ଆମେରିକାରେ ଦୁଇ ଦିନ ଭିତରେ 6 ମହିଳା ଶିକ୍ଷୟିତ୍ରୀ ଗିରଫ କରାଯାଇଛି। ଛାତ୍ରଙ୍କୁ ଜୋରଜବରଦସ୍ତି ଯୌନ ଶୋଷଣ ଅଭିଯୋଗରେ ଏହି ଗିରଫଦାରୀ ହୋଇଛି। ଏଲନ ଶେଲ (୩୮), ହିଦର ହାରେ (୩୨), ଏମିଲୀ ହ୍ୟାନକକ (୨୬), କ୍ରିଷ୍ଟେନ ଗାଣ୍ଟ (୩୬), ଆଲିଆଜ ଖେରାଡମାଣ୍ଡ (୩୩) ଓ ହେନା ମାର୍ଥ (୨୬)। ଏମାନେ ସମସ୍ତେ ଆମେରିକାର ବିଭିନ୍ନ ସ୍କୁଲରେ ଶିକ୍ଷାଦାନ କରିଥାନ୍ତି। ଛାତ୍ରଙ୍କୁ ସ୍କୁଲ ଭିତରେ ଓ ବାହାରେ ବାରମ୍ବାର ଯୌନ ଶୋଷଣ କରିଥିବା ଅଭିଯୋଗ ହୋଇଥିଲା।
ସୂଚନା ମୁତାବକ, ଡେନୱେଲର 38 ବର୍ଷୀୟା ଏଲେନ ଶେଲଙ୍କ ବିରୋଧରେ ଥାର୍ଡ ଡିଗ୍ରୀ ରେପ ଅଭିଯୋଗ ହୋଇଛି। ସେ ଦୁଇ 16 ବର୍ଷର ବାଳକଙ୍କୁ ତିନି ଥର ଯୌନ ଶୋଷଣ ଦେଇଥିଲେ। ଏହି ଘଟଣା ପଦାକୁ ଆସିବା ପରେ ସ୍କୁଲ କର୍ତ୍ତୃପକ୍ଷ ତାଙ୍କୁ ଛୁଟିରେ ରହିବାକୁ ନିର୍ଦ୍ଦେଶ ଦେଇଥିଲେ। ପରେ ସେ ଗିରଫ ହୋଇଛନ୍ତି। ସେହିପରି ଆମେରିକାର ଦକ୍ଷିଣରେ ଥିବା ଏକ ସ୍କୁଲରେ ହିଦର ହାରେ ଶିକ୍ଷୟିତ୍ରୀ, ଓକଲାହୋମାର ଏକ ସ୍କୁଲରେ ଏମିଲୀ ହ୍ୟାନକକ ପଢାଉଥିଲେ, ଡେ ମୋଇନର ଏକ କ୍ୟାଥୋଲିକ ହାଇସ୍କୁଲରେ ଇଂରାଜୀ କ୍ରିଷ୍ଟେନ ଗାଣ୍ଟ, ଜେମ୍ସ ମେଡିସନ ହାଇସ୍କୁଲର ଆଲିଆଜ ଖେରାଡମାଣ୍ଡ, ପେନସିଲଭେନିଆର ଏକ ସ୍କୁଲର ଜାଭଲିନ କୋଚ୍ ଛାତ୍ରଙ୍କୁ ଯୌନ ଶୋଷଣ କରିଥିବା ଅଭିଯୋଗ ପରେ ସେମାନଙ୍କୁ ଗିରଫ କରାଯାଇଛି।
ଆମେରିକାରେ ନିକଟ ଅତିତରେ ମଧ୍ୟ 6 ଜଣ ବିରୋଧରେ ମଧ୍ୟ ଅଭିଯୋଗ ଆସିବା ପରେ ସେମାନଙ୍କୁ ଗିରଫ କରାଯାଇଥିଲା।
