ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ଖେଲୋ ଇଣ୍ଡିଆ ୟୁନିଭର୍ସିଟି ଗେମ୍ସ ଉଦଘାଟନ ସମାରୋହରେ କଣ୍ଠଶିଳ୍ପି କୈଳାଶ ଖେର ନିଜ କ୍ରୋଧକୁ ନିୟନ୍ତ୍ରଣ କରିପାରିନଥିଲେ । ସେ ଲକ୍ଷ୍ନୌର ବିବିଡି ଠାରେ ସମାରୋହ ଅବସରରେ ଆୟୋଜକଙ୍କୁ ଠିଆ ଠିଆ ଶୁଣାଇଛନ୍ତି ।
ଭାଇରାଲ୍ ଭିଡିଓରେ ଖେର କ୍ରୋଧିତ ହୋଇଯାଇଛନ୍ତି କାରଣ ଆୟୋଜକ ତାଙ୍କୁ ଏକ ଘଣ୍ଟା କାଳ ଅପେକ୍ଷା କରିବାକୁ କହିଥିଲେ । ତେଣୁ ସେଠାରେ ଥିବା ଦର୍ଶକଙ୍କୁ ସେ ଭଦ୍ରାମୀ ଶିଖିବାକୁ କହିଥିଲେ । ସେ କହିଥିଲେ, ଏହା କେମିତି ଖେଲୋ ଇଣ୍ଡିଆ, ଏହା କଣ ଏମିତି ହୁଏ? ଏହା ଏମିତି କାମ କରେ ନାହିଁ । ସେ କହିଛନ୍ତି କଳ୍ପନା କରନ୍ତୁ ଯେ ଜଣେ ତାରକାଙ୍କୁ ଏତେ କଷ୍ଟ ସହିବାକୁ ପଡିଲା । ଖେଳାଳି ମାନଙ୍କୁ କେତେ କ୍ଷତି ସହିବାକୁ ପଡୁଥିବ । ଖବର ଅନୁଯାୟୀ, କୈଳାଶ ଖେର ପ୍ରାୟ ଏକ ଘଣ୍ଟା ଧରି ଟ୍ରାଫିକ ଜାମରେ ଅଟକି ରହିଥିଲେ ଯାହା ତାଙ୍କୁ କ୍ରୋଧିତ କରିଥିଲା ।