ଝାଡଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ସମସ୍ୟା ବଢିବାରେ ଲାଗିଛି।ପ୍ରବର୍ତ୍ତନ ନିର୍ଦେଶାଳୟ (ଇଡି) ର ଏକ ଟିମ୍ ସୋମବାର ଦିନ ଜମି ଜାଲିଆତି ମାମଲାରେ ମନି ଲଣ୍ଡରିଂ ଯାଞ୍ଚ ସମ୍ପର୍କରେ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ଦିଲ୍ଲୀର ବାସଭବନରେ ପହଞ୍ଚିଥିଲେ। ୧୩ ଘଣ୍ଟାରୁ ଅଧିକ ସମୟ ସେଠାରେ ଛାଉଣି ପକାଇଥିଲେ | ଏହି ସମୟରେ ଇଡି ଟିମ୍ ପରିସର ଭିତର ଖୋଜାଖୋଜି କରିଥିଲେ।ସୂଚନାଅନୁଯାୟୀ ଯେ ଏହି ସମୟ ମଧ୍ୟରେ ଇଡି ଦଳ ହେମନ୍ତ ସୋରେନଙ୍କ ବିଏମଡବ୍ଲୁ କାର ଏବଂ କିଛି ଡକ୍ୟୁମେଣ୍ଟ ନେଇ ଯାଇଥିଲେ। ବିଜେପି ହେମନ୍ତ ସୋରେନଙ୍କୁ ଚାପ ପକାଉଛି । ଏଥି ସହିତ ପରିବାର ଏବଂ ଝାଡଖଣ୍ଡ ମୁକ୍ତି ମୋର୍ଚ୍ଚା (ଜେଏମଏମ) ନେତାମାନେ ହେମନ୍ତ ସୋରେନଙ୍କୁ ବଦନାମ କରିବା ପାଇଁ ଏହାକୁ ଏକ ଯୋଜନାବଦ୍ଧ ଷଡଯନ୍ତ୍ର ବୋଲି କହିଛନ୍ତି।
ବିଶେଷ ସୂତ୍ର ଅନୁଯାୟୀ ସୋରେନ ନିଖୋଜ ଅଛନ୍ତି ଏବଂ ଅନୁସନ୍ଧାନକାରୀ ସଂସ୍ଥା ତାଙ୍କ ସହ ଯୋଗାଯୋଗ କରିବାରେ ସକ୍ଷମ ହୋଇ ନାହାଁନ୍ତି, କିନ୍ତୁ ସୋରେନଙ୍କ ପରିବାରର ଜଣେ ସଦସ୍ୟ ଏହି ଘଟଣାକୁ ଝାଡଖଣ୍ଡ ମୁକ୍ତି ମୋର୍ଚ୍ଚା (ଜେଏମଏମ) ନେତାଙ୍କୁ ବଦନାମ କରିବା ପାଇଁ ଏକ ଯୋଜନାବଦ୍ଧ ଷଡଯନ୍ତ୍ର ବୋଲି କହିଛନ୍ତି। ପରିଚୟ ସର୍ବସାଧାରଣ ଗୋପନ ରଖିବା ସର୍ତ୍ତରେ ପରିବାର ସଦସ୍ୟ କହିଛନ୍ତି ଯେ ସୋରେନ ଇଡି ସହ ନିରନ୍ତର ଯୋଗାଯୋଗରେ ଅଛନ୍ତି ଏବଂ ଜାନୁଆରୀ ୩୧ ରେ ଦ୍ୱିପ୍ରହର ୧ ଘଟିକା ସମୟରେ ତାଙ୍କ ବାସଭବନରେ ତାଙ୍କ ବିବୃତ୍ତି ରେକର୍ଡ କରିବାକୁ ନିଜେ ଇଚ୍ଛା ପ୍ରକାଶ କରିଛନ୍ତି।