୍ତା ଭୟ। ତେଣୁ ବାଧ୍ୟ ହୋଇ ବିଦ୍ୟୁତ ସବଡିଭିଜନ ଅଫିସ ଘେରିଛନ୍ତି ଅନ୍ଧାରରେ ରହୁଥିବା ଲୋକେ। କଳିଙ୍ଗ। ପଞ୍ଚାୟତର କୁରୁମୁଙ୍ଗିଆ ଗ୍ରାମରେ ଦୁଇ ଦିନ ଧରି ନାହିଁ ବିଦ୍ୟୁତ। ଅନ୍ଧାରରେ ସାପ, ବିଛା ଓ ହାତୀ ଭୟରେ ଥରହର ଦୁଇ ଶହ ରୁ ଉର୍ଦ୍ଧ୍ବ ପରିବାରର ଲୋକେ । ଏବେ ବର୍ଷା ଦିନ ହୋଇଥିବାରୁ ଜନ୍ତୁ ଜୁନ୍ତା ଘରକୁ ପଶିଯାଉଛନ୍ତି। ଅନ୍ଧାରରେ କିଏ ସାପ କାମୁଡାର ଶିକାର ହେବ ସେହି ଭୟରେ ଲୋକଙ୍କ ଆଖୁରି ହଜିଗଲାଣି ନିଦ। ସେପଟେ ବିଦ୍ୟୁତ ନ ଥିବାରୁ ଆସୁନି ପାଣି। ବିଦ୍ୟୁତ କାଟକୁ ନେଇ ସ୍ଥାନୀୟ ଲୋକେ ଅନଲାଇନ ଅଭିଯୋଗ କରିଥିଲେ ମଧ୍ୟ ସମସ୍ୟାର ସମାଧାନ ହେଲାନି। ତେଣୁ ଅଫିସ ଆସି ଲୋକେ କଲେ ଅଭିଯୋଗ। ଏକାଧିକ ଥର ଅଫିସ ଦୌଡିବା ପରେ ମଧ୍ୟ ବିଦ୍ୟୁତ ନ ଆସିବାରୁ ବାଧ୍ୟ ହୋଇ ରାତି ଅନ୍ଧାରରେ ସ୍ଥାନୀୟ ୱାର୍ଡମେମ୍ବରଙ୍କ ସହ ବହୁ ଲୋକ ଟାଟା ପାୱାର ଅଫିସରେ ପହଞ୍ଚି ପାଟି ତୁଣ୍ଡ କରିବା ସହ ଏସଡିପିଓଙ୍କୁ ଡକାଇବାକୁ ଅଡିବସିଥିଲେ।

ସେପଟେ ଟାଟା ପାୱାର ହାତକୁ ବିଦ୍ୟୁତ ବିଭାଗ ଯିବା ପରଠାରୁ କେତେବେଳେ ମାତ୍ରାଧିକ ବିଲ ଆସୁଥିବା ଅଭିଯୋଗ ହେଉଛି ତ ପୁଣି କେତେବେଳେ ଏହି ବିଲ ପଇଠ ନ କଲେ ବିନା ନୋଟିସରେ ବିଦ୍ୟୁତ କାଟ କରାଯାଉଥିବା ହେଉଛି ଅଭିଯୋଗ। ସେପଟେ, ବିନା ଘୋଷଣାରେ ଦୁଇ ଦିନ ଧରି ବିଦ୍ୟୁତକାଟ ଲୋକଙ୍କୁ ବିଭିନ୍ନ ସମସ୍ୟାରେ ପକାଇଛି। ଏହାକୁ ନେଇ ଲୋକଙ୍କ ଭିତରେ ଅସନ୍ତୋଷର ଦାନା ବାନ୍ଧୁଛି।
ନାବାଳିକାକୁ ଅଶ୍ଲୀଳ ବ୍ୟବହାର କରିଥିବା ମିକ୍ସଚର ମେସିନ ଡ୍ରାଇଭର ହତ୍ୟା ଘଟଣାରେ ଦୁଇ ଗିରଫ

କନ୍ଧମାଳ ଜିଲ୍ଲା ରାଇକିଆ ବ୍ଲକରେ ହୋଇଥିବା ହତ୍ୟା ଘଟଣାରେ ଦୁଇ ଗିରଫ। ଉଭୟ ମୃତକଙ୍କୁ ପିଟିପିଟି ହତ୍ୟା କରିଥିବା ହୋଇଥିଲା ଅଭିଯୋଗ। ସୂଚନା ମୁତାବକ, ସ୍ଥାନୀୟ ରାସ୍ତା କାମରେ ମୃତକ ଝାରଖଣ୍ଡର ନିରୁପାଲ ମହାତ ମିକ୍ସଚର ମେସିନ ଡ୍ରାଇଭର ଭାବେ କାମ କରୁଥିଲେ। ସେ ସ୍ଥାନୀୟ ଜଣେ ଦିବ୍ୟାଙ୍ଗ ନାବାଳିକାଙ୍କୁ ବାରମ୍ବାର ଅଶ୍ଳୀଳ ବ୍ୟବହାର କରିଆସୁଥିଲେ। ଶନିବାର ଦିନ ଘରେ କେହି ନଥିବାର ସୁଯୋଗ ନେଇ ନାବାଳିକାଙ୍କ ଅଶ୍ଳୀଳ ଫୋଟ ଉଠାଇଥିଲେ। ନାବାଳିକା ଜଣକ ବାପାଙ୍କ ଆସିବା ପରେ ସବୁକଥା ତାଙ୍କୁ କହିଥିଲେ । ଏଥିରେ ନାବାଳିକାଙ୍କ ବାପା ଓ ଦାଦା ଉତକ୍ଷିପ୍ତ ହୋଇ ଠିକା କ୍ୟାମ୍ପରେ ପହଞ୍ଚି ଡ୍ରାଇଭରଙ୍କୁ କାଠ ଫାଳିଆରେ ନିସ୍ତୁକ ମାଡ଼ ମାରିଥିଲେ । ଫଳରେ ଡ୍ରାଇଭରଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା । ଠିକା କ୍ୟାମ୍ପ କର୍ମଚାରୀଙ୍କ ସୂଚନାରେ ରାଇକିଆ ପୋଲିସ ରବିବାର ପ୍ରାଥମିକ ପଦକ୍ଷେପ ନେବା ସହ ନାବାଳିକା, ତାଙ୍କ ବାପା ଓ ଦାଦାଙ୍କୁ ପଚରା ଉଚରା କରିଥିଲା ଓ ପରେ ସେମାନଙ୍କୁ ଗିରଫ କରିଛି।
ଖଡ଼ଙ୍ଗ ନଦୀରେ ପ୍ରକଳ୍ପକୁ ନେଇ ଚାଷୀ ଖୁସି

ଆଉ ମରିବନି ଚାଷୀଙ୍କ ଫସଲ। ନଦୀଗର୍ଭ ଜଳାଶୟ ଯୋଜନାରେ ଖଡଗ ନଦୀରେ ନିର୍ମାଣ ହେବ ପ୍ରକଳ୍ପ । ମାନ୍ୟବର ମୁଖ୍ୟମନ୍ତ୍ରୀ ଏନେଇ ଘୋଷଣା କଲାପରେ ଏବେ ଖୁସିବ୍ୟକ୍ତ କରିଛନ୍ତି ଚାଷୀ । ୧୨୬ କୋଟି ଟଙ୍କାର ଏହି ପ୍ରକଳ୍ପକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନୁମୋଦନ କରିଛନ୍ତି । ପୂର୍ବରୁ ଏହି ପ୍ରକଳ୍ପକୁ ବୈଷୟିକ ପରାମର୍ଶଦାତା କମିଟି ମଧ୍ୟ ସ୍ବୀକୃତି ପ୍ରଦାନ କରିଥିଲେ । ଏହି ପ୍ରକଳ୍ପ ଦ୍ବାରା ବୌଦ୍ଧ ଜିଲ୍ଲାର କଣ୍ଟାମାଳ ବ୍ଳକ, କନ୍ଧମାଳ ଜିଲ୍ଲାର ବାଲିଗୁଡା ବ୍ଳକ ଓ ବଲାଙ୍ଗୀର ଜିଲ୍ଲାର ଗୁଡଭେଲା ବ୍ଳକର ପ୍ରାୟ ୨୦ ହଜାରରୁ ଅଧିକ ଲୋକ ଉପକୃତ ହେବେ । ଏହି ଯୋଜନାରେ ବାଲିଗୁଡା ବ୍ଳକର ଲଡଗାଁ ଗ୍ରାମ ନିକଟରେ ପ୍ରାୟ ୧୨୬ କୋଟି ଟଙ୍କା ବ୍ୟୟରେ ଏହି ପ୍ରକଳ୍ପ କାର୍ଯ୍ୟ କରାଯିବ । ମୁଖ୍ୟମନ୍ତ୍ରୀଙ୍କ ଏହି ଘୋଷଣା ପରେ ସ୍ଥାନୀୟ ଲୋକଙ୍କ ମଧ୍ୟରେ ଦେଖାଦେଇଛି ଖୁସି। ଆଗାମୀ ଦିନରେ ଚାଷୀଙ୍କ ଦୁଃଖ ଦୂର ହୋଇଯିବ ବୋଲି ଆଶା ରଖିଛନ୍ତି ଚାଷୀକୂଳ।

କୌଣସି ବିସ୍ଥାପନ ବିନା ଏହି ପ୍ରକଳ୍ପ ନିର୍ମାଣ କରାଯିବ ଓ ଏହା ନଦୀଗର୍ଭ ଜଳ ସଂରକ୍ଷଣ କରିବା ସହିତ ଖରାଦିନେ ଏହି ଅଞ୍ଚଳର ପାନୀୟ ଜଳର ଆବଶ୍ୟକତା ପୂରଣ, ମାଛ ଚାଷ ଓ ଭୂତଳ ଜଳସ୍ତର ବୃଦ୍ଧିରେ ମଧ୍ୟ ବିଶେଷ ସହାୟକ ହେବ। ସୂଚନାଯୋଗ୍ୟ ଯେ ଚଳିତ ମାସ ୫ ତାରିଖରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ୫-ଟି ସଚିବ ଶ୍ରୀ ଭି.କେ. ପାଣ୍ଡିଆନ ବୌଦ୍ଧ ଜିଲ୍ଲା ଗସ୍ତ ସମୟରେ ସ୍ଥାନୀୟ ଜନସାଧାରଣ ଖଡଙ୍ଗ ନଦୀରେ ଏକ ବ୍ୟାରେଜ ନର୍ମାଣ ପାଇଁ ଦାବୀ ପତ୍ର ଦେଇଥିଲେ । ଏ ସଂପର୍କରେ ୫-ଟି ସଚିବ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରି ଜନସାଧାରଣଙ୍କ ଦାବୀ ସଂପର୍କରେ ଅବଗତ କରାଇଥିଲେ ଏବଂ ମୁଖ୍ୟମନ୍ତ୍ରୀ ଜନସାଧାରଣଙ୍କ ଅନୁରୋଧକୁ ଗ୍ରହଣ କରିଥିଲେ ।

Alla posizione di postura ha anche la sua opzione di luce. Stare di fronte al muro e leggermente solletico in avanti. Tenere il muro o per mobili di equilibrio, gambe di donna matura e giovane amante pro e contro Lascia che il partner ti faccia dietro di te dietro la schiena e vedrà il mio recinto inumidito con un lubrificante tra i fianchi.
ଖୁବଶୀଘ୍ର ସ୍ପେଶାଲ ଡ୍ରାଇଭ୍, ପାଇନଥିବା ହିତାଧିକାରୀ ପାଇବେ BSKY କାର୍ଡ

ଆସନ୍ତା ୬ ମାସ ମଧ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସ୍ପେଶାଲ ଡ୍ରାଇଭ କରିବେ । ଯେଉଁମାନେ BSKY କାର୍ଡ ପାଇନାହାଁନ୍ତି,ସେମାନଙ୍କୁ କାର୍ଡ ମିଳିବ ବୋଲି କହିଛନ୍ତି 5T ସଚିବ ଭିକେ ପାଣ୍ଡିଆନ । କନ୍ଧମାଳ ଦାରିଙ୍ଗବାଡ଼ି ମିନି ଷ୍ଟାଡିଅମରେ ଲୋକଙ୍କୁ ଏଭଳି ସୂଚନା ଦେଇଛନ୍ତି 5T ସଚିବ । ଲୋକଙ୍କ ସମସ୍ୟା ଓ ସୁଖଦୁଃଖ ବୁଝିବା ପାଇଁ 5T ସଚିବଙ୍କୁ କନ୍ଧମାଳ ପଠାଇଥିଲେ ମୁଖ୍ୟମନ୍ତ୍ରୀ ।

ହିତାଧିକାରୀଙ୍କ ନିକଟରୁ ଯେତିକି ଦରଖାସ୍ତ ମିଳିଛି ସେସବୁ ପୂରଣ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି ଭିକେ ପାଣ୍ଡିଆନ୍ । ଜଳସେଚନ କାମ ଶେଷ ହେବ ବୋଲି ସେ ପ୍ରତିଶ୍ରୁତି ଦେଇଛନ୍ତି । ସେହିପରି ଜଗନ୍ନାଥ ମନ୍ଦିର,ମା’ମନ୍ଦିର,କମ୍ୟୁନିଟି ସେଣ୍ଟର,ସାଇବାବା ମନ୍ଦିର,ହନୁମାନ ମନ୍ଦିର, ଚର୍ଚ୍ଚ ଏବଂ ମସଜିଦର ଉନ୍ନତି ପାଇଁ ଦାବିପତ୍ର ଦେଇଛନ୍ତି ସେଠିକାର ବାସିନ୍ଦା । ଖୁବଶୀଘ୍ର ଏ ନେଇ ଖୁସି ଖବର ମିଳିବ ବୋଲି କହିଛନ୍ତି ଭିକେ ପାଣ୍ଡିଆନ ।

ଦାରିଙ୍ଗବାଡ଼ିର ଘରେ ଘରେ ପାନୀୟ ଜଳ ପହଞ୍ଚାବାକୁ ୧୧୨ କୋଟି ମଞ୍ଜୁର କରିଛନ୍ତି ସରକାର । ଆସନ୍ତା ଡିସେମ୍ବର ଅର୍ଥାତ୍ ୬ ମାସ ମଧ୍ୟରେ ହସ୍ପିଟାଲ ରୂପାନ୍ତର କାର୍ଯ୍ୟ ସରିବ । 5T ସ୍କୁଲ ରୂପାନ୍ତର, ପର୍ଯ୍ୟଟନ କ୍ଷେତ୍ରର ବିକାଶ, ବସଷ୍ଟାଣ୍ଡ ଓ ୩ଟି ସେତୁ ମୁଖ୍ୟମନ୍ତ୍ରୀ ମଞ୍ଜୁର କରିବେ । ଦାରିଙ୍ଗବାଡ଼ି ଓଡ଼ିଶାର ସବୁଠାରୁ ସୁନ୍ଦର ଜାଗା ବୋଲି ମୁଖ୍ୟମନ୍ତ୍ରୀ କହିଛନ୍ତି । ମଧୁବାବୁ ଭତ୍ତା ପାଇଁ ଆଉ ଦୂର ବ୍ୟାଙ୍କକୁ ଯିବାକୁ ପଡ଼ିବ ନାହିଁ । ତେଣୁ ଏହାକୁ ପଞ୍ଚାୟତରେ ଦେବା ପାଇଁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ । ଏହି ଅବସରରେ ଲୋକଙ୍କ ସହ ହାତ ମିଳାଇ ସେଲ୍ଫି ନେଇଥିଲେ 5T ସଚିବ ଭି.କେ.ପାଣ୍ଡିଆନ ।
ପୁଣି ସ୍ଥିତି ଜାହିର କଲେ ମାଓବାଦୀ, ପୂର୍ବତନ ସରପଞ୍ଚଙ୍କୁ ଗୁଳିକରି ହତ୍ୟା

କନ୍ଧମାଳ ଜିଲ୍ଲାର ଦୁର୍ଗମ ମାଓ ଅଧ୍ୟୁଷିତ ଅଞ୍ଚଳରେ ପୁଣି ଥରେ ମାଓ ହିଂସା ଦେଖିବାକୁ ମିଳିଛି । ଫିରିଙ୍ଗିଆ ବ୍ଲକ୍ ଅଧୀନରେ ଥିବା ସୁମେରବନ୍ଧ ପଞ୍ଚାୟତର ପୂର୍ବତନ ସରପଞ୍ଚ ସୁବଳ କହଁରଙ୍କୁ ଅତି ନିର୍ମମ ଭାବେ ହତ୍ୟା କରିଛନ୍ତି । ପୂର୍ବତନ ସରପଞ୍ଚଙ୍କୁ ହତ୍ୟାକରି ମାଓବାଦୀମାନେ ପୁଣି ଥରେ ନିଜର ସ୍ଥିତି ଜାହିର କରିଛନ୍ତି । ମୃତ ପୂର୍ବତନ ସରପଞ୍ଚ ସୁବଳ କହଁର ସୁମେରବନ୍ଧ ପଞ୍ଚାୟତ ଗଠନ ପରଠାରୁ ପ୍ରଥମ ସରପଞ୍ଚ ଭାବେ ଦାୟିତ୍ୱ ନେଇଥିଲେ । ପଞ୍ଚାୟତର ଉନ୍ନତି ପାଇଁ ସେ ବହୁ ଉଦ୍ୟମ କରିଥିଲେ ଯେଉଁଥିପାଇଁ ମାଓବାଦୀଙ୍କ ଟାର୍ଗେଟରେ ଥିଲେ ସୁବଳ ।

ପୂର୍ବରୁ ଅନେକ ଥର ମାଓବାଦୀମାନେ ତାଙ୍କୁ ଧମକ ଦେଇ ଆସୁଥିଲେ । ତେବେ ଗତକାଲି ରାତି ପ୍ରାୟ ୯ଟା ବେଳେ ମାଓବାଦୀମାନେ ଏହି ହତ୍ୟାକାଣ୍ଡ ଘଟାଇଥିଲେ । ନିଜ ପରିବାର ସହ ସାଉଲିପଡ଼ାସ୍ଥିତ ନିଜ ଘରେ ଶୋଇଥିଲେ ସୁବଳ । ୧୦ରୁ ୧୫ଜଣ ସଶସ୍ତ୍ର ମାଓବାଦୀ ତାଙ୍କୁ ଘରୁ ଡାକିନେଇ ଘର ଅଗଣାରେ ହିଁ ଗୁଳି କରିଥିଲେ । ଘଟଣାସ୍ଥଳରୁ ସୁମେରବନ୍ଧ ସିଆରପିଏଫ୍ କ୍ୟାମ୍ପର ଦୂରତା ମାତ୍ର ଗୋଟିଏ କିଲୋମିଟର ।

କଡ଼ା ସୁରକ୍ଷା ବ୍ୟବସ୍ଥା ଥାଇ ମଧ୍ୟ୍ୟ ମାଓବାଦୀମାନେ କିଭଳି ଏହି ଘଟଣା ଘଟାଇଲେ ସେ ନେଇ ସ୍ଥାନୀୟ ଲୋକେ ଆଶ୍ଚର୍ଯ୍ୟ ହୋଇଛନ୍ତି । ଏଯାଏ କୌଣସି ପୋଲିସ ଅଧିକାରୀ କିମ୍ବା ସୁରକ୍ଷାକର୍ମୀ ଗାଁରେ ପହଞ୍ଚିନଥିବା ସୂଚନା ମିଳିଛି । ମାଓବାଦୀଙ୍କ ଏଭଳି ବର୍ବରତା ସ୍ଥାନୀୟ ଲୋକଙ୍କୁ ଭୟଭୀତ କରାଇଛି । ସାଉଲପଡ଼ା ଗାଁ ଏବେ ଭୟରେ ଜନଶୂନ୍ୟ ହୋଇଛି ।

ଗତ କିଛି ଦିନ ହେଲା ମାଓବାଦୀମାନେ ହିଂସା ଠାରୁ ଦୂରେଇ ଥିଲେ । କିଛି ଜଣାଶୁଣା ତଥା ଟପ୍ ମାଓବାଦୀ ଆତ୍ମସମର୍ପଣ ମଧ୍ୟ କରିଥିଲେ । ସମାଜର ମୁଖ୍ୟ ସ୍ରୋତରେ ସାମିଲ ହେବାକୁ ସେମାନେ ହିଂସା ଛାଡ଼ିଥିଲେ । କୁହାଯାଉଥିଲା କି ମାଓଗଡ଼ ଧୀରେ ଧୀରେ ଦୁର୍ବଳ ହେବାରେ ଲାଗିଛି । କିନ୍ତୁ ଏବେ ପୁଣି ଥରେ ସେମାନେ ସକ୍ରିୟ ହେଲେଣି । ଏଭଳି ହତ୍ୟାକାଣ୍ଡ ଘଟାଇ ପୁଣିଥରେ ନିଜର ସ୍ଥିତି ଜାହିର କରିବା ପାଇଁ ଉଦ୍ୟମ ଆରମ୍ଭ କରିଛନ୍ତି ।
କନ୍ଧମାଳରେ କାହିଁକି ୨ ଜଣଙ୍କୁ ବାନ୍ଧିଲା STF ?

ସୂଚନା ପାଇ ଜିଲ୍ଲା ଖଜୁରିଆପଡ଼ାରେ ରେଡ୍ କରିଥିଲା STF ଟିମ୍ । ସେଠାରୁ ଚିତା ବାଘ ଚମଡ଼ା ସହ ଅନ୍ୟାନ୍ୟ ଶିକାର ସାମଗ୍ରୀ ଜବତ କରିଥିଲା ଏହି ଟିମ୍ । ଘଟଣାରେ ସଂପୃକ୍ତ ୨ ଅଭଯୁକ୍ତଙ୍କୁ ଗିରଫ କରାଯାଇଛି । ସେମାନେ ହେଲେ ଅରାପାଜୁ ଗାଁର ସୁଜିତ ରାଜସ୍ୱଦୀପ ଏବଂ ସେହି ଗାଁର ଧନଞ୍ଜୟ ବେହେରା ।
ବାଘ ଚମଡ଼ା ରଖିବା ନେଇ ସେମାନଙ୍କ ପାଖେ କୌଣସି ଆଇନଗତ ଅଧିକାର ନାହିଁ । ତେଣୁ ସେମାନଙ୍କୁ ଗିରଫ କରାଯାଇଛି । ଏବେ ସେମାନଙ୍କୁ SDJM କୋର୍ଟ ପଠାଯିବ । ଅନ୍ୟପଟେ, ବାୟୋଲୋଜିକାଲ ଟେଷ୍ଟ ପାଇଁ ଚମଡ଼ାଟିକୁ ଡେରାଡୁନ ପଠାଇଛି । ଘଟଣାର ତଦନ୍ତ ଜାରି ରହିଛି ।