ଜଗତସିଂହପୁର ଜିଲ୍ଲା ଆଳି ପିଙ୍ଗଳ ନିକଟ କେତକେଶ୍ୱର ଘାଟରେ ବଡ଼ ଧରଣ ଅଘଟଣ ଘଟିଛି । ଦେବୀ ନଦୀରେ ବୁଡ଼ିଯାଇ ଜଣେ କାଉଡ଼ିଆ ନିଖୋଜ ହୋଇଯାଇଛନ୍ତି । ଶୈବପୀଠ ଲାଗି ପାଣି ଆଣିବାକୁ ବୁଡ଼ମାରିବା ବେଳେ ଏହି ଅଘଟଣ ଘଟିଥିବା ଜଣାପଡ଼ିଛି । ସୂଚନା ଅନୁଯାୟୀ ପାଣିଭାର ପାଇଁ ଦୁଇ ଜଣ କାଉଡ଼ିଆ ବୁଡ଼ମାରିବା ବେଳେ ବୁଡ଼ି ଯାଇଥିଲେ । ସ୍ଥାନୀୟ ଲୋକ ଏହା ଦେଖିବା ପରେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇବା ପରେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଜଣଙ୍କୁ ଉଦ୍ଧାର କରିବାରେ ସଫଳ ହୋଇଛି । ହେଲେ ଅନ୍ୟ ଜଣେ କାଉଡ଼ିଆ ଏବେ ବି ନିଖୋଜ ରହିଛନ୍ତି ।
ମାଛଗାଁ କେନାଲ ବନ୍ଧର ଦଳେଇଘାଇ ଓ ତରିକୁନ୍ଦ ବଜାର ନିକଟରେ ସୃଷ୍ଟି ହୋଇଛି ଘାଇ। ଫଳରେ ଜଗତସିଂହପୁର ଓ କଟକ ରାସ୍ତା ଉପରେ ଛୁଟୁଛି ପାଣିର ସୁଅ। ରାସ୍ତା ଉପରେ ଚାଲୁଛି ଆଣ୍ଠୁଏ ଉଚ୍ଚର ପାଣି। ଫଳରେ ଯାତାୟାତ ବାଧାପ୍ରାପ୍ତ ହୋଇଛି। ବ୍ୟାପକ ଅଂଚଳ ଜଳମଗ୍ନ ହୋଇଛି । ଗତକାଲି ବିଳମ୍ବିତ ରାତିରେ ଦଳେଇ ଘାଇ ଠାରେ ୧୦ ଫୁଟ ଓ ତରିକୁନ୍ଦ ଠାରେ ୮ଫୁଟ ଓସାରର ଘାଇ ହୋଇଥିବା ଦେଖାଯାଇଛି । ଦ
ଳେଇ ଘାଇ ନିକଟରେ ଘାଇ ହେବା ଫଳରେ ବ୍ୟାପକ ଚାଷ ଜମି ଜଳମଗ୍ନ ହୋଇଥିବା ବେଳେ ଜାତୀୟ ରାଜପଥ ୫୫ ଆଂଶିକ ଭାବରେ କ୍ଷତିଗ୍ରସ୍ତ ହୋଇଛି ।ସେହିପରି ତରିକୁନ୍ଦ ବଜାର ନିକଟରେ ଘାଇ ହେବା ଫଳରେ ତରିକୁନ୍ଦ ବଜାରରେ ଥିବା ଦୋକାନ ଘରେ ସବୁ ପାଣି ପଶିଯାଇଛି। ଆଖପାଖର ବହୁ ଅଞ୍ଚଳରେ ପାଣି ମାଡିଯାଇଛି। ଚାଷ ଜମି ଉପରେ ପାଣି ଲହଡା ମାରିବାରୁ ଧାନ ତଳି ନଷ୍ଟ ହେବାର ସମ୍ଭାବନା ଦେଖାଦେଇଛି।
ଏହି ସମସ୍ୟା ଜଳ ସେଚନ ବିଭାଗର ଅବହେଳାରୁ ହୋଇଥିବା ଅଭିଯୋଗ ହେଉଛି। ଅନ୍ୟ ପଟରେ ଜିଲ୍ଲା ଜଳ ସେଚନ ବିଭାଗ ପକ୍ଷରୁ ନିର୍ବାହୀ ଯନ୍ତ୍ରୀଙ୍କ ନିର୍ଦେଶରେ ଉପର ମୁଣ୍ଡରୁ ପାଣି ବନ୍ଦ କରାଯାଇଛି। କେନାଲରେ ବହୁ କମ ପାଣି ଛଡା ଯାଇଥିବାର ବେଳେ ଏହି ଘାଇ ମୂଷାଙ୍କ ପାଇଁ ହୋଇଥିବା କହିଛନ୍ତି ନିର୍ବାହୀ ଯନ୍ତ୍ରୀ ।
ଜଗତସିଂହପୁରର ପୂର୍ବତନ ସାଂସଦ ତ୍ରିଲୋଚନ କାନୁନଗୋ’ଙ୍କ ପରଲୋକ । ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ବିୟୋଗ ଘଟିଛି । ଆଜି ସକାଳେ ଚିକିତ୍ସାଧୀନ ଅବସ୍ଥାରେ ୮୨ ବର୍ଷ ବୟସରେ ତାଙ୍କର ଦେହାନ୍ତ ଘଟିଛି । ମାର୍ଚ୍ଚ ୩୦ ତାରିଖରୁ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ସେ ଭର୍ତ୍ତି ହୋଇଥିଲେ। ଆଜି ସକାଳ ପ୍ରାୟ ୭ଟା ବେଳେ ବିୟୋଗ ଘଟିଥିବା ନେଇ ପରିବାର ପକ୍ଷରୁ ସୂଚନା ମିଳିଥିଲା । ତ୍ରିଲୋଚନଙ୍କ ବିୟୋଗକୁ ନେଇ ନେତା, ବିଶିଷ୍ଟ ବ୍ୟକ୍ତି, ସ୍ଥାନୀୟ ଲୋକେ, ସମର୍ଥକ ସମସ୍ତେ ଶୋକବ୍ୟକ୍ତ କରିଛନ୍ତି ।
ଏକାଧାରରେ ସେ ଜଣେ ନେତା, ବିଶିଷ୍ଟ ଶିକ୍ଷାବିତ୍, ଅର୍ଥନୀତିଜ୍ଞ ଥିଲେ । ବୟସ ବୃଦ୍ଧି ସହ ଅସୁସ୍ଥତା ଯୋଗୁଁ ସେ ଆଜି ଆରପାରିକୁ ଚାଲିଯାଇଛନ୍ତି । କଟକ ପୌରପାଳିକାର ପୂର୍ବତନ ଅଧ୍ୟକ୍ଷ ଭାବେ କାର୍ଯ୍ୟକରି ବେଶ୍ ଲୋକପ୍ରିୟ ହୋଇଥିଲେ । ରାଜ୍ୟ ଅର୍ଥ କମିଶନର ଅଧ୍ୟକ୍ଷ ଭାବେ ମଧ୍ୟ ଦାୟିତ୍ୱ ତୁଲାଇଥିଲେ କାନୁନଗୋ । ୧୯୯୯ରେ ଜଗତସିଂହପୁର ଲୋକସଭା ଆସନରୁ ବିଜେଡି ଟିକେଟରେ ନିର୍ବାଚିତ ହୋଇଥିଲେ । କାନୁନଗୋ ୩ ଥର ବିଧାୟକ ଏବଂ ଥରେ ସାଂସଦ ଭାବେ ନିର୍ବାଚିତ ହୋଇଥିଲେ।
ଲୋକଙ୍କ ସେବା କରି ଅଞ୍ଚଳରେ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ କାନୁନଗୋ । ସେ ୧୯୪୦ ମସିହା ନଭେମ୍ବର ୨୪ ତାରିଖରେ କଟକ ବଡ଼ମୂଳେଇ ଗାଁରେ ଜନ୍ମ ହୋଇଥିବା ବେଳେ ଆଜି ଏ ମାଟିକୁ ଅଲବିଦା କହିଛନ୍ତି ।
ଜଗତସିଂହ ପୁର ଜିଲ୍ଲାରେ ଏସି଼ଡ ମାଡ। ତେବେ ସାଧାରଣତଃ ପ୍ରେମ ବ୍ୟାପାରରେ ଏସିଡ ମାଡ ହେଉଥିବା ବେଳେ ଏଠାରେ କିନ୍ତୁ ଦୁଇ ପଡୋଶୀଙ୍କ ବିବାଦରୁ ଏପରି ହୋଇଥିବା ସୂଚନା ରହିଛି। ଏଥିରେ 5 ଜଣ ଆହତ ହୋଇଛନ୍ତି। ଆହତଙ୍କ ମଧ୍ୟରେ ଆକ୍ରମଣକାରୀ ମଧ୍ୟ ରହିଛନ୍ତି। ଘଟଣାଟି ତିର୍ତ୍ତୋଲ ଥାନା ଅରଡ ଗ୍ରାମରେ ଗତକାଲି ରାତିରେ ଘଟିଛି।
ସୂଚନା ମୁତାବକ, ଗ୍ରାମର ବିପିନ ପଣ୍ଡା ଓ ତାଙ୍କ ପଡୋଶୀ ଭିତରେ ବହୁ ଦିନରୁ ବିଭିନ୍ନ କାରଣକୁ ନେଇ ଝଗଡା ହୋଇଆସୁଥିଲା। ଗତକାଲି ରାତିରେ ମଧ୍ୟ ଉଭୟ ପରିବାର ଭିତରେ ପୁଣି ବଚସା ହୋଇଥିଲା। ଏଥିରେ ଉତକ୍ଷିପ୍ତ ହୋଇ ପଡୋଶୀ ପରିବାରର ଦୁଇ ଜଣ ବିପିନଙ୍କ ଘରେ ପସି ଏସିଡ ମାଡ କରିଥିଲେ। ଏହି ଆକ୍ରମଣରେ ବିପିନ, ତାଙ୍କ ପତ୍ନୀ ଓ ଝିଅ ଆହତ ହୋଇଥିବା ବେଳେ ଦୁଇ ଆକ୍ରମଣକରୀ ମଧ୍ୟ ଆହତ ହୋଇଛନ୍ତି।
ଏହି ଘଟଣା ପରେ ସମସ୍ତଙ୍କୁ ପ୍ରଥମେ ମଣିଜଙ୍ଗା ହସ୍ପିଟାଲକୁ ନିଆଯାଇଥିଲା, କିନ୍ତୁ ଆକ୍ରମଣରେ ବିପିନ ଓ ତାଙ୍କ ପତ୍ନୀଙ୍କ ସ୍ଥିତି ଗୁରୁତର ଥିବାରୁ ଉଭୟଙ୍କୁ କଟକ ସ୍ଥାନାନ୍ତର କରାଯାଇଥିବା ବେଳେ ଝିଅକୁ ପ୍ରାଥମିକ ଚିକିତ୍ସା ପରେ ଘରକୁ ପଠାଇ ଦିଆଯାଇଛି। ଘଟଣାକୁ ନେଇ ଉଭୟ ପକ୍ଷରି ଥାନାରେ ଅଭିଯୋଗ ହୋଇଛି, ପୋଲିସ ମାମଲାର ତଦନ୍ତ ଆରମ୍ଭ କରି ଦେଇଛି।